رواية لماذا احببتك الفصل الخامس والعشرون 25 - بقلم اورجانزا الطائي

بارت اليوم مميز من. قلب محافظه بابل🖤

قصه لماذا احببتك
لبارت الثالث والعشرون
بقلمي اورجانزا

.
.
..
.
.
.
.
.
.
.
.
.
.
.
بسيل..

عصر راسه كال: ليث ويين

جاوبته امي: عنده استلام اجهزه ليوم..

ضرب على راسه بقوه

حجه ديسم شكو عمي ومنو مخطوف غيرتحجي حتى نفهم..

عصر راسه بقوه كال ليث خاطفي..

جاوبه ديسم: ولله عرفت مو خابرته ليش مرجع.

امي تخربطت وكعت بالكاع.. شالها بابا حطها على الكرويته.. جبتله مي رش على وجها منضرها يكسر القلب دموعها تنزل شفايفها ترجف نفسها غير منتضم..

متت قهر عليها ابنها مامعروف مصيره..
دموعي تنزل حاطه ايدي على حلكي اكتم صوت شهكاتي..

صحت امي تشهك تريد ليث..
تبجي وتضرب على وجهه تكول وليدي راح ..

بابا صاح بيها: لاتفاولين على الولد..

سكتت حجت بتوسل ونحيب : جيب ابني واسكت كملت كلامها ببجي..

ضرب على راسه بقوه اخذ كلبيه راح للحمام..

امي كامت راحت لغرفتها لحكتها لكيت البنيه الاسمها جيلان كاعده حاضنه رجليها تبجي..

رغم امي ضايجه ومحروك.گلبها من شافت جيلان تبجي كعدت يمها تحجي وياها..

حضنت امي تبجي بصوت نكطع گلبي عليها ماتحملت عفتها وطلعت..

صار بوجهي ابوي عقد حواجبه كال شبيج..

جيلان تبجي ماتسكت..

غمض عيوني عصر راسه بااصابعه
دخل لغرفة طلع امي كعدت بالصاله دزني اسويله كهوه..

حطيت الكهوه على الطباخ صارت صبيتها بفنجان هستوني درت وجهي ردت اطلع

صاركدامي ديسم سد جهازه كال: وياج كهوه..

صبيتله بفنجان طلعت وديته لديسم.. اخذه مني بدون كلام كولتن الشكرا ماتنقص من قيمته..طط

ردت اطلع كال: عمي وين، جيلان كعدت لولا؟

رديت عليه بملل: عمك يم جيلان..

هز راسه
عفته دكيت لباب دخلت ابتسمت تلقائية على منضر..

بابا حاضن جيلان.. شافني ابتسم فتح ايده بمعنه تعالي حطيت الفنجان على الميز حضنتهم..

وخرت منهم تحمحم كال:ياله جيونه كومي كعدي ويانه والفات مات.. لاتهتمين..

ضحكت من بين دموعها هزت راسها عدل حجابها كال ياله كومي كدامي..

اخذ الفنجان بيد والايد الثانيه كامش جيلان..

طلعنه للصاله كعدنه كلنه.. ابوي يخابر وديسم يخابر

للاربعه باليل على نفس الكعده..
امي تخربطت اخذها بابا للمستشفى بقه ديسم يمنه..

ندكت لباب طلع ديسم شويه دخل ولد شاب مااعرفه
شكله عصبي قميصه بيجي ملطخ دم مدري صبغ..

هستوني ردت احجي خفت منو هذه الي دخله ديسم الفجر..

بس الي صدمني شهكه جيلان درت وجهي الها

حاطهايدها على حلكها دموعها تنزل تشاهك..

شافها الولد طلع بره .. هيه راحت لغرفه امي

ستغربت هذه منو وشنو قرابته لجيلان..

فرحني وجود ليث اني شفته رحتله اركض حضنته ابجي خطيه مبين التعب عليه..

باسني من راسي كال:اريد اسبح تعبت وداعتج..

