رواية معلمة من الصعيد الفصل الحادي والثلاثون 31 - بقلم مريم شعبان

غيث بضحك: اصبري بس. وكان خارج وراها، بس يسمعوا صوت صراخ. سليم: بسم الله. في أيسهام خرجت من المطبخ جري. سهام: في أي يا جماعة؟ بيري: ده صوت موده. سليم: بنتي. ويطلعوا كلهم على فوق، ويروح ناحية الصوت. في أوضة جاد وموده كانت واقفة فوق السرير وعز جنبها بيضحك. غيث: في أي يا بنتي؟ موده: اقسم بالله يا جاد هولع فيك. عز بضحك: انزلي يا بنتي. سليم: انتي كويسة يا موده؟ موده: جدو خلي الحيوان ده يخرج. الزفت اللي معه برة يخرج.

جاد بضحك من الحمام: جبانة اقسم بالله. كاظم: في أي؟ موده: خلي يخرجه. سهام: يخرج إيه يا حبيبتي؟ موده: الكلب اللي معه. بيري: كلب! وكانت خارجة. غيث: اصبري يا مجنونة انتي كمان. اقفي هنا. سليم: كلب؟ جبت الكلب ده امتى؟ جاد: ده بتاع يوسف يا جدو، وهو جابه من شوية ومشي. وأنا دخلته الحمام. سليم: خضتني يا موده. قولت بعد الشر حصلك حاجة. موده: الحيوان ده بيخوفني بالكلب. ماشي يا جاد ماشي. أما سقطتك في الامتحان. جاد: هروح أطلعه.

موده: يا جدو. سليم: بس يا جاد. انزلي يا موده، وانت واقف بتضحك على مراتك. إيه الهبل ده؟ عز بضحك: اصل حضرتك مش شوفت حاجة. إحنا داخلين عند جاد عادي، دي أول ما شوفت الكلب اتحولت قرد. قعدت أجري في كل مكان، وفي الآخر طلعت وقفت كده. كاظم: انزلي يا حبيبتي متخافيش. موده: نزلت وجريت على برة. سليم: خضتني والله. قولت حصلها حاجة، بعد الشر. وانت يا مجنون بطل تخوفها. جاد بضحك: هي اللي بدأت يا جدو. أنا كلمته. ماهر: في أي يا جماعة؟

كاظم: لسه فاكر يا حبيبي. ماهر: معلش كنت بعمل حاجة. في أي؟ عز: مفيش. موده خايفة من الكلب. ماهر: كلب إيه؟ غيث: الحيوان ده جايب كلب من عند يوسف. ماهر: مشي يا بني الزفت ده. عيالي هتخاف. عز: اه يلا عشان المدام بتاعتي خائفة. جاد: ربع ساعة ويوسف جاي ياخده. تحت في الجنينة. موده: بطلوا ضحك عليا. سليم: بس يا بني انت وهو. جاد: شكلك كان مضحك قوي. موده: ماشي يا جاد. صفر في الامتحان. راحاب: خلاص بقى يا موده.

جاد: شوفي يا موده العيال بتلعب معه إزاي، وانت قاعدة فوق الكنبة. راحاب: مستغربة. لين أول مرة تقعد جنب كلب، على طول بتخاف زي موده. موده: اه، هو الضحك كله عليا النهاردة صح؟ جاد بضحك: صح. عز: بس يا واد ملكيش دعوة بمراتك. جاد بضحك: حاضر. سهام: نزلي رجلك يا موده يا بنتي، متخافيش. عز: خلاص يا موده متخافيش، انتي قاعدة جنبي. موده: لا، سندي بجد. ما انت كنت واقف فوق بتضحك. عز: خلاص آسف. يلا اقعدي كويسة. موده: ماشاء الله.

