رواية معلمة من الصعيد الفصل السابع عشر 17 - بقلم مريم شعبان

فيلا سليم الصالون صابر: بص يا حاج. سليم: نعم. صابر: الواد كويس، وافق على بركة الله. بلاش تزعل البنت. سليم: تفتكر إني ممكن أزعل حفيدة من أحفادي؟ صابر بسخرية: لا طبعًا. سليم: بلاش تريقة يا صابر. صابر: أنا قولت حاجة يا حاج. سليم: طيب اسكت. صابر: حاضر. نبيل: بابا، غيث وأهله بره. سليم: خليه يتفضل. نبيل: بابا، لازم حضرتك تيجي تقف عند الباب تستقبلهم. سليم: ليه إن شاء الله؟ صابر يمسك أيده: يلا بينا يا حاج. سليم: ابعد يا بني.

صابر: جاين وراك يا نبيل، يلا بقا. سليم: حاضر، لما أشوف آخرتها معاكم. (ويخرجون) صابر: يلا مش عايز أشوف ست فيكم هنا. تاخدوا والدة غيث وتدخلوا الصالون التاني. سليم: انت أخدت على البيت أوي. صابر: الله، مش بيت مراتي يا حاج. يلا بس. سليم: انت إيه اللي جابك؟ صابر: لازم أحضر قراية فاتحة بنتي بيري. سليم: ده كلام لسه. صابر: هنقرأ الفاتحة صدقني، وبس بقى الناس داخلة. غيث: السلام عليكم ورحمة الله وبركاته.

الكل: وعليكم السلام ورحمة الله وبركاته. كاظم: اتفضل يا غيث يا بني، منور. غيث: بنورك يا عمي. أعرفكم بابا إسلام وماما يمني. سهام: أهلاً بيكم. اتفضلي يا مدام معانا جوا، نورتي. يمني: بنورك. (ويدخلون، الستات لوحدهم والرجال لوحدهم) نبيل: منورين والله. إسلام: بنورك يا حاج. (ويجي عز وحاتم وماهر وجاد) عز: أهلاً، منورين والله. إزيك يا عمو؟ إسلام: بخير الحمد لله يا بني.

غيث: بابا، أنت طبعًا عارف عز. دول أخوات عز، ماهر الكبير وده جاد الصغير، وده حاتم ابن عمة مرات عز. إسلام: ماشاء الله، ربنا يحفظكم يا ولاد. ماهر: تسلم. *** عند الستات يمني: أمال فين عروستنا؟ سهام: ثواني أجيبها وأجي. (وتطلع وتنزل أسماء) أسماء: مساء الخير. يمني: مساء النور. هيام: أسماء، والدة بيري. يمني: أهلاً بيكي. أسماء: أهلاً. (وتيجي بيري والبنات وراها) يمني: بسم الله ماشاء الله، عروسة قمر. (وتسلم عليها)

حسناء: حماتك يا عروستنا. بيري بكسوف: حضرتك عاملة إيه؟ يمني: الحمد لله. تعالي اقعدي جنبي. (ويقعدوا) سهام: أعرفك بقى ببناتي، زهراء بنتي، مودة مرات ابني عز، ورحاب ويارا بنات عم مودة. يمني: اللهم بارك! لا أنا لو عندي شباب تانية غير غيث مكنتش سبت القمرات دول. رحاب: تسلمي يا طنط، ربنا يبارك فيكي. يمني: يا رب يا حبيبتي. لا بس ابني اختار عروسة قمر. بيري: تسلمي يا طنط. سهام: اتفضلي الكيك.

يمني: تسلمي، الله طعمها حلو أوي. تسلم إيد اللي عملها. سهام: الله يسلمكِ. يمني: عروسة ابني بإذن الله بتعرف تطبخ؟ أسماء: مين بيري دي؟ مش بتعرف تعمل شاي أساسًا. رجعي نفسك، شوفي واحدة ناصحة تنفع ابنك وسيبك من دي. (الكل بص باستغراب) يمني: تتعلم يا حبيبتي، ما كلنا مكنش بنعرف نعمل حاجة. بكرة تتعلمي وتكوني أحسن واحدة تطبخ. أسماء: وابنك هياكل إزاي لحد ما الهانم تتعلم؟ سهام: أسماء!

يمني: يا ستي مش مشكلة، يعني يجيب أكل من برة. أنا أطبخ وأبعتلهم، مش مشكلة يعني. بيري: تسلمي يا طنطي. يمني: سلمك الله يا حبيبتي. (بيري بصت للبنات بزعل. يمني لاحظت إن بيري زعلت ف حبت ترضيها) يمني: تعرفي يا بيري، لما اتجوزت مكنتش بعرف أعمل أي حاجة نهائي. سهام: كلنا والله.

