رواية مع اختلاف الطبقات الفصل الأول 1 - بقلم ندى الجارحي

فهد : طيب أنا عندي اقتراح. عشق : قول. فهد : أنا عندي شركتي طبعًا في إسكندرية. أنا كنت جاي القاهرة في شغل، بس بيتي وشركتي في إسكندرية. ممكن تشتغلي عندي في الشركة؟ وطبعًا فيه سكن للعمال هناك، أبقى أقعدي فيه. عشق : بجد، أنا مش عارفة أشكر حضرتك إزاي. فهد : ولا يهمك. أنا هوديكي دلوقتي السكن. فهد : انتي معاكي إيه طيب عشان أعرف أشغلك؟ عشق : للأسف مكملتش تعليم. فهد : ماعندكيش أي مواهب طيب؟ ترسمي، تصممي أي حاجة؟

عشق : أنا بعرف أرسم ورسمي جميل جدًا. فهد : تمام. إحنا شركتنا شركة ملابس أصلًا، فهنحتاجك عشان تصممي لنا. عشق : متشكرة جدًا يا أفندم. فهد : تاكلي؟ عشق : لا يا أفندم، شكرًا. فهد : ما تسميش أفندم على فكرة، اسمي أستاذ فهد. عشق : حاضر. فهد : استنيني هنا. فهد نزل، كان فيه محل مفتوح، اشتري شيبس وبسكويت وعصير ورجع تاني العربية. فهد : خدي دول معاكي عشان لو جوعتي. عشق : لا، متشكره جدًا. فهد : هتاخديهم ولا مفيش شغل؟

عشق : هاخدهم، هاخدهم. فهد : شاطرة. وخدى بقي الفلوس دي كمان. عشق : لا والله، خلاص. فهد : يستي خديهم وهبقى أخصمهم من المرتب. عشق : حاضر. فهد : بصي بقي، فيه شقق تبع الشركة بنديها للعاملين بإيجار بسيط، وفيه شقق بس مشتركة، كل أوضة فيها كذا سرير. بس طبعًا مش هينفع تقعدي هناك. فأنا هوديكي شقة ومش عايز إيجار خالص. عشق : لا طبعًا، هدي حضرتك الإيجار لو ما قبضت.

فهد : انزلي بقي، هي دي العمارة. هجبلك مفتاح الشقة أهو. ادخلي وتعالي بعد بكرة استلمي شغلك، وخدى عنوان الشركة أهو. عشق دخلت الشقة، وطبعًا الشقة كان فيها كل حاجة وكانت مفروشة مش ناقصها حاجة. طبعًا عشق كانت جعانة جدًا، جابت الأكل اللي فهد جابه لها وقعدت تاكل وبعدها نامت. تاني يوم الصبح الجرس بيرن، يا ترى مين؟