رواية لم يحبني يوما الفصل الأول 1 - بقلم يارا علاء

في بيت كبير كان الكل متجمع أثر الصراخ اللي في الغرفة. سماح والدة اسر: فين اسر؟ إزاي ميجيش دي مراته بتولد. هبه بنتها: معرفش يا ماما، مش راضي يرد عليا. سماح: طب هاتي أكلمه. سماح: الو يا اسر، انت فين؟ انت مش عارف إن مراتك بتولد ولازم تكون موجود. اسر ببرود: في الشركة. وبعدين هي مش أول ولا آخر واحدة بتولد عشان أسيب شغلي وأجي أقعد جنبها لحد ما تولد. سماح: انت إيه يا بني؟ بقولك مراتك مش بنت جايبينها من الشارع.

اسر بسخرية: معاكي حق، مراتي اللي جوزتهالي بعد موت مراتي بشهر واتحججتي بمرضك عشان أتجوزها. سماح بعصبية: يعني انت عايزني أعمل إيه؟ لما أشوف حالة ابني وحشة. وبعدين الحي أبقى من الميت. مش كفاية في اللي كنت بتعمله في الغلبانة اللي فوق دي. اسر: أعمل اللي أنا عايزه، محدش ليه دعوه. مراتي وأنا حر. سماح بزعيق: أقسم بالله يا اسر لو ما رجعت على البيت دلوقتي، لا انت ابني ولا أعرفك. (في الشركة)

اسر اتعصب وفضل يكسر في كل حاجة حواليه. لغاية لما دخل أكرم صاحبه وهو مصدوم. اكرم بصدمة: في إيه يا اسر؟ إيه كل ده؟ ما انت صحيح مش همك، ما انت على قلبك قد كده. اسر بعصبية: أكرم مش وقته، متعصبنيش. اكرم بهدوء: مالك؟ إيه معصبك؟ اسر بضيق: أمي اتصلت وعاوزاني أروح عشان الهانم بتولد. اكرم: اسر انت مستوعب انت بتقول إيه؟ طبيعي هتتصل عشان مراتك بتولد، يبقى لازم تكون معاها.

اسر بغضب: متقولش مراتي، هي مش مراتي دي مجرد واحدة اتجوزتها عشان أرضي العيلة مش أكتر. أنا مراتي ماتت، فاهم؟ اكرم بحزن: اسر انت هتفضل عايش على ذكراها؟ مش كفاية اللي بتعمله في رنا مراتك؟ هي ملهاش ذنب. اسر قعد بضيق: أنا مش قادر يا أكرم، صدقني مش قادر أتقبلها في حياتي. اكرم وهو بيحط إيده على كتف اسر قال: قوم يا اسر روح البيت. ربنا يريح قلبك يا صاحبي، قوم. اسر قام بقلة حيلة ومشي.

بعد قليل وصل اسر ونزل من عربيته ودخل البيت وسمع صراخها اللي ملأ البيت. امه وهي بتقرب منه وبتبصله بغضب: روح كلم جدك، هو في المكتب. ذهب اسر ببرود ودخل المكتب لاقى جده وأبوه اللي قاعدين بغضب. جده بعصبية: إيه يا أستاذ؟ محتاج دعوة؟ مراتك بتولد وانت مرزوع في الشركة. اسر ببرود: يعني أعمل إيه؟ أروح أولد مكانها. محمود أبو اسر: اسر احترم نفسك واتكلم عدل. جده كان هيتكلم بس سمعوا صراخ طفل وحد بيزغرط. راحوا طلعوا واسر ماشي ببرود

راح لاقى أمه بتقرب وبتقول: ألف مبروك يا حبيبي، مراتك جابت ولد زي القمر. اسر ببرود: الله يبارك فيكي. محمود: اطلع لمراتك يا اسر وشوف ابنك. اسر طلع ودخل الأوضة لاقي رنا نايمة وباين عليها التعب. قرب ولاقي ابنه على السرير جنبها فشاله. اسر قرب من ودنه وأذن له. ورنا صحيت من صوته لاقت اسر شايل الولد. راحت قالت بتعب: اسر ممكن تجيبه؟ عايزة أشوفه. اسر ببرود راح عندها وحطه بين إيديها.

رنا بفرحة: الله ده جميل قوي يا اسر، ما شاء الله. اسر: رنا أنا عايز أقولك حاجة. رنا باستغراب: حاجة إيه. اسر: ...