رواية مع اختلاف الطبقات الفصل السادس 6 - بقلم ندى الجارحي

فهد مشي. وهو ماشي شاف واحدة شكل عشق، لابسة شكل الجرسون اللي فالكافيه. فهد: عشق. عشق بصتله: نعم. فهد: بتعملي إيه هنا؟ عشق: إنت شايف إيه، بشتغل. وإن شاء الله الفلوس اللي اديتها لي هجيبها لك أول ما أقبض. فهد: بتشتغلي هنا؟ عشق: آه، ماله هنا؟ على الأقل صاحبه وفي بوعده وشغلني. فهد: أنا آسف والله، الغلط عندي أنا اللي نسيت أقول لعمرو. عشق: حصل خير. اتفضل إنت بقى عشان ورايا شغل. فهد: بس إنتي هتيجي معايا. عشق: هاجي معاك فين؟

فهد: هترجعي شقتك وتستلمي شغلك. عشق: لا شكرًا، مش هقبل أرجع مكان. انطردت منه قدام الشركة كلها. فهد: هخلي اللي طردك يتأسف لك قدام الشركة كلها. عشق سكتت ومردتش. فهد: يلا بقى، إنتي لسه هتفكري؟ عشق: حاضر. هغير هدومي وأقول لصاحب الكافيه. عشق راحت تقول لصاحب الكافيه إنها هتمشي. صاحب الكافيه: لا طبعًا مش هينفع. هو دخول الحمام زي خروجه، دا إنتي مكملتيش يوم. فهد سمع الحوار وراحله.

فهد: اطلعي يا عشق إنتي، البسي وملكيش دعوة، أنا هتصرف. فهد لصاحب الكافيه: تعرف أنا مين؟ صاحب الكافيه: مين يعني؟ فهد: أنا فهد فريد، صاحب شركات الاستيراد والتصدير للملابس الجاهزة. صاحب الكافيه: تشرفنا يا أفندم. إنت تعمل اللي إنت عايزه. فهد: تمام. بعد شوية، عشق نزلت. فهد: يلا بينا، أوصلك شقتك تاني. عشق: ماشي. بعد شوية، كان فهد وصل عشق شقتها. فهد: بكرة إن شاء الله أنا اللي هاجي آخدك ونروح الشركة. عشق: شكرًا لحضرتك.

عشق نزلت السوبر ماركت. لقت فهد واقف في السوبر ماركت. فهد: إيه اللي نزلك؟ عشق: عايزة أشتري شوية حاجات. فهد: طيب اطلعي وأنا هجب لك اللي انتي عايزاه. عشق: لا شكرًا، أنا هشتري. فهد: يستي اطلعي بس وهبقى آخد منك الفلوس. عشق: حاضر. فهد جاب أكل لعشق وطلع الشقة. فهد: اتفضلي يا عشق. عشق: تمام. بكام بقى؟ فهد: لا، أنا مش هاخد فلوس. عشق: خلاص مش هاخد الحاجة. أنا وافقت إنك تجيب على أساس إنك هتاخد الفلوس.

فهد: خلاص خلاص، هاتي الفلوس. عشق: كام؟ فهد: ١٠٠ جنيه. عشق: دا كله بـ ١٠٠ جنيه؟ فهد: يستي، صاحب المحل عمل لي تخفيض عشان صاحبه. سلام. فهد سابها ومشي، وهي قعدت تضحك. بعدين أكلت ودخلت نامت. تاني يوم الصبح، عشق صحت. عملت روتينها اليومي ولبست. وبعدين عملت سندوتشات لها ولفهد. بعد شوية، الجرس رن وكان فهد. عشق طلعت وركبت معاه في العربية. فهد: صباح الخير. عشق: صباح النور. اتفضل السندوتشات دي. فهد: سندوتشات ليه؟

عشق: عادي، بحب أعمل سندوتشات ليا، قولت أعمل لحضرتك معايا. فهد: مع إني مبفطرش، بس اعملي حسابي كل يوم في السندوتشات. بعد شوية، وصلوا الشركة. وياسمين شافتهم وهما نازلين مع بعض من العربية وراحت عليهم وقالتلهم.