رواية لماذا احببتك الفصل الخامس وثلاثون 35 - بقلم اورجانزا الطائي

ملاحضه:  تم اعاده نشر البارت..

قصه لماذا احببتك
البارت الثالث والثلاثون
بقلمي اورجانزا الطائي
.
.
.
..
.
سيف: ابوج كال بس اخذ رايي ولد عمها ورايها
واني ضامن انتي الي..

مشاعر شلون..

سيف لبارحه طلبتج من هجان وابو اسلام..
وليوم من عمامج و ابوج..

اذا باجر ردو الخبر اعتبري الخميس نعقد.. ومو بعيده نهايه الاسبوع نتزوج..

مشاعر:عمضت عيوني گتله احبك.. سيف احبك اعشكك، كد كلمتك..

سيف:لو ادري هيج جان قبل لااعترف  اخطبج جان هسه انتي بيتي.. واني هايم بيج يبعد ريه سيف..

مشاعر حبيبي.. خايفه والله.

سيف  الو الو هذه انتي مشاعر؟؟تره نصدمت والكدامج گلبه رجيج..  المن الخوف واني وياج..

مشاعر:  هههههه اي  وليش تنصدم 

سيف: ماتسكتين اگلج  حبيبتي..  تكولين مع سلامه.

مشاعر: ههههه مااريد اتعلق بيك تالي انصدم..

سيف: وياج للموت وداعه تفكيرج لزايد.

مشاعر:متأكد تبقى وياي ماتعوفني..

سيف: اني وعدتج بس الچفن ياخذني منج.

مشاعر: لاتكول هيج..

سيف: الموت حق على كل شخص.

مشاعر  عسى موتي قبل موتك..

سيف: هيج ينطيج گلبج تركيني وحدي..

مشاعر لعد متكول لنفسك كل مانحجي تگلي الموت بس ياخذني منج..

سيف:مو اني الالي  ، اكول سيف تعوني  ..

مشاعر ههه

سيف: هاا شو تضحكين؟!

مشاعر: احبك..

سيف: زفر نفس گال  اعشك التراب التمشين عليه..

مشاعر لانكول هيج..

سيف: هذه واقعي.

مشاعر روحي الك.

سيف يبعد روح روحي  ياله لج اخذي راحتج عندي شغل..

مشاعر: راحتي يمك..

سيف: يروحلج فدوه البالي..يبعد طوايف اهلي..

مشاعر: ههههه منو لبالك؟

سيف: من تجين لبيتي اكلج منو.

مشاعر: ان شالله  .

سيف: ديري بالج على روحي.

مشاعر ههههه من عيوني ادير بالي على روحك.

سديت الخط منه.   نزلت للحديقه..

شفت هجان واكف درت ضهري اريد ارجع..

وكفني صوته.

هجان: مشاعر تعالي.

مشاعر غمضت عيوني  بتوتر، خجل  بلعت ريكي رجعت  اله..

هجان:ابتسم گال كبرتي..

مشاعر  ابتسمت گتله بعدك ضايج مني.

هجان:  رفع حاجب گال،لو زعلان احجي وياج؟!

مشاعر: ههههاخوي حبيبي حضنته.

هجان ضحك كال: اي ست مشاعر كبرانه   صاير يجون خطابه من الجامعه ونفس القسم.

مشاعر  : بستنكار هاا منو اعرفه..
وخرني من حضنه رفع حاجب  حضن ايد والثانيه يتلمس لحيته.. گال

هجان:  تعرفي كلش زين.

مشاعر هاا

هجان:ابن ام هشام جيراني الي جابو ملابسج من بانه شامرتهن عليهم..

مشاعر: مادري شلون حجيت گتله،بس سيف معايش هنا وهوه بيته وحده  بمنطقه ال*****  شلون ابن ام هشام  وهوه اصلا معنده غير اخ واحد  عقيد ******

حسيت على نفسي جفصت بما فيه الكفاية سكتت دنكت..

هجان: ضحك گال: منين عرفتي اسمه؟؟!

مشاعر من غبائي گتله انته هستوك گلت..

هجان تعالي كعدي   خل اوضحلج شغلات مهمه..

