رواية معلمة من الصعيد الفصل الخامس 5 - بقلم مريم شعبان

في المستشفى، كانوا كلهم قاعدين. جاء عز وحاتم ومودة وصابر. عز: في أي؟ جدو ماله؟ سهام: مش عارفين. أنا دخلت الصبح أشوفه عشان ياخد الدواء، لقيته مرمي على الأرض. صابر: طيب خير يا جماعة بإذن الله. مودة: فين زهراء يا طنط؟ سهام: في البيت مع نورسين وسند. صابر: طيب يا مودة، روحي اقعدي معاها. سهام: آه يا بنتي. مودة: طيب تمام، هكلمك أطمن على جدو. سهام: حاضر يا بنتي. مودة: حاتم، تعالي معايا. حاتم: تمام، بعد إذنكم. مشوا.

ماهر: مين الأخ؟ عز: ابن عمة مودة. ماهر: آه تمام. صابر: خير يا جماعة، بإذن الله خير. نبيل: يارب، يارب. *** في فيلا سليم السيد. نورسين: أنا عايزة بابا. زهراء: بابا مع جدو في المستشفى، وشوية وهما جايين. نورسين: ماشي. زهراء: جاد، جاد، جاد. جاد: نعم؟ زهراء: كلم ماما، شوف جدو عامل إيه. جاد: حاضر. زهراء: فين سند؟ جاد: بيلعب برة. زهراء: طيب ممكن تروح تجيبه؟ جاد: حاضر، هكلم ماما وأروح أجيبه. زهراء: ماشي يا حبيبي. مشوا.

نورسين: أنا هروح عند بابا. زهراء: نورسين، مش ينفع. خليكي هنا ثواني، هييجي حاجة وأجي. قامت. نورسين: أنا هروح عند بابا. جرت. زهراء: نورسين، نورسين! لا، لا! جرت وراها. نورسين خرجت من الباب وجرت على البوابة. زهراء وقعت عند الباب وبعد كده مش قدرت تخرج. زهراء بصوت عالي: جاد! جاد! جاد! شوفت عربية جاية عند نورسين. زهراء: جاد، الحقني! جاد! نورسين! لا، لا! جاد: في أي؟ زهراء: نورسين، نورسين! شارت. جاد: يلهوي!

جرى على بره يجيب نورسين بسرعة. راح عند زهراء. زهراء: كده يا نورسين تعملي فيا كده؟ نورسين: آسفة يا عمتو، بس عايزة بابا. زهراء بعياط: مش قولت مش ينفع نجري برة كده؟ نورسين: آسفة. حضنتها. جاد: قومي يا حبيبتي، هي كويسة. قامها وحضنها. جاد: بس هي كويسة خلاص، اهدى. نورسين بعياط: أنا آسفة، والله مش هعمل كده تاني. زهراء: خلاص يا حبيبتي، روحي العبي مع سند في الجنينة. نورسين: يعني مش زعلانة مني؟ زهراء: آه يا حبيبتي.

نورسين حضنتها: بحبك. جرت عند سند. جاد: خلاص بقي كفاية عياط. زهراء: لو ما كنتيش جيت، كان زمان العربية خبطتها. جاد: بعد الشر عليها. زهراء بدموع: أنا هفضل لحد امتى كده؟ جاد: طيب، اهدي. مفيش حاجة، انتِ ست البنات. دخلت مودة وحاتم معاهم. مودة: زهراء، مالك؟ جاد: قلقانة على جدو. مودة: يا حبيبتي، اهدي. هو هيكون كويس. حاتم: طيب، أمشي أنا بقي. جاد: مين الأستاذ؟ مودة: ابن عمتي، حاتم. ودول جاد وزهراء، ولاد خالي.

