رواية لم يفت الأوان الفصل الثامن عشر 18 - بقلم نو برينسيس

كان عامر يمسك السكينة ورايح بيها على رقبته. نور كانت بتصرخ: "لا لا لا! وفجأة، عامر نزل بالسكينة على الأحبال اللي مربوطة في إيد نور. عامر شال الجهاز من على دماغه ورماه للبارون. البارون بصدمة: "إزاي؟ البارون: "يا حارس امسكوهم كويس! البارون خلى الحراس يمسكوا عامر ونور عشان ما يهربوش. البارون

كان بيكلم نفسه بصوت عالي: "لا لا مستحيل. الآلة آخر مرة جربتها على رشاد كانت شغالة وبعدها ريم قفلتها وهربت. معنى كده إن ريم غيرت النظام؟ إزاي قدرت تعمل كده؟ البارون بصوت عالي وصريخ: "رررررررررررررررررررررررررررررررررررررررررررررررررييييييييم! البارون ما بيئسش وبيفتكر إن ريم ممكن تكون غيرت الآلة إنها ما تقتلش عامر وبس عن طريق رؤية صورة عامر على الماسح.

وبالفعل، البارون دخل في حالة صدمة وطلب من حارس من الحراس يلبس الخوذة عشان يعرف هي الآلة شغالة بـ استثناء عامر أو لأ. الحارس: "البس إيه يا باشا؟ إزاي؟ البارون طلع المسدس: "لو ما لبستش الخوذة برضاك، هتلبسها بالعافية." وراح ضارب رجل الحارس بالرصاص ولبسه الخوذة بالعافية. البارون ضغط على الآلة: "اقتل نفسك." لكن الحارس ما سمعش الأوامر. والزرار ما بينورش باللون الأحمر عشان يدي الأمر للعقل.

البارون من الصدمة جرب الآلة على كل اللي في القصر وبرضه النتيجة واحدة. عامر وهو ماسك السكينة والحراس: "خلاص لعبتك خلصت والآلة مش هتشتغل. انت خسرت سيادة العالم الكبير." البارون بانهيار وهوس: "اسكت اسكت! البارون ما بيخسرش أبداً. أنا هفضل طول عمري الأول والعالم رقم واحد في مصر. أنا الأول! البارون أخد الخوذة ولبسها. ومن كتر ما هو بيعمل كل حاجة بسرعة وعمال يحاول، الزرار الأحمر بينور.

عامر لاحظ ده، وساعتها عرف إن ريم قفلت الآلة وخلت صورة أبوها بس هي اللي محفورة جوه الآلة. ولو البارون لبس الخوذة وحد... أمرُه بشيء، البارون هينفذ الأمر على طول. عامر فك نفسه بسرعة. عامر بصوت عالي: "كامل البارون! البارون بص. عامر رمى السكينة عليه. البارون مسك السكينة في إيده ومبقاش فاهم. ولسه بيبص، بيلاقي الآلة شغالة والزرار الأحمر متفاعل. البارون لسه بيلحق يقلع الخوذة. عامر: "ادبح نفسك بالسكينة."

البارون مسك السكينة ودبح نفسه من رقبته، زي ما دبح ريم بنته بأديه. بس المرة دي كانت بالآلة بتاعته. نور شافت المنظر. عامر خدها في حضنه وودى وشها الناحية التانية. البارون مات والحراس رفعوا الأسلحة على عامر ونور. عامر بسرعة واطي. نور بتواطي. وعامر بيجري على الحراس وبيفضل يقتل واحد ورا التاني. وفجأة حارس جه عشان يضرب نور، لكن نور ضربته. نور بسعادة: "عامر! أنا ضربت واحد! ضربت واحد!

ولسه بتكلم، جه حارس تاني من وراها ولسه هيضربها بالنار. عامر لحقها وضربه. عامر خلص عليهم ونور وعامر طلعوا يجيبوا تامر وخلاص هيمشوا. عامر وقف. نور: "وقفت ليه؟ إحنا لازم نمشي من هنا بسرعة." عامر: "لا، الآلة دي لازم تدمر." نور: "الآلة خلاص يعتبر اتدمرت." عامر: "اللي يخلي ريم تقدر تطور الآلة قوي كده، يخلي أي عالم تاني في قدرتها إنه يشغلها تاني. وأنا لا يمكن أسمح إن يتولد بارون تاني على الأرض."

عامر دخل، ونور وتامر بيستنوه بره. نور فجأة افتكرت إن كل اللي جوه ماتوا، بس الدادة لسه عايشة. نور سابت تامر وجريت على جوه تلحق عامر. عامر لسه هيدمر الآلة. الدادة جت بالمسدس وبقت واقفة وراه ولسه هتضرب بالنار. نور مسكت المسدس وضربتها الأول. عامر بص وراه، لقي نور ماسكة مسدس والدادة على الأرض ميتة. عامر قرب من نور اللي إيديها بترتعش وخايفة. عامر: "نور، أهدي. نزلي السلاح خلاص يا حبيبتي، ما حصلش حاجة."

"بصي، أنا هقرب منك أهو وهكون معاك." عامر أول ما بيتمكن من نور، رمى المسدس اللي في إيديها وخدها في حضنه. نور: "عامر، في ريحة غاز." فجأة سمعوا صوت الدادة وهي بتضحك آخر ضحكة ليها، وفهموا إن الدادة كانت عايزة تحرق القصر. الدادة: "هتموتو كلكم! هتموتو كلكم! وتروح ميتة. عامر: "اطلعي يا نور." نور: "مش هسيبك لوحدك." عامر: "اطلعي يا نور، صدقني أنا هطلع وراكي على طول." نور: "يا نطلع سوا، يا نموت سوا."

عامر ونور سمعوا صوت انفجار في المطبخ والنار بقت في كل مكان. عامر مسك نور ورميها بره ورجع وراح قافل باب القصر. عامر طلع يدمر الآلة وفضل يكسر فيها لحد ما بقت عبارة عن خردة. نور وهي واقفة قصاد القصر وتامر في إيديها، بتبكي. ولسه هتقرب، القصر بينفجر كله. نور بصرخة واحدة: "عااااااااااااااااااااااااااااااااااااااااااااااااااااااااااااامر!