رواية ليالينا الفصل الأول 1 - بقلم مريم

فجأة فتح باب الشقة وهي جريت عليه. ليلي: مراد.. انت سكران. مراد بسكر: اعمل اللي عايزه انتي مالك. روحي حضري العشا. ليلي: مراد أنا قولتلك ميت مرة متجيش البيت وانت سكران. يا أما تطلقني يا أخويا وخلي عندك دم. وفجأة نزل قلم على وشها. ليلي: مش هسمحلك تهيني فيا تاني. دخلت أوضتها ولمت هدومها وأخدت فلوس وركبت أول قطر على إسكندرية. ليلي في التليفون: رباب أنا هاجي إسكندرية. ممكن تشوفيلي شغل ولو حتى خدامة.

رباب: تيجي بسلامة وحاضر هشوف مدام ثريا. ليلي: تسلمي يا حبيبتي. شخص (سليم) : لو سمحتي ممكن أقعد جنبك. ليلي: اتفضل. سليم كان قاعد بيشتغل على اللاب توب وليلي نامت على كتفه. سليم: يا آنسة.. ليلي لارد. سليم: يا آنسة... ليلي نامت على كتفه وهو كمل شغل. عند مراد. مراد: اقلبوا الدنيا عليها. صبحي: حاضر يا مراد بيه. مراد: صبرك عليا يا ليلي. عند سليم وليلي. سليم: يا آنسة. ليلي بنوم: سبني أنام شوية يا مراد.

سليم: أنا مش مراد أنا سليم. اصحي القطر وصل. ليلي بفزع: يالهووي. تشكر يا أخ. سليم: أخ؟ ليلي: ازيك يا رباب وحشاني انتي والعيال. رباب: ادخلي. ليلي: لقيتي شغل؟ رباب: أيوه لقيت في فيلا مدام ثريا. ليلي: وبعدين؟ رباب: هي وافقت وأنا هحكيلها قصتك. ليلي: تسلمي يا رباب تعبتك معايا. رباب: مفيش تعب ولا حاجة. ليلي: طب هبدأ امتى؟ رباب: بكرة بإذن الله. ليلي: معلش يا رباب هقعد معاكي النهاردة عشان مش معايا فلوس. رباب: تنوري يا حبيبتي.

ليلي: تسلمي. رباب: انتي أكيد تعبانة. روحي نامي شوية. ليلي: حاضر. ليلي دخلت تنام وسمعت زعيق بين رباب وجوزها. سامر: هي هتقعد تقرفنا ولا إيه. رباب: خلاص يا سامر هي ليلة واحدة مش هتطول. ليلي: أنا همشي يا جماعة. رباب كلمي مدام ثريا.