رواية لست من نسلي الفصل الثاني 2 - بقلم سوارة

ها يا دكتورة، نتيجة التحاليل إيه؟ الدكتورة: أنا أساسًا ما كنتش محتاجة أعمل نتيجة تحاليل عشان هي حامل! الأم بصدمة قبل ما يغمى عليها: إيه! الدكتورة بصدمة: يا ممرضة، نقّالة بسرعة! نهر بخوف: ماما! معتز: مليكة ما بقاش ليها حد بعد أمها غيرنا، أنا هاجيبها تعيش معانا. حسينه بعصبية وغيظ: وتعيش معانا ليه؟ ما بيت أمها وأبوها موجود!

معتز: يا حسينه، اتقي ربنا. البت ما لهاش غيرنا، وأنتِ عارفة إن عندها تأخُّر في المخ يعني محتاجة لحد معاها يخدمها! حسينه: وأنا طبعًا مش هكون الحد ده... أنا مستحيل أخدمها! معتز بعصبية: أنا مش باستأذنك أساسًا، ودي بنت أخويا الغالي... أقسم بالله يا مرا لو عارضتِ أو عملتِ حركات كده أو كده للبت لتكوني طالق بالثلاثة!

حسينه بخوف وتراجع: مش قصدي يا معتز، بس أنت شايف البيت مليان شباب، أولادك كلهم رجالة ومش متجوزين، وهي بت لوحدها ومش فاهمة. معتز: وأنتِ أولادك مش عارفة تربيتهم؟ ولا هم مش مربيين؟ حسينه بتنهد: خلاص يا معتز، جيبها هاعمل إيه معاك يعني. نفيسة: بتقولي إيه؟ عايز يجيب بنت أخوه تخدميها؟ والله عال العال يا أختي، يا اللي كنتِ حسينه هانم بقيتي الخدامة حسينه وهي الهانم!

حسينه بغيظ: هاعرف أخرجها بطريقتي وأوريكي مين الهانم، بس المهم بقى ابعتيلي تغريد يومين كده محتاجاها! نفيسة: ليه؟ عشان تشتغل خدامة معاكي للهانم؟ ده بعينك يا حسينه! حسينه: لا عشان البت حلوة وبطل الصراحة وممكن تسحر أولادي وأبوهم هيوافق عليها عشان بت أخوه، وأنا عارفة عينكم من زياد ابني لتغريد! نفيسة بتفكير وبجمود: خمس دقايق حالًا وتلاقيها في وشك، ولو عايزاها أكتر من يومين مش مشكلة بس تستعجلي! حسينه بابتسامة لنجاح

مخططها وهي بتقفل التليفون: وفي أقرب وقت! معتز بابتسامة وهو بيستقبلها: يا أهلًا ببنت الغالي! نهر ببراءة ودموع: فين ماما يا عمو؟ أنت قولتلي لو وافقت أعيش معاك هتخليني أشوفها، هي فين؟ معتز بحزن وهو بيربت على كتفها: ماما اضطرت تسافر فترة قليلة وهاتجيبلك معاها هدايا وألعاب كتير يا حبيبتي لما ترجع، وقالتلي خليها معاكي مسافة ما ترجع. نهر بفرحة وهي بتصفق: بجد يا عمو؟ معتز بابتسامة لفرحتها: بجد يا قلب عمو، يلا ادخلي!

كانوا قاعدين كلهم حوالين السفرة بيتعشوا بهدوء وسط نظرات حب وحقد وفرح ومكايد، بتقف مرة واحدة بصدمة وهي بتشهق لما حست بحد بيحسس على رجليها. نهر بشهقة وصوت عالي: عيييب عليك يا حسام، ماما قالتلي أنت ده اسمه تحرُّش!