لين: جاد. جاد: عيونه. لين: عايزة أتصور معه. جاد: تعالي يا حبيبتي نتصور معه. موده مش جاية. موده: مش هروح. والتلمي وابعد من هنا. جاد بضحك: تمام. في القسم عند حاتم. حاتم: وصلت لحاجة يا حاتم. حاتم: في مدارس انترناشيونال فيها نفس الكلام. : مخدرات برضه؟ حاتم: اه. : طيب مدرسة زي إيه؟ حاتم: بعت أجيب أسماء المدارس. لما تيجي هقول لحضرتك. : تمام. عايزين نخلص من العملية دي، بقالنا شهور فيها.

حاتم: العملية مش سهلة يا فندم، مش زي أي قضية مخدرات. دي فيها حاجات كتير، فيها أطفال وشباب بيموتوا بسبب المخدرات والقرف ده. : باذن الله تقدر تجيبهم في أقرب وقت. حاتم: باذن الله. والباب يخبط ويدخل العسكري. : تمام يا فندم. حاتم باشا، أسماء المدارس. حاتم: هات. جزاك الله خيراً. ويبدأ يقرأ. حاتم بصدمة: مستحيل. : في أي يا حاتم؟ حاتم: مدرسة جدو سليم. : مين جدو سليم؟ حاتم: صاحب مدارس السليم. جد خطيبتي يا فندم.

مستحيل يكون هما. : انت متأكد منهم يا حاتم؟ حاتم: أكيد. حضرتك قبل ما يكون جد خطيبتي، خالي صابر يبقى جوز بنته الله يرحمها. وموده بنت خالي وحفيدته تكون مرات حفيده. وبنت عمي راحاب تكون مرات ابنهم الكبير ماهر. يعني العيلة كلها في بعض. واثق منهم طبعاً. بس مش فاهم مين في المدرسة. : ما يمكن حد من المدرسين أو الطلاب أساساً. حاتم: ممكن. : يلا يا حاتم اشتغل وشوف مين الناس دي في أقرب وقت. حاتم: أكيد يا فندم. فيلا سليم.

كاظم: هو نبيل مختفي فين من الصبح؟ سهام: نايم تعبان. قال هينام شوية. سليم: ربنا يطمني عليه. : يا رب. أسماء: السلام عليكم. : وعليكم السلام. كاظم: أهلاً الهانم نورت. أسماء: عاملين إيه؟ معلش طولت يا جماعة، بس بابا كان تعبان قوي. كاظم: مش كلمتني ليه طيب؟ أسماء: رنيت عليك كذا مرة مش بترد. سليم: ألف سلامة عليه يا بنتي. أسماء: الله يسلمك يا بابا. سهام: هو عامل إيه دلوقتي؟ أسماء: الحمد لله، بس مش أحسن حاجة. يا سهام ادعوا له.

بيري: ماما. أسماء: حبيبتي وحشتني. بيري: جدو عامل إيه؟ أسماء: الحمد لله يا حبيبتي. كاظم: هاخدك ونروح بكرة نشوفها. أسماء: تمام. غيث: حماتي. أسماء: إزيك يا غيث عامل إيه؟ غيث: الحمد لله، وحضرتك؟ أسماء: الحمد لله يا بني. عاملين إيه يا بنات؟ موده: الحمد لله يا طنط. أسماء: عروستنا عاملة إيه؟ راحاب: الحمد لله يا حبيبتي بخير. أسماء: الحمد لله. أطلع أنا بقى أرتاح شوية بعد إذنكم. بيري: تعالي هطلع معاكي. أسماء: يلا. ويطلعوا.

سليم: اطلع ورا مراتك. كاظم: حاضر يا بابا. ويقوم. موده: في حاجة كده مش طبيعية. عز: ملكيش دعوة بحد يا حبيبتي، وتعالي عشان عايزك. موده: لا، أنا قاعدة مع جدو. سليم: اقعدي يا قلب جدو. امشي يا بني انت من هنا. موده: حبيبي يا جدو. في المساء في بيت صابر. حاتم: السلام عليكم. : وعليكم السلام ورحمة الله وبركاته. هيام: حمد لله على السلامة يا حبيبي. حاتم: الله يسلمك خالو. أنا عايزك في حاجة. صابر: تمام يا حبيبي تعال. ويقوم.