حاتم: تشرفت بكم. بعد إذنكم بقي. جاد: إزاي يعني؟ اتفضل اشرب حاجة. حاتم: لا، ربنا يحفظك. لازم أمشي، عندي شغل. جاد: طيب، اتفضل. راح معه لحد الباب. مودة: مالك بقي؟ زهراء: خائفة على جدو. مودة: أنا متأكدة أنه مش ده السبب، بس جدو هيكون كويس بإذن الله. زهراء: بإذن الله. جاء جاد. جاد: منورة يا أخت مودة. مودة: بنورك. جاد: صح، صحابي جاين شوية وهنقعد في الجنينة. زهراء: هو ده وقت صحابك؟ جاد: أعمل أي؟ كلموني وقالوا جايين. زهراء:

أقول لازهراء: روح يا جاد، مش ناقصة صداع. صحابك مين؟ جاد: أنا عندي غيرهم. مروان ويوسف. زهراء: تمام. على الجنينة وهات سند ونورسين يقعدوا هنا، وإحنا كده كده هنروح المستشفى شوية. جاد: حاضر. مشوا. زهراء: اوف، صحابه دول كلهم فاشلين. مودة: هم سنة كام؟ زهراء: رايحين ٣ ثانوي. مودة: إزاي؟ وهو عنده ١٩ سنة؟ زهراء: كان ساقط ٢ ثانوي مرتين. مودة: الله! هو في مدرسة بتاعتكم؟ زهراء: آه. بس هو والشلة بتاعته فاشلين أساساً.

مودة: طيب، ما حد يبعده عن الشلة دي. زهراء: إزاي؟ هم في فصل واحد كلهم، وبيحبوا بعض أوي. هنعمل إيه؟ مودة: ربنا يهديهم. زهراء: معلش يا مودة، ممكن تروحي تجيبي سند ونورسين من برة؟ مودة: حاضر يا حبيبتي. راحت. مودة: سند، نورسين. سند: مودة! راح عندها وحضنها. مودة: أهلاً أهلاً، عامل إيه؟ سند: الحمد لله. مودة: إزيك يا نورسين؟ نورسين: الحمد لله. مودة: بس إيه القمر ده؟ نورسين: حلوة. مودة: حلوة بس دي! انتِ جميلة أوي أوي.

ضحكت نورسين. مودة: يلا بقي ندخل جوا نلعب. سند: ما نلعب هنا؟ مودة: مش هينفع، عشان صحاب عمو جاد جايين. يلا ندخل. سند: ماشي. دخلوا. *** في المستشفى. سهام: حمد لله على سلامتك يا بابا. سليم: الله يسلمك. عز: كده تخوفنا عليك يا حاج. سليم: انت هنا ليه؟ عز: عشان أشوفك. سليم: وأنا مش عايز أشوفك. انت تعبتني أوي. عز: ليه؟ ده انت حبيبي. سليم: اطلع برة. عز: طيب يا جدو، حضرتك تعبان، بلاش مجهود. سليم: فين مودة؟

سهام: مع زهراء في البيت. سليم: تمام. أنا عايزها. كلموها، عايزكم كلكم في موضوع مهم. سهام: طيب، لمي تروح. سليم: أنا هروح امتى؟ سهام: بليل بإذن الله. سليم: خلاص تمام. حد يقولها مش تمشي، خليها قاعدة هناك لحد ما أروح. سهام: حاضر. روح كلم اختك يا عز، أقولها. عز: حاضر. نبيل: ناوي على إيه يا بابا؟ سليم: لمي نروح، هتعرفوا كل حاجة. *** عند مودة وزهراء، كانوا قاعدين بيلعبوا مع سند ونورسين. موبايل زهراء رن. زهراء: ده عز. ردت.

زهراء: السلام عليكم ورحمة الله وبركاته. عز: وعليكم السلام ورحمة الله وبركاته. عاملة إيه يا حبيبتي؟ زهراء: الحمد لله. انت كويس؟ عز: آه الحمد لله. المهم، مودة عندك صح؟ زهراء: آه، ليه؟ عز: طيب، خليها تقعد لحد ما نيجي. جدو عايزها. زهراء: حاضر. هو كويس؟ عز: آه. وهيخرج شوية. زهراء: الحمد لله. عز: يلا، خلي بالك من نفسك. زهراء: حاضر. سلام. قفلت. زهراء: يا أخت مودة، جدو بيقولك اقعدي لحد ما يجي. هو جاي بليل.