يمني: ما ده الطبيعي، البنت بتكون متدلعّة براحتها في بيت أبوها وده حقها. لما تروح بيت جديد بيكون صعب إنها تعرف تطبخ في الأول. مش كل البنات كده، بس مش جريمة أو عيب على البنت لو مش بتعرف تطبخ. اتعلمي براحتها، وهو غصب عن عيونه ياكل وهو ساكت. إحنا ناقصين صداع، مش كفاية بنسيب بيت أهلنا ونروح نقعد معاهم. بيري بضحك: طيب أقعد في بيت أهلي وأسيب الجوازة يعني؟

يمني بضحك: لا لا، أنا لو لفيت العالم كله مش هيكون فيه عروسة قمر زيك لابني. (بيري بضحك: كلب البحر) يمني بضحك: آه، ده الدلع بتاعه عندنا. *** عند الشباب إسلام: أنا طالب منك ايد الآنسة بيري لإبني يا حاجة. سليم: هو مفيش أحسن من غيث. إسلام: بس؟ سليم: نتفق الأول. غيث: أي حاجة موافقين عليها يا جدو. سليم: لا، تعرف الأول. أول حاجة تجيب شقة جنبنا في العمارة. غيث: تمام. سليم: الشبكة. غيث: مالها؟

سليم: دي هدية منك لبنتنا، هات زي ما انت عايز. صابر بهمس لـ نبيل: بسم الله، الحاج ماله؟ نبيل: بالله ما عارف. سليم: الجواز هيكون خلال شهر. إسلام: شهر؟ ليه ما نخليه بكرة؟ سليم: نعم؟ غيث: ما صعب شهر يا حاج. سليم: دي شروطي. ماهر: طيب، إيه رأيكم شهرين؟ إسلام: أنا موافق. سليم: وأنا كمان. إسلام: أي طلبات تاني؟ سليم: آه، الخطوبة تكون خلال أسبوعين. غيث: بإذن الله حاضر. سليم: العفش يجي كله من بره.

غيث: إن شاء الله هنجيبه من دمياط يا حاج. سليم: أنت بتهزر؟ غيث: الله، أنا قولت إيه؟ سليم: قولت من برة. غيث: لا، حضرتك مش قولت برة البلد ولا المحافظة. عز: طيب، إيه رأيكم نقرأ فاتحة وبعد كده نشوف حوار العفش والشبكة. غيث: نقرأ. سليم: بس؟ صابر: نقرأ يا حاج، خلينا نفرح. سليم بضيق: تمام، نسمع رأي العروسة الأول. إسلام: صح طبعًا. كاظم: ماهر هات بيري من جوه. ماهر: حاضر. (ويقوم يروح عند الستات) ماهر بصوت عالي: ماما.

سهام: نعم يا ماهر. ماهر: جدو عايز بيري. سهام: حاضر يا حبيبي، روحي يا بيري. بيري: حاضر، بعد إذنكم. (وتقوم) (والبنات معاها) ماهر: انتوا رايحين فين؟ مودة: هنسمع. ماهر: طيب، اقفوا هنا تمام. زهراء: حاضر. ماهر: يلا يا بيري. (ويروحوا) كاظم: تعالي يا بنتي. بيري: السلام عليكم، وإزيك يا عمو؟ إسلام: الحمد لله يا بنتي. سليم: تعالي يا حبيبتي اقعدي جنبي. بيري: حاضر. (وتروح) سليم: غيث طلب إيدك، إيه رأيك؟

بيري: اللي حضرتك تشوفه يا جدو. سليم: محتاجة وقت تفكري؟ غيث: محتاجة إيه؟ أنا قولت لكم بقالي ٥ أيام، يعني فكرت براحتها. سليم: ٥ أيام بس؟ لازم تاخد أسبوعين تفكر. غيث: يا حاج، بقا. كاظم: نسمع رأيها، قولي يا بنتي. بيري: اللي تشوفه يا بابا. (وتخرج) كاظم: طيب، نقرأ الفاتحة. غيث: نقرا يا حاج. سليم بضيق: اقرأ. مودة دخلت بسرعة عند الستات. مودة: هيقروا الفاتحة. سهام بفرحة: بجَد؟ هيام: يلا بسم الله يا جماعة.

(ويقرأوا هم كمان، وبعد كده كلهم يزغرطوا) رحاب: ما تسمعنا زغروطة يا أم العروسة. أسماء بصت عليهم وقعدت ساكتة. رحاب راحت زغرطت جنب ودنها. يمني: أزغرط أنا، أم العريس وأم العروسة. بيري حضنتها: حبيبتي يا طنط. يمني: مبارك يا بنتي، مبارك. بيري: الله يبارك فيكي. رحاب: نشغل أناشيد بقى. زهراء: يلا. أسماء: بعد إذنكم. (وتمشي. بيري بصت بزعلها، ويمني بصت باستغراب) سهام: معلش يا يمني، هي بس تعبانة شوية.

يمني: لا، ألف سلامة. شغلوا يا بنات، خلينا نفرح. بيري: بالله أنا حماتي قمر، متأكدة إنك حماتي. يمني: لا، أنا مليش في شغل الحموات ده. أنتِ بنتي وصاحبتي من النهارده. بيري حضنتها: يا قلبي، ربنا يحفظكِ. يمني: يا رب. *** في الجنينة غيث قاعد مع بيري والشباب وراهم. غيث: قال نقعد مع بعض عشان نتعرف. بيري: بس يا بني، خلي ربع ساعة دي تعدي. غيث: طيب، ما تيجي نتكلم بجد. بيري: هنقول إيه؟ غيث: نتعرف بجد. أنا مش عارف عنك حاجة.

