في الصباح، الكل مبسوط وبيحط الأكل على السفرة، وفي نشاط غريب.
أسر نزل ووراه ليان.
سميرة قربت من ليان بحزن: سامحيني يا بنتي على كل اللي حصل.
أميرة: أنا عارفة إن اللي حصل معاكي غلط ومكانش لازم نخبي عليكي.
ميار: أرجوكي متسبش البيت وتمشي، أنا بحبك أوي.
ليان بابتسامة خفيفة: وأنا كمان بحبكم كلكم.
سميرة أخدتها في حضنها، وأميرة وميار هما كمان.
ميار: إيه اللي في رقبتك ده؟
ليان اتوترت وبصت لأسر: إيه... آه... أصل اتلسعت وأنا بعمل شعري.
سميرة بقلق: طب ابقي خلي بالك.
ليان بتوتر: حاضر.
أسر باصلها وهو مبتسم بخبث.
نزلت سيا وشافت الخدم بيحطوا أشكال وأنواع من الأكل.
سيا: هو فيه إيه النهاردة، حد جاي ولا حاجة؟
سميرة بفرحة: ميا جاية النهاردة.
سيا بصدمة وضيق: نعم.... مين اللي جاية دي؟
أسر بصلها وسيا اتوترت.
كريمة نزلت: فيه إيه يا جماعة؟
أميرة: ميا جاية النهاردة.
كريمة: ميا... أه.
ليان مستغربة: مين ميا دي؟
سميرة: ميا دي تبقى.....
فجأة دخلت بنت في منتهى الأناقة ولابسة فستان واصل لقبل الركبة وكان على قد جسمها.
ميا بفرحة وهي بتقلع النضارة: وحشتونيييي!
وجريت على أسر وحضنته أول واحد.
ليان مصدومة وحاسة بغيرة.
ميا: وحشتنيييي أوي يا أسر.... وبصتله.... أنا مش مصدقة إني شفتك بعد المدة دي كلها.
أسر بابتسامة: عاملة إيه يا روما؟
ميا: لسة برضوا بتقولي اسمي ده.... بس تصدق طالع منك زي السكر.
أسر ابتسم أكتر، وليان واقفة جنبه مضايقة إنه بيتبسم ليها.... دا لما ابتسم ليها من قلبه كان بعد إيه!
ميا قربت من سميرة وحضنتها: وحشتيني يا سوسو أوي.
سميرة بفرحة: وحشتيني أكتر يا قلب سوسو.
قربت من أميرة وحضنتها: وحشتيني يا ماما.
أميرة بابتسامة واسعة: وأنتي كمان يا قلب ماما.
ميار بفرحة: تعاليلي أنا بقى.
ميا بضحك: حاضر. وحضنتها.
ميا قربت من سيا بكبرياء: ازيك يا سيا، ازيك يا طنط كريمة؟
كريمة: كويسة.
سيا بغرور: أنا كويسة يا حبيبتي.
ميا قربت من أسر ومسكتوا من دراعه: يلا بقى أنا جعانة أوي.
ليان مقدرتش تمسك نفسها وبعدت إيدها عنه ووقفت قدام أسر: ازيكم؟
ميا بضيق: وانتي مين بقى؟
ليان بثقة: مراته. وبصت لأسر.
ميا بضيق بس محاولتش تبينه: أ... أه مراته، ما أنا عرفت أيوه.
سميرة لليان: دي تبقى ميا يا ليان، تبقي صديقة العيلة، قربيتنا بس من بعيد شوية، عايشة مع مامتها وكانت بتيجي عندنا كتير وهي صغيرة.... وهي وأسر بقوا أصحاب أوي.
أميرة بتكملة: بس بقى كبرت للثانوي وسافرت هي ومامتها عشان تكمل تعليمها.
ميار: هي فين طنط رهام؟
ميا: هتيجي ورايا بس مش دلوقتي، عندها شغل في إيطاليا، هتيجي بعد أسبوع.
ميا قربت من أسر ومسكتوا تاني من دراعه وشدته: يلا بقى أنا عايزة أفطر معاكم.
وراحت العيلة كلها على السفرة وأسر قعد مكانه، بس ميا قعدت في مكان ليان.
ليان اضايقت ووقفت جنب أسر: ده الكرسي بتاعي.
ميا ببراءة مصطنعة: أوبس أنا آسفة، بس أنا كنت متعودة أقعد هنا جنب أسر طول.
