رواية معجزة الحب الفصل الأول 1 - بقلم بسمله حسن، منة السيد

فيلا محمد وسارة سارة بغيظ: يا محمد سبني أقوم، زمان العيال صحيت. محمد واخدها في حضنه: تؤ تؤ تؤ، أنا عايزك في حضني كده. محمد قرب من سارة وووووو. الباب خبط. محمد بعصبية: مين؟ حياة ببراءة: أنا يا بابا. محمد اتنهد: في إيه يا حياة؟ حياة: يابابا أحمد عماي يعيط من الصبح. محمد بعصبية: يعني هو ده وقتك؟ سارة بضحك: سبني أقوم بقى يا أستاذ. محمد بيبصلها بغيظ ورفعة حاجب: قومي يا أختي. قامت سارة لبست الروب وفتحت الباب.

حياة ببراءة: كل ده يا ماما، أحمد عمي يعيط من الصبح ومش عارفة أنام. سارة باست بنتها: معلش يا قلب ماما. وراحت في أوضة ابنها أحمد. سارة مسكت البيبي وبدأت تهديه. حياة بغيره: شليني أنا كمان، اشمعنى أحمد يعني؟ محمد جه من وراها وراح شالها. محمد: عشان أحمد لسه صغير مش بيعرف يمشي زيك، وإنتي شطورة يا حياتي. حياة ببراءة: ماشي بس هيكبر امتى؟ سارة: كمان شوية، يلا علشان تشربي اللبن. حياة بغيظ طفولي: بس أنا مش عايزة أشرب اللبن.

وطلعت جريت. سارة: والله هتجبلي شلل قريب. محمد بضحك: بعد الشر عليكي. نروح عند نادين. كيان وصل بيت نادين. كيان: هي فين نادين يا ماما نوال؟ نوال بحزن: قاعدة جوه يا بني من ساعة ما عرفت موت بدر، وهي حابسة نفسها في الأوضة. كيان بزعل على صاحب عمرو: مع إنه بدر ميت بقاله شهر، بس حاسس إنه موجود حوالينا. طيب يا ماما نوال روحي اندهالي. نوال: يارب يرده، تقابلك هي من ساعة اللي حصل وهي مش عايزة تشوف حد. نوال دخلت عند نادين.

كيان طلع الفون وجاب صور له ولبدر. كيان بدموع: وحشتني أوي يا زعيم. نوال خرجت بصوت: الحقني يا كيان. كيان جري عليها: في إيه؟ نادين كويسة؟ نوال بعياط: نادين اغم عليها ومش عايزة تفوق. كيان جري على أوضة نادين عمال يفوق فيها مفيش فايدة. كيان شالها ونزل بيها ونوال معاهم. كيان وداها المستشفى وفضل بره هو ونوال. الدكتور خرج جريوا عليه كلهم. نوال بخوف: طمني يا دكتور، بنتي كويسة؟

دكتور بيطمنها: مفيش داعي للخوف، اللي حصل ده طبيعي لحالتها. كيان باستغراب: حالتها؟ مش فاهم. الدكتور بابتسامة: أيوه، مبروك المدام حامل في خمس أسابيع. كيان بصدمة: حامل؟ دكتور: أيوه، ويا ريت تهتموا بالتغذية في الشهور الأولى. كلهم دخلوا عند نادين. نادين بدأت تفتح عينيها لقت كيان ونوال. نادين بصوت واطي: هو إيه اللي حصل وأنا جيت هنا ليه؟ نوال: اللي حصل إنك اغم عليكي و... نوال سكتت مش عارفة هتقول إيه لنادين إزاي إنها حامل.

نادين: في إيه؟ أنا عندي إيه؟ كيان بهدوء: نادين، انتي حامل. نادين بصدمة: إيه؟ محمد: يلا يا سارة كده هتتأخري على الشغل. سارة: خلاص يا حبيبي، حياة جاهزة أهي. محمد نزل لمستوى حياة. محمد: نفسي مرة متأخرنيش. حياة ببراءة: مش أنا يا بابا، ده الكوتش مش عايز أعمله. محمد: طيب يلا يا مغلباني. سارة: هاروح أشتري حاجة من المول اللي جنبنا. محمد: ماشي يا روحي، هتاخدي أحمد معاكي؟ سارة: لا، هوديه لي مامتك.