بيري: أنا يا سيدي، بيري، عندي ٢٥ سنة، ميس إنجليزي في المدرسة. غيث: ماشاء الله، ما أنا عارف ده كله. بيري: ما أنت عايز إيه؟ غيث: بتعرفي تطبخي؟ بيري: يا ربي على الطبخ! لا يا سيدي. غيث: طيب، أنا مش بحب الكلام ده. اتعلمي عشان أول حاجة تعملها لما نتجوز هتطبخي. بيري: لما نتجوز بقى. غيث: الفرح بعد شهرين. بيري: فرح إيه؟ إحنا قولنا خطوبة بس.

غيث: هيكون فرح عشان نمشي الدنيا لحد ما جدك يطلع من دماغه موضوع الجواز من ماهر، ساعتها تقدري ترجعي لحياتك. بيري: تمام. غيث: هننزل يوم الجمعة نجيب الشبكة. بيري: إن شاء الله. غيث: عايزة إيه؟ بيري: في إيه؟ غيث: في الشبكة يعني. احم، أنا مش هقدر أجيب ألماس. بيري: لا لا، أنا مش هلبس غير ألماس. بتهزر أنت ولا إيه؟ غيث: احم، بس أنا مش هقدر دلوقتي أجيب ألماس. بيري: وأنا مش هجيب شبكة أقل من أي بنت أعرفها.

غيث بحزن: يمكن أنا مش نفس المستوى اللي أنتِ عايشة فيه، بس أنتِ عارفة إنها كلها لعبة. وأنا حقيقي مش هقدر أجيب ألماس. بس تمام، هروح أبيع أي حاجة عشان أقدر. بيري بضحك: في إيه يا بني؟ أنا بهزر. وإيه مستوى دي؟ أنا بهزر معاك يا سيدي. هات الشبكة زي ما انت عايز. غيث: نجيب دهب؟ بيري: بحب الدهب أوي، موافقة طبعًا. غيث: بجد؟ بيري: آه والله، أنا بعشق الدهب. وبعدين يا أستاذ، الشبكة بتكون هدية من العريس، يعني هات اللي انت عايزه.

غيث: خلاص، بإذن الله ننزل الجمعة بعد يومين. بيري: بإذن الله. غيث: الخطوبة بعد أسبوعين. بيري: هعمل زي مودة. غيث: تمام، بإذن الله. بيري: تعرف، ممكن أعمل هنا الخطوبة؟ أعملها في الجنينة. غيث: طيب، آخد رأيك في حاجة. بيري: اتفضل. غيث: إيه رأيك نكتب الكتاب مع الخطوبة؟ بيري: مش بسرعة. غيث: ما إحنا كده كده الفرح بعد شهرين. بيري: طيب، سيبني أفكر. غيث: فكري براحتك، كده كده اللي انتي عايزه هيحصل. بيري: تمام، بإذن الله.

غيث: كملي بقى، هتعملي الخطوبة إزاي؟ بيري: الجنينة هنا كبيرة، ممكن أعمل ديكور حلو وأعملها في الجنينة. البنات يقعدوا هنا، وانتوا تقعدوا في الجنينة الخلفية. غيث: بس مكشوفة يعني؟ أي حد واقف في أي عمارة جنبكم يشوف كل حاجة. بيري: ممكن ساعتها نحط ورد كده من فوق. غيث: برضه مش هينفع. طيب، أنا عندي فكرة. بيري: اتفضل. غيث: فوق السطح. السطح هنا كبير أوي، ومفيش عمارة هنا أكبر من الفيلا بتاعتكم.

بيري: فكرة برضو، خلاص فوق السطح. وانتوا؟ غيث: نقعد هنا. بيري: خلاص، بإذن الله. غيث: أول مرة تكوني هادية. بيري: طيب، ليه الرخامة يعني؟ غيث: تعرفي، أنا بحب أرخم عليكي أوي. بيري: والله؟ غيث: آه والله، بحب أشوفك متعصبة. (وييجي عز) عز: كفاية كده يا أستاذ غيث، كفاية كده. غيث: بدأنا بقى. عز: يلا، كفاية كده. (قاموا عشان الغداء) بيري: اتفضل يا غيث. (وتمشي) عز: اتفضل يا غيث. أنت عملت في البت إيه؟

غيث: أنا مستغرب برضو، الهدوء ده غريب. عز: طيب، يلا يا صاحبي عشان الغدا. غيث: عاملين أكل إيه؟ عز: تعال نشوف. غيث: يلا. (ويمشوا) *** في عربية غيث إسلام: مبسوط كده يا غيث؟ غيث: آه يا بابا، الحمد لله. يمني: ياربي على أسماء دي، غريبة أوي. إسلام: مين دي؟ يمني: والدة بيري. غيث: عملت إيه؟ يمني: أُحرجت البنت أوي. قالت إنها بس مبتعرفش تطبخ. إسلام: متأكدة إنها أمها؟

يمني: آه أمها. أنا صعبت عليا أوي. جبرت خاطرها بكلمتين، قولت يا بنتي مش مهم الطبخ. ف مامتها ردت عليا، هياكل إيه؟ قولتلها يجيبوا من برة، أنا أعمل أكل وأبعت. إنما أمها دي صعبة بجد. إسلام: إيه أمها مش موافقة على جوازة ولا إيه؟ يمني: شكلها كده. إسلام: ما تسيبك يا بني من العيلة دي، إحنا مالنا ومالهم. يمني: لا لا، البنت محترمة، ملكيش دعوة بأمها. بس أهلها بجد ناس طيبين ومحترمين. سهام دي مرات عمها، اللي يشوفها يقول أمها.

