رواية لم تكن اختياري الفصل الثالث 3 - بقلم حياة الكيوت

سامر : خلاص طلقها دلوقتي!!! وأنا مسامحك. أسر : مش هينفع أطلقها من أول يوم. دي بنت ناس بالأول والأخير ومالهاش ذنب. الجد بصدمة : أنت إزاي تطلب من أخوك طلب زي ده يا سامر؟! أنا سكت قبل شوية عن شوية كلام فارغ اللي بتقوله، بس مش يعني إنك تتمادى!!! سامر : يبقى افتكر كلامي يا أسر. هحرق قلبك زي ما حرقت قلبي. أسر : أنت إزاي شايف كده إن صح أطلق البنت من أول يوم ليها وهي ذنبها إيه طيب؟

سامر : مش عارف ومش مهم. بعدين بعد ما تطلقها هخلي عدتها تخلص وأتجوزها. الموضوع... أسر : بما إنك شايف كده يبقى أعلى ما في خيلك اركبه!!! وبيطلع على فوق وبيسيب أخوه وهو شايط نار. سامر وهو بيبص لأسر وهو طالع لفوق : والله هحرق قلبك استنى وشوف. وبيطلع بيسيب البيت. الجد بجمود : مكنش قصدي أفرق بينكم، بس ده الصح اللي لازم يحصل!!! أسر طلع على أوضته لقى مريم قاعدة على الأرض وبتعيط. أسر بخضة : مريم مالك؟؟

مريم ببكاء : أنا سمعت كلامكم ده كله. بسببي أنا طلقني مش مشكلة، بس مش هكون خرابة بيوت. أسر بيتنهد : لا يا مريم ده مش بسببك انتي بالذات. ملكيش دعوة. بعدين بما إن ربنا اختارنا لبعض فايه رايك نعيش حياتنا وننسى الموضوع. مريم وهي بتمسح دموعها : صح كلامك. في الصباح بيصحى أسر ومريم على صوت صراخ تحت في البيت. مريم بخضة : هوا في إيه؟؟ أسر : مش عارف يلا ننزل نشوف. سامر بزعيق : أنت فين يا أسر؟؟؟ وريني نفسك!!! أسر وهو بينزل

من السلالم ومعاه مريم : في إيه يا سامر بتزعق على الصبح كده ليه؟؟ سامر : مش تباركلي الأول؟؟ أسر : مبروك على إيه؟؟ سامر : أنا اتجوزت. ادخلي يا حبيبتي البيت بيتك. ... وبتدخل. الكل بصدمة : حنيييييييييييييييييين!!!