رواية لم يكن من نصيبي الفصل التاسع 9 - بقلم يارا علاء

احمد بسخرية: جوزك اممم تمام. يمني: يعني هتاكل اجيب اكل. احمد بضيق: انا لو هموت عمري ما هاكل حاجه من وحدة ذيك بتكسر قلوب الناس على حسابها. احمد دخل الاوضة وهي قعدت وعنيها بتدمع لانها غلطت وهو معاه حق في كل كلمة. (بعد اسبوعين) كان احمد واقف بيجهز الشنطة عشان مسافر وهيستقر هناك وكانت يمني واقفة وحاسة بحزن فراحت عنده. يمني بحزن: احمد انت هتمشي. احمد: امال رايح اتفسح. يمني: طب ليه هتخليني يعني هتسبني لوحدي.

احمد ببرود: على اساس بيهمك وجودي. يمني بدموع: اه. احمد بسخرية: باين فعلا إنك بتهميني، أنا لو كنت بتهميني مكنتشي كسرتي قلبي. عارفة أكتر يوم كنت بتمناه يوم فرحنا، أخيرا بقيت مع حبيبتي ومراتي وحلالي بس حضرتك استخسرتي فيا الفرحة دي وكسرتي قلبي، لا وكمان مش جاهزة ولا عشان تحافظي على نفسك لحبيب القلب. عموما يا بنت الناس أنا مسافر وهستقر وورقة طلاقك هتوصلك بحقوقك وكل حاجة. يمني: احمد أرجوك اسمعني.

احمد سابها ومشي من غير ما يرد. يمني أول ما هو مشي انهارت وراحت اتصلت بـ مامتها وحكت ليها ومامتها قالتلها تيجي وراحت، وأول ما وصلت لاقت خالد في وشها. خالد بقلق: مالك بتعيطي ليه؟ هو احمد عمل فيكي حاجة. أم يمني طلعت ساعتها ويمني أول ما شافتها اترمت في حضنها. يمني: مشي يا ماما وسابني، أرجوكي خليه يرجع أنا قلبي مقبوض. علياء: اهدي وتعالي احكيلي. يمني حكت لأمها وخالد كان موجود واتصدم، وعلياء ضربت يمني.

علياء: إزاي تقولي له كده؟ خالد زي أخوكي مش حاجة تانية. يمني ببكاء: عارفة إني غلطانة، اعملي فيا اللي عايزه بس خليه يرجع. يمني راحت عند خالد ببكاء: أرجوك يا خالد أنا قلبي مقبوض، روح هاتيه أرجوك. خالد بعصبية: انتي إزاي أصلا تقولي له كده؟ وأنا أقول هو متغير كده ليه. يمني ببكاء: أرجوك يا خالد مفيش وقت، أرجوك رجعهولي. وانهارت.

خالد راح يدور على احمد بس عرف إن احمد سافر وكان حاجز طيارة، فروح، وأول ما وصل لاقي يمني بتجري عليه. يمني جريت عليه: طمنيني يا خالد احمد كويس صح. (وطلعت تدور ورجعت تاني) خالد ساكت مش بيكلم. يمني: خالد اتكلم ساكت ليه؟ طمنيني. خالد بحزن: للأسف احمد سافر وملحقتهوش. يمني بصدمة ودموع: لا احمد مستحيل يمشي ده بيحبني أحمددد. (قالت كده واغمي عليها) يمني من الصدمة اغمي عليها واخدوها على المستشفى.

بعد شوية الدكتور طلع وطمنهم وقالهم إن هي عندها انهيار بسبب صدمة أو حزن ولازم راحة. في غرفة المستشفى يمني كانت فاتحة عينيها وبتعيط وبتقول في نفسها بندم: أسفة يا احمد جرحتك وكسرت قلبك وبعدتك عني بغبائي، ارجعلي وأنا والله ما عادش هعمل كده، أنا بحبك يا احمد. علياء دخلت

على يمني وقالت بسخرية: ارتحتي يا ختي، أهو مشي وسابك قبل ما تكملي شهر بسبب غبائك ده، ارتاحي. أنا ما صدقت تمشي من وشي، عمري ما حبيتك، طول عمري مش طايقاكي، وأبوكي مكنش طايقني بسببك، منك لله ربنا ياخدك. أنا مش بحبك، هو معاه حق يسيبك، انتي محدش هيحبك أبدا. يمني بدموع وقهر: ليه بتقولي كده؟ أنا بنتك، حرام عليكي، انتي ليه بتكرهيني كده ليه.

علياء: عشان مكنتش عايزة بنات أبوكي، بعد ما جبتك معاملته اتغيرت وبقى يكرهني، أنا مش طايقاكي من قبل ما تتولدي، وكان نفسي أقتلك، بس لو لا مرات عمك اللي أنقذتك كان زمانك ميتة وأنا مرتاحة منك. يمني مقدرتش تتحمل فصرخت بوجع: .......