غيث: آه، دي والدة عز. يمني: آه. هتنزل تجيب الشبكة امتى؟ غيث: يوم الجمعة. والخطوبة بعد أسبوعين. وأنا أخدت رأي بيري لو نكتب على طول. يمني: طيب، ليه السرعة؟ وخليها البنت براحتها. إسلام: ولا سرعة ولا حاجة، على خير بإذن الله. بس خلي بيري براحتها. غيث: حاضر، والله أنا قولت رأيك هو اللي يمشي بإذن الله. يمني: تمام، على خير بإذن الله. *** في غرفة بيري الباب خبط ودخلت أسماء. أسماء: بيري. بيري: حضرتك عايزة حاجة؟

أسماء: أنا سمعت إن الشبكة هتكون دهب. بيري: أظن دي هدية من غيث، يجيب زي ما هو عايز. أسماء: أنتِ هبلة؟ إنتي عايزة إيه مني؟ إيه الدهب ده؟ بنت عمتك يجيلها ألماس، وأنتي دهب ليه إن شاء الله؟ لا وكمان هيجيب شقة جنبنا، يعني مش يجيب فيلا، أي حاجة. هبلة ومتخلفة. وكنتي أخدتي ماهر، كان زمانك عايشة عيشة تانية.

بيري: أول حاجة، أنا مليش دعوة مين جاب إيه لمراته. أنا وخطِيبي أحرار، نجيب اللي براحتنا. أنا فرحانة بخطيبي وأي حاجة هيجيبها مبسوطة بيها. يا ماما، مش هتجوز ماهر، أنا بحب غيث. أنا بحب غيث. أنتِ إيه، عايزة مني إيه؟ حرام عليكي، مش مهم غير الفلوس عندك. أنتِ أنانية أوي. أسماء ضربتها بالقلم: كلميني باحترام، ماشي يا بيري. أقسم بالله الجوازة دي ما هتكمل، فاهمة ولا لأ. (وتخرج. بيري قعدت تعيط) *** قدام الفيلا

كانت واقفة مودة وعز. مودة: مش كفاية، قولت لبابا ١٠ هتكون في البيت. عز: ما إحنا ماشيين أهو. مودة: يلا يا بني. (وشافت يوسف خارج من الفيلا اللي قدامهم) مودة: عز، مش ده يوسف؟ عز: آه. مودة: هو ساكن هنا؟ عز: آه، شلة جاد كلهم هنا. الفيلا اللي جنبنا تيا، واللي بعدها مروان، واللي قدامنا يوسف ورويدة وفيروز. كلهم في مكان واحد عشان كده هما كل يوم عندنا. مودة: آه، طيب ده رايح فين دلوقتي؟ عز: أكيد خارج. مودة: دلوقتي؟

عز: ده العادي بتاعهم. مودة: بس غلط كده. عز: بقولك ده العادي. مودة: ماشي، أنا يومين و جاية هنا، تمام. عز: هتعملي إيه؟ مودة: كل خير. *** تاني يوم في بيت هيام هيام: تجوا على هنا عشان نكمل تحضير شنط عشان نمشي بليل. مودة: خلاص، بإذن الله. هو فيه كام أوضة؟

صابر: اللهم بارك، ٥ غرف. وزي ما قولنا، حاتم وموسى أوضة، حسناء وهيام أوضة، أنا أوضة، والبنات في أكبر أوضة واسعة يقعدوا هما ٣ فيها. كده فاضل واحدة، هنعمل ل أي ضيوف تيجي عندنا. موافقين؟ الكل: تمام. صابر: أنا هروح النهارده أجيب الفلوس، أحمد باع الأرض وبعت الفلوس على البنك. مودة: يلا عشان نروح المدرسة. (الكل يقوم يلا، ويقوموا كلهم) *** في فيلا سليم سليم: هتعمل الجناح إمتى؟ عز: من الأسبوع الجاي. وقررت الفرح يكون بعد شهرين.

سليم: كام فرح هيكون عندنا بعد شهرين؟ سهام: اللهم بارك يا حاج، عادي. نعمل عز الأول وبعد كده عروستنا. نبيل: فكرة حلوة. خلاص، عز أول ١٠، وبيري آخر ١٠. حلو كده؟ سليم: لا، كده مش شهرين لـ غيث. كاظم: الله، شهرين وأسبوعين. سليم: بس أنا قولت شهرين. نبيل: مفيش فرق يعني يا بابا. سليم: عاملين الخطة دي عشان يكون فيه وقت لـ غيث، صح؟ عز: لا والله، أنا مش أقدر أخلص حاجتي في شهر. فـ قولت شهرين. سليم: تمام، يلا عشان نروح المدرسة.

