دخلت بنت الحمام.
صرخت أول ما شافت فريدة على الأرض وسايحة في دمها.
عند أدم.
تليفونه رن ولقيها فريدة.
أدم بقلق:
برن عليكي بقالي كتير قلقتيني يا فريدة.
أدم سكت لما سمع اللي حصل لفريدة.
أدم:
فريدة فين؟
بعد ساعتين في المستشفى.
أدم كان قاعد قدام فريدة وكان حاسس بوجع في رأسه.
فريدة فتحت عنيها وهو بصلها.
أدم بلهفة:
فريدة انتي كويسة يا حبيبتي؟
فريدة مسكت إيده.
أدم:
إزاي حصلك كده؟
فريدة خافت إن أدم يروح ويعمل حاجة في ياسين.
فريدة:
وقعت.
أدم بصلها بشك.
أدم:
متأكدة؟
فريدة:
آه.
أدم حس الدنيا بتلف بيه وفجأة رأسه وقعت على السرير.
فريدة بصتله بصدمة وصرخت بخوف.
بعد وقت.
فريدة بتعب:
أدم كويس يا دكتور؟
الدكتور:
آنسة فريدة، سبق وقولتلك أدم حالته متأخرة وصعبة.
فريدة عيطت.
فريدة:
ممكن يسافر بره؟
الدكتور:
زي ما قولتلك حالته صعبة وتقريبًا ضمان حياته شبه مستحيل، بس ممكن تحاولوا.
فريدة مشيت وراحت الأوضة اللي أدم نايم فيها.
بصتله وهو نايم وطلعت جنبه على السرير وحضنته.
غمضت بتعب ودموعها نازلة.
بعد ست ساعات.
أدم فتح عينيه وبص للي نايمة في حضنه وابتسم.
أدم:
بحبك قوي يا فريدة.
تاني يوم وتحديد في أوضة أدم وفريدة.
فريدة:
أقول إيه يا مريم؟ أدم لو عرف باللي حصلي فعلًا مش هيسكت.
أدم من وراها:
وإيه اللي حصل؟
فريدة وقفت بتوتر وكانت هتتكلم.
أدم بتحذير:
اوعي تكدبي يا فريدة.
فريدة قربت ومسكت إيده.
فريدة:
طب أوعدني تهدى.
أدم:
اتكلمي.
فريدة:
ياسين.
أدم وشه اتغير.
أدم:
إزاي؟
فريدة بخوف:
لما دخلت الحمام دخل ورايا وكان مش طبيعي.
ولما حاولت أخرج منعني.
ولما جيت أخرج شدني بس اتخبطت راسي في الحيط جامد.
أدم جه يخرج.
فريدة وقفت قدامه.
فريدة بخوف:
انت وعدتني.
أدم بغضب:
ابعدي من وشي يا فريدة.
فريدة بدموع:
عشان خاطري اهدي.
أدم بقي ينفخ بغضب ومشي في الأوضة.
أدم:
ومقولتليش ليه؟
فريدة بعياط:
خوفت عليك.
أدم اتنهد وقرب منها وشدها لحضنه.
أدم بضيق:
ماشي خلاص أنا ههدي، اهدي بقى.
فريدة:
مش هتعمل حاجة؟
أدم بضيق:
عايز أموته.
فريدة بعدت عنه.
أدم:
خلاص هديت.
تاني يوم بالليل.
فريدة لـ أدم بضيق:
أغمض ليه؟
أدم بضيق:
يلا بقى.
فريدة غمضت.
أدم طلع سلسلة.
أدم:
فتحي.
فريدة فتحت ومسكتها.
فريدة بفرحة:
ليا؟
أدم ابتسم وأخدها.
أدم:
أمال لمين؟ آه ليكي.
أدم قرب منها ولبسهالها.
لفها ليه وقرب منها وباسها.
فريدة غمضت عينيها باستسلام وهي مش قادرة تمنعه.
وهو شالها وحطها على السرير وقرب منها.
بعد وقت.
أدم كان حاضنها.
أدم:
أنا أسعد واحد يا فريدة.
فريدة غمضت عيونها.
فريدة:
متبعدش عني يا أدم.
أدم هز رأسه بنفي.
أدم:
مقدرش أعملها.
عند إسلام ومريم.
