رواية ليلة الاسد الفصل الرابع عشر 14 - بقلم دنيا محمد

اسد بصدمة ويتلفت حوالين المكان: ليل!! ليل اختفت يا عزيز أنا مش لاقيها. عزيز بتساؤل: مين ل.. والخط يقطع. اسد بلوم: أنا حتى ما معي رقمها عشان أكلمها. *** غزال بعلو الصوت: أييي أييي أييي مش هيطلقو؟؟ دولت باستغراب: غزال!! انتي هنا من امتى؟ غزال: لسه جايه. أي الي انتو قولتو حالا ده؟ هما مش بيحبوا بعض وهيطلقوا بعد موضوع الورث ده؟ دولت: طب هروح أنا أكلم أبوكي وأسيبكم مع بعض.

فيروز بجدية: غزال هما مش هيطلقوا وما في ورث ولا حاجة. غزال: أومال اتجوزوا لي؟ فيروز: اتجوزوا عشان مامتها عندها كانسر ربنا يشفيها وخايفة على بنتها تسيبها لوحدها. هو ده سبب جوازهم وأسد عارف. غزال ودموعها بدأت تنزل. فيروز وتقرب ناحيتها: غزال انتي كبيرة وفاهمة، فوقي من الهبل اللي انتي بتعمليه ده. طب حطي نفسك مكانها، انتي لو لقيتي واحدة بتدلع على جوزك هتقولي عليها إيه؟

وسيبك من إنهم ما بيحبوش بعض، انتي صح إزاي تدخلي لأسد الأوضة وكمان وهي مش فيها؟ على فكرة قالت لي كويس إنها ما قالتش لماما ها. غزال بعياط وتحضنها: غزال: بحبه يا فيروز، عايزاني أعمل إيه؟ فيروز: ده مش حب، ده شغل حربي. وتكمل بهدوء: انسيه، أسد لو بيحبك كان اتجوزك من بدري. غزال: بس هو بيلجأ لي أنا، ولما يكون عنده مشكلة بيجي لي أحلها له وبياخد رأيي في حاجة جديدة في حياته. فيروز: بس مش بيحبك. طب قولي لي انتي، أسد عمره سمعك؟

حكيتي مشكلة وحلها؟ غزال بتفكير: لا. فيروز: وعمره ما هيسمع عشان أسد مش شايفك غير الكتف اللي بيرمي عليه حموله، وانتي اللي ما وقفتيهوش عند حده وسيبتيه لحد ما بقى ضامن وجودك وهيفضل يشكي وانتي تسمعي، بس مش هيحبك صدقيني. أنا عايزة مصلحتك واللي انتي بتعمليه ده غلط. غزال بوعي وتمسح دموعها: عندك حق، الغلطة غلطتي من الأول. *** اسد بطمأنان بيلاقيها قاعدة لوحدها وضامة رجليها. اسد بعصبية: انتي هنا وأنا قالب عليكي المكان!!

ليل ما ردتش عليه. اسد قرب ناحيتها وقعد زيها ولاحظ دموعها اللي نازلة. اسد في ذهنه: هي أكيد اتضايقت من طريقة كلامي، فجت قعدت لوحدها. اسد بندم: آسف لو طريقة كلامي ضايقتك. اسد: ليل!! اسد: طب ردي عليا، في حد زعلك؟ ليل بعياط وتحاول تجمع الكلام: انت. أنت كلك على بعضك مضايقني ووجودك ملخبطني، مبقتش فاهمة انت كويس ولا وحش، مرة تبقى بتزعق ومرة حنين، وأهلك!! أهلك كويسين معايا على عكس ما توقعت، لا وحاسة إني مرتاحة، بس ده مينفعش!!

مينفعش أحس الإحساس ده. اسد وهو مش فاهم هي عايزة إيه ويحاول يهديها وياخدها في حضنه. ليل بدموع وشهقة: أنا عايزة بابا. اسد بحنية: حاضر، بس بطلي عياط. بعد 5 دقايق. خالد: احم. الليل ليل، تعالوا اقعدوا معانا عشان ما تتووش. اسد بهدوء: ماشي، روح انت. ليل بتفتح عيونها وتلاقي نفسها في حضن اسد وتبعد عنه. ليل وتفرك بإيديها على عيونها: انت هنا من امتى؟ اسد بصدمة: إيه؟؟؟ ليل بتفتكر الكلام اللي قالته له. ليل: إيييه انت!!

اسد بنفاذ صبر: ياله يا ليل، ياله هنروح البيت. ويمسك ايديها ويقومها. *** ياسر بعصبية: إيه!!! لا أنا لو وقعت انت اللي هتروح في داهية مش أنا. زين: غبي، لو كنت نفذت اللي طلبته كنت بقيت في حتة تانية، بس إحنا لسه فيها. ياسر: أنا مش هعمل حاجة تاني، كفاية اللي اتعمل. أنا عندي استعداد أروح أقول لـ نعيم بيه، ولا إني أبقى تحت إيديك. زين بغل: يبقى انت اللي طلبت. وبيخرج المسدس ويضرب طلقة على رجله.

زين: ابقى وريني هتروح له إزاي يا روح أمك. *** اسد وهو بيسوق العربية ويطلع مطب. اسد: معلش. اسد بفضول: يعني انتي مش فاكرة بجد اللي قولتي؟ اسد كان مستني ردها ويتفاجئ لما ينظر لها ويلاقيها نايمة ويبتسم ليها. وهو في طريقه بيوصل لمكان مقطوع وما فيهوش حد. اسد بيوقف العربية ويقرب على ليل ويقبلها بعمق و..