هيام: في أي؟ حسناء: يمكن عايزة في شيء خاص بالفرح. موده: كان قال قدامنا. يارا: خير يا جماعة خير. موسى: موده. موده: موده. موسى: تعالي عايزك. موده: اخلص. موسى: تعالي تعال. موده: تمام. وتقوم. حسناء: مالهم المتخلفين دول؟ هيام: أنا عارفة يا أختي. وموده تخرج، وهي وموسى. هيام: رايحة فين كده؟ موده: مشوار مهم قوي. هروح أقول لبابا. عند صابر وحاتم. صابر: انت متأكد من الكلام ده؟ حاتم: اه يا خالو. التقرير أهو.

المخدرات بتطلع من المدرسة السليم. موده: إيه؟ حاتم: موده. موده: مخدرات إيه؟ صابر: أنا مش عايز حد يتكلم في الموضوع ده. وانت يا بني تروح لجدك سليم تتكلم معه وتقوله الكلام ده. موده: مخدرات في المدرسة عندنا إزاي؟ حاتم: مش عايز كلام في الموضوع ده كتير. صابر: أنتوا رايحين فين؟ موسى: مشوار مهم. يلا يا موده. موده: ساعتين وأجي يا بابا. تمام. صابر: تمام يا بنتي. ويمشوا. حاتم: في أي؟ صابر: أنا مش فاهم حاجة.

اقعد كده براحة وافهمني مين مع مين. في عربية بيري. بيري: ممكن أفهم دلوقتي احنا رايحين فين؟ موده: أنا مش قلتلك. وأخدتك معايا عشان تيجيبي عربيتكم. مروان: جدعان. إحنا رايحين مكان خطر دلوقتي. متأكدين إننا لازم نروح؟ يوسف: اه. هنروح، متخافيش. الكل حاجة تمام. جاد: اسكتوا بقى عشان أعرف أسوق. موده: إحنا لو اتمسكنا النهاردة هيكون بسبب الواد ده. يوسف: انتي مش بتكلمنا؟ جيتي ليهم؟ موسى: ما تسكت يا بني. اسكت.

موده: أنا غلطانة إني جيت بجد. أنا غلطانة يا جزمة. يوسف: خلاص يا ستي. واقدوا ساكتين لحد ما نوصل. موده: ما تيجي تضربني يا واد. أنا الكبيرة على فكرة. يوسف: حقك عليا يا ستي. فيلا سليم في جناح ماهر ورحاب. راحاب: انت يا ابني ابعد عني. أنا مش طايقة نفسي. ماهر: أنا كلمتك يا بنتي. انتي اللي بتلفي ورايا من الصبح. راحاب: اه عشان عايزة رنجة. ماهر: رنجة تاني يا بنتي. اتلمي بقى. راحاب: على فكرة أنت زوج غير حلو.

ماهر: انتي بتقولي إيه؟ راحاب: الترجمة هتنزل دلوقتي. وبعدين أنا زعلانة منك. ماهر: هو بعد موضوع الصبح كان المفروض أنا أرميكي علقة محترمة. بس يلا قولت أنا راجل وعاقل ومحترم، أخدها على قد عقلي. راحاب: ترميني علقة ليه إن شاء الله؟ ماهر: هي الهانم مش شايفة نفسها غلطانة؟ راحاب: على فكرة مش أخدت منه حاجة. ماهر: كنتي هتاخدي. راحاب: الصراحة اه. بعدين إحنا خلصنا الموضوع ده الصبح. انت لسه زعلان؟

