رواية معلمة من الصعيد الفصل السادس والثلاثون 36 - بقلم مريم شعبان

جناح موده و عز: موده: نعمه. عز: تعالي نخرج. موده: لا مش عايزة. عز: بطلي رخامة. موده: انت اخدت عليا اوي يا عز. مش عشان اليومين اللي فاتوا كنت بهزر و اضحك معاك يبقي كده انا خلاص. لا يا عز، أنا لسه زعلانة و متضايقة و سيبني في حالي. عز: انتي مجنونة يا بنتي؟ ما كنتي حلوة.

موده: اه طبعا، ما انت اتعودت على كده. تيجي تصلحني بالكلمتين والموضوع يخلص. بس لا، المرة دي الموضوع مش هيخلص بالسهولة دي يا عز. وانسى نهائي اني اكلمك زي الأول. أنا زعلانة منك و من بابا و من نفسي و على نفسي. في لو سمحت سيبني في حالي بقي. عز: تصدقي أنا غلطان. كنت عايز اخدك و نروح الملاهي. موده: بطل هبل و امشي من هنا. عز: لا يا موده، انتي نسيتي نفسك ولا إيه؟ أنا جوزك. كلمني باحترام شوية وادب. إيه الهبل دي؟

إيه الطريقة دي؟ ده اللي اتعلمته في بيتكم؟ لا لا، أنا لازم أقعد مع عمو صابر. موده: اتفضل. عز: اتفضل إيه؟ موده: تروح تقعد مع اللي انت عايزه. عز: أنا بهزر. موده: طيب يلا من هنا بقي. عز: أنا خارج. ده انتي بتعشقي النكد. هرمونات النكد بتجري في دمكم. موده: احسن برضه. و اه صح، حاتم جاي انهاردة. عز: ليه؟ إن شاء الله؟ موده: يشوف أخته. عندك مانع؟ عز: مش عندي. أنا نازل. موده: احسن برضه. **** في جناح ماهر و رحاب:

ماهر: لا كده غلط. براحة و انت هتعرف تحفظها. سند: أنا قولتها كذا مرة و بنسى. ماهر: مش مشكلة تنسى يا حبيبي، هنفضل كتير لحد ما نحفظها عادي. يلا ورايا نقرأ سورة الفاتحة. سند: حاضر. (يبدأ يقرأ) ماهر: ما انت شاطر اهوه. سند: حلو. رحاب: جدا جدا جدا، برافو عليك. يلا بقي عشان الأكل. يلا يا سند تروح تغسل ايديك. سند: حاضر. (ويجري) ماهر: فين نورسين و لين؟ رحاب: قاعدين مع زهراء. ماهر: تمام. احنا هناكل هنا ولا تحت؟

رحاب: انهاردة الغدا تحت عشان طنط قالتلي انزلوا كلكم انهاردة. ماهر: تمام يا حبيبتي. عاملة إيه؟ حاسة بتعب؟ رحاب: لا يا حبيبي، الحمدلله أنا بخير. ماهر: ادام الله حمدك. لو حسيتي بحاجة قولي على طول. رحاب: متخافيش، أنا لسه في الأول. ماهر: ربنا يعينك يارب. أنا جنبك اهو. رحاب: ربنا يحفظك ليا. تربية الولاد صعبة اوي يا ماهر.

ماهر: عندك حق، بالذات في الزمان ده. بس احنا اتفقنا نعمل كل حاجة اهو. بقول يصلوا معنا و نقرأ قرآن كلنا. و اهو احنا معاهم. وطالما احنا بنحاول ربنا هيكون معانا. وربنا يجعلهم ذرية صالحة هم واللي جاي ده. رحاب: يا رب يا حبيبي. ويحفظك لين. ماهر: اللهم امين. يلا يا أستاذ سند عشان ننزل. سند: أنا جيت. يلا. رحاب: انزلوا انتوا، أنا هروح عند موده. حاتم جاي انهاردة. ماهر: تمام. بس انزلي على طول عشان تأكلي و خلي بالك من نفسك.