مشاعر:هزيت راسي كعدت كدامه. كال

هجان سيف ابن ام هشام من زوجهه لسابق..

امه وابو نفصلو قبل ١٧سنوات.. ولسبب مجهول.

امه تزوجت  بنفس السنه..  ابو اخذه سنه ٢٠٠٦ توفه ابو  

اخذه العقيد اركان لحد ما قبل سنتين نتقل بيت وحده..

العقيد اركان اخو الجبير من امه وابو بس هذه مستقل وحده من سنوات مايعترف بااهله بس  يعامل سيف كاانو ابنه..

انتقل سيف لبيت وحده..

رغم اخو عقيد ومدير مستشفى ******* من غير الشركات العنده..

واهله عدهم مورد من شركه  بس هوه يشتغل عماله وحمايه لاخو لان معروف  وهواي محاولين يغتالو ..مصارله فتره..

سيف والنعم منه رجال شاغول ويدرس  مااعتمد على اهله اعتمد على نفسه. هذه اولا.

ثاني شي والاهم انتي خيتي وعزيزه گلبي ماينطيني گلبي  اسوي شي دون ارادتج ولو الكتاب مبين من عنوانه بس انه تكفلت اخذ راييج ب سيف.

انتي موافقه عليه لو لا.

مشاعر كميه الصدمه الي نصدمتها مو طبيعيه  سيف شي الوحيد الي اعرفه عنه هوه  يشتغل عماله بس

ابد ماحاجيلي ولا اني سائلته..

خجلني كلامه لان بسمرني گتله بكيفك انته..

هجان:لعد خوش راح اكلهم ماموافقه.

مشاعر   بس حجه رفعت وجهي عليه فاتحه عيوني والدمعه بطرف عيني..

ضحك كرصني من خدي گال

هجان:ملعونه بكيفي شو  رفضت   فتحتي عيونج..

مشاعر  ضحكت كتله  لا مو هيج.

هجان هههههااااي روحي خيتي وانه احجي ويه ابوج  ليوم حتى نردله الموافقه..

مشاعر من فرحتي بست خده  حضنته مشيت من يمه وهوه خربان ضحك..

شربت مي  صعدت لغرفتي..  مددت صافنه بالسكف.
افكر بكلام هجان...

ليش مكالي اخو  مدير مستشفى ال*****او عقيد..

اوو اني حابه سيف مو اهله شعليه قابل اني..

نعست كلش نمت  حسيت ثاني يوم  غسلت ونضفت لبيت..

كعدت يم امي الي مبينه ممرتاحه..

كمشت ايدها گتلها::شبيج يمه

ردت عليه بقهر: يمه مشه عليج غريب  هجان موافق  سكت اخوج وابوج وانه  من بارحة احجي ويه ابوج..

اردفت:ييمه الغريب ذيب لله يجفينه شره  وانه اخاف عليج.. من يوم الجبتجن بي

گلت بناتي لوليدات خواتي كدام عيني تضلن، بس لله يسلم اخوج معند اله ينطيج لهذه الوليد

مشاعر: ابتسمت بخفوت حجيت بگلبي حمدلله والشكر

هستوني ردت احجي دخلت خالتي ام موده وجهه اصفرر كركم.. كالت

ام موده ولج يخيتي لحكيلي..

قبل لانحجي  سمعنه عيطه   يبووووو   وكف گلبي من لصوت بس لا صار شي..

                ༻༻༻༻༻

جيلان.
.
.
.
...

كاعدين  ننتضر خبر عن  بسيل  بالي يمها والخوف يقرا الف..

لان حالتها تخوف..

عمتي تبجي   خابرت على عمي ميرد..

رجعت خابرت على ليث گال الها

ليث:  لاتخافين اني بالمستشفى وصلت قبلهم، ديسم خابرني..

ردت عليه..

... ولك ييمه شكلها يخوف زوركت وثلجت عبالك ميت..

جيلان:مكدرت تكمل كلامه بجت..

اخذت الجهاز منها،اريد  اعرف شبيها صارلهم ساعتين ونص،عمي جهازه مغلق..

اخذته منها طلعت للحديقه، حجيت وياه.

