رواية لم يكن عالمي الفصل السادس والثلاثون 36 - بقلم شيماء شاكر

همس بصتله بصدمه: خالد؟!!!! خالد أبتسم بشر: خليني أحكيلك القصه من الأول. من سنتين، سنتين ونص، بنت اشتغلت في شركة كبيرة. من أكبر شركات الاستيراد والتصدير في الوطن العربي. كانت بتخاف جدًا من صاحب الشركة. وكان من وجهة نظرها إن التعامل معاه صعب جدًا. همس حطت إيديها على راسها بألم. صور مش واضحة بقت تروح وتيجي قدام عيونها. وأصوات في ودنها بتظهر وتختفي. وكان مع كل كلمة خالد يقولها، يمر في تفكيرها ذكرى للموقف ده.

همس غمضت عيونها وفتحتها تاني وبصت بتوهان لخالد اللي بيتكلم. هي تقريبًا مش سامعاه. هي بتشوف ذكرياتها القديمة مع مالك. شركة الحديدي. النسمة الساقعة. خوفها وارتباكها من مالك الحديدي. أفعال محمود وحبه المريض ليها. الدكتور محمد. حبها لمالك. اكتشفت إنه من مصاصي الدماء. كل المشاكل اللي واجهتها معاه. حتى تهديد ابن عمها ليها. البوليس اللي قبض على مالك واكتشافهم إنه وحش. حسام وياسين. لغاية يوم الانفجار.

همس حست إن رجليها مش شيلاها. قعدت على ركبتها. ودموعها نزلت جامد. خالد أبتسم لما شاف انهيارها بالطريقة دي وكمل: ومن حظ حسام السيء، إن طلقة منه جت في خزان بنزين العربية وفاجئته. ياسين أبتسم بجانبه وكمل: وفاجئته بوووم. همس اتفزعت بخضة مع كلمة خالد، كأن الانفجار حصل دلوقتي. خالد بابتسامة شر: وطبعًا البنت دي تبقى. همس دموعها نزلت بتوهان وخلاص هي على حافة الانهيار وكملت: والبنت دي تبقى. تبقى أنا.

ياسين ضحك بشر: برافو. بجد برافو. بصراحة وفرت عليا شرح كتير. وبما إنك افتكرتي، انتي دلوقتي فهمتي أنا عايز إيه. خالد كمل بابتسامة جانبية: خليني أشرحلك. متأكد إن مالك ملحقش يحكيلك اللي حصل وهو مسجون. ياسين طلب منه يستلم بداله شحنة كبيرة من السلاح، بمقابل إنه يمسح كل ملف إجرامه. مالك وافق. همس بصت لخالد بصدمة ودموع: معقول مالك وافق؟ معقول مالك يوافق يدمر البلد بسبب نفسه؟

ياسين كمل بغيظ: كل كلامه معايا إن أهم حاجة عنده يخرج من السجن. وميهمهوش الباقي. بس يوم استلام الشحنة، كل الخطة باظت وبسببه. بسبب مالك. همس اترسم على وشها علامات الاستغراب. ياسين بغيظ: كان متفق مع حسام. وقبضوا عليا متلبس. وده كله بسبب مالك. لولا غدره بيا مكنتش هكون هربان من السجن دلوقتي. همس ابتسمت

وسط دموعها وبصوت مهزوز: انتوا بتقولوا إن مالك وحش. مالك كان قدامه أسهل الطرق، ولاكن اختار الصعب. اختار ميبعش بلده. وبعد ده كله مسلمش من حسام. لولا مالك، مكنش حسام قدر يقبض عليك. وبرضه مسلمش منه. همس بدموع وكره: أنا خايفة أكرهكم. حقيقي خايفة أكره البشر. إحنا الوحوش، مش مالك أبدًا. مالك عمره ما أذاه حد، إلا اللي ما يكون أذاه الأول. حتى دلوقتي. مالك لو أذاه حد فبسببكم. حرام عليكم بقى. ارحموه.

ياسين بضيق: وغدره بيا. لاء مستحيل أرحمه. همس دموعها نزلت وبصت لخالد بحزن: وانت يا خالد. أنا كنت مكسوفة جدًا منك. كنت بفكر ليل نهار أزاي أرد فضلك عليا. خالد ببرود: أنا مليش في الدراما. ولا بتاع حب. أوعى تكوني فكرتي إني بحبك بجد والحوارات دي. توء توء. همس بصت لخالد باستغراب لكلامه.

خالد كمل بابتسامة جانبية: أنا لما شوفتك غرقانة في دمك، وديتك المستشفى. ودورت وراكي. عرفت إنك مرات مالك الحديدي. انتي فاهمة يعني إيه مالك الحديدي. وإمبراطورية مالك الحديدي. ولما بحثت أكتر، قدرت أعرف إن بعد جوازك منه، مالك نقل كل ثروته ليكي بعد مماته. بلدي كده. لو مالك جراله أي حاجة ومات، الثروة بتاعته كلها هتتنقل لاسمك. همس اتصدمت من كلام خالد. هي أول مرة تعرف الكلام ده.