الكل: يلا. *** في المدرسة فصل جاد. جاد: عايز أنام، مش قادر. تيا: كنتوا فين امبارح يا عيالي؟ يوسف: كنا فين يعني؟ فيروز: أنا شوفتكم وأنتم خارجين بليل. يوسف بصوت واطي: كنا في ديسكو. تيا بصوت عالي: يلهوي! جاد: بس بس، صوتك. رويدا: انتوا مجانين؟ إزاي رايحين مكان زي ده؟ مروان: تجربة حاجة جديدة. تيا: حاجة جديدة؟ رايحين مكان زي ده؟ جاد: اقسم بالله تجربة. آه يا بنات على الجمال. تيا: أنت قليل الأدب. جاد: إيه الجديد يعني؟

فيروز: ده جنان يا شباب، ليه رايحين مكان زي ده؟ مروان: متخافيش، إحنا لسه بشرفنا. تيا: ما تحترم نفسك. يوسف بضحك: الله، ما أنتوا اللي خايفين علينا. إحنا بن... فيروز: لا، مش بنات بس. أنتوا عارفين الشباب بتروح المكان دي ليه؟ كنتوا هناك ليه؟ إيه شرب؟ جاد: ولا أي حاجة، رقص شوية بس. (وييجي موسى ويارا) موسى: السلام عليكم. الكل: وعليكم السلام. (ويدخلوا يقعدوا مكانهم) فيروز: تيا، روحي قولي آسفة لـ يارا. تيا: تمام، وتروح عنده.

تيا: يارا. يارا: نعم. تيا: سوري على كلامي امبارح، مكانش قصدي. سوري بجد. يارا بابتسامة: خلاص، مفيش حاجة. تيا: بالله ما تزعلي، أنا غلطانة إني قولت كده، بس حقك عليا. يارا بابتسامة: خلاص يا تيا، مفيش حاجة. إحنا أخوات. تيا: تمام يا حبيبتي. (وتيجي مودة) مودة: السلام عليكم. الكل: وعليكم السلام. مودة: إيه، عاملين إيه؟ الكل: تمام. مودة: فين الواجب؟ جاد: أنا. مودة: ليه إن شاء الله؟ دي صفحة.

جاد: ما انتي عارفة إننا كنا عندنا مناسبة. مودة: طيب، بدل ما كنت تخرج بليل كنت قعدت تعمل الواجب، ولا إيه يا يوسف؟ يوسف: أنا مالي. مودة: يوسف، أنا عايزك بعد الحصة. يوسف: تمام. مودة: طيب، أنا مش هشوف الواجب النهارده، بس بكرة هشوف. تمام؟ نبدأ يلا. *** في مكتب سليم سليم: المدرسة ماشية إزاي؟ نبيل: شوية كويسة. البنات هيعملوا تأثير كبير. كاظم: بإذن الله. نبيل: آه. كاظم: نبيل، أنت كويس؟ سليم: مالك يا بني؟

نبيل: لا كويس الحمد لله. مش الألم كل شوية في القلب. سليم: قلب؟ لا نروح دكتور. نبيل: أنا كويس. كاظم: لا، هنروح دكتور و دلوقتي. يلا بينا. سليم: أنا جاي معاكم، يلا. (ويمشوا) *** عز: ماهر. ماهر: نعم. عز: فين جدو وبابا وعمي؟ مش موجودين في المدرسة. كله ماهر: أنا شوفتهم خارجين وقالوا عندهم مشوار مهم. عز: تمام. ماهر: أنا هروح أشوف نورسين وسند، عندهم حفلة النهارده. عز: تمام. (ويروح ماهر. وكانت رحاب قاعدة مع نورسين اللي بتعيط)

ماهر: نورسين، مالك؟ نورسين: أنا عايزة أمشي من هنا. ماهر: مالك يا حبيبتي؟ حد عملها حاجة؟ الميس: صدقني يا مستر ماهر، محدش كلمها. حتى اسأل ميس رحاب. رحاب: آه، هي بس عشان الحفلة اللي بره، فـ خافت. ماهر: طيب، اهدي يا حبيبتي، أنا جنبك. نورسين: أنا عايزة أمشي من هنا. الميس: تقدري تاخديها تهدأ برة، وبعد كده تجيبيها عادي. ماهر: تمام، تعالي يا نورسين. نورسين: طنط رحاب تيجي معايا. رحاب: تعالي يا ستي، يلا.

(ويقوموا كلهم يروحوا مطعم المدرسة) ماهر: ممكن تقولي خايفة ليه بقيتي؟ نورسين: فيه دوشة كتير أوي. رحاب: ما عشان حفلة يا حبيبتي. نورسين: لا، مش هروح تاني. ماهر: بس لازم تروحي عشان تقدري تتحدي خوفك. رحاب: يعني هي فاهمة كلامك ده؟ بصي يا نورسين، أنا عارفة إنك خايفة من الدوشة، مفيش أي حاجة تخوف. إحنا بنهزر وبنلعب جوا، بس إيه رأيك؟ أنا هقعد أنا وأنتي هناك، نقعد ونهزر، وأنا مش هسيبك، تمام؟ نورسين: بجد؟ رحاب: آه.

نورسين: وعد إنك مش هتمشي؟ رحاب: وعد يا ست البنات. نورسين مسحت دموعها: ماشي. رحاب: إيه، نروح؟ نورسين: آه. رحاب: يا ستي، يلا بينا. ده فيه حاجات حلوة أوي جوا. (وتمشي. وماهر يروح وراها. ودخلت هي ونورسين مكان الحفلة. ويجري سند. وماهر يشيل سند)

(رحاب كانت بتتحرك بـ نورسين براحة، اللي في الأول كانت خايفة، بس بعد كده اندمجت أوي في الرقص والهزار مع رحاب. وسند يروح عندهم ويمسك إيد رحاب. ويلعبوا كلهم مع بعض. ماهر كان واقف بابتسامة فرحانة إنه أولاده فرحانين ومبسوطين مع رحاب) *** في مكتب مودة يجي يوسف. (فصل جاد) مودة: مروان، اقوم أقول حل ديمروان: ماشي. مودة: ده ذكاء؟ مروان: صناعي. مودة: صناعي إيه؟ مفيش حاجة في المنهج اسمها كده أساسًا. مروان: واللـ...