_ليث شبيها بسيل؟؟!

_ليث :ادعيلها..

_جيلان: ليش شبيها بس فهمني على الاقل.

_ليث:انهيار عصبي، سكر، ضغط اكو اروع من هيج شي؟!

بعدها هل كدوتها وبيهه كل هل امراض الي ماموجوده عد ابوي..

الدكتور، گال لو متااخرين شوي جان خسرناها، بسيل داخله باانهيار عصبي..

_جيلان: اريد احجي احس لساني نعكد بالكوه كتله
وهسه تطلعوها لو لا  ومنين اجاها السكر والضغط..

_ليث:لان متاكل جسمها فاقد الموالح والسكريات  الله يسلمها المي متشربه شتردينها شصير،  والاكثر  الضغط يبقى وياها طول عمرها..

كل هذه والدكتور يكول الله اعلم الي بيها لان سوالها فحوصات وطلب تحاليل نسويها خارج المستشفى..

جيلان:ان شالله خير بس عليك لله خابر طمني عليها بالي يمهه ولله..

ليث:انشالله.والاكثر  ليوم منرجع لان صحت بس تبجي  وانطوها مهدئات..

جيلان  : ليث عمو عماد ماكو اتصل عليه مغلق..

ليث: الي اعرف بي عنده  قضيه ب كربلاء  راح الصبح وره ماطلعتن للجامعه..وبعد مادري.

جيلان:المفروض هسه جاي  لان هوااي صارله.

ليث والله يجيلان ابوي مااعرفه شيفكر لو شيسوي الي براسه يسوي ماطول يشوفه صح.

جيلان  هوه هذه عمي..

سديت الجهاز  رفعت راسي للسماء   غمضت عيوني نخيت من گلب خاشع  «ياابا عبد لله دخيلك عند رب العالمين  كون بسيل مابيها شي شنو ذنبها بعدها هل عمر ويصير بيها هيج..»

دخلت للبيت نطيت الجهاز لعمتي..

كعدت على الكرويته اشوف عمتي كامت من يمنه..

سنين دموعها تنزل بهدوء  وعيونها تتنقل من مكان لمكان..

تقربت عليها كمشت ايدها گتلها: شبيج ليش هيج خايفه.

باوعت بعيوني  ثواني نفجرت بالبجي درجه حضنتني وتبجي.. تكول.

سنين : عليج لله كولي شبيها بسيل. ديسم شلونه والله بالي يمهم حاسه ديسم بي شي..

جيلان:   ربتت على ضهرها گتلها: مابيها شي ان شالله بس دعيلها..

سنين ببكاء : ديسم ديسم يحبها والله اصلا عارك امي وابوي علمودها..

جيلان يحياتي  لاتبجين  ماكو شي ان شالله..
بالكوه سكتتها  بس تبجي..  صار ليل

وعمتي ماكو على دخلتها للغرفه..

خفت عليها تمشيت  لغرفتها..   فتحت لباب على كيف شفتها

كاعده تقره قران  بصوت واضح وتبجي بحيث من صوتها كزبر جسمي..

«أَوَلَيْسَ الَّذِي خَلَقَ السَّمَاوَاتِ وَالأَرْضَ بِقَادِرٍ عَلَى أَنْ يَخْلُقَ مِثْلَهُم بَلَى وَهُوَ الْخَلاَّقُ الْعَلِيمُ

إِنَّمَا أَمْرُهُ إِذَا أَرَادَ شَيْئًا أَنْ يَقُولَ لَهُ كُنْ فَيَكُونُ

فَسُبْحَانَ الَّذِي بِيَدِهِ مَلَكُوتُ كُلِّ شَيْءٍ وَإِلَيْهِ تُرْجَعُون.

"سوره يس"
  'صدق الله العظيم'

دموعي نزلن من شده الموقف.. سديت لباب على كيف طلعت..

دكت لباب..  وصلت للحديقه سمعت دكه سويج سياره تلث دكات..

تقريبا عرفته منو الي اجه.. من دكه .

صحت، منو؟

رد  ببحه:فتحي اني..

تااكدت من صوته هوه..