خالد كمل بابتسامة شر: ساعتها فكرت. ياترى فين مالك؟ دورت في كل المستشفيات. مفيش أي أثر لمالك. قولت سهلة، هصبر سنة. لو مالك مظهرش، يبقى فعلًا مات. وساعتها هقدر أطلع شهادة وفاة مزورة. ساعتها همس هتكون أرملة مالك الحديدي. وكل الثروة. الشركات وعقارات. والفلل. حتى العربيات. هتتنقل لاسمك. ولما أنا أتجوزك. وأمضيّك على تنازل ليا. ساعتها كل حاجة هتكون باسمي. وبدل مالك الحديدي، هيكون خالد الشافعي.

خالد بغيظ: ولاكن ظهور مالك غير كل حاجة كنت راسمها. لما شوفته في الغابة، عرفت وتأكدت إنه فعلًا مش من البشر. وعشرته كلها في الغابة. وكمان قدرت أفهم إنه معرفكيش. معنى كده إنه. ياسين أبتسم وكمل: معنى كده إنه فاقد الذاكرة. وبما إنه فاقد الذاكرة وبعيد عن البشر، فكده هو ميت. خالد بشر: معنى كده إن هقدر آخد كل ثروته بس لازم. همس كملت بتوهان: تتجوزني. خالد وياسين ضحكوا باستفزاز. خالد بابتسامة شر: اتفضل يا شيخنا.

همس بتبص على الجهة اللي خالد بص فيها. لقت مؤذون خرج من الأوضة اللي خرجت منها. همس حطت إيديها على بقها بصدمة وقامت وقفت وبترجع لورا بزهول: لاء. لاء. خالد أنا متجوزة. مالك لسه عايش يا خالد. خالد قرب من همس ومسكها من شعرها: تعالي يا روح أمك. همس عياطها زاد وصريخها زاد: لاء يا خالد أبوس إيدك. أنا متجوزة. حرام عليك. خالد بيجر همس من شعرها تحت صريخها وقعد جنب المؤذون. المؤذون بلع ريقه بخوف من خالد وياسين. ياسين طلع سلاحه

وحطه على راس المؤذون: يلا ابدأ. المؤذون بخوف بدأ يكتب القسيمة. همس بصريخ: لاء. أرجوك. أبوس إيدك. يا شيخ قولهم إني متجوزة. كده حرام. لاااء. المؤذون بسرعة وخوف كتب القسيمة وناقص الإمضاء. خالد مضى. خالد ماسك همس من شعرها: امضي. همس بعياط: مستحيل. لو هتقتلني، مستحيل أمضي. مش هخليك تاخد تعبه. حرام عليك. مالك تعب على ما وصل لأملاكه. خالد ضرب همس بالقلم. همس وقعت من أثر القلم على الأرض بصريخ وعياط. اتعدلت وبقت

ترجع بإيديها ورجليها لورا: لو هتموتني من الضرب، مش همضي على حاجة. مستحيل أضيع كل تعبه. مستحيل. خالد بغيظ لسه هيضربها بالقلم تاني. ياسين بسرعة مسك إيد خالد وبصله بابتسامة: مش كده. خالد بصله باستغراب. ياسين مسك المؤذون وحط السلاح على راسه وبص لهمس: يلا امضي على القسيمة. همس حطت إيديها على بقها بصدمة. ياسين بزعيق: اخلصي. همس وقفت وبتهز راسها لاء: انتوا. انتوا وحوش. حرام عليكوا.

ياسين بغيظ ضرب طلقة جت في رجل المؤذون، اللي فضل يصرخ من الألم. همس صرخت بفزع ودموع: لاااء. ياسين: امضي. همس بعياط بصت بزهول على المؤذون اللي بيصرخ من الألم: حرام عليك. ياسين ضرب طلقة جت في الرجل التانية للمؤذون. همس صرخت بفزع: لااااء. ياسين بجمود: الطلقة التالتة هتكون في دماغه. همس بسرعة: لاء. لاء. حاضر. حاضر. همس بعياط: أنا همضي. خالد رمي أوراق قسيمة الجواز في وش همس.

همس مسكت القسيمة وبصت على المؤذون اللي بيصرخ من الألم. همس غمضت عيونها جامد بعياط. ومضت على القسيمة. خالد خد منه القسيمة وبص فيها بابتسامة شر: كده تعجبيني. خالد جاب أوراق تنازل ورماها في وش همس: امضي. همس بصت على الأوراق بعياط: أبوس رجلك. ارحميني. ارحم مالك. افتكر ربنا. خلي عندك رحمة. أبوس إيدك. خالد بغيظ: اخلصي يابت وإللي وديني وما أعبد، هخلص على المؤذون. أنا كده كده مبقتش محتاجه. همس بسرعة: لاء لاء. حاضر. حاضر.

