رواية معلمة من الصعيد الفصل الأول 1 - بقلم مريم شعبان

نرجع القاهرة ليه يا بابا؟ عشان جدك نفسه يشوفك و خالك كمان. بس أنا بحب أعيش هنا. يا حبيبتي، هنرجع على طول بإذن الله. جدك تعبان و نفسه يشوفك. طيب والمدرسة؟ ده فاضل أسبوعين و تبدأ. أعمل إيه؟ أسبوعين نكون راجعنا بإذن الله. يلا يا مودة حضري نفسك. لا يا بابا مش هسافر. لا. ودخلت أوضتها. * * * في القاهرة، في فيلا سليم السيد. سليم: أنا كلمت جوز اختك الله يرحمها، وقالتله إن نفسي أشوف مودة. نبيل: بجد؟ طيب هتجيبها إمتى؟

سليم: بإذن الله. حضري بقي البيت يا سهام. سهام: من عيوني يا حاج، ده أنا هيطير من الفرحة، مش مصدقة مودة جاية. سليم: بإذن الله يا بنتي، يارب توافق تيجي. سهام: مين دي اللي توافق تيجي؟ سليم: تعال يا عز، بنت عمتك جايه بكرة بإذن الله. عز: بنت عمتي مين؟ سهام: مودة يا بني، هو أنت عندك بنت عمة غيرها؟ عز: مودة؟ مش دي اللي عايشة في الصعيد؟ هتجى هنا ليه؟ سليم: أنا اللي طلبت كده من صابر إنه يجيب مودة ويجيبها. عز: ليه يا جدو؟

إحنا ناقصين؟ سهام: عز، احترام نفسك، عيب كده. عز: حاضر. سهام: معلش يا بابا. سليم: ياريت تعرف عيالك يا نبيل إن بنت اختك زيهم بالظبط، وإن البيت ده بيتها، تيجي وقت ما تحب وتمشي وقت ما تحب. نبيل: طبعًا يا بابا، بيتها طبعًا. سليم: تمام. أنا عرفت إنها مدرسة وعايزها تكون في مدرستنا. عز: نعم؟ سهام: عز... اسكت. عز: مدرستنا إيه يا جدو؟

عايز تجيب واحدة جاهلة جاية من الصعيد وتخليها في مدرستنا اللي فيها كل أولاد رجال الأعمال والوزراء وأهم ناس في البلد، وبيدرسلهم أحسن مدرسين. تجيب بنت جاهلة ومتخلفة، أقصى حاجة تعرفها عن التعليم "ألف أرنب ببطة". نبيل بصوت عالي: عز، احترم نفسك واتكلم كويس على بنت عمتك. عز: فيه إيه يا بابا؟ مش بقول الحقيقة. إزاي هتجيب واحدة زي دي في مدرسة إنترناشونال؟ مستحيل ده يحصل.

سليم بغضب: احترم نفسك يا ولد. واه هيحصل يا عز، أنا اللي أقول إيه اللي يحصل وإيه لأ. عز بغضب مكتوم: تمام يا جدو. عن إذنكم. واتجه لأوضته ودخل. جاد أخوه الصغير: مساء الخير. خير، فيه إيه صوتكم عالي ليه كده؟ سهام: أنت رجعت من الدرس بدري كده ليه؟ جاد: عادي يا سمسم. بس مين كان بيزعق؟ نبيل: أخوك المجنون. جاد: ليه؟ سهام: عشان بنت عمتك جايه بكرة من الصعيد، وجدك عايز يخليها تقعد معانا على طول ويخليها مدرسة في المدرسة.

جاد: مدرسة إيه؟ نبيل: بتاعتنا. جاد: نعم؟ من الصعيد وفي المدرسة بتاعتنا؟ لا لا طبعًا. سليم: خلي الواد ده يطلع هو كمان، مش ناقص وجع قلب. جاد: جدو، لا، هي تيجي عادي، بس مش تخليها في المدرسة. يا خبر لو الناس عرفوا إن بنت عمتي جاية من الصعيد وجاهلة. سليم: أنا رايح أوضتي قبل ما ضغطي يعلى أكتر. سهام: أنا معرفتش أربي والله. جاد: أنا قولت إيه؟ يعني؟ نبيل: مين قال إنها جهلة يا بني آدم أنت وهو؟

دي أشطر مدرسة عندهم ومتعلمة أحسن تعليم. جاد: يا بابا، مش أنت بتقول من الصعيد؟ هو الصعيد فيه تعليم بنات أصلًا؟ سهام: أنا دمي اتحرق منكم. أنا رايحة أشوف بابا. وطلعت. ونبيل قام وراها. جاد: هو أنا قولت حاجة غلط؟ ده إيه ده؟ ملهم دول. * * * عند مودة، كانت قاعدة في أوضتها متعصبة، والباب يخبط. مودة: بابا لو سمحت مش عايزة أتكلم. رحاب: أنا رحاب يا مودة، فيه إيه يا بومة؟ مودة: رحاب، أقسم بالله أنا روحي في مناخيري، مش قادرة.

