رواية لم يفت الأوان الفصل الأول 1 - بقلم نو برينسيس

بقولك إيه، إحنا مش هنجيب شبكة ولا شقة، انتوا هتعيشوا معايا في الشقة بتاعتي. هتغيري بس أوضة النوم، وانتي اللي هتجيبي كل لوازمها. أو يعيش معاكي هنا في شقتك. نور بتنهيدة كبيرة: آه، وأي كمان يا طنط؟ نوال (أم العريس) : آه، أنا بصحى 7 الصبح، تصحي قبلي عشان تحضري ليا فطار وتروقي الشقة. نوال: أنا معنديش مانع إنك تشتغلي، بالعكس ده كويس عشان كلنا نساهم في مصاريف البيت. نور: حضرتك خلصتي؟ نوال: أيوه يا بنتي.

نور: طب اتفضلي من غير مطرود. نوال: انتي بتقولي إيه؟ نور! تعرفي طريق الباب ولا أعرّفهولك؟ نوال: انتي بتتأمري على إيه؟ أومال لو ما كنتيش عانس وعندك 30 سنة! نور بوجع يمزق قلبها من الكلمة: اتفضلي، اطلعي بره. نوال: أنا غلطانة إني سمعت من دعاء وجيت، خليكي، أفضلِ ترفضي، هتعيشي وتموتي لوحدك. نوال بتمشي، وبتفضل نور مع دعاء، اللي كانت ساكتة ومصدومة من اللي حصل. نور: انتي قولتيلي إن هيجيلي عريس، مش انتي اللي بتدوريلي على عريس؟

دعاء، بدموع: والله أنا نفسي أفرح بيكي، مش عايزكي تفضلي لوحدك، حقك عليا، أنا آسفة. نور: تفتكري لما أتجوز وأتنازل عن كل ده وأرضى، الموضوع هينتهي هنا؟ مش أنا لوحدي اللي هتنازل يا دعاء. عائلة كاملة. نور: انتي عارفة يا دعاء إني لوحدي، وانتي اللي فاضلة ليا يا صحبتي، من بعد أمي وأبويا. فعشان خاطري بلاش كل شوية تعملي كده. أنا نفسي أفرح بنفسي أكتر منك، بس أنا عايزة أفرح طول العمر، مش عايزة أفرح ساعة وأحزن بعدها العمر كله.

دعاء: أنا نفسي أشوفك فرحانة. نور: هبقى فرحانة لو وافقتي على اللي أنا عايزاه. دعاء: تاني يا نور؟ انتي برضو لسه في دماغك الهبل ده؟ نور: ده مش هبل، ده اللي أنا نفسي فيه فعلاً. نور: أنا عايزة فستان فرح، وعايزة أعمل سيشن، وكل ده من غير عريس. دعاء: أبوس إيدك، بلاش نرجع للهبل تاني. نور: وليه هبل؟ ليه ما تقوليش إن نفسي ألبس فستان فرح وأروح أعمل سيشن زي العرسان؟ آه، مش هيبقى معايا عريس، بس على الأقل هحس إحساس أنا محرومة منه.

دعاء بعد ما سمعت كلام منيرة اللي يقطع القلب: دعاء بصي يا بت، أنا والبنات هنعملك أحلى سيشن، وهتلبسي فستان فرح وهتفرحي. تاني يوم في السيشن. أميرة (صاحبة نور) : افرحي يا عروسة! أنا العريس! يا عروسة! يا عروسة! أنا العريس! الفرح بيخلص وأصحاب نور بيمشوا، ما عدا دعاء. دعاء: يلا بينا. نور: لا، روحي انتي عشان أولادك تعبوا أوي، يعني من كتر اللعب النهاردة. وجوزك اللي عمال يضحك من الصبح عليا ده. دعاء: مش هسيبك تروحي لوحدك.

نور: يابنتي، أنا معايا العربية وهروح على طول، علشان خاطري روحي. دعاء بتسيب نور وبتروح، ونور بتركب عربيتها وبتمشي. نور: الله، شكل النيل حلو أوي، أما أنزل أقعد شوية. نور بتنزل بفستانها الأبيض وبتنزل تقعد على الكورنيش. نور: وبعدين يا نور، لبستي الأبيض زي ما اتمنيتي؟ أومال مالك مش فرحانة ليه؟ مع إنك كنتي هتموتي وتلبسيه. بس انتي لازم تفكري بطريقة إيجابية، عادي يعني، يعني إيه؟ عندي 30 سنة وما اتجوزتش؟

ما أنا على الأقل لبست فستان فرح وفرحت. فجأة دموعها بتنزل، وفي إيد بتتمد تمسح دموعها. نور بخوف: انت مين؟ ومين اللي سمحلك تلمسني؟ أنا عامر يا ستي، واسمحيني إذا كنت لمستك، بس أنا بقالي ساعة قاعد وراكي، لما دماغي ورمت من كتر الصداع. انتي مبتفصليش؟ نور بضحكة اترسمت على خدودها: عامر؟ أيوه كده، بعدين هو الخسران على فكرة. نور: هو مين؟ عامر: الحيوان اللي سابك يوم فرحك. انتي بس قوليلي اسمه وأنا هتصرف.

نور لسه هتتكلم، راحت جاية عربية سودة فاخرة، وعامر كان لازم يمشي. عامر: معلش بقى، لازم أمشي. بس لو اتقابلنا تاني، لازم تعرفيني عنوان الحيوان اللي ساب القمر ده لوحده كده. نور: يابني اسمع. عامر: اسمع إيه بس؟ أنا لازم أمشي. يلا قومي معايا، لازم تروحي، الوقت اتأخر، وقعدتك دي مش حلوة. عامر وصل نور للعربية، واتأكد إنها مشيت، وراح راكب العربية وماشي.