ماهر: مش زعلان أوي، بس متضايق منك بسبب الحركة. راحاب: وأنا بحبك أوي. ماهر: مش هتثبتي؟ راحاب: مش بهزر بجد. أنا افتكرت هتضربني الصراحة، زي ما نشوف في المسلسلات كده. ماهر: هو ده رد أي واحد أول ما يشوف كده. بس أنا عمري ما أمد إيدي عليكي. وقعدت لحد ما انتي جيتي أستغفر ربنا عشان أكون هادئ. وأهو انت كلمتني بهدوء وفهمت وجهة نظرك، وعرفتي إنها غلط وخلصنا خلاص. وأنا كنت بهزر معاكي على الضرب ده، إنما أنا عمري ما هضربك أكيد.

راحاب: تعرف يا ماهر لو كل واحد عامل زيك الحياة هتمشي. لما الست تعمل شيء غلط، كلمها براحة عشان إحنا بطبيعتنا بنتوتر بسرعة ونعيط بسرعة. في لما كلمتني بهدوء، أنا بقيت مرتاحة إني عمرك ما هتعملي حاجة. واتكلمت معاك، انت كبرت في نظري أوي يا ماهر. في موقف زي ده تقف وتتكلم بهدوء، تحضني بدل ما تضربني. أنا بحبك أوي بجد. ربنا يحفظك ليا. انت هتكون أعظم أب بجد. ماهر: يا حبيبتي. ربنا يحفظك ليا، وانت أحن أم.

وأنا مش عملت شيء غريب، ده اللي المفروض يحصل. بهدوء كل حاجة هتكون كويسة. أوعي تخافي مني لو في يوم اتخانقنا مع بعض. الخناقة متخرجش برة أوضتنا، تفضل بينا إحنا وبس. ونقعد نحلها مع بعض. اتفقنا. راحاب: حاضر يا حبيبي. ربنا يحفظك ليا. ماهر: ويحفظك ليا. عند الشباب وبيري وموده قدام المطعم. بيري: هنفضل واقفين. جاد: أكيد طبعاً. موده: بس يا بني هندخل. موسى: اه البيتزا عندهم جامدة أوي يا موده. يوسف: لا ما هي مش ناقصة انتي وأختك.

موده: بس يا زفت خليني أركز. مين داخل ومين خارج. مروان: ركزي يا موده ركزي. بيري: هو أنا فين بالظبط؟ ده كل اللي داخلين عاملين شعرهم زي الإسرائيليين. موسى: لا ما هما كده. بيري: نعم! إحنا جايين هنا ليه؟ موده: يا بنتي أنا مش قلتلك. بيري: بس مش افتكرت إنه في حد بجد. يلا نروح أنا خايفة. مروان: يا جدعان اسكتوا بقى عايزين نركز. بيري: يا أختي غيث بيرن. موده: مترديش. بيري: مينفعش. موده: خلاص ردي وافضحنا. بيري: لا مش هرد خلاص.

جاد: انتوا جايين معانا ليه بجد؟ عاملين دوشة. موده: تصدق بجد أنا غلطانة. مروان: اه. ويلا من هنا. بيري: بس يا زفت انت وهو. فيلا سليم في مكتب سليم. حاتم: وبس يا جدو ده كله الموضوع. عز: إزاي؟ مين في المدرسة يقدر يعمل كده؟ حاتم: أنا معرفش. الكلام مكتوب على المدرسة. ومأكدين إن المدرسة مليانة مخدرات. كاظم: أستغفر الله. إزاي يا بني بس تدخل المدرسة؟ حاتم: حقيقي مش عارف. عز: جدو ما ترد. سليم: أقول إيه؟