همس مسكت ورق التنازل وبصت على المؤذون وبتفكر لو مالك كان مكانها. كان هيتنازل عن ثروته في سبيل إنه ينقذ روح ملهاش أي ذنب. همس مضت وهي متأكدة إن لو مالك مكانها كان عمل كده. بس صعبان عليها تعبه وأحلامه اللي هتروح من جرة قلم. خالد خد المسدس من ياسين وبص لهمس: خلاص مبقتش محتاجاكي يا همس. همس وقفت بعياط وكسرة. وبصت لخالد. خالد بابتسامة وجه المسدس على همس. وطلقة خرجت من مسدسه دخلت في كتف همس. وقعتها في البحر.

الدنيا فجأة قلبت وبقت تمطر جامد. خالد مسك المؤذون ورماه في البحر. ياسين وخالد ضربوا كف بكف وصوت ضحكهم عالي. همس وقعت في البحر ومستسلمة تمامًا. مفتحة عيونها وشايفة ذكرياتها مع مالك قدام عيونها. الدم بيخرج من كتفها وهي بتنزل للقاع أكتر. وكل ما تنزل الدنيا تضلم أكتر. غمضت عيونها بأستسلام. وفاجئه، لقت حد مسك أيديها وبيشدها لفوق. فتحت عيونها وغمضتهم تاني. ومش قادرة تستوعب إذا كان ده واقع أو خيال. ونسحبت للأغماء.

مالك بسرعة طلع بيها على وش الميه. وفضل يهز فيها: همس.. لا.. لن أسمح لكِ أن تتركيني. مالك جاب همس على ضهره وبدأ يعوم في الميه بكل سرعته. ومتجه لأقرب جزيرة ليه، اللي على بعد ٧ كيلو سباحة. مع جو ممطر، وبرق ورعد في السما. كان الجو صعب جدًا. ومع سرعة مالك قدر يوصل للجزيرة في وقت قياسي جدًا. من ١٠ دقايق لربع ساعة. مالك دخل الجزيرة ونيم همس على الشاطئ وبدأ يضغط على صدرها: هيا.. هيا.. لا تتركيني.. هيا يا همس. ولكن مفيش.

مالك دموعه لمعت في عيونه وبدأ يضغط أكتر وقال بصوت عالي: هياااا.. أرجوكي.. لاا تتركيني. مالك دموعه نزلت وقبض إيده وضربها على صدر همس بزعيق: هيااااااا. همس فاجئه: كح كح كح. مالك عدل همس بسرعة وبدأ بطنها على رجله. وبيضربها على ضهرها. همس بقت ترجع كل المايه اللي شربتها. ووشها أحمر من ترجعها وكحتها العالية. مالك نيم همس على ضهرها تاني لما هديت. همس بصت لمالك بتوهان وبعدها غمضت عيونها.

مالك بسرعة قام وشال همس وبدأ يدخل جوه الجزيرة أكتر. نيم همس جنب الشجرة وأعد جنبها. وقطعلها بلوزتها من عند كتفها. شاف الجرح. مالك داس على سنانه بغضب وبص على إيده. فاجئه ضوافره طولت وبقت حادة. همس صرخت بصوتها كله وبألم فوق المحتمل. وبعدها فقدت الوعي من الألم. مالك قلع التي شيرت بتاعه وقطعه وربط جرح همس جامد بحيث يوقف النزيف. بسرعة ساب همس وبدأ يجري بسرعته كلها في الجزيرة. لغايت ما لقي كوخ قديم جدًا.

مالك قرب من الكوخ بحذر لغايت ما وقف قدام الباب. مد إيده ولسه هيفتح الباب، لقي الباب وقع. الكوخ قديم. ومستحملش حد يعيش فيه. مالك دخل الكوخ وبدأ يدور جواه بحذر. لقي خشب كتير. وزي سرير صغير جدًا من القش. يشيل فرد واحد بس. ولقي حلة صغيرة. وسيخ من الحديد. مالك بسرعة خرج وأتسلق الأشجار وجاب فاكهه من على الأشجار. ده كله في ثواني. حط الفاكهه في الكوخ. وبسرعة كان قدام همس. في ثواني. شالها وراح لكوخ ونيمها على السرير.

مالك حط إيده على قلب همس. طمن نفسه أنها لسه بخير وقلبها بينبض. خرج بسرعة وجاب حجرين. وعلى كوم من الخشب بدأ يضرب الحجر في بعض. مالك بخنقة وبسرعة بيضرب الحجرين في بعض: هيا.. هيا هياااا. لغايت ما الحجر عمل شرز والخشب ولع. جاب بسرعة سيخ الحديد وحطه على النار. لغايت ما سخن جامد. السيخ بقى درجة حرارته عالية جدًا. مالك بص على السيخ وبعدها بص لهمس. مالك خد همس في حضنه وفك التي شيرت.

ومن غير تردد مسك السيخ بإيده لدرجة إن الدم بقى ينزل من إيده وحط السيخ على جرح همس. همس أتفزعت بصريخ: اااااااااااااااااااااااااااااااه. مالك مسك همس جامد ودموعه نزلت. وبيقسم في نفسه. أنهم هيتعذبوا على إيده.