ولسة هتقوم من مكانها بس أسر وقفها: اقعدي يا روما.
وبص لليان بكبرياء: اقعدي على أي كرسي دلوقتي، روما لسة واصلة وتعمل اللي هي عايزاه.
ليان بصتله بصدمة، وطلعت على فوق وهي مضايقة.
سميرة: أكيد زعلت يا أسر، مكنتش تقولها كده.
ميا ببراءة مزيفة: هو أنا عملت حاجة غلط؟ أنا آسفة.
أسر: متعتذريش، هي مضايقة بس شوية، أنا هبقى أطلعلها.
أسر بص للخادمة: طلعيلاها الفطار فوق.
الخادمة: حاضر يا بيه.
الكل أكل فطاره وكان مليان ضحك وهزار من ميا.
أسر أنهى فطاره وطلع فوق عند ليان.
ليان كانت قاعدة مضايقة، وكل ما تفكر إن أسر أحرجها كده قدامهم تتضايق أكتر لحد ما قعدت على السرير وبتتبكي.
شوية والخادمة خبطت الباب، وليان فتحتلها وأخدت الصينية لأنها كانت جعانة فعلاً.
حطت الصينية وبدأت تاكل وهي حزينة، لأنها بتاكل لوحدها.
وافتكرت لما كانت في الملجأ وهي بتاكل لوحدها في أوضة شبه ضلمة.
ليان سابت الأكل بخوف ومسكت دماغها.
ليان بدموع ورعشة: لا... م... مش هفتكر تاني.... أنا هعيش من هنا ورايح.
قامت ودخلت الحمام واستحمت.
بعد مدة أسر دخل الأوضة، وملقاش ليان وشاف الصينية كانت واكلة منها أكل بسيط.
دخل أوضة الملابس، وفجأة شاف ليان وهي لافة فوطة على جسمها ومدياله ضهرها وبتجيب حاجة من الرف العلوي اللي في الدولاب.
قرب منها وبقى وراها بالظبط وهي جابت الحاجة ولفت اتخضت منه.
ليان: ااااه، خضتني يا أسر.
وحاطة إيديها على قلبها.
أسر حاوطها من خصرها وقربها منه.
وليان استوعبت وهي مصدومة: أ... أسر.
أسر قرب وشه منها وباصص في عيونه.
ليان بضيق: جيت ليه؟ كنت خليك مع ست روما بتاعتك.
أسر ابتسم: فعلاً مكانش لازم أسيبها وأجي أصالحك.
ليان بصتله وبتحاول تبعد عنه: مش عايزة أك تصالحني، ابعد عني بس.
أسر بصوته الرجولي الهاديء: بس أنا جبتلك حاجة.
ليان بصتله: إيه هي؟
أسر طلع شوكولاتة من جيبه ومدها ليها.
ليان أخدتها بسرعة وقالت ببراعة وغرور: أ... احم، ماشي ممكن أسامحك بس شوية صغننة.
أسر قرب من وشها وطبع قبلة على خدها، وليان ثبتت مكانها بتوتر.
أسر: طب وكده؟
ليان بصتله بكسوف: ط... طيب سامحتك نص نص.
أسر قرب أكتر وطبع قبلة خفيفة بس على شفايفه.
ليان بصتله بصدمة: إنت عملت إيه؟
أسر ابتسم بخبث: أوريكي تاني.
ولسة هيقرب.... ليان فلتت منه وجريت ودخلت على الحمام.
أسر ابتسم على منظرها وكلمها من برا: البسي وانزلي تحت عايزكم.
وخرج.
عند ليان جوة واقفة وإحاطة إيدها الاتنين على قلبها، اللي بينبض بسرعة رهيبة.... ووشها أحمر.
ليان: أنا مالي ك... كدا ه... هو فيه إيه، أنا مش لازم أحس كده اتجاهه.... أنا ب...
ومقدرتش تكمل الكلمة.
تحت العيلة كانت قاعدة في الصالة وعمالين يضحكوا.
وميا قاعدة جنب أسر.
نزلت ليان وشافت ميا وهي لازقة في أسر.
راحت وقعدت جنب أسر الناحية التانية.
أسر بصلها وابتسم ابتسامة خبيثة، وليان بصتله وفهمت ووشها بقى أحمر تاني ونزلت راسها لتحت بكسوف.