مودة: أكيد، مش همشي غير لما أشوفه. زهراء: جدعة. مودة: هو أي صوت الأغاني العالية دي؟ زهراء: ده جاد والشباب. مودة: ده إزعاج. أنا نازلة أشوف إيه ده. زهراء: تعالي، مش هتقدري عليهم. مودة: أنا مودة، مش هقدر على شوية عيال؟ عيب عليكي. اتفرجي عليا من البلكونة. مشيت. زهراء: تعالي يا مجنونة. سند: هي رايحة فين؟ زهراء بضحك: هتضرب عمو جاد وصحابه. تعالوا نتفرج. ***

عند جاد، كان قاعد هو وصحابه مشغلين أغاني بصوت عالي، وكل واحد في إيده سيجارة. جاءت مودة. مودة: إيه؟ إيه؟ الصوت ده؟ شافت السجائر. مودة: يلهوي! إيه ده؟ راحت عندهم. جاد أول ما شافها، رمى السيجارة وقفل الأغاني. جاد: احم. مودة، عايزة حاجة؟ مودة: إيه ده؟ يوسف: مين دي؟ جاد: بنت عمتي. يوسف: إزيك؟ مد يده. مودة: نازلة إيدك، إيه اللي في إيديكم ده؟ جاد: احم. سجائر. مودة: في شباب محترمة تشرب سجائر؟ والأغاني بصوت عالي؟

جاد: عادي يا مودة. مودة: عادي في عينك! طلعوا علبة سجائر دي. مروان: مالك داخلة علينا كده ليه؟ ما نشرب براحتنا. إيه الرخامة دي؟ مودة: طيب، دقيقة. لو السجائر مش طلعت، محدش يزعل. جاد: مودة، لو سمحتي. أنا حر، أعمل اللي أنا عايزه. اتفضلي جوا لو سمحتي. مودة: هات العلبة. جاد: مودة، لو سمحتي. مودة: صوتك يا بابا، هات العلبة. هدخل. مروان: مفيش علبة. واعملي اللي انتِ عايزة. مين انتِ أساساً عشان تتدخلي في حياتنا؟

مودة: مش قالك بنت عمتي؟ مروان: تمام، تشرفنا. هتعملي إيه؟ مودة بضحك: هعمل إيه؟ ده بيقولك هعمل إيه؟ جابت مروان من التيشيرت. مروان: إيه ده؟ مودة: هات العلبة. مروان: مش معايا. مودة: مع مين؟ مروان: يوسف. مودة بصت ليوسف وسابت مروان. يوسف: عايزة إيه؟ مودة: العلبة، وانت ساكت. يوسف: احم. ما... مودة: ما ما ما! إيه؟ اخلص. مسكته زي مروان. يوسف طلع العلبة. يوسف: اهي، خدي.

مودة: يلا، لازم أعمل كده. ما من الأول بالآداب. لو شفت واحد فيكم تاني بيشرب سجائر، هيكون يومه عسل بإذن الله. رمت يوسف على الكنبة. مودة: سجائر، سجائر؟ إيه قلة الأدب دي؟ أنا طالعة. لو شفت كدة ماسك سيجارة، هولع فيه بمعني الكلمة. آه، ومش عايزة أسمع صوت الأغاني. اقعدوا باحترام كده. مشيت. ورجعت تبص عليهم تاني. مودة: آه، أوعدكم أننا نتقابل تاني بإذن الله. دخلت. مروان: اوف! إيه دي؟ جاد: آسف يا شباب. يوسف: هي دي بنت؟