المدرسة اللي قعدت أعملها سمعة سنين وسنين يكون فيها مخدرات. وإزاي وبتدخل إزاي أساساً. حاتم: هنعرف يا جدو بإذن الله. سليم: بإذن الله. عز اطلع هات ماهر. بقالي ساعة بقوله ينزلك. كاظم: اقعد يا عز أنا طالع وهخليه ينزل. عز: تمام يا عمو. سليم: الواد لازق فوق. غيث: عريس بقى يا حاج. الواد ما صدق. سليم: اتلم يا حيوان. غيث بضحك: حاضر. أنا اطلع أشوف مراتي. حاتم: مفيش حد برة. كلهم مش موجودين. سليم: وانت عرفت منين؟

حاتم: أنا وداخل كلمت زهراء وقالت لي مفيش حد هنا. كنت بسأل على موده قالت لي محدش فيهم موجود. عز: الله. راحوا فين؟ غيث: اصبر أرن على بيري. ويرن. غيث: مش بترد. حاول انت كده. عز: تمام. ويرن مش بترد برضو. حاتم: الله. راحوا فين دول؟ سليم: بيعملوا مصيبة. حاتم: نعم يا جدو. سليم: مش عايزين تعرفوا هم فين. بيقولكم بيعملوا مصيبة. عز: هو حضرتك عارف هم فين؟ سليم: لا. بس كلهم مختفين. يبقى بيعملوا إيه غير مصيبة. موبايل عن يرن.

عز: الو…… عز: بتقول إيه…… عز: تمام أقفل. حاتم: في أي؟ عز: ده صاحبي اللي بيته جني المطعم. بيقولي أخوك وصحابه هناك. ومعهم نفس البنت اللي كانت معاهم قبل كده. ومعهم بنت تاني. سليم: مطعم إيه؟ أنا مش فاهم حاجة. غيث: لما نيجي يا جدو. إحنا لازم نمشي دلوقتي. يلا. ويخرجوا جري. سليم: أستر يا رب. اللهم احفظ أحفادي ليا يارب. في فيلا رويدا. رويدا: ماما. مهدي: خرجت يا رويدا. رويدا: راحت فين؟ مهدي: معرفش. خرجت هي ووالدك.

رويدا: طيب مستر تامر جاي دلوقتي عشان الحصة. مهدي: في وقت متأخر كده. رويدا: معرفش. كلمني قال ينفع النهاردة. مهدي: طيب تمام. رويدا: انت كنت خارج ولا إيه؟ مهدي: اه. بس هقعد طالما المستر الجاي. رويدا: اخرج عاد. مهدي: نعم يا حبيبتي. رويدا: يعني قصدي المستر أخويا الكبير. في عادي أقعد معه لوحدي ومتخافيش عليا. مهدي: بس يا ماما. بس يا حبيبتي. يلا اطلعي اجهزي لحد ما يجي. رويدا: تمام. قدام المطعم.

موده: ياربي بقى بقالهم ساعة بيرنوا. موسى: ده حاتم كمان بيرن عليا. بيري: شكلنا اتقفشنا يا شباب. جاد: شكلنا كده. على العهد يا جدعان. محدش يغدر بالتاني. بيري: عيب عليك. من أول قلم هعترف عليكم. موده: عيال عيال. بصوا ويكون شخص داخل المطعم وراه كمية كبيرة من الحرس. والكل بيرحب بيهم. مروان: ده شكله الكبير بتاعهم. موسى: شكله كده. موده: حد يصور بسرعة. يوسف: تمام. ويصور. مروان: خدوا بالكم يا جماعة لحد يشوفنا. بيري: متخافيش.

لو حد جايه هنجري بالعربية. موسى: ربنا يستر يا شباب. وكانوا قاعدين متوترين لحد ما حد يخبط على العربية. كلهم اتخضوا. غيث: بتعملوا إيه هنا؟ بيري: يا أخي حسب الله ونعمة الوكيل فيك. خضتني. غيث: طيب انزلي كده. انزلي. بيري: انت جاي لوحدك؟ غيث: لا، عز وحاتم معايا بس في العربية. موده: اركب يا غيث بسرعة. غيث: بس يا ماما. موده: اركب الله يهديك. خدوا بالهم إننا بنصور. اخلص يا بني. غيث يركب بسرعة ويجروا بالعربية. في عربية عز.