مودة: أقعد يا مروان. رويدا، الحل إيه؟ رويدا: الصراحة مش عارفة. مودة: اتفضل يا موسى. موسى: شخصي. مودة: برافو يا موسى. صح. اشرح تاني الجزء ده. *** عند رحاب كانت خارجة بعد ما سابت نورسين وسند اندمجوا مع الجو. ماهر: رحاب. رحاب: نعم. ماهر: شكرًا. رحاب: العفو، على إيه؟ دول زي ولادي بالظبط عندي. ماهر: ربنا يحفظك. رحاب: بس أنت طريقتك غلط معاهم. ماهر: أنا؟ ليه؟ رحاب: المفروض تشجعها، مش تقولها كلام سلبي يخوفها أكتر.

ماهر: أنا مش قادر عليهم، أنا مش عارف أتصرف معاهم. رحاب: براحة عليهم يا أستاذ ماهر، هما لسه صغيرين. ماهر: حاضر، شكراً لك. رحاب: الشكر لله. بعد إذنك. (وتمشي) *** في فصل جاد كان وقت حصة تامر. (ويدخل) تامر: مساء الخير. الكل: مساء النور. تامر: الله معنا طلاب جدد، اتعرف بيكم. موسى: موسى. يارا: يارا. تامر: تشرفت بيكم. تامر: عاملين إيه بقى؟ رويدا: الحمد لله يا مستر.

تامر: نبدأ الحصة بقى، بس قبل ما نبدأ، كان آخر مرة فيه واجب، ممكن أشوفه؟ (ويروحوا عندهم) رويدا بحب: اتفضل. تامر: برافو يا رويدا، برافو عليكي. (ويطبب على كتفها) جاد: هو بيحط إيده على كتفها كده ليه؟ إيه الجنان ده؟ يوسف: أنا مش عارف رويدا ماله. تامر: تيا، الواجب. تيا: اتفضل. تامر: برافو. (وكان لسه يحط إيده على كتفها، هي بعدت) تامر باحراج: احم. فيروز. فيروز: اتفضل. (وبعدت عنه عشان مش يجي جنبها) (وراح عند يارا)

تامر: طبعًا أنتِ جديدة، فـ سماح المرة دي. يارا: شكراً. تامر: بس المرة الجاية هشوف الواجب، تمام؟ يارا: تمام. تامر في سره: هو إيه الجمال ده؟ طيب دي أجيبها إزاي؟ (ويروح بعد كده يشوف واجب شباب ويروح يبدأ الشرح) *** في عربية كاظم كاظم: أول دكتور قلب جاي بعد العصر. سليم: نقعد عادي، مش نرجع المسافة دي كله. نبيل: ما أنا قولت لا يا بابا، مش عايز دكتور. سليم: بس يا نبيل. نقعد عادي في أي مطعم لحد ما يجي، يلا يا ولاد.

كاظم: حاضر، يلا. (ويمشوا) *** في فصل جاد تامر: أنا كده خلصت. حد عنده سؤال؟ الكل: لا. تامر: طيب، أنا موجود في أوضة المدرسين، اللي عايز حاجة يجي هناك. يلا، أشوفكم بكرة. (ويروح) رويدا قامت وراه. تيا: رايحة فين؟ رويدا: هيجيب حاجة ويجي. (وتيجي) مروان: رويدا، رويدا، هي رايحة فين دي؟ تيا: بتقول هتجيب حاجة وتيجي. جاد: هي إزاي تسيب تامر يحط إيده على كتفها كده؟ هي مجنونة؟

فيروز: أنا مش عارفة إزاي أساسًا مش بعدت أو زعقت معاها. البت دي بقت غريبة أوي. يوسف: تيا، روحي وراها لتكون رايحة عنده. جاد: لا، مش للدرجة يا يوسف. يوسف: اسمعي يا تيا الكلام، يلا بسرعة. تيا: حاضر. *** عند رويدا راحت عند تامر أوضة المدرسين. تامر: رويدا، تعالي. رويدا: ممكن أسأل حضرتك سؤال؟ تامر: أكيد، اتفضل. تعالي اقعدي بس. رويدا: أنا مش عارفة أفهم المنهج نهائي، صعب أوي. ممكن آخد معاك درس؟

تامر: تحت أمرك طبعًا. تمام، هظبط وقتي وأقولك، هيكون في البيت عندك. رويدا: آه. تامر: خلاص، تمام. هشوف وأقولك على اليوم. رويدا: تمام. تامر: ممكن رقمك بس؟ رويدا: آه طبعًا. الموبايل بتاع حضرتك. تامر: آه، ثواني. (ويروح يجيبه ويجي يقف جنبها. وكان مقرب منها جامد. ورويدا اتوترت) رويدا كتبت الرقم: اتفضل. أهو. تامر: تمام. (ويحط إيده على كتفها) تامر: بإذن الله تعرفي المنهج كله. رويدا بتوتر: تمام.