شوفتها رمتني إزاي؟ ده أنا ضهري اتكسر. مروان: آه، لمي مسكت التيشيرت، إيدها جامدة. جاد: آسف. مروان: عادي يا باشا، مفيش حاجة. بس هنشرب إيه دلوقتي؟ يوسف: معايا علبة تانية. مروان: أحلفي؟ يوسف: آه والله، معايا. مروان: علبة شوكولاتة، صح؟ يوسف: شوكولاتة إيه؟ معايا علبة سجائر غير اللي أخدتها الرخمة دي. حد يمسكه من قفاه. مودة: أنا رخمة؟ ومعك علبة تانية؟ هاتها بقي زي الشاطر كده. يوسف: انتِ طلعتي تاني ليه؟ مدخلتيش ليه؟

مودة: لا، كنت واقفة وراك يا عسل. هات يلا العلبة. وبعدين نشوف رخمة دي. يوسف: اتفضل. مودة: شاطر، برافو عليك. كده أنا أحبك. يلا، سهرة سعيدة يا شباب. بعد إذنكم. دخلت. يوسف: محدش قالي إنها وراك. مروان: ما أنا شاورت لحضرتك، بس انت غبي. يوسف: إيه ده بجد؟ جاد: آسف يا شباب. يلا بينا على أي كافيه. يوسف: يلا، قبل ما تنزل. *** زهراء بضحك: إيه يا بنتي؟ مودة: انتِ تعرفي إنه بيشرب سجائر؟

زهراء: الصراحة آه. وقولتله كذا مرة، بلاش حرام. بس مش بيسمع كلامي. مودة: غلط جداً على صحتهم. مش عارفة مين اللي قال إني اللي بيشرب سجائر كده هيكون راجل. السجائر حرام، بتدمر الصحة. مش سيجارة هتعمل منه راجل. زهراء: ربنا يهديهم. مودة: يارب. المهم، هم جايين امتى؟ زهراء: خلاص، هم في الطريق. مودة: تمام. هدخل أعمل مكالمة وأجي. زهراء: تمام. راحت مودة وكلمت رحاب. مودة: السلام عليكم ورحمة الله وبركاته.

رحاب: وعليكم السلام ورحمة الله وبركاته. عاملة إيه؟ مودة: الحمد لله بخير. وانتِ ولين وخالتو ويارا وموسي عاملين إيه؟ رحاب: كويسين الحمد لله. راجعة امتى؟ مودة: يومين كده وأجي. فين لين؟ رحاب: نايمة. جبتها من الحضانة ونامت. مودة: ربنا يحفظها. رحاب: يارب يا حبيبتي. انتي إيه أخبارك بقي؟ احكيلي. مودة: آه، أنا في هم يا بنت الناس. رحاب: ليه؟ مالكم؟ مودة: بصي يا ستي... *** زهراء كانت قاعدة، والباب يخبط. راحت تفتح.

زهراء: جدو، حمد لله على سلامتك. سليم: الله يسلمك يا حبيبتي. دخلوا. نورسين: جدو سليم! جرت عنده. سليم: قلبي يا جدو. حضنها. سهام: براحة يا نورسين، جدو تعبان. سليم: سيبها. قعد وحطها على رجله. نبيل: فين مودة وجاد؟ زهراء: مودة بتتكلم في الموبايل، وكملت بضحك: وجاد مودة مشيته هو وصحابه. صابر: مودة ليه يا بنتي؟ زهراء: كانوا عاملين دوشة، فعلمتهم الأدب الصراحة. صابر: ده أكيد بنتي وأنا عارفها، أكيد طلعت عينهم.

زهراء بضحك: صح يا عمو. فين ماهر؟ عز: عنده شغل. زهراء: تمام. سهام: هروح أقول للبنات يحضروا الغداء. صابر: زهراء، روحي شوفي مودة فين. زهراء: حاضر. صابر: حضر لك الخير. سليم: اقعد يا صابر، أنا عايزكم كلكم في موضوع. نبيل: خير يا بابا؟ سليم: خير بإذن الله. لمي يجوا ولاد... *** مودة: وبس يا ستي، عايزني أتجوز واحد غصب عني؟ رحاب: تتجوزي غصب؟ تحبي اسمه إيه؟ مودة: عز. رحاب: تتجوزي عز غصب عنك؟