تقربت فتحت لباب  دخل بهيئنه الرجاليه وهيبته الي مخليتني اصفن بي..

نفس العاده ايد اليمنه جكاره ومحبسين  فضه..
واليسره سبحته السوده  واكيد ادينه متخله من الساعه..

سحب نفس   زفره  قريب عليه لدخان الفاصل الوحيد بينه  درت وجهي  اكح..

ضحك گال

هِجان: يايابه شكد ترفه..  دخان الجكاره متحملتي!!

جيلان:  لعد شعبالك ابن عمي.

ضحك گال: شمحله  مياعتج، من تتنعوصيي..

جيلان بصدمه  انيي اتنعوص؟؟!!

ابتسم بغرور سحب نفس زفره بوجهي اختنكت لان
لان ستنشقته..

كتله  هِجاان شبيك  مو ختنكت والله..

ضحك بهدوء قلص عيونه گال

هجان: كافي تنعوص ست صخمان..

جيلان قبل لا يخلص كلامه دخل عمي گال

عماد:هجان مصختها كافي ادخل جوه..
واني ماارضاهه عليك تتحارش  ببنيتي باب البيت..

جيلان خجلت منه دنكت راسي صدمني هجان.

سحبني عليه  حضن كتفي گال

هجان: يمكن انته مشتبه تره لعلمك هذه مريتي  يعني حتى لو تشوفني حاضنها تسكت عمي العزيز..

جيلان مو عماد حضن ايد والثانيه تلمس لحيته گال

عماد: بس انته طليقها وحرام هذه لشي..والطريق شطوله متعبان؟؟!

جيلان هوه كال هيج واني دفعت ايد هجان صحيت انو طلكنه.. ضحكو هجان وعمي عليه..

سحبني عمي عليه كال

عماد: شبيج شو عيونج حمر

هجان:لو منتضر شوي جان  سئلتها لان مبينه باجيه جوه عيونها انتفاخ وخشمهه احمر..

عماد مركز.

جيلان: كمشت ايد عمي كتله عمو  بسيل بالمستشفى
وليث يكول صاير عدها انهيار عصبي سكر وضغط..
والدكتور كايل  يسوي الفحوصات والتحاليل ياله يطلعوها..

يمكن لو ابقى منا لباجر مااكد اوصف شكل عمي  جان يضحك بسرعه نمت ضحكته عيونه غوركن  فتح الرباط   تحمحم   غض شفته  غمض عيونه فرك وجهه طك ركبته بعدها   گال

عماد يامستشفى؟؟

جيلان: مااعرف اسمها والله بس بسيل محتاجتك  ..

هجان:منو وياها بالمستشفى

جيلان باوعتله گتله ديسم وليث..

هز راسه كال

هجان:امشي عمي بالطريق نخابرهم..

طلعو ثنينهم  بعد ماوصاني عمي ماكول لعمتي همه  اجو..

ساعه ساعتين يوم يومين..

مرن تلث ايام بسيل بالمستشفى يردون يعرفون شبيها  معرفو.. سوولها ناضور وحسب مكالو عدها التهاب بالمريئ..

عمي وديسم ماشفناهم ليث يسبح ويرجع. عمتي راحت الها لان مرافقه..

بالبيت بقينه اني سنين  هجان يبات يمنه باليل ومن غبشه يرجع للمستشفى..

ليوم المفروض تجي للبيت لان ماكو فائده نفس الي ينطوهياه بالبيت موجود بالمستشفى

والاكثر بسيل تبجي تريد ترجع للبيت..

طبعا ليوم من دون الايام  هجان موجود  عمي كايلها لاتجي..

وهوه باجر يروح...

بالمطبخ دااسوي شوربه لبسيل وغده النه..

حسيت على طكطكه  التفتت هجان كاعد على مرتاك بيد على الميز والثانيه يشرب جكاره..

مهتميت اله رجعت اكمل طبخ  كال

هجان: جيلان سويلي جاي راسي يوجعني..

  هزيت راسي  حميت الجاي مال الصبح  ورجعت اكمل  الطبخ.. جهازه كل شوي داك  ويرفضه..

وترني حيل  ليش ميجاوب؟؟

وارجع اكول شعليج بي طبه طووب.

