رواية لم تكن اختياري الفصل الأول 1 - بقلم حياة الكيوت

انتي اتجننتي يا حنين بتحبي خطيب اختك !!! حنين: يا ماما ابوس ايدك افهميني أنا بحب سامر. سميرة بصدمة وعصبية: إياك تقولي كلامك الماسخ ده قدام حد تاني فاهمه؟ حنين: يا ماما بس. سميرة بحدة: فاهمه؟ حنين باستسلام: فاهمة. سميرة: وإياكي تعملي حركات كده أو كده عشان تبوظي الجواز، وإياكي تنسي إنك مخطوبة لأخوه. حنين: يا ماما بس انتي عارفة إني بحب سامر مش أسر، ومش هقدر أكمل معاه وأنا بحب أخوه اللي هو خطيب أختي.

سميرة تديها قلم على وشها. وبتجري على غرفتها بتعيط. مريم وقد سمعت الكلام: يا ماما مش هينفع تتجوزي أسر وهي عينها على أخوه. سميرة: أخوه اللي هو خطيبك. مريم بضيق: عارفة يا ماما بس حنين بتحبه. سميرة: مش بمزاجها، بعدين سامر بيحبك انتي، مش هي، هتصغري كلمة أبوكي عشان أختك؟ مريم: أبداً مستحيل أصغر كلمة بابا، أنا هتجوز سامر. كانوا بيتكلموا ومش حاسين بحنين اللي بتتسمع عليهم.

الجد بابتسامة فرح: أحفادي العرسان، أنا حددت ميعاد كتب الكتاب من أحمد، مبروك. أسر وسامر بفرحة: الله يبارك فيك يا جدو. الجد: بالأول كتب كتاب أسر وهيكون يوم الأحد الجاي بإذن الله. بعديها بشهرين زي ما اتفقنا كتب كتاب سامر من مريم، وعلى طلب أبوهم بدل الفرح هتعملوا عمرة. أسر في تفكيره: وأخيراً يا حنين هتبقي من نصيبي. ولكن هل القدر ليه رأي تاني؟ أسر بيفتح التليفون

وبيبعت رسالة واتس لحنين: مبروك، كلها 3 أيام وتكوني من نصيبي ♥️. بتكون ماسكة التليفون بتقرا الرسالة وهي عيونها مليانة دموع، بتروح تعمله بلوك وبتقفل. بيشوف إنها شافت الرسالة بيقول يمكن مكسوفة وبيضحك وبيقفّل. يوم كتب الكتاب. أسر وهو بيطلع جري: عندي مهمة كبيرة أوي يا جدو، مضطر أروح. الجد: بس النهارده كتب كتابك!!! أسر: المهمة كبيرة أوي مش هينفع أروح، روح انت يا جدي واكتب الكتاب نيابة عني وجيبها. الجد: ماشي، ترجع بالسلامة.

أسر: الله يسلمك يا جدو. الجد: يلا يا مريم يا بنتي اطلعي نادي على أختك. مريم: حاضر يا جدو. مريم وهي بتنزل بصدمة وخوف: الجد والأم والأب بصدمة: ايييييييييييييه. عند أسر بيرجع بالليل متأخر أوي. أسر: ها يا جدو بشر. الجد بابتسامة فرح: عروستك فوق يا ابني. أسر بفرحة: أنا طالع لها. أسر بعد ما طلع. أسر: وأخيراً يا حنين بقيتي من نصيبي، في إيه منزلة وشك كده؟ وبيرفع وشها. أسر بصدمة: مريم!!!