هيعملك وحش، يضربك، احتمال كمان يحصل اغتصاب عادي جداً. كل يوم ضرب وإهانة. تسمعي كلام زي السم منه. يحرمك من أهلك، يخليكي تخافي منه، وتخافي أنه يقرب منك. وفي الآخر بقي البطل الطيب يحبك، ويبدأ يعملك حلو، والبطلة يا حرام تحبه هي كمان، ويعيشوا حياة سعيدة بعد الإهانة والضرب والاغتصاب باسم حب بعد عداوة. وكمان يعملك فرح جديد، وانتِ تكوني مبسوطة بالتغير ده، وتقولي يا حرام، ده إنسان لطيف، بس أنا ظلمته. يعملك فرح كبير، ويعترف بحبه ليكي قدام الناس، وانتِ مبسوطة وكرامتك بتزغرط وراكم.

مودة: في أي يا بنتي؟ إيه ده كله؟ رحاب: دي معظم الروايات اللي أنا قرأتها. إني البطل يطلع عين البطلة، ويولع فيها، وفي الآخر تحبه. ونفس الناس اللي بتكتب كده يقولوا حقوق المرأة. يلهوي! المرأة، وهم طلعوا المرأة عادي يحصل فيها ده كله باسم الحب والعشق. مودة: الله عليكي يا ست رحاب! إيه الجمدان ده؟ رحاب بضحك: سيبني، أنا شايلة كتير. مودة: طلعي يا ختي، طلعي. رحاب: لا، كفاية. قولي بقي، هتعملي إيه؟

مودة: مفيش. يومين وهيجي يشوف لحفيده عروسة غيري. أنا مش هقعد معاهم. رحاب: طيب، انتِ إيه رأيك في عز؟ مودة: عز؟ أنا لسه عارفاه من ٣ أيام بس. من الظاهر أنه شخص مجنون. رحاب: مجنون؟ مودة: آه. يعني ممكن يكون عصبي، وخمس دقائق يكون بيضحك. عادي، مجنون. بس عارفة شكله من الناس اللي بتضحك كتير، بس وقت الجد مش بيحب الضحك، أو لما يقلب بيكون صعب. رحاب: آه. هو بيشتغل إيه؟ مودة: مدرس جغرافيا في مدرسة بتاعتهم. رحاب: زميل يعني؟

مودة: آه يا ختي، زميل. رحاب: كام سنة؟ مودة: أنا عارفة، مش هتقفلي غير لما تعرفي كل تفاصيل حياته. رحاب: جدعة. كام سنة بقي؟ مودة: ٢٨ غالباً. مش فاكرة. رحاب: تمام. مودة، هقفل عشان لين شكلها صحت. هروح أشوفها وأكلمك بليل. مودة: تمام يا حبيبتي. في رعاية الله. قفلت، ووقفت تبص للسماء. زهراء: مودة. مودة: نعم؟ زهراء: تعالي. جدو وعمو صابر تحتي. مودة: حاضر. *** عند جاد، في الكافيه كانوا قاعدين بيشربوا سجائر تاني.

جاد: آه، إحنا بعد كده نتقابل هنا يا شباب. يوسف: هي الاخت قاعدة عندكم كتير؟ جاد: مش عارفة. غالباً كده هتقعد على طول. هتتجوز عز غالباً. يوسف: عز يتجوز دي؟ ربنا معاه الصراحة. شكلها صعبة أوي. جاد: أنا أول مرة أشوفها كده. النهاردة المرتين اللي شوفتها فيهم، كانت هادية. مروان: دي هادية؟ انت شوفت شدتني إزاي؟ جاد: خلاص، نبطل كلام عليها. إحنا عندنا مدرسة، إحنا ٣ ثانوي. هنعمل إيه؟ ولا ناوين ناخدها في سنتين دي كمان؟

مروان: يعني إحنا بناخدها في سنتين بمزاجنا؟ كله ظلم. جدك مش عايز ينجحنا. يوسف: انت بارد يا عم. إحنا بنفتح كتاب أساساً عشان ننجح. مروان: تصدق، عندك حق. جاد: أنا عندي خطة جامدة للسنة دي. يوسف: خير؟ جاد: إحنا نروح المدرسة كل يوم عشان بابا يسكتم. مروان: والله كده هننجح. جاد بضحك: يمكن لما يشوفوني كل يوم رايح المدرسة، يدعي لي أنجح. يوسف: هو للأسف، كلنا هنروح عشان ست الكل عندها السنة دي مهمة.