طلعت خبز  حميته  والجبن  والكوب خليتهن يمه على الميز..

اخذت القوري  وكفت يمه   دااصب الجاي  دك جهازه فتح خط.

كال _صباحج العافيه واهلهه يبعد طوايفي

ابتسم كمل _ شلون انسيج انتي الكل بالكل..

واني بعد احبج لا والله اعشكج  يبعد العشك واهله

_هههههه اي  گليبي ودكاته...

جيلان احس نار وتطلع من صدري من كد ما ضجت.

جانت ايده اليمنه على الميز بيها جكاره والكوب قريب عليها. 

وخرت القوري من الكوب على ايده   نفظ ايده  عصرها   سد الجهاز شمره على الميز..

غسلها بالمي ابتسمت باانتصار عفت القوري على الميز

رجعت للطباخ..

مااحس غير نسحبت  وارتطمت بصدره  استنشقت  عطره المامغيره من جان عمري 14سنه اشمه بي..

  شد على حضنه گال

هجان:ليش تتحرشين..مو مخليج على راحتج.

جيلان: بلعت ريكي گتله وخرر  هِجان  روح كمل اتصالك..
دفعته ضحك بهدوء كال 

هجان: تغارين من شخص اقرب من الوريد عليه..

جيلان لا مااغاار بس وخر  شبييك  رو احجي ويه حبيبتك..

ضحك گال هذه الحب مالي بس مو هسه احجي وياها.. هسه اريد احجي ويه مريتي..

جيلان حجيت بستهزاء: قصدك طليقتك موو

  وكفني يم الميز وخر عني

حجه بثقه الي فاقدتها بروحي بالايام السابقه

گال: منو يكول والطلاك بالعصبيه باطل وسئلت شيوخ وساده عليهم العتب كالو باطل لان بحاله  عصبيه..  بعد انتي منو.

جيلان:  ابتسمت گتله هجان عليمن نضحك انته متحبني شغيرك لاتكولي وهل اشهر غيرن..

عيش حياتك  اني ماريدك والله شايف  بكل لحضه اتمناك يمي بضعفها اتمناني ماعرفتك ولا التقيت بيك..

ابتسم بثقه گال

هجان: منو كالج احبج؟!
قبل وبعد ذات محبيت مخلوقه  غير بناتي..

جيلان: لالت الدمعه بعيني گتله لعد المن تريدنه نرجع اذا انته محبيتني؟!!

هجان :لسببين الاول لان انتي تحبيني حب الفطىه يعني مو بسهوله تركيني لو تخونين.. والثاني لان انتي نسخه مستنسخه من ذات.. ولبابه تحبج فقط لا غير..

جيلان:ضحكت بستهزاء دموعي نزلن بسرعه بحيث يكلك محضرتهن گتله يعني تريدني كجسم وشكل!!

هجان تعرف الي دااتحجي انته تريدني مصلحه

تريد تتلاعب بمشاعري  لك والله حرام عليك  اني انسانه من لحم ودم لعلمك  مو جاي تتهاون بمشاعري..

لا والنوب تريدني  لان اشبه  صديقتي وبير اسراري واخيتي ليش مو حرام علييك هيج تكول لعلمك هجان كرهتك وربي كرهتك..

تعرف شي انته  نذل وكوا** لك ليش هيج مو والله حرااام عليك بالكوه مرن  عليه الايام الفاتن..

هجان جنت كلشي بحياتي  تخيل ماانام اله على عطرك الي اخذته بدون علمك..سنواات والعطر عندي اخاف يخلص..

هسه كرهته لعطرك الجان ادماني  ولك ليش مو والله احبك  هيج تسوي بيه..

بس اريد اعرف  «ليش حبيتك  »انته ماتستحق حبي الك..

بس مو انته الي  يكسرني هجان ماعاش الي يكسرني واني ممااذيتكم..

رجوعي الك حلم ابليس بالجنه..

دفعته  عن طريقي  مشيت للغرفه مالتنه اني وبسيل  جانت سنين نايمه بيها سديت الباب على كيف..

مددت غطيت روحي ابجي..