عز: مالهم دول؟ حاتم: اجري وراهم يا عز. أخدوا بالهم إنهم بيصوروا. اجري بسرعة. عز: ربنا يستر. ويجري. قدام المطعم. : تعالوا تعالوا. : هنروح نجيبهم يا باشا. : سيبهم. شكلهم ناس عادية. : كانت واقفة بتصور. : طيب جريوا ليه؟ : في عربية وراهم. أنا مش عايز دوشة عشان الكبير. هنشوف الكاميرات بعد كده. : تمام يا باشا. في عربية بيري. جاد: في حد ورانا. موسى: أهم. موده: اهد يا جاد. السرعة كده دي عربية عز. جاد: تمام. ويوقفوا.

ويقف حاتم وعز. وينزلوا كلهم من العربية. عز: انتوا كويسين؟ جاد: اه الحمد لله. حاتم: انتوا بتعملوا إيه هنا؟ موده: كنا كنا كنا. موسى: بنجيب بيتزا. حاتم: والله بتعملوا إيه قدام المطعم ده تاني؟ موده: مش اسكت يا عز. دول طلعوا كل شغلهم حرام. عز: لا احلفي يا خالتي. وأي تاني؟ موده: مخدرات وإسرائيليين. ربنا يجيب حقنا منهم. حاتم: انتي بتهزري ولا بجدي؟ مروان: لا مش بتهزر. المكان كله إسرائيليين. غيث: عرفتوا إزاي؟ جاد: من لبسهم.

يوسف: وكمان عاملين شعرهم زيهم بالظبط. وغير كده اللغة. حاتم: والله ما يمكن ناس بتهرب حاجة وبيتكلموا كده. موسى: لا عيب عليك. بقنا أسابيع بندور وراهم. إسرائيليين حتى صحاب المطعم. حاتم: وانتوا رايحين ليهم؟ مروان: لو قولنا هتفضلوا معنا وتساعدونا. غيث: أتفضل. وبدأ مروان يحكي كل حاجة. يوسف: دي كل الحكاية. وكنا ناوين نقول لحاتم عشان يكون معنا. عز: بس انتوا كده دلوقتي في خطر.

انتوا روحتوا كذا مرة، وأكيد هم دلوقتي عارفين انتوا مين. وغير تصوير المكان هتعملوا بيه إيه؟ موسى: هنزله من آكونت فيك. حاتم: اللهم. مروان: لا بصوا انتوا معنا ولا لأ. موده: صدقوني يا شباب. إحنا لازم نقف كلنا إيد واحدة. إزاي ناس زي دي تدخل مصر أساساً؟ إحنا بحثنا عنهم كل شيء حرام. هم بيعملوا نص شباب مصر راحوا بسببهم وبسبب المخدرات. حاتم: أنا معكم. بيري: وغيث معكم. غيث: نعم. بيري مسكت إيده: تسيب مراتك لوحدك؟

وأنا عارفة مصلحتك. غيث: أكيد لا. يلا نلعب شوية. موده: قرة عيني. عز: هيطلقكم. موده: لا بعد الشر. معانا. عز: أنا مش فاهم حاجة أوي. هنعمل إيه؟ أحنا. موده: ما إحنا مش عارفين. إحنا عايزين يتمسكوا وبس. عز: باللهم. موده: اه يا أخويا والله. حاتم: شباب هسأل سؤال. جاد: أتفضل. حاتم: مش ملاحظين أي حاجة غريبة في المدرسة؟ جاد: اه، إن الكائن ده بيعمل امتحانات كتير. موده: هضربك. حاتم: مش قصدي كده. مفيش حد عندكم بيشرب حاجة؟

موده: يا عم صل على النبي. أنا أول أسبوع كانوا كلهم بيشربوا سجائر. حاتم: بالله عليكي اسكت خليني أركز معاهم. موده: حاضر. حاتم: بصوا يا شباب. في حركات غريبة في المدرسة. حد بيوزع حاجة كده. غيث: يا بني إحنا كنا هنلاحظ طيب. سيبك مننا إحنا جوز المخابرات دول. لو شافوا حاجة كانوا قالوا. دول طول اليوم لف في المدرسة. بيري: أنا مش فاهمة. حد يفهمني. حاتم: اسم المدرسة جاي من ضمن المدارس اللي فيها تجارة مخدرات. بيري: يلهوي.