مريم كانت قاعدة في الجنينة وهو واقف في الشباك.
إسلام بضيق:
أرضيها إزاي دي؟ وبعدين دي دماغها زي الحجر، لا نافع معاها براحة ولا زعق.
إسلام ابتسم للحظة بمكر ونزل لتحت.
بعد ربع ساعة.
إسلام:
مريم.
مريم استغفرت ربنا وبصت ناحيته بضيق.
فجأة صرخت بخوف لما لقيته ماسك السكينة وموجهها ناحية نفسه.
مريم بزعيق:
انت مجنون يا إسلام، سيبها.
إسلام بحزن:
وهعمل إيه طول ما انتي كرهاني كده؟ هعيش إزاي ولا هعمل إيه؟
مريم بخوف:
طيب سيبها من إيدك ونتفاهم.
إسلام بحزن:
أنا بحبك يا مريم.
إسلام فجأة ضرب نفسه والدَم نزل بطريقة رهيبة.
مريم صوتت وجريت.
مريم بصريخ وعياط:
ليه كده؟ إزاي تعمل كده؟
إسلام بصوت متقطع:
هموت.
مريم بصريخ وعياط:
اسكت، انت هتكون كويس.
إسلام بتعب:
كان نفسي تسامحيني.
مريم بعياط:
مسمحاك يا إسلام، هتروح المستشفى وهتكون كويس.
إسلام:
يا ريتك حبيتينيمريم بعياط:
تبقى كويس الأول.
مريم كانت بتزعق عشان أي حد يجي.
والغريبة ومحدش جه.
إسلام فجأة شد مريم وخلاها على الأرض وهو فوقها وباسها.
إسلام بعد عنها وضحك.
إسلام:
خليكي فاكرة، قولتِ سامحتكم.
مريم:
إزاي؟
إسلام بابتسامة وهو بيطلع السكينة وبيدوس عليها وبتدخل لجوه.
إسلام:
لعبة يا مريومة.
مريم بعياط:
والدَم؟
إسلام:
كيس شربات حطيته تحت هدومي.
مريم قربت منه بغضب وبقت تزقه وهي بتزعق.
وهو فجأة مسك إيدها وشدها ناحيته.
إسلام بابتسامة:
واللهي لخليكي تحبيني يا مريم.
إسلام سابها وهو بيضحك.
بعد يومين.
في الشركة عند أدم.
فريدة كانت قدام الشركة وفجأة جت لها رسالة.
"علفكرة جوزك مش تعبان ولا حاجة، جوزك ده واحد كذاب وعمل كل المسرحية دي عشان متتجوزيش ياسين مش أكتر. ولو عايزة إثبات روحي عنده وهتلاقي الدكتور اللي بيقولك إنه تعبان عنده."
فريدة طلعت بسرعة وعنيها مدمعة ومشاعرها في اللحظة دي عكس بعض.
بتتمنى إن أدم ميكونش عمل كده، وفي نفس الوقت يكون الكلام صح وإنه مش تعبان.
فريدة فتحت الباب بس وقفت لما لقيت الدكتور فعلاً.
الدكتور لـ أدم:
استأذن أنا.
أدم هز رأسه وهو خرج.
فريدة واقفة مكانها وعنيها مدمعة.
أدم قرب منها.
أدم بخوف:
انتي كويسة؟
فريدة فجأة زقته.
فريدة بزعيق وعياط:
انت إزاي كده؟ انت بجد حيوان يا أدم.
أدم بزعيق:
فريدة حاسبي على كلامك.
فريدة قربت منه.
فريدة:
إزاي تخلي الدكتور يقولي إنك تعبان وهتموت؟ إزاي تعمل كده؟ ده كله عشان متجوزش ياسين عشان تبقى أخدت اللي عايزه. إزاي تعيشني كده؟ انت إيه؟
أدم بعدم فهم:
دكتور إيه وتعبان إيه؟
فريدة بغضب:
إزاي تعمل كده؟ ده كله عشان اتجوزك.
أدم قرب منها.
أدم:
قصدك إيه بالكلام ده؟
فريدة:
قصدي وصلك يا أدم، وياريت ورقة طلاقي تكون عندي.
فريدة خرجت وأدم واقف مصدوم وحاسس بوجع في رأسه وفجأة وقع مكانه.