رحاب: يا بنتي اهدي، بطلي جنان. مودة: هو اللي كلمك؟ رحاب: عمو صابر بصراحة. أه، ما تروحي تشوفي جدك، يابنتي فيها إيه؟ مودة: بت، والله هضربك. رحاب: مش قولنا اهدى؟ مودة: مش عايزة أروح يا ستّي، مش عاوزة. أنا مبحبش القاهرة والزحمة. رحاب: طيب ممكن نتكلم بهدوء؟ مودة: اتفضلي. رحاب: عشان خاطر مامتك الله يرحمها، روحي شوفي جدك. هو حد قالك عيشي هناك؟ دي مجرد زيارة بس، هطول شوية. مودة: أنتِ عارفة المدرسة فاضل عليها قد إيه؟

هم أسبوعين. رحاب: دول أسبوعين يا مودة، مش ساعتين. روحي أسبوع وارجعي على طول. أبوكي كلم جدك وقال إنكم هتكونوا هناك بكرة. مودة: شفتي بقى صابر بيعمل إيه من ورايا؟ عشان عارف إني مش هروح، بيحطني قدام الأمر الواقع. رحاب: ما أنتِ عنيدة أوي. مودة: مش هروح برضه. رحاب: طيب عشان خاطري. مودة: بت اسكتي. رحاب: مودة، أنتِ كده بتقطعي صلة رحم، حرام عليكِ. مودة: صلة الرحم؟ هما لسه فاكرين إن عندي حفيدة؟

رحاب: خليكي أنتِ الأحسن وروحي. عشان متصغريش عمو صابر قدامهم كمان. مودة: ... رحاب: ههه، قولتي. مودة: هقول إيه يعني؟ أهو أسبوع ويعدي. باب أوضتها اتفتح. صابر: الله أكبر عليكي يا رحاب، عرفتي تقنعيه. مودة: الله! أنت واقف ورا الباب يا حاج صابر؟ مش عيب الحركات دي. صابر: حضري شنطتك يلا يا قلب أبوكِ. بتروح مودة عنده بعصبية وتبوس خده. مودة: هروح عشان خاطرك بس. صابر: ربنا يحفظك ليا يا رب. يخرج. رحاب: يلا نحضر الشنط. مودة: يلا.

ويروحوا. ورحاب كانت معاها. مودة: رحاب، هاتي الخمار والجلاب الكشميري. هلبس كده بكرة. رحاب: تمام يا حبيبتي. أهو على جنب. مودة: تمام، خلصت كده. رحاب: تمام. قوليلى صحيح. مودة: نعم. رحاب: أنتِ متعرفيش أي حد في أهل مامتك غير طنط سهام، صح؟ مودة: آه يا بنتي، ما أنتِ عارفة. هي الوحيدة اللي بتكلمني على طول. رحاب: ربنا يحفظها ليكي يا رب. عندك ولاد خال، صح؟ مودة: آه، أربعة: ماهر وعز وزهراء وجاد. رحاب: ما شاء الله. تعرفي حد فيهم؟

مودة: أنا بكلم زهراء بس، معرفش الباقي غير من خالته سهام. رحاب: كويس. بتأكد إنك مش هتكوني لوحدك أوي. يلا، همشي أنا بقى. مودة: ليه؟ لسه بدري. رحاب: لا، كفاية كده. نامي عشان تقومي بكرة بدري. مودة: حاضر. وتمشي رحاب. صابر: تعالي يا دودو، عايزك. مودة: نعم يا بابا.

صابر: أنا عارف إنك بكرة رايحة غصب عنك، بس يا بنتي أنا بعمل ده كله عشان خاطر مامتك، عشان تكون مرتاحة ومبسوطة بينا. صدقني، أنا كل اللي يهمني في الموضوع والدتك الله يرحمها، فمتزعليش، وهنرجع على طول. مودة: الله يرحمها. مش زعلانة يا بابا، أنت عندك حق. أنا بس اتعصبت عشان أنت عارف إني بحب حياتي هنا ومبحبش أغيرها. صابر: صح يا بنتي، يلا قومي نامي عشان بعد الفجر على طول هنمشي بإذن الله. مودة: بإذن الله. تصبح على خير.

صابر: وأنتِ من أهله. * * * في غرفة سليم، قاعد على الكراسي وماسك صورة بنته (والدة مودة) . والباب يخبط. سليم: ادخل. سهام: عامل إيه يا بابا؟ سليم: كويس يا بنتي، تعالي. تروح عنده. سهام: أنا آسفة جدًا على كلام عز وجاد. هما بس لسه مش عارفين مودة. سليم: الغلط عليا أنا. أنا غلطان، سبتها السنين دي كلها، وجاي دلوقتي أسأل عليها. تفتكري هتحبني وتوافق تعيش معانا هنا؟ سهام: بإذن الله يا حبيبي، بإذن الله. سليم: يارب، يارب.