موده: مين بيعمل كده؟ حاتم: ما إحنا مش عارفين. بيري: يا أختي جدو تاجر مخدرات. غيث: ما تتلم يا بنتي. عز: كلمها كويس يا بني. غيث: هتودينا كلنا في داهية. بيري: ما أنا. يوسف: وأنا أقول انتوا كل شوية فرح. جبتوا الفلوس دي منين؟ جاد: تصدق صح. مش تقولوا يا جدعان إن جدي تاجر مخدرات؟ كان زماني بصيف في مالديف. موده: وأنا كنت عملت فرحي في دبي دلوقتي. مروان: مش تقولنا يا جاد كده بردو؟ نعرف من برة. جاد: معلش يا خالة.

أم ياسين جات فجأة. مروان: طيب ربنا يكمل على خير. حاتم: بس انت وهو. اقسم بالله لو سمعت صوتكم تاني كل واحد يسكت مراته. عز: مش مراتي هي أختك. ساكته. موده: يا جدعان بنهزر زي ما انتوا بتهزروا. غيث: بس إحنا مش بنهزر. المدرسة عندنا فيها حد تاجر مخدرات. موسى: ده بجد. حاتم: للأسف. ويرن موبايله. حاتم: السلام عليكم…… حاتم: إيوه يا فندم…… حاتم: تمام حاضر. ربع ساعة وأكون عندك. ويقفل. حاتم: أنا لازم أمشي دلوقتي. موده: في أي؟

حاتم: مش عارف. بس ربنا يستر. عز هاخد عربيتك. عز: تمام خدها. هركب مع العيال دول. حاتم: تمام سلام. ويمشي. موده: في مصيبة. عز: شكلها كده. يلا نروح ونتكلم في البيت براحتنا. غيث: يلا بينا. في فيلا رويدا. مهدي: أهلاً اتفضل يا مستر تامر. تامر: أهلاً بحضرتكم. مهدي: أنا خال رويدا. تامر: اه أهلاً بيكم. مهدي: منور. رويدا رويدا. المستر هنا. وتيجي رويدا وهي لابسة فستان وحاطة مكياج بسيط. مهدي يصلها باستغراب. رويدا: مساء الخير.

تامر: مساء النور. رويدا: إزيك يا مستر؟ تامر: تمام. اتفضلي عشان نبدأ الحصة. مهدي: أنا برة لو عايزين حاجة. أنا قاعد بعد إذنكم. ويخرج ويسيب الباب مفتوح. تامر: عاملة إيه؟ رويدا: الحمد لله كويسة. تامر: الحمد لله. نبدأ الحصة. فيلا سليم. سليم: نفسي أعرف بتختفوا فجأة فين كلكم؟ موده: كنا بنجيب حاجة. سليم: عيل. أنا هقصد الكلام ده. عز: أخيراً ماهر هنا. يا بني أنا نسيت شكلك. ماهر: والله.

غيث: يا بني انت بتيجي من المدرسة بتفضل قاعد فوق. الله يرحم أيام زمان. ماهر: انتوا مالكم انتوا؟ سهام: ما بس يا واد انت وهو. الله أكبر في عينكم. ربنا يهنيك يا حبيبي. ماهر: يارب يا ماما. نبيل: كنتوا فين بقى؟ موده: عامل إيه يا خالو؟ نبيل: الحمد لله يا بنتي. موده: أدم الله حمدك. ربنا يطمنا عليك. فين رحاب؟ ماهر: بتذاكر مع الولاد فوق. عز: بتذاكر عشان كده انت هنام. ماهر: لو سمعت كلمة تاني هولع فيكم انتوا الاتنين. غيث: الله.

