رواية معجزة الحب الفصل التاسع 9 - بقلم بسمله حسن، منة السيد

بكى رسول الله يوماً. فقالوا: ما يبكيك يا رسول الله؟ فأجابهم: اشتقت لأحبابي. قالوا: أولسنا أحبابك؟ قال: أنتم أصحابي. أما أحبابي فقوم يأتون من بعدي يؤمنون بي ولم يروني. صلوا على من بكى شوقاً لرؤيتكم. رودينا باستغراب: إيه الملف ده يا أشرف وليه مكتوب عليه اسمي؟ أشرف بتوتر: ده الملف فيه... رودينا: فيه إيه؟ أشرف جاي يتكلم بس تليفون رودينا رن. أشرف خد منها الملف ورودينا راحت ترد.

أشرف خد الملف: أنا لازم أخبيه كويس، دي لو عرفت الحقيقة مش عارف ممكن يحصل إيه. أنا هروح في داهية وهنفضح. رودينا خلصت مكالمتها وطلعت لأشرف. رودينا لسه هتتكلم قاطعها أشرف في الكلام. أشرف علشان يداري حكاية الملف: أنا قررت تنزلي، اشتغلي. رودينا فرحت: بجد يا أشرف؟ أشرف بابتسامة مزيفة: بجد يا قلب أشرف. انتي عندك وقت فراغ، فاعملي حاجة بدل ما انتي قاعدة كده. رودينا بفرحة مش سايعاها: شكراً يا أحسن أشرف في الدنيا.

بدر في الشركة هو وكيان. بدر بعصبية للسكرتيرة اللي عنده: الورق ده ناقص إيرادات الصفقة اللي فاتت. نرمين بخوف: والله يا فندم مش أنا اللي ماسكة الحسابات، ده أستاذ عبد الرحمن وأستاذ ماهر. بدر بعصبية: روحي اندهيلي الاتنين. كيان قاعد ومركز على تصرفات بدر. وفعلاً نرمين جات ومعاها عبد الرحمن وماهر. بدر: الحسابات دي ناقصة.

عبد الرحمن: والله يا فندم أنا شفت الحسابات أول لما خدنا الصفقة وكان سليم مش ناقصه حاجة وبعتها لأستاذ ماهر. ماهر بتوتر: إيه أنا... أنا... راجعت وراك بس. بدر بغموض: بس غيرت الحسابات كلها صح؟ ماهر سكت مش عارف يتكلم. بدر بصوت عالي: أنت مرفود. ماهر بأسف: أنا آسف يا فندم. بدر: أنا معنديش في القاموس كلمة آسف. ماهر كان خارج وقفه صوت بدر. بدر: والفلوس اللي خدتها تجيبها. علشان أنا لو زعلت زعلي وحش، فاهم؟

بدر كان بيتكلم بطريقة مرعبة. ماهر هز راسه بخوف من بدر: فا... فاهم... فا... فهم. ماهر خرج وعبد الرحمن كمان. نرمين دخلت بخوف أول لما بدر نداها. نرمين: نعم يا فندم. بدر بصوت عالي: نزلي إعلان على السوشيال ميديا على موظفين حسابات وسكرتارية، مفهوم؟ نرمين بخوف من عصبية بدر: حاضر يا فندم. كيان أول لما نرمين خرجت: خلصت ولا لسه؟ بدر باستغراب: على إيه؟

كيان قام وقف قصاد بدر: الحفلة اللي انت عاملها، أوعى تفكر إني غبي، لأ أنا فاهمك كويس. انت كلمت الإمبراطور وهو جه صح؟ بدر ساكت. كيان بصوت عالي شوية: رد عليا، ليه كلمته؟ عايز إننا نخسرك، انت مفكرتش فيا، أنا هعمل إيه من غيرك؟ طيب بلاش أنا، مفكرتش في نادين وعيالك هيبقوا عاملين إزاي من غيرك؟ انت أناني يا بدر، مش بتفكر غير في نفسك وبس.

بدر بغضب: أنا مش أناني، أنا بعمل كده علشان خاطركم، أنا بعمل كده علشان عيالي لما يجوا ميكونش في خطر على حياتهم زيي. أنا حياتي ممكن تنتهي في ثانية. راح قعد على أقرب كرسي. كيان قرب منه: إحنا قدرنا مكتوب عليه كده. اسمع الكلام يا بدر، بلاش الإمبراطور. بدر: خلاص مبقاش ينفع، الإمبراطور نزل مصر وهيكلمنا في أي وقت. كيان بصدمة: انت بتقول إيه؟ نروح لمكان أول مرة نروحوه عند الإمبراطور.