أميرة لليان: إنتي كويسة؟
ليان بصتلها بابتسامة: آه كويسة، أنا آسفة بجد بس أنا كنت مضايقة من حاجة كده.... وطلعت ضيقي على ميا.
ميا بصتلها بكبرياء: ولا يهمك.
ميار: تعرفي يا ليان إن ميا وأسر زمان كانوا مش بيسيبوا بعض أبداً.
سميرة بضحك: كنا بنقول عليهم هيتجوزوا لما يكبروا.
ليان مبتسمة بس من جواها هتفرقع.
ميا بصت لأسر: بس للأسف بقى متجوزناش، وإلا كنت قاعدة على قلبه أربعة وعشرين ساعة.
الكل ضحك ما عدا ليان.
أميرة: أسر بيحب دايماً يقولها يا روما.
أسر ابتسم: عشان أول ما شوفتها حسيت الاسم لايق عليها.
ميا: أحلى اسم في حياتي.
وكل ده والعيلة فاكرين ميا بتهزر في كلامها بس الحقيقة غير.
ميار بضحك: تعرفي إن ميا بتشتغل عارضة أزياء مشهورة أوي، واسم الشهرة روما.
أميرة بهزار: عشان أسر بقى.
ميا قامت: طيب يا جماعة بقى أنا جايبالكم هدايا كتير أوي من إيطاليا، ولازم تقبلوها.
وجابت الهدايا وعطتها للعيلة وأسر كانت هديته أغلى هدية.
بس معطتش لليان.
ميا بحزن مصتنع: أنا آسفة يا... كان اسمك إيه صحيح؟ أ... آه ليان بس أنا كنت ناسيه وجودك خالص فا مجبتش هدايا.
ليان بابتسامة مزيفة: مش مشكلة، أنا أصلاً مش عايزة هدايا.
أسر شد ليان لعنده وابتسامة خبيثة: هجبلها أنا.
ليان اتكسفت، وميا واقفة مضايقة.
دخل حازم في الوقت ده، وقامت ميار.
حازم بابتسامة: ازيكم يا جماعة، ازيك يا ميا؟
ميا: ازيك يا حازم؟ أنا كويسة.
حازم لأسر: احم، كنت عايز آخد خطيبتي شوية يا باشا.
أسر: إنت حالاً ما خليتها خطيبتك.
ميار بكسوف: كنا هنروح عشان نختار فستان الخطوبة.
ليان باستغراب: خطوبة؟ خطوبة إيه؟
سميرة بابتسامة: أصل حازم طلب إيد ميار للجواز.
ليان بصت لميار بفرحة وقامت حضنتها: ألف مبروك يا قمر.
ميار بكسوف: شكراً يا ليان.
حازم: ها يا باشا؟
أسر قام وقف وقرب منه: موافق، بس لو لمستها كده ولا كده هتندم.
حازم حط إيده على وشه بخوف: لا... هو أنا هتجرأ أعمل حاجة بعد اللي حصل امبارح.
وأخد ميار وخرجوا.
وأسر تلفونه رن ودخل مكتبه.
سميرة: أكيد تعبتي يا ميا، اطلعي وارتاحي في أوضتك.
ميا: أه عندك حق، أنا هطلع أرتاح شوية.
وطلعت.
ليان دخلت مكتب أسر ووقفت وراه لحد ما يخلص مكالمته وهي عاقدة ذراعيها وواقفة بغضب طفولي.
أسر: جهز الاجتماع بكرة.... تمام.
وقفل الخط وبص لليان برفعة حاجب.
ليان بغضب طفولي: أنا عايزة أفهم بقى، مين ميا دي اللي تسيبها تلزق فيك كده وانت ساكت.... ده أنا مش بتعمل معايا كده.
أسر شدها من وسطها.
أسر بابتسامة: أنا حاسس إن فيه غيرة في الكلام.
ليان بتوتر: إيه... غيرة؟ وأنا أغير ليه يعني؟
أسر لفها ورفعها على المكتب وحط إيده حواليها على المكتب وحاصرها.
أسر: اممم، شايف إن إنتي بدأتي تغيري عليا من روما.
ليان بغضب: بطل تقول روما دي، ناديها ميا زي باقي العيلة.
أسر ابتسم عليها وقرب رأسه منها وبدأ يستنشق ريحتها وهمس: يعني اسم روما دي مضايقاك؟
ليان وهي مش حاسة بنفسها من قربه: أ... أه.
أسر قرب من رقبتها وطبع قبلة.