شنو ذنبي هيج يككلي..
فوكاها لان اشبه صديقتي واختي..

ياربي ليش حبيته  وهوه شخص مايستحق الحب..

مر وقت تذكرت اني حاطه كدريه العدس على الطباخ

مسحت دموعي نزلت اركض..

فتحت الكدر لكيتها كامله بس تفور  فتحت كدر المركه لكيتها فايره طفيتها والتمن بعدله شوي ويكمل..

استغربت معقوله سنين؟!

ندكت الباب  طلعت ويه ماطلعت لكيته بالحديقه محجيت شي

وصلت للباب  صار كدامي فتحها

هزيت ايدي عليه دخلت بسيل تمشي على كيف  عمتي كايدتها..

ليث انطاني علاليك الدوه  ابتسمت گال

ليث:  ام شم شبيج بس لااجه دورج بالانهيار  ماطولني واكف..

ضحكت: كتله  على گلبك  مابيه شي بس انفلاونزا

ضحك گال خاف هجنالانزا هههه

من كال هجنالانزا ضحكت بصوت  درجه صارت عيني على هجان رافع حاجبه..

ضحك گال

ليث: المهم ضحكتي يعني لاانهيار ولاهم يحزنون...

هزيت راسي باابتسامه دخلو كلهم للبيت اجيت ادخل كمش معصم ايدي گال

هجان والخلقج يجيلان اله......

              ༺༺༻༻༻༻༻

بسيل.
..
.
.
نزلت جوه بس حراره برجليه مو طبيعيه درجه اني من رجعت من الجامعه لبست صيفي وهسه حراره تصعد من رجليه ليفوك..

وصلت اخر درجه ماسيطرت كمشت الحايط خطوتين بس خطيتهن قطعت القدره على التحكم بجسمي حراره بصدري..

وكعت بالكاع على ضهري فاتحه نص عيوني حسيت باامي وجيلان وسنين فوكاي امي ترش مي على وجهي.

واني  اخذ نفس وازفره بشهكه عيوني تروح لامي ترجع لجيلان

  وسنين حاسه عليهم بس قدره ماعندي احرك لاايد ولا رجل حتى مااكدر احجي بس عيوني  تتحرك  وشهكاتي الي تطلع..

  اشهك ودموعي تنزل بهدوء تام    حسيت على ديسم

كمش ايدي  رفعها وتركها وكعت بسرعه بالكاع

بسرعه كال عمه شكر:   اخذ الشكر   امي فتحت حلكي هوه خله شويه  ضكت الشكر مرر بشكل مو طبيعي..

اسمع امي تگله: ديسم شبيها بنتي.. رجيلاتها ثلجن يعمه  شوف شلون زركت

هوه يجاوبها

ديسم : مابيها غير العافيه  ، يرجع يحجي وياي بسيل لاتغمضين  ابقي مركزه وياي..

باوعتله رمشت  غمضت عيوني  بهدوء  بعد محسيت على شي غير اشوف مره سوده تريد تخنكني.

اصيح وابجي  حسيت، شفت ممرضه واكفه..

بالكوه اخذ النفس اختنكت..   ابجي اصرخ  مااعرف شريد  بالضبط..

  ثواني نعست  نمت..

حسيت على على ابد تلامس ايدي فتحت عيوني شفته ابتسمت نزلت دمعتي  گتله:اسفه والله..

باس ايدي البيها الكانونه گال

عماد:شششماكو داعي هسه انتيرجعي نفس الاول  وهذه اهم شي..

شهكت گتله تجاوزت عليك  وليوم انته كاعد يمي..

عماد: كافي بنيتي المهم تعلمتي من درسج.

بسيل: سكتت ثواني دخلت الممرضه ولدكتور..

سوو تحاليل وفحوصات من مكان لمكان..

معدتي موتتني مااكدر اكل  نفسي تلعب  انطتني امي برتقال بالكوه اكلت شيف وتقيئت..

مريت باايام الله لايشوفهن لاحد..

الاكل مااكد اكله تلعب نفسي منه، مي مااكد اشرب عايشه على المغذي..

معدتي تكطعني تكطع موتتني..

اكو قواطع بين كل مريض ومريض..