حياة: وأنا يا ماما خديني معاكي. سارة: لا، انتي هتيجي، هتروحي لتيتا. حياة بعياط: لا، أنا عايزة أجي معاكي. محمد: خلاص يا سارة خديها معاكي. سارة بقلة حيلة: ماشي. حياة بفرحة: إيه، أروح أركب العربية؟ كلهم ضحكوا عليها. كيان بهدوء: أيوه يا نادين، حامل وإحنا كلنا جنبك. نادين حطت إيديها على بطنها وعيطت: أنتم كلكم جنبي، بس بدر مش جنبي، لا أنا ولا ابنه. إيه لازمتها الحياة من غيره؟ كيان لسه هيتكلم، الباب خبط.

الدكتور دخل بابتسامة: إزيك حضرتك يا مدام نادين؟ نادين بعياط: كويسة الحمد لله. الدكتور: إيه ده انتي بتعيطي؟ ده أنا جاي أوريكي البيبي. نادين مسحت دموعها: لا، أنا مش بعيط. وبدأ الدكتور يعمل سونار. نادين: هو كويس يا دكتور؟ دكتور بابتسامة: الاتنين زي الفل. كيان بصدمة: اتنين؟ هي حامل في توأم؟ دكتور: أيوه، وحته بص في الشاشة هتلاقي نقطتين. كلهم بصوا في شاشة السونار وفعلاً لقوا نقطتين.

نوال: إيه التعليمات اللي هتمشي بيها يا دكتور؟ الدكتور: مفيش أي تعليمات، أنتم بس خدوا بالكم منها ومن التغذية، وأنا هكتب فيتامين وكالسيوم ومثبت حمل. خرجوا كلهم من المستشفى لقوا عبد الرحمن وسهر قدامهم. عبد الرحمن بخوف: مالك يا نادين؟ انتي كويسة يا حبيبتي؟ نادين: أنا حامل يا عبد الرحمن. عبد الرحمن اتصدم وبعد كده خدها في حضنه: بس يا روحي، أنا هنا جنبك. كيان بغيره: إنت يا عم النحنوح، أنا بغير.

عبد الرحمن: ملكش دعوة، دي أختي اللي مليش غيرها. كيان لسهر: شوفي جوزك عمال يبوس ويحضن في بنات الناس. سمر راحت عند عبد الرحمن وخدت نادين في حضنها هي كمان. عبد الرحمن خدهم في حضنه هما الاتنين. سمر: جوزي يعمل اللي هو عايزه. كيان بغيظ منهم: كده ماشي، تعالي يا بت يا نادين نروح المول نجيب لبس وهعزمك على عصير قصب. نادين خرجت من حضن عبد الرحمن: يوم ما تعزمني تعزمني على عصير قصب.

كيان: أنا مش عازمك إنتِ، أنا عازم ولاد أختي، يلا. خدها ومشي بيها. كلهم فضلوا يضحكوا على تصرفات كيان. وفعلاً راحوا المول، ودا كان نفس المول اللي راحت فيه سارة وحياة. نادين شافت لبس البيبيهات. نادين: كيان، هاروح أشوف حاجة وجاية. كيان: تحبي أجي معاكي؟ نادين: لا، أنا هروح وأجي تاني على طول. وفعلاً نادين راحت تشوف الهدوم. في نفس الوقت حياة شافت راجل معاه بلالين كتير. جريت عليه. حياة: عايزة واحدة يا عمو.

الراجل بشر: تعالي معايا يا قلب عمو وأنا هديلك كل دول. حياة ببراءة: ماشي، أروح أقول لماما وأجي. حياة لسه هتمشي، الراجل حط حاجة على بوقها، اغم عليها. نادين شافت كده راحت مصوتة، كان في راجل وراها راح كتم بوقها، اغم عليها. وخدوهم وخرجوا من المول من ورا.