(والباب يخبط وتدخل تيا بسرعة. وتامر أول ما شافها يبعد عن رويدا) تامر: تعالي يا تيا. تيا: رويدا، يلا عشان عندنا حصة. رويدا: حاضر، بعد إذنك يا مستر. تامر: اتفضل. (ويمشي. وتيا بصت عليه بسخرية. ويخرجوا) تيا: أنتِ مجنونة؟ رويدا: في إيه؟ تيا: إزاي تخليه يقرب منك كده؟ رويدا: عادي يا تيا. تيا: عادي إيه؟ ما الكل عارف أخلاق تامر ده إزاي. تخليه يقرب منك كده؟ رويدا: انتي عارفة إني بحبه. تيا: أنتِ مجنونة؟ بتحبي المستر بتاعك؟

رويدا: الحب مش بإيدينا. تيا: ابعدي عن تامر. رويدا بسخرية: بإذن الله. تيا: مفيش فايدة معاكي. رويدا: طيب، ممكن نبطل كلامها ونكمل كلام بعدين؟ تيا: تمام. *** في بيت هيام مودة: يا بشر، إحنا جينا. هيام: إيه يا صداع. رحاب: أنا جعانة أوي. حسناء: إيه سندوتشات بسرعة عشان عايزين نخلص. ساعتين وحاتم هيجيب العربيات وييجي. يارا: يلا بينا يا جدعان. *** في فيلا سليم سهام: يعني إيه؟ يروحوا مشوار من الصبح لحد دلوقتي ومحدش يرد عليا.

ماهر: مش عارف يا ماما. سهام: يارب استر. أسماء: كاظم مش بيرد عليا. عز: ممكن هدوء يا جماعة. خير بإذن الله. (الكل كان قاعد متوتر لحد ما موبايل عز يرن) سهام: مين؟ مين؟ عز: دي مودة. (ويرد) عز: السلام عليكم. مودة: وعليكم السلام. فينك؟ عز: في البيت. مودة: مال صوتك؟ عز: مفيش حاجة. مودة: طيب، إحنا نص ساعة وهنجي عندكوا. عز: تمام. لمي تنزلي كلميني عشان أجيب مفتاح البيت. مودة: تمام. بس مالك بجد؟ عز: مفيش يا مودة، مرهق شوية.

مودة: طيب، تمام. أسيبك دلوقتي، ولما أجي هنتكلم. عز: بإذن الله. (ويقف) سهام: إيه؟ عز: خلاص، نص ساعة وهينزلوا في البيت وييجوا هنا. سهام: يجوا بالسلامة. كلم أبوك بقي. ماهر: مغلق يا ماما. سهام: يارب يارب. زهراء: خير يا ماما. (موبايل ماهر يرن. وكان كاظم) ماهر: عمي. (ويرد) ماهر: إيه يا حاج، فينكم؟ كاظم: إيه الصداع ده؟ عندي اجتماع وكل شوية حد يرن. ماهر: عايزين نعرف أنتوا فين؟

كاظم: إحنا كويسين، بس هنيجي بليل. صاحب جدك صمم إن الغدا هيكون عنده النهارده، ولسه شوية على الاجتماع، بعد كده هنروح عندهم. ماهر: طيب يا عمي، الحمد لله. كاظم: يلا سلام بقي. قول لـ أسماء وبيري عشان أكيد خايفين زيكم. ماهر: لا، ما هو الكل قاعد جنبي. كاظم بضحك: طيب، تمام. إحنا كويسين يا جماعة. أسماء: طيب، الحمد لله. كاظم: يلا سلام بقي. (ويقفل) ماهر: أهو كويسين يا ست الكل. سهام: أنا مش مرتاحة. عز: يا ماما بقى.

بيري: ما هم كويسين يا طنط. سهام: لا، مش مرتاحة. أسماء: احم، ولا أنا. صوت كاظم فيه حاجة. سهام: شفتي؟ إيه أمك بتقول إيه؟ بيري: ليه يا ماما؟ أسماء: أنا عارفة جوزي ده مش صوته الطبيعي. ده قلقان وخايف. عز: طيب، ليه القلق ده يا جدعان؟ سهام: أنا رايحة أحضر الغدا. (وتمشي. والكل بص لبعض باستغراب وقلق) *** في بيت هيام بعد ما خلصوا الشنط، هيام كانت واقفة زعلانة ومتضايقة. هيام: هيجي تاني بإذن الله. حاتم: يلا يا ماما. هيام: حاضر.

(وتقفل الباب وتنزل) هيام: سلام يا بيتي، هيجي تاني. حاتم: بإذن الله يا أمي. يلا عشان العربيات واقفة تحت. هيام: حاضر. (ويلا) مودة: كل ده يا عمتو؟ هيام: خلصت أهو. مودة: يلا يا ست الكل. (ويركبوا ويمشوا) صابر لـ هيام: هنيجي تاني بإذن الله. هيام: بإذن الله. (والعربيات تمشي) *** في فيلا سليم عز: ماهر، جاد. ماهر: إيه يا عم عز. عز: مودة وأهلها بره. ماهر: طيب، يلا. عز: تمام. ماما، ماما. سهام: نعم. عز: مودة وصلت.