هزيت راسي هوه راح يسبح خابرت على بابا كتله اجه شاب جاب ليث تحمد وكال هذه هجان لاتخلي يطلع كليلي ابوي يكول انتضرني..

واهم شي لاتخلين جيلان تشوفه..

رديت عليه بابا جيلان شافتها وبجت..

تافف كال: صعديها بغرفتج ودخلي هجان للبيت واذا راد يشوف جيلان لو ياخذها ممنوع تخلي حتى لو تقفلين الباب عليجن..

نهيت الاتصال اخذت جيلان لغرفتي نزلت للحديقه لكيتهم كاعدين بالكاع منطيني ضهرهم

هذه الولد عصبي كال: يصير خيى بس ولله مره الثانيه موته على ايدي ..

رد عليه ديسم: هجان اسكت لاتسوي مصيبه تره مو ناقصنه شي والله يستر كول ان شالله عايش حتى لو كواد.. بس المهم يعيش حياتك ومستقبلك متعلقه بحياته.

صد عليه ديسم نصدم من شافني بس هذاك الشاب مغرور ومتكبر لدرجه شافني مهتم رفع حاجبه والتفت للجهه لثانيه..
.
.
.
.
... مشاعر..
ايام بطيئه خاليه من الاحداث.
بهذه الوقت ال ماتحب فاشله بس بنظري كل وحده تحب فاشله لان الحب مايجي منه غير شلعان الگلب..

ابسط مثال اختي تم فجر مراهقه.. طايشه..
شكد اقسي وياها بس المصلحتها..

قبل جنت احجي واقنع بيها بالهداوه مبيبتي قلبي شو هذه تمردت..

قسيت وياها مشت عدل..

ديسم وفجر ابد مامتوالمين..

ديسم انسان كتوم لدرجه مو طبيعيه كلام اليوم يحذفه النوم على كولته.. مستقر ب بغداد مااله اي اذيه على بشر عنده حياته كلها بچفه وسنين بچفه..

عكس فجر تماااماً..

فجر احلى وحده بالبنات واكثر وحده مختلفه..

مصطنعه نعوصه متكبره مغروره چذابه، ابد مو سرانيه ولا كتومه ،اذا عرفت بشي لازم لازم تسولف بي خاصه اذا عرفت شي لشخص متحبه..

هيه كلش تحب خالتي ام ديسم.. وخالتي اكيد مو اقل منها..

جنت اسمع خالتي تحجي ويه امي لو فجر اضوج.. لان الزواج قسمه ونصيب منو هيه حتى تخطب..

خوفي الاكبر لا فجر تحبه فتره مراهقه هيه وهذه لعمر بالتحديد يحتاجلها مراقبة..

صحيت من تفكيري على كلام امي الي ابد مجنت متوقعته..

... ايي هذه ام السحوره فسد سحرها وطلكها..
اوووف واخيرا خلصت منها ام السحوره الكحب* الكو**ه.ام الزلم عساها بعزيزها

، يا هجان مابيك حظ تختار مره ثنيييينهن مو بنات بيت..

جرت جهازها خابرت خالتي ام موده
وحجت الها على جيلان..

رجعت خابرت على خالتي ام ديسم هم حجتلها خابرت على خالتي ام ذات حجتلها المقتل تگلها لله طلع حوبتج بيها..

المافهمته ليش لله اخذ حوبت خالتي بجيلان هيه شعليها..

ضجت حيل منها معقوله صدك مو بنيه..

العصريات دخل اخوي جايب مسواك طبخت امي والضحكه مامفاركتها..

كملت طبخ وزعت تكول ناذره..

لليل كاعدين نتعشه مانسمع غير رمي..

طلعو اخواني وابوي لبيت كب بالصياح امي تخبلت..
ساعتين ماكو احد اخابر على مهوال ميرد ياهو الاخابر عليه ميرد تقريبا ساعه مرت خابرني اخوي..

رديت عليه احس گلبي بين اديه..

سمعت كلامه فقدت توازني كعظت على ركبي من شده الخبر..

