رواية لم يكن من نصيبي الفصل الثاني 2 - بقلم يارا علاء

يمني بعياط: كان نفسي أكون مكانها ونروح أنا وهو ونختار الفستان والقاعة وكل حاجة، بس هو بيعتبرني أخته. يمني حاولت تهدي وبعدين قامت لبست وخرجت معاه. بعد نص ساعة وصلوا ونزلوا يختاروا القاعة. حبيبة: إيه رأيك في القاعة دي يا خالد؟ خالد بابتسامة: حلوة، إنتي إيه رأيك يا يمني؟ يمني: حلوة. حبيبة بابتسامة: إنتي الحلوة، تعالي بقا نشتري الفساتين. (في محل الفساتين) حبيبة: إيه رأيك يا يمني؟ يمني بابتسامة حزن: حلو عليكي.

حبيبة حضنتها وقالت: عقبالك. خالد نادى من بره وقال: يمني تعالي. يمني: نعم. خالد: خدي دول، اشتري فستان. يمني وعينيها مدمعة: مش عايزة حاجة. خالد: هو الـ مش عايزة، أنا أخوكي، خدي روحي هاتي يلا. يمني: معايا. خالد بعصبية فتح إيديها وحطهم وقال: خشي اختاري. يمني دخلت واختارت، وبعدين مشيوا. بعد ما وصلوا نزلوا من العربية وخالد قال لحبيبة: اطلعي وخلي بالك من نفسك، ولو عايزة حاجة قوليلي، أنا كده كده هكون جوزك.

حبيبة ابتسمت بخجل: حاضر. وطلعت. أما يمني كانت طلعت ودخلت أوضتها وعيطت. وخالد لف ملقاش يمني، فطلع ودخل عند مرات عمه. خالد: أمال فين يمني يا طنط؟ علياء: دخلت أوضتها. خالد: طب أنا هدخلها. ودخل. ساعتها يمني مكنتش غيرت. خالد لما دخل لاقاها بتعيط، فراح عندها وقعد على السرير. خالد: مالك يا يمني؟ يمني بصت له واتصدمت لما لاقته قاعد جنبها. يمني وهي بتمسح دموعها قالت: مفيش. خالد: أمال إيه الـ أنا شايفه ده؟

يمني بعصبية: بقولك مفيش. خالد بحزن: طب أهدي، إنتي تعبانة؟ في حاجة مضايقاكي؟ يمني بعياط: لا، واطلع برا، مش عايزة أشوفك. خالد باستغراب: طب ليه؟ أنا زعلتك؟ زعلانة عشان اتعصبت عليكي صح؟ يمني بسخرية: عشان زعلتني؟ هو إنت أي، ليه مش حاسس بحبي ليك؟ ها، أنا كنت بتمنى تكون نصيبي من صغري، بس إنت بتحب واحدة تانية. خالد بصدمة: بتحبيني إزاي؟ أنا أخوكي، وأنا الـ مربيكي، مينفعش نكون لبعض، أنا بعتبرك أختي ومش أي حاجة غير كده.

يمني بصراخ: أختي، أختي، أنا مش أختك، إنت مش أخويا، إنت ابن عمي وبس. خالد ضربها قلم بكل عصبية. خالد: لي هنا وبس، إنت قليلة الأدب ومحتاجة اللي يربيكي، وأه أنا أخوكي وبس، وعمري ما هحبك، وصدقيني أول واحد يتقدم هقبله وهتتجوزيه غصب عنك، فاهمة. وطلع. وبعد ما طلع هي انهارت وأمها دخلت باستغراب. علياء: مالك يا يمني، إيه الصراخ ده؟ وليه خالد طلع متعصب كده؟ يمني جريت على حضن مامتها وفضلت تعيط في حضنها.

علياء: في إيه يا يمني، مالك يا بنتي؟ يمني بعياط: بحبه يا ماما، بحبه، وهو مفكرني أخته، ليه يا ماما تكسر قلبي كده؟ أنا كنت بتمنى إنه يكون من نصيبي. علياء بصدمة بعدت يمني عنها، وضربتها قلم وقالت بزعيق: إيه الكلام ده اللي بتقوليه؟ خالد أخوكي وبس، مش أكتر من كده، فاهمة؟ وهو أصلاً مش هيحبك، هيحبك إزاي وإنتي كده؟ مش شايفة وشك ولا شعرك ولا شكلك؟ إنتي مش مهتمية بشكلِك. يمني بصدمة: ........