سهام: يلا بقى عشان تاكل وتاخد الدوا. سليم: حاضر يا بنتي. * * * عند مودة، بترد على تليفونها. مودة: عايزة إيه أنتِ كمان؟ زهراء: كلميني باحترام. مودة: بت، اخلصي. زهراء: بيقولوا إنك جاية بكرة، صح؟ مودة: آه يا ختي، صح. زهراء: يلاهوي على الفرحة! أنا فرحانة أوي أوي إنك جاية. مودة بفرحة على فرحتها: آه يا حبيبتي، بإذن الله بكرة بليل هكون عندك. زهراء: أخيرًا هشوفك. مودة: حضري أوضتك بقى عشان أنام عندك الأسبوع ده.

زهراء: ده أنتِ تنوري. بس أسبوع؟ مودة: آه، ما أنا هيجي أسبوع وأمشي على طول. زهراء: بتهزري، صح؟ مودة: عندي مدرسة يا بنتي، ولازم أكون موجودة عشان الدروس والطلاب وحوار كبير كده. زهراء: أنتِ رخمة أوي. مودة: شكراً يا محترمة. زهراء: امشي يا مودو. مودة: سلام يا حب. المهم أجي ألاقيكي مجهزة الغدا. زهراء: حاضر يا ختي. يلا سلام. مودة بضحك: سلام. * * * نرجع القاهرة. في أوضة عز، قاعد هو وماهر. عز: شفت جدك بيعمل إيه؟

ماهر: بيعمل إيه يعني؟ ده بنت عمتك، المفروض تتكلم عنها باحترام. عز: بيقولك عايشة طول عمرها في الصعيد، يعني مش شبهنا. ماهر: عز، بطل طريقة الكلام دي. دي بنت عمتك في الأول وفي الآخر. وكمان مالهم الصعايدة؟ يعني؟ عز: أكيد تعلمه قليل لو متعلمة أصلًا. وأسلوبها هيكون إيه تفتكر؟ ماهر: أنت شوفتها عشان تحكم عليها؟

عز: ما هو واضح زي الشمس أهو. تفتكر بنت عايشة حياتها كلها في الصعيد هتعرف إيه عن الأتيكيت والرقي وحياة القاهرة عمومًا؟ لا. وكمان جدك عاوزها تبقى مدرسة في مدرستنا دي. هي اللي عاوزة تتعلم أصلًا. ماهر: أنت يا بني جدك تعبان. بطل أسلوب ده. وكمان ممكن هي متوافقش أصلًا. عز: دي ما هتصدق تقعد في فيلا زي دي وهي طول عمرها. ماهر: أنا رايح أوضتي. أنت النقاش معاك ملوش فايدة.

عز: أحسن برضه. امشِ. دي لو خلتها تقعد أكتر من أسبوع هنا، مبقاش أنا عز. جاد: عز عز. عز: عايز إيه يا زفت؟ جاد: هات 300 جنيه. عز: ليه إن شاء الله؟ جاد: عايزهم يا سيدي، هيجيب حاجة. عز: طيب خد من الدرج عندك. جاد: حبيبي يا أخويا، حبيبي. ويأخذ الفلوس ويخرج. عز: صبرك عليا يا ست المدرسة. * * * الفجر. في بيت مودة. صلت وقرأت الأذكار والورد، وقامت تجهز. لبست جلاب كشمير وخمار من نفس اللون. مودة: قمر يا مودة، قمر. صابر: مودة.

صابر: نعم يا بابا. خلصتي يا بنتي؟ مودة: آه يا حبيبي، أنا جايه. وتخرج. صابر: ما شاء الله، قمر. مودة: حبيبي. صابر: أنتِ حاطة حاجة في وشك؟ مودة: لا والله، ده كريم مرطب وسن بلوك بس. صابر: تمام يا حبيبتي، يلا بينا. مودة: يلا. ويخرجوا ويركبوا عربية صابر. صابر: دعاء السفر يا مودة.

مودة: الله أكبر، الله أكبر، الله أكبر. سبحان الذي سخر لنا هذا وما كنا له مقرنين. وإنا إلى ربنا لمنقلبون. اللهم إنا نسألك في سفرنا هذا البر والتقوى، ومن العمل ما ترضى. اللهم هون علينا سفرنا. صابر: اللهم آمين. يلا توكلنا على الله. صابر: يا بنتي، ارحميني. ده رابع عسيلة لحد دلوقتي. مودة: بحبها أوي يا بابا. صابر: بالهنا يا حبيبتي. مودة: هو فاضل كتير؟ صابر: لسه بدري. مودة: تمام.

وسرحت في المنتظر ليها هناك. يا ترى هتكون أول لقاء ليها مع أهلها إزاي؟ يا ترى هيكونوا مبسوطين بوجودها ولا لأ؟ مودة: يارب خير، يارب. وتسند رأسها على الشباك.