وفجأة.... الباب اتفتح ودخلت ميا.
ميا: أسر أنا كنت عايز...
واتصدمت.
ليان بعدت أسر عنها بسرعة وبإحراج.
أسر بص لميا بثبات: عايزة حاجة؟
ميا بضيق بس غير ظاهر: أنا كنت عايزة أتكلم معاك شوية.
ليان نزلت من فوق الترابيزة: احم، ط... طب أنا هروح.
وجريت على فوق.
أسر لـ ميا: اتفضلي.
وقعد على الكرسي.
وميا قعدت تتكلم معاه.
حازم واقف خارج غرفة الملابس بقلة حيلة: ها يا ميار، ده عاشر فستان تقيسيه وميعجبكيش.
ميار طلعت وهي مكسوفة، وحازم اتصدم من جمالها. الفستان كان لايق عليها أوي ولونه أحمر.
حازم سرحان: إيه الحلاوة دي.
ميار بكسوف: عجبك؟
حازم قرب منها: الأكل عجبني، ده يهبل عليكي.
ميار بكسوف: بس هو غالي شوية عليك.
حازم بحب: ولا حاجة تغلي عليكي، بكام يعني؟
ميار بإحراج: بـ 80 ألف.
حازم بذهول: 80 ألف جنيه.... خلاص والله ما يغلي عليكي.
ميار بكسوف: ح... حازم، 80 ألف دولار.
حازم جاتله الحالة: ها.
ميا كانت في أوضتها متعصبة.
ميا بغضب هستيري: مش هسمحلِك تاخديه مني، ده حب حياتي..... وأنا مش هسمحلِك....... فاكرة نفسها مين دي عشان تقرب منه!
ميا بغضب وهي بترمي المزهرية على الأرض: ده بتااااعي أنااا!
فجأة الباب خبط، ميا ظبطت شعرها وراحت فتحت بكل هدوء.
سميرة: إنتي كويسة يا ميا؟ سمعت حاجة اتكسرت.
ميا بابتسامة: دي المزهرية يا تيتة وقعت بالغلط.
سميرة بقلق: طب ابعدي عنها أحسن ترجعي تتعوري، وأنا هبعت الخدم ينضفوها.
ميا: تمام.
في المساء الكل أكل، وقاعدين في الصالة على الأنتريه.
ودخل حازم وميار.
أسر قرب من حازم المنهك وحط إيده على كتفه: شد حيلك كده.
حازم: الحب هو اللي جابني لورا.
ميار بزعل: يعني إنت ندمان إنك حبيتني يا حازم؟
حازم بخضة: إيه ده؟ لا طبعاً، ده أنا مصدقت لقيتك.
ميار بثقة: أيوا كده.
ليان بضحك: أنا حاسة إنه تحت تهديد السلاح.
الكل ضحك ما عدا ميا.
الوقت اتأخر وليان طلعت الأوضة وغيرت هدومها ولبست بيجامة حرير بنص كم وشورت.
أسر طلع هو كمان وغير هدومه بس لبس بنطلون بس وكان عاري الصدر.
ليان كانت قاعدة على السرير وأول ما شافته كده خبت عينيها بإيديها.
ليان بإحراج: ممكن تلبس حاجة؟
أسر قرب منها بخبث واعتلاها وهي لسة حاطة إيديها على عينيها.
أسر أزاح إيدها وبصلها وهي بصتله، وبعدها أسر حضنها.
وليان مقدرتش تقاوم ولفّت إيدها حوالين رقبته وحضنته.
أسر باسها على خدها وهي اتكسفت وفك أول زرار للبجامة بتاعتها.
ولسة هيقرب منها.
فجأة الباب خبط.
وليان فاقت من اللي هي فيه وبعدت عن أسر.
ليان بتهتهة: الباب ب... بيخبط، ش... شوف مين.
أسر بصلها وشدها لعنده: مش مهم.
ليان وهي بتبعده عنها: لا... ي... يمكن تكون تيتة تعبانة ولا حاجة.
أسر بصلها تاني وقام وقف ولبس تيشرت أبيض.
ليان قامت وهي بتقفل زرار البجامة وراحت وراه.
وفتح الباب.
لآقاها ميا.
ميا بخوف مصتنع: أ... أسر ممكن تيجي تنام عندي.
ليان اتصدمت ومقدرتش تسكت أكتر من كده وقالت بغضب:......