ليل بتراقبو لحد ما غفل في النوم.
ليل بطمأنان: اووف اخيرا نام.
وتخرج من الاوضه وهي بتتسحب بحذر لحد عندو.
وبكل رقه تمد ايديها علي الترابيزه الي قصاادو.
اسد: هو انتي مش كنتي مش جعانه برضو؟
ليل بتبلع ريقها من الخضه: بسم الله الرحمن الرحيم انت بتتكلم وانت نايم!
اسد بضحك ويفتح عيونو: كنتي قولتي انك جعانه بدل ما تتسحبي زي الحراميه.
ليل بتتجاهلو وتشوف الاكل.
ليل بحزن: بس الاكل ده قليل وكمان بارد.
اسد بإستغراب: قليل! ده انا سايبلك اكتر من الي كلتو ولو علي بارد سخنيه.
ليل: وانا مالي بيك كلت قد اي انا دلوقتي جعانه والاكل ده مش هيقضي.
اسد: غريبه.
ليل بتساؤل: هي اي الي غريبه.
اسد وينظر لها من اعلي ل اسفل.
اسد: مش باين عليكي انك بتاكلي اصلا.
ليل: ايوا يعني هتروح تجيبلي اكل ولا انام جعانه!
اسد: لا نامي جعانه.
ليل بحزن: طيب.
وبتقوم من قدامو.
اسد بزهق: استني هروح اجيبلك وامري لله.
ليل: ياله بقا روح انا بطني وجعاني.
وتمسك بطنها بوجع.
اسد: ماشي.
ويروح عشان يجيبلها.
علا بنعاس: اي الي مصحيكي لحد دلوقتي يا ليل.
ليل: مامي.
علا بقلق: مال صوتك يا ليل انتي كويسه واسد كويس!
ليل: لا يا مامي انا مش كويسه.
علا: مالك يا ليل اسد زعلك في حاجه؟
ليل: هقولك يامامي بس متقوليش ل عمو نعيم ولا حتي تقولي ل اسد.
علا: يابنتي قلقتيني قولي في اي.
ليل بتمثيل: انا رضيت علي الجوازه دي منغير ما اعترض و استحملت كلامو الوحش عليا يامامي عارفه ده كمان يا مامي شتمني وخلاني اعيط.
وتمثل العياط: واستحملت الكلام ده كلو.
بس انهارده ضربني يا مامي ضربني جامد اوي فضل يضرب فيا لحد ما اغمي عليا.
علا بصدمه: معقول اسد عمل كده.
ليل: اه عمل كده وقالي هيخدني معاه ونروح ل اهلو بكرا القاهره طيب يامامي هروح ازاي وانا بالمنظر ده ها قوليلي.
علا: لا يابنتي انتي مش هتروحي في حتي ولا هتفضلي معاه انا جيالك دلوقتي.
ليل: لا لا يامامي والنبي بلاش دلوقتي تعالي بكرا قبل ما يخدني معاه وانتي هتشوفيني بنفسك بس انا دلوقتي كويسه متقلقيش.
علا: ازاي يابنتي اسيبك معاه.
ليل: عشان خاطري يامامي ومتقوليش لعمو نعيم ماشي.
علا بشك: انتي متأكده انك كويسه يا ليل.
ليل بتسرع: ااه وسلام بقا عشان جاب الاكل وانا هموت من الجوع.
وتقفل السكه.
ليل: هات انا كنت هموت.
وتلف ضهرها عشان تدخل الاوضه.
اسد: انتي كنتي بتكلمي مين.
ليل بتوتر: انا! لا مكنتش بكلم حد.
وتمشي من قدامو بسرعه.
7:00AM الصبح.
اسد بيخبط علي الاوضه بقو*ه.
اسد: ياله عشان نروح لمامتك قبل ما نسافر.
ليل بزهق: يارب دي تكون اخر مره هصحي فيها علي الصوت المزعج ده ان شاء الله يارب.
ليل بفرحه: مامي هي الي هتجيلنا وبعد ما تشوف اثار الضرب الي علي وشي هتخدني معاها البيت و منغير ما تتردد قد اي انا ذكيه وبعرف اخطط لكل حاجه ومنغير ما يتشك فيا كمان.
اسد: ياله يابنتييي.
ليل: ماااشييي صحيتتت كفاااايه خبط صدعتنييي.
وبتخرج من الاوضه.
ليل بإستغراب: انت واقف كده لي! وسع عايزه ادخل الحمام.
اسد: بسرعه.
ليل بزهق: ماشي.
وباب الشقه بيخبط.
ليل بتوتر وتدخل الاوضه تاني وتقفل وراها.
اسد بإستغراب ويروح يفتح الباب.
اسد بإبتسامه: مرات عمي احنا كنا جاينلك دلوقتي.
علا: فين ليل يا اسد.
اسد: هي في الاوضه ثواني اناديهالك.
ويروحلها قدام الاوضه.
اسد: ليل اخرجي مامتك مستنياكي برا.
ليل بتخرج و تحت عينيها في كدمات وايديها مزرقه.
وتجري علي حضن مامتها وتعيط.
اسد كان منتظرها بإبتسامه وفجاءه تتحول لصدمه بعد ما شاف وشها وايديها.