سهام: طيب، هيجيب حجابي وأجي. عز: تمام. يلا يا شباب. (ويخرجوا) عز: أزغرط يا ناس، مراتي العزيزة جنبي. هاتي حضن يا مودة. صابر: أنت يا واد، ابعد عن البت وتعال عشان الحاجة دي. عز: حاضر يا حاج. الشنط كتير ما شاء الله. هيام: آه يا بني، يلا معلش تطلعوا واحدة واحدة. عز: آه، يلا يا شباب. (جاد: اصبروا. يوسف، مروان. يوسف) يوسف يخرج من البلكونة: غرفته. إيه يا بني؟ إيه ده؟ مودة: من حبي فيكم قولت أجي أقعد جنبكم. يوسف: إيه؟

مودة: مش مبسوط ولا إيه؟ يوسف: ده أحلى خبر. حسب الله عايز إيه يا بني؟ جاد: تعال عشان نطلع الشنط دي. يوسف: حاضر، ثواني. جاد: تمام. مروان، مروان. مروان يخرج: نعم يا بني. مودة، إيه ده؟ ماشية ولا إيه؟ مودة: لا، جاية يا مروان، وقاعدة على قلوبكم هنا. مروان: تنور يا نهار أبيض. جاد: تعال عشان تشيل الشنط معانا. مروان: حاضر. (وينزلوا كلهم) يوسف: منورة مودة. مودة: بنورك. يلا يا بني أنت وهو، يلا.

سهام تخرج: منورين يا جماعة. تعالوا اقعدوا جوا لحد ما يطلعوا الشنط. تعالوا. هيام: تمام. (ويدخلوا الستات) مودة: أنا داخلة جوا، اطلع يكون كل الشنط طلعت. عز: يلا يا بت من هنا، يلا. (جوا في الفيلا كانوا قاعدين في الجنينة) سهام: بالله منورين. هيام: بنورك يا حبيبتي. مودة: فين جدو؟ سهام: عنده شغل. مودة: دلوقتي؟ إحنا العشاء. سهام: أنا عارفة يا بنتي، اقعدي. (وتقعد) (وبعد شوية وييجي الشباب يقعدوا على الأرض) جاد: آه، مش قادر.

يوسف يكح جامد: سهام: اسم الله عليك يا حبيبي، خد. ماهر: المفروض دول في شبابهم. عز: المفروض. حاتم: ما تقوم يا واد أنت وهو. مروان: آه، مش قادر. مودة: ما هو من العصير، آه العصير. جاد: احم. (يغمز لها) يوسف بهمس لـ مودة اللي كانت قاعدة جنبه: بالله اسكت. مودة: ده كله بسبب السجائر. يوسف: طيب، نتكلم بعدين. بالله. مودة: تمام. هيام: يلا بينا بقى عشان أموت وأنام. صابر: يلا، بعد إذنكم يا جماعة. *** في منتصف الليل في بيت صابر

مودة: آه، أخيراً خلصنا. رحاب: أنا مش قادرة. يارا: جماعة، غلط جدًا إننا نجي بليل وعايزين نخلص كل حاجة دلوقتي. رحاب: صح. يلا، اهو بنتعلم. مودة: أنا رايحة أنام، تصبحوا على خير. (ويرن عز) مودة: لا والله، مش وقتك. (وترد) مودة: السلام عليكم. عز: وعليكم السلام. خلصتوا؟ مودة: آه، لسه دلوقتي. عز: طيب، تعالي نخرج شوية. مودة: أنت بارد يا واد. عز: بت، احترمي نفسك. مودة: يعني أنا تعبانة وبقول خلصت بالعافية، تقولي نخرج؟

عز: إنتي فقر أساسًا. امشي يا بت. مودة: أنا رايحة أنام، تصبح على خير. عز: وإنتي من أهله. مودة: مش ناقصة هي بجد. عز: امشي يا مودة، امشي. آه، بقولك صح. مودة: إيه؟ عز: الفرح هيكون بعد شهرين عشان لسه فيه تجهيزات كتير. مودة: أحسن برضو، عشان أنا عايزة أنام. عز: تنامي؟ مودة: قصدي أجهز براحتي. عز بضحك: روحي نامي يا مودة، شكلك مش معايا. مودة: آه، يا ريت. يلا سلام. عز: سلام. (ويقفل) عز: أمتى تكوني معايا على طول يا وصية الرسول.

*** في فيلا سليم في وقت الفجر، ساعة الصلاة. سهام كانت بتصلي هي و نبيل. سهام: قولي بقى، كنت فين امبارح ده كله؟ نبيل: مش قولتلك، في اجتماع. نبيل: هقولك، بس مش عايز حد يعرف. سهام: هتتجوز؟ ولا إيه؟ نبيل: مش كان فيه ألم على طول عندي. سهام: آه، وقولتلك مليون مرة تروح للدكتور. نبيل: روحت النهارده وعملت أشعة. سهام: وخير؟ نبيل... سهام: مالك يا نبيل؟ قالك إيه؟ نبيل: كانسر. سهام: يا شيخ، أعوذ بالله. بطل هزار.

نبيل بدموع: مش هزار يا سهام. عندي كانسر. الحمد لله، يا رب. سهام: لا، بتهزر صح؟ أنت كويس؟ نبيل: بالله، واطي صوتك. مش عايز الولاد يعرفوا حاجة. (ويحضنها) سهام بتعيط: لا، أنت كويس. نبيل: متخافيش، هاخد العلاج بإذن الله. قدر الله وما شاء فعل، ابتلاء يا سهام. (سهام كانت بتعيط، بس وهي تحضنه جامد، وهو كمان يعيط)