ماحجيت غير كلمتين هِجان شسويت بينه..

مااحس غير امي جرتني من ايدي اباوع عليها..

... ولج احجي شبي اخووج

بلعت ريكي حجيت هِجان مصوب عمي الشيخ حالته خطره بين الحياه والموت بالعمليات وابوي متبري من هِجان كدام الناس.

ضربت على صدرها صاحت كله من وره هل كحب * جيلان عساج بعزيز گلبج يجيلان..

مشاعر. يمه شبيج مو الظهر دعيتي عليها بعزيز گلبها وهجان طاح بيها..

ردت عليه بغضب اششش سكتي وين العزيز اذا هيه انطت اغلا شي بيها قبل لاتتزوج..

استسلمت الها حجيت يمه هجان متصوب بكتفه ولله اعلم شيصير بيه..

شهكت وصاحت ياايمه ولييدي راح من عساج لاتتهنيتي يجيلان دعوه ام محروك گلبها..

ضرب على راسي ومشيت لضهر دعت على جيلان وكعت الدعوه بهجان..

بس ولله هِجان وكع من عيني، متاكده مامقربلها قبل يومين كال تعودت على جيلان احس يومي ناقص بدونها معقوله يجذب..

يالله كل هل فتره زعلان عليه... ومن رضه صار هيج..

بس يمكن لان جذبته بالمحكمه لان سمعت من ابوي احتمال هِجان ياكله سنه كامله سجن اذا ما سحبو رتبته.. ياربي انطي على كد نيته دعوه اخت محروك گلبها على اخوها..

فرشت سجادتي صليت صلاه فاطمه الزهراء قريت دعاء الي تقرا ذات..

سبحت لفاطمه الزهراء كمت شلت المصلايه ولحجاب ،مددت افكر بجيلان معقوله صدك موبنيه لو شنو بس جيلان تحب هِجان من زمان..

والولد كلهم يحمدون بيها ويعزونها اله هِجان..

باوعت للساعه ثنتين ونص باليل وماكو خبر..

اخذت جهازي اتصلت بمهوال ثواني رد..

حجيت وياه وحسب مفهمت منه..
و
هجِان جان بيته هوه ابن عمي ليث صاير رمي على لبيت طالعين مصوبين هِجان بيده اليسرى

وهوه لله يسلمه ميهمه٠چبير صغير مصوب عمي بصدره تلث طلقات..

وسليم ماكل طلقتين برجله..

هجان صاحي وطالع من المستشفى ساعه 12باليل هوه وليث..

عمي بعده مصاحي يم لله اذا يصحه لو لا الدكتور منطي 48ساعه اذا عبرها يعني تخطى الخطر..

نهيت الاتصال وياه صفنت من العزيمه ولحد الان حياتنه مهدت اءا تهدئ يوم عشره مشاكل..

عزيمه الكشره كم شخص مات..
بيومها ذات وصلت الموت.. من وره حربه..

وحربه مات الله يغفرله.. جان بس يكفر ويشكك بوجود لله « استغفرالله»

درجه اذاطفت الكهرباء يكفر اذا تعارك يكفر.

حسين كرايب ابوي الي سوه حادث وصل الموت..

فتره بسيطه ولبابه وهجان تصوبو هجان بيومها صحه بس لبابه الي اشهر غيبوبه..

قتل ذات الي هجان حلف يمين اله ياخذ حقها حتى او يخسر حياته..

صدمه خرب جيلان بنت عمي.

نهوة هِجان على جيلان..

قتل ام جيلان الي محد عرف منو قاتل..

زواج هِجان المفاجئ من جيلان..

جلطه وشلل جيلان لتعرضها لاكثر من صدمه

خالتي ام ديسم طلبت فجر لديسم..

محاكمه صمد نحكم سجن المابد

طلاق هِجان جيلان.. الشمت كومه ناس..

ختمها ليوم هِجان من صوب عمي الشيخ..

لله اعلم شراح يصير بعد..يتبع..

#ابد _مو _خبيثه