أنا اتكلمت. ماهر: عشان لو عايز تتكلم. موده: طيب تعالي يا بيري نطلع فوق السطح. عايزة أتصور. اه تمام. بيري: اه تمام يلا. ويقوموا. عز: احم. غيث تعال عايزك. غيث: تمام بعد إذنكم. ويقوموا. جاد: تعالوا يا شباب نلعب مرة فوق. سهام: تلعب إيه يا حبيبي؟ جاد: قصدي نذاكر فوق. يلا شباب. يوسف: يلا بينا. ويجروا. أسماء: الله مالهم؟ سهام: أنا عارفة. سليم: اقسم بالله بيعملوا مصيبة. ماهر: مصيبة إيه بس يا جدو؟

وكان باصص على اللي بيشاوروا من ورا سليم إنه يجي. سليم: أنا عارف يا بني. ماهر: طيب بعد إذنكم يا جماعة. كاظم: رايح فين انت كمان؟ ماهر: هروح أشوف رحاب وأجي. ويمشي بسرعة. نبيل: مالهم دول؟ سليم: اقسم بالله تاني مرة بيعملوا مصيبة. سهام: عندك حق يا بابا. حاسة فيه حاجة غلط. في جناح رحاب وماهر. كلهم قاعدين. راحاب: منورين يا جماعة. واللهم. موده: بنورك يا حبيبتي. ماهر: أفهم دلوقتي إن المدرسة بتاعتنا من ضمن قائمة تجار المخدرات؟

غيث: اه. ماهر: وانتوا روحتوا تاني المطعم صح؟ جاد: كان لازم نروح. ماهر: وأنا مش قولت بلاش تروحوا لوحدكم؟ يوسف: لا عيب عليك. كان معانا موده وبيري. ماهر: بلا وكسة. موده: الله شوف أخوك. عز: عنده حق. ده انتوا كنتوا هتعيطوا لما لاحظوا إن حد بيصورهم. بيري: أكيد كنا زمانكم بتقروا علينا الفاتحة. غيث: بعد الشر يا حبيبتي. بيري: خايفة عليا. غيث: لو مش هخاف عليكي هخاف على مين؟ بيري: ربنا يبارك لي فيك يا حبيبي.

غيث: يارب يا أم العيال. عز: لا لا سرحان ونفسية. مش وقت حب نهائي. ماهر: عايزين نفكر جد بقى هنعمل إيه. فيلا رويدا. تامر: فهمتي كده يا رويدا؟ رويدا: اه يا مستر. تامر: تمام. محتاج حاجة تانية؟ رويدا: لا تسلم. تامر: المهم دلوقتي عاملة إيه في حياتك؟ رويدا: أهو ماشية وبحاول في الدروس. تامر يمسك إيديها: لا ركزي كده عشان مستقبلك. رويدا بتوتر: إن شاء الله. تامر: أنا بحبك أوي. من أفضل البنات عندي بجد. ربنا يحفظك.

رويدا بتوتر أكتر: شكراً يا مستر. تامر: العفو. كده خلصنا. رويدا: تمام. تامر: خلاص. هكلمني لو عايزة حاجة. رويدا: بإذن الله. فيلا سليم في جناح ماهر. ماهر: فهمتوا؟ الكل: لأ. ماهر: ده الطبيعي. ما كلكم نايمين. عز: صاحيين بدري يا عمر. راحاب: إيه الدوشة دي؟ وتشوف. موده: استر يا رب. وتجي رحاب. راحاب: الحقوني. حاتم جاي ومعاه عربيات كتير أوي.