مروان: احم. هي مهمة عند كل الناس، ما عدا إحنا غالباً. جاد: أنا بقول نسهر دلوقتي، نسيب ثانوي على جنب. يوسف: فكرة حلوة. *** مودة: حمد لله على سلامتك يا جدو. سليم: الله يسلمك يا بنتي. صابر، نبيل، عز، مودة: تعالوا، عايزكم. نبيل: حاضر يا بابا. راحوا المكتب. هم وصابر. عز بص لمودة: خير؟ في إيه؟ مودة: المفروض أنا اللي أسألك. انت كنت معه في المستشفى؟ عز: مش عارفة حاجة، والله. مودة: طيب، يلا يا خوي نشوف في إيه. عز: يلا. دخلوا.

عز: خير يا جدو. سليم: لما فتحت موضوع الجواز، كان عايزك تقعدي معنا هنا. بس لما رفضت، قلت هفضل وراكم لحد ما توافقوا انتوا الاتنين. بس حالاً، لازم ننفذ الوصية. صابر: وصية إيه؟ سليم: وصية زهراء. مودة: زهراء مين؟ سليم: والدتكم. مودة: نعم؟ وصية إيه؟ سليم: وصية إن عز يتجوز مودة لما يكبروا. عز: يا نعم. مودة: ده كداب، أكيد. صابر: مودة، عيب. اقعدي. مودة: مش سامعة يا بابا.

صابر: عيب تتكلمي مع جدك كده. اقعدي. معلش يا حاج، بس من الصدمة. هو الكلام ده صح؟ سليم: للأسف آه. امبارح كنت بشوف صور زهراء، ففتحت الصندوق بتاعتها، لقيت الجواب ده. فتحته، لقيت الوصية دي. اتفضل. صابر: هو خط زهراء. مودة: ماما مستحيل تعمل فيا كده. أنا مش موافقة. سليم: دي وصية بنتي، ولازم ننفذها. صابر: مودة، اطلعي أوضتك فوق، عايز أتكلم مع جدك. مودة: حاضر يا بابا. بس مش هتجوز. خرجت. سليم: وصية بنتي لازم تتنفذ، فاهمين؟

صابر: حاضر يا حاج. عز، انت موافق على بنتي؟ أنا عارف إنك مغصوب زيك زيها، بس موافق تنفذ الوصية؟ عز: موافق يا عمو. موافق. صابر بحزن: تمام. أنا هكلم مودة، وبعد كده نتفق على كل حاجة. سليم بفرحة: تمام. *** عند مودة في أوضتها، بتاكل عسلية بعصبية. مودة: أنا يتعمل فيا ليه يا ماما؟ ليه؟ مستحيل تعملي كده. صح؟ زهراء: يا بنتي، اهدي. مودة: زهراء، أنا روحي في مناخيري. مش عايزة حد يكلمني دلوقتي.

زهراء: الحالة جات. أنا غلطانة إني قاعدة معاكي أساساً. مودة: أنا أتجوز غصب عني؟ الباب يخبط. مودة: مين؟ صابر: أنا يا مودة. مودة: اتفضل يا بابا. صابر: ممكن تسيبيني معاها شوية يا زهراء؟ زهراء: أكيد يا عمو. بعد إذنك. خرجت. مودة: بابا، أنا مستحيل أتجوز بالطريقة دي. صابر: طيب، اهدي. نتكلم بهدوء. مودة: حاضر يا بابا. صابر: انتي عارفة إننا لازم ننفذ وصية المتوفي. ودي وصية مامتك. أنا عارف إنها مش صح، بس لازم ننفذها.

