رواية لم يفت الأوان الفصل الرابع 4 - بقلم نو برينسيس

بعد 5 ساعات، نور بتقوم تلاقي نفسها في أوضة نوم كبيرة، وفي إيد صغيرة ماسكها. نور: أنا فين؟ تامر: أنتي في أوضة بابا عامر. نور: أنت ابنه؟ تامر: أيوه، اسمي تامر وبيقولولي ياتيمو. نور: ماشي ياتيمو... فين ماما؟ تامر: عند ربنا. نور بتاخد تيمو في حضنها. تامر: هو أنتي ماما الجديدة؟ نور بتسيب تامر وبتطلع بره البيت خالص. بتلاقي قصادها تل كبيرة وتحت البحر، ومفيش أي حاجة حواليها. عامر: إيه، عايزة تنتحري؟ نور: إيه المكان ده؟

وأنا إزاي لسه عايشة لحد دلوقتي؟ عامر: عشان دي ماكنتش طلقة رصاص، دي مخدر. نور: أنت عايز مني إيه؟ عامر: لو عليا بصراحة، نفسي أخلص منك في اللحظة دي قبل اللحظة اللي جاية. نور: يعني أنا اللي مقطعة نفسي عشان أفضل معاك؟ أنا همشي. عامر: أنا مش هحبسك، وعايزة تمشي تمام، بس مش هتعيشي. نور: يعني إيه؟ عامر: يعني أنتي طول ما أنتي معايا، فأنتي عايشة. لكن بمجرد ما تسيبيني، هتموتي. نور: يعني إيه؟

عامر: يعني قصادك اختيارين، يا تعيشي هنا، يا تموتي. نور: أنا مش فاهمة حاجة، ليه أموت؟ أنا عملت إيه؟ عامر: بمجرد أنك بقيتي معايا والشرطة شافتك، فأنتي ميتة. نور بتقعد على الأرض وبتعيط. عامر: هتقعدي تعيطي طول الليل؟ اختاري يلا. نور بتقوم وتمسح دموعها. نور: موافقة، بس عندي طلب أخير. عامر: قول. نور: عايزة أروح أطمّن دعاء عليا، هي اللي بقايا ليا من أهلي، على الأقل أخليها تعرف أني عايشة وبس.

عامر: موافق، بس لعشر دقايق بس، وبعد كده هترجعي تقعدي هنا بقية عمرك. نور: موافقة. عامر بياخد نور وبيطلع على بيت دعاء في الفجر. عامر: هستناكي هنا. نور لسه هتمشي، عامر بيمسك إيديها. عامر: افتكري كويس، عشر دقايق بس. دعاء بتفتح للنور. دعاء بتاخد نور بالحضن وبتدخلها جوه وتقفل الباب. ولسه نور بتخرج من حضن دعاء، بتلاقي رجل من الشرطة قاعد. الظابط أكرم: نور، كنت عارف أنك هتيجي.

فلاش باك: لما نور الشرطة جت تاخدها من البيت على القسم، وعامر خطفها. الظابط أكرم: الشخص اللي في العربية اللي ورانا هيخطفك دلوقتي. كل اللي عليكي، أول فرصة ترجعك لبيت دعاء. ابعتي رسالة على الرقم ده. الفلاش باك بينتهي. نور: أنتو عايزين مني إيه؟ أكرم: عايزين عامر. نور: طب ماهو قدامكم بره، اقبضوا عليه. أكرم: عامر قاتل محترف، وما بيسيبش وراه دليل واحد. نور: والمطلوب؟ أكرم: تبقي جاسوسة لينا، وتنقللّنا كل حاجة عن عامر.

نور: إزاي؟ أكرم: كل حاجة هتعرفيها بعدين. لازم تعرفي أننا معاكي. عامر بيخبط على الباب. عامر: وقتك انتهى، يلااا. نور بتخرج وهي بتودع دعاء وبتركب مع عامر وبتمشي. عامر في نص الطريق بيقف. نور: وقفنا ليه؟ عامر بيطلع شنطة فيها لبس وبيرميها لنور. عامر: البسي الهدوم دي. نور: ليه؟ عامر: بقولك البسي الهدوم دي. هتطلعي بره العربية شوية، انجزي بسرعة. نور بتخلص وبتنادي على عامر. عامر: انزلي.

في ثواني بيكون في عربية تانية، وعامر بيبدل العربيات. عامر: ارمي التليفون اللي في إيدك ده. نور: ليه؟ عامر: بقولك ارميه. عامر: اركبي العربية. عامر: نور. نور: أيوه. عامر: وارمي كمان الكارت بتاع الظابط أكرم. نور بصدمة 😲