جانت اكو وحده يمي  كل شوي تفتح  البرده تحجي وياي البنيه حبابه كلش..

امها تكعد تحجي ويه امي  حسب مافهمت عمرها البنيه13سنه متزوجه وحامل هم..

نقهرت عليها مجرد عرفت..  صاير عدها التهاب بالمريئ وحاطينها بالمستشفى،محد يجيها غير امها الي كاعده يمها..

باليل اجه عليه ديسم  كعد يمي نص ساعه اذا مو اكثر بس يباوع عليه بدون مايحجي حرف..

اخر شي كال.

ديسم:بزونه انتي قويه تغلبي على هل محنه..
بس طلعين من المستشفى الي تردي يجرالج..

صفنت  بوجه ثواني مااعرف شنو الي جذبني اله بحيث راد يكوم مااعرف ليش كمشت ايده اريده يبقه يمي..

بكل ضرف امر بي اول شخص  موجود يمي هوه ديسم دائما ينقذني..

ابتسم رجع كعد گال

ديسم: بيها الخير تقبلتي وجودي نوعا ما..

ابتسمت هزيت راسي بنفي..

ضحك باس ايدي كام وكف  تحمحم كال..

ديسم: مااكدر اطول اكثر،وانتي اقوه من كل شي كومي اوكفي على رجليج وبنها ام هيوو  ، اريد بسيل المسترجله على كوله امج..

اريد اشوف بسيل الي ماتهتم لاحد الي وكفت  بوجه الكل..

ضحك كال

ديسم: مو تشمتو بوكعتج تقبلينها انتي  ياله اكو هوااي شغلات اريدج تعرفينها بس مو هسه من ترجعين لللبيت.

بسيل  : عيني بعينه، مركزه كلش زين بكلامه..

باس راسي گال

ديسم  :  مابيج غير العافيه البيه..

بسيل طلع من  يمي..

دقايق اذا مو اكثر   اسمع غير صوت اليبوو

گلبي يدك  اريد اعرف شنو خبصه صارت وصياح وبجي...

كلش خفت   شوي صار هدوء، اجتي امي.

بلعت ريكي سئلتها شبيج

ردت عليه والدموع تجري..

ام ليث: جنه ماتت هيه وبنتها..

بسيل فتحت عيوني على وسعهن  زاد خوفي وقلقي..

بهل اثناء  هم نعاد الصياح والعياط..

طلعت امي هم ماتت وحده..

بهل وقت  ثلث بنات توفت..

كمت ابجي واصرخ من خوفي وقلقية..

ماريد ابقه هنا هسه اطلعوني

امي طلعت صاحت لبابا

وبابا بالكوه قنعني بس اليوم  باجر الصبح اطلع..

ليل كله خايفه مانمت.. من الصياح.

كعدت لصبح بدلتلي امي  طلعنه من المستشفى

ديسم يسوق واني وراه   بابا بالصدر امي يمي..

ليث مااجه ويانه..

وصلنه للبيت  بطلعان الروح..

نزلتني امي  ودتني لغرفتها كعدت..

طلعت جابتلي مي  ماكدرت استقبله..

خلص المغذي اجه ديسم دخل للغرفه رد لباب بخفه..

بدل المغذي  كعد كدامي كال.

ديسم:بسيل ليوم اني راح اودي سنين رغم هيه ماتقبل بس كافي صار هواي..

بسيل:ليش عوفها.

ديسم: لامااكدر حاليا.
شغله ثانيه بسيل انتي تحبينب او هاويتني  يعني بالمختصر عندج شعور تجاهي لو مفرض عليج..

بسيل:غرغرن عيوني ميلت ركبتي  كتله:انته متزوح و نهيت عليه..

ديسم:  عوفج من متزوج هسه  ،  اذا اشيل النهوه شيصير مثلا؟؟!
اني كدامج وكولي يبنت عمي اذا ماترديني احجي لان بعدين اني وياج نتااذه..

بسيل:اني زوجتك اماام لله انته عاقد عليه..

ابتسم بغرور  رفع حاجب كال

ديسم: منو كال يتبع

#ابد _ابد مو خبيثه