مودة: يا بابا، بس... صابر: اسمعني يا بنتي. أنا عمري ما جبرتك على حاجة، ولا عمري هعملها. بس فكري إن دي وصية مامتك الله يرحمه. مودة: وماما تعمل كده ليه؟ صابر: مش عارف. يمكن كانت خايفة عليكي. مودة: تمام، موافقة. بس عندي شروط. صابر: قولي كل اللي انتِ عايزاه يا بنتي. ده حقك. أنا آسفة يا بنتي. مودة: انت ذنبك إيه يعني يا بابا؟ صابر: عشان جبتك هنا. مودة: كل حاجة خير يا بابا. ربنا مش بيعمل حاجة وحشة.

صابر: أكيد يا بنتي. الحمد لله. المهم، إيه شروطك؟ مودة: لا، دي لما ننزل تحت، هقولها قدام الكل. صابر: تمام يا بنتي. يلا ننزل. *** تحت، كانوا كلهم قاعدين. عز قاعد حاطط إيده على رأسه. ونزلت مودة وصابر. صابر: خلاص يا جماعة، مودة موافقة. سليم: بجد يا بنتي؟ مودة: آه، بس عندي شروط. نبيل: قولي يا بنتي.

مودة: نمشي على ضوابط الخطوبة، وهقعد عند عمتي لحد ما يجي معاد الجواز. لمي أتجوز، هكمل شغل عادي. وشرطي الأساسي إني أشتغل في المدرسة بتاعتكم. سليم: أكيد طبعاً. شروطك كلها أمور يا بنتي. عايزة أسمعها من عز. موافق إننا نمشي على الشروط دي؟ عز: كله تمام، ما عدا ضوابط الخطوبة. مودة: ليه؟ عز: عشان هنعمل خطوبة مع كتب كتاب. مودة: نعم؟ سليم: يا بنتي... مودة: لو سمحت.

سليم: ما عشان تقدروا تنزلوا تشتروا كل حاجة براحتكم، هنعمل خطوبة وكتب كتاب للأهل بس والصحاب. وتكون بعد فترة كده. مودة بصت لوالدها. صابر: ده رأيكم؟ مودة: تمام، موافقة. بس خلال الفترة دي، هنمشي على ضوابط الخطوبة، تمام؟ عز: تمام. مودة: يلا يا بابا، أنا عايزة أمشي. صابر: يلا. سهام: إزاي يعني؟ لازم تأكلوا معانا. مودة: معلش، أنا تعبانة وعايزة أمشي. يلا يا بابا. عز: يلا يا عمي، هوصلكم. صابر: لا يا ابني، خليك.

عز: لا طبعاً. يلا. صابر: تمام. بعد إذنكم يا جماعة. خرجوا. سليم: الحمد لله، الحمد لله. عايزك يا نبيل تجهز كل حاجة. سهام: بس كده، مش هنلحق نجهز أو أعزم أي حد. سليم: مش لازم. الخطوبة وكتب الكتاب للأهل بس. وعلى الفرح، هنعمل فرح كبير. ساعتها اعزمي براحتك. سهام: بإذن الله. *** عند عز، كانوا في العربية وقدام عمارة هيام.

صابر: أنا عارف يا ولاد، إن كل واحد فيكم مغصوب على الجوازة دي. بس لعله خير لكم. فبالله، التعامل بينكم يكون حلو. آه، جواز إجباري، بس محدش فيكم له ذنب. راعوا ربنا في بعض يا ولاد. عز: متخافيش يا عمي، بنتك في عيني. صابر: ربنا يجعلكم زوجين صالحين يا رب. عز: طيب، ممكن أتكلم أنا ومودة فوق عند طنط هيام؟ صابر: أكيد يا بني، اتفضل. نزلوا. مودة: عايزني في إيه؟ عز: انزلي، وهتعرفي. انزلي.