رحاب: ماهر يا حبيبي، أنا مش مسافرة. أنا رايحة الجناح اللي جنبنا. ماهر: تمام. بس برضه بخاف عليك. رحاب: حبيبي. سند: ينفع اجي معاك؟ رحاب: أكيد. تعالي. ماهر: لا، تعال معايا. رحاب: سيبهم. ماهر: عشان تقعدي براحتك مع أخواتك. رحاب: لا، سيبه عادي. يعمل إيه يعني. ماهر: تمام. يلا روحوا انتوا و أنا هغير هدومي و أنزل. رحاب: تمام يا حبيبي. يلا يا سند. سند: يلا يا ماما. **** تحت في الجنينة:

سليم: اطلع خلي مراتك تنزل عشان تاكل معانا. عز: لما يجي وقت الغدا هطلع. إنما هي دلوقتي قاعدة مع حاتم. صابر: عامل إيه معاها يا عز؟ يا بني براحة عليها يا عز. أنا عارف أنها مطلع عينك أكيد، بس يا بني هي طيبة. خلي بالك منها.

عز: متخافش يا عمي. موده في عيوني. بالعكس والله، هي مش بتعمل حاجة. للدرجة إني خايف من الهدوء بتاعها ده. أنا اللي غلطان يا عمو مش هي. حتى لو بتعمل إيه دلوقتي، ده هيكون رد فعل على اللي أنا عملته. أنا خنت ثقتها يا عمو. وانتوا السبب. قولتلك كتير أقولها وإني عارف أنها طيبة وهتقدر تفهمني. ربنا يحفظها ليا. وباذن الله نرجع زي الأول. صابر: باذن الله يا حبيبي. أنا من ساعة ما رجعتوا من السفر مش شوفتها ولا حتى كلمتني.

عز: معلش يا عمو. موده زعلانة منك أوي. انت كنت كل حاجة ليها. خدعتها بردوا. صابر: ربنا يسامحني يارب ويهديها عليا. **** في جناح موده و عز: حاتم: عاملة إيه يا حبيبتي؟ موده: الحمدلله بخير. حاتم: طمنيني، عاملة إيه مع الواد ده؟ موده: كويسين الحمدلله. أخبار شغلك إيه؟ حاتم: مشغول أوي. موده: مش وصلت لحاجة بخصوص المدرسة؟ حاتم: لا للأسف. موده: يعني برضه مش عارفين مين الشخص ده؟

حاتم: لا يا موده، احنا مستنين تخلصوا الأفراح دي ونبدأ نشتغل جد عشان مش عايزين مشاكل. موده: تمام. على خير. كتب كتابك بعد أسبوعين يا باشا. حاتم: اه الحمدلله. ده أنا فرحان أوي. موده: الحمدلله. ربنا يسعدك يا حبيبي. (والباب يخبط) موده: أقوم أشوف مين. (وتروح) رحاب: السلام عليكم. عرفت إن حاتم هنا قولت أجى رخمه عليه. حاتم: أهلاً. موده: تعالي ادخلوا. أهلاً أستاذ سند. سند: أنا مخصمكم. موده: ليه؟

سند: عشان انتي سافرتي مع عز وسبتيني. موده: أخص عليا. أوعدك إني مش هسيبك تاني. سند: وعد؟ مش هتروحي مع عز مكان. موده: أنا أقدر أسيبك أساسا؟ مش عايزة أروح مع مكان يا سند. عز: بتقولي إيه يا حبيبتي؟ موده: بسم الله. بتطلع إمتى انت؟ عز: في أي وقت. بتقولي إيه بق؟ سند: ملكيش دعوة بيها. متقوليش يا حبيبتي عشان هي حبيبتي. أنا. موده: (تشيله) سيبك منه يا سند، ده رخيم أساسا. تعالوا ندخل. رحاب: اتفقوا عليك.

عز: شكلها كده. أهلاً أستاذ حاتم. عندنا. حاتم: أهلاً. عز: ما تكلمني كويس يا بني. ما خلاص بقي. حاتم: أنا كلمتك أساسا. أنا كنت عايزة أموتك اقسم بالله. عز: لا، انت الكبير. وتيجي زهراء. عز: تعالي يا ستي شوفي خطيبك عامل دوشة. زهراء: رحاب، لين بتعيط ومش عارفة مالها. رحاب: طيب هروح أشوفها. (وتمشي) حاتم: مالها لين؟ زهراء: مش عارفة والله. مرة واحدة قعدت تعيط. موده: يمكن حاجة زعلتها. رحاب راحت تشوفها وهتيجي. حاتم: تمام.

موده: ما تقعدي يا زهراء واقفة ليه؟ تشربوا إيه؟ زهراء: ولا حاجة. احنا كده كده نازلين عشان ناكل. موده: لا، أنا هاكل هنا. عز: لا، هتنزلي. جدك عايزنا كلنا. موده: مش هنزل. عز: لو مش هتنزلي مش هنزل أنا كمان. موده: لا طبعا، انزل انت. ملكيش دعوة بيا. زهراء: بس هتنزلوا انتوا الاتنين. مش ناقصين خناق احنا. عشان خاطري يا موده. موده: تمام. بس انهاردة بس. مش هنزل تاني. زهراء: تمام يا حبيبتي.

عز: تعالي يا زهراء يا أختي يا حبيبتي. اقعدي جنبي. زهراء (باستغراب) : حاضر. (وتروح) عز: تعرفي يا زهراء، أنا هطلع عين عريسك يوم كتب الكتاب. حاتم: بس يا بني. عز: الله. أنا كلمتك. حاتم: مش بتقول عريسها؟ ولا أنا سامع غلط؟ مش أنا خطيبها؟ عز: اه، تصدق نسيت. وربنا هطلع اللي انت عملته يوم الفرح بس اصبر. حاتم: اسكت يا بني. ملكيش دعوة بينا. عز: أنا نسيت أساسا إنك خاطب أختي أساسا. حاتم: اصبر. اكتب الكتاب بس.

عز: جدع يا واد يا حاتم. انت صح. ماشي بضوابط الخطوبة. انت صح و الله. أنا عرفت أختار لأختي عريس راجل. حاتم: تسلم. بس للأسف أنا اخترت لأختي عريس. عز: إيه؟ اغلط بقي. حاتم: عريس أهبل و متخلف. عز: مش هرد عليك. حاتم: احسن برضه. موده: كفاية انتوا الاتنين. زهراء: أنا بقول يلا ننزل أحسن. موده: صح. يلا بينا. **** تحت الكل متجمع على السفرة: سليم: يعني مش سلمتي عليا يا موده؟ مش شوفتك من امبارح حتى؟ طلعتي على طول.

موده: كنت تعبانة و عايزة أنام. سليم: لا، ألف سلامة عليكي. طيب بعد كده الأكل هيكون تحت. الكل هيتجمع تحت على الفطار، الغداء، العشاء. محدش هيقعد في جناحه. كل ينزل. واعملوا حسابكم يا غيث انت وحاتم بعد الجواز برضه هتجوا هنا عشان نتجمع كلنا.

حاتم: أنا آسف لحضرتك، بس أكيد مش هنقدر نعمل كده بعد الجواز. كل واحد بيكون له حياة وبيحب يقعد مع مراته وياكلوا براحته لوحدهم. مفيش أي حاجة لو نتجمع كلنا يوم الجمعة ونقعد زي ما قولت حضرتك. إنما كل يوم صعب ومستحيل. سليم: زي ما قولت زمان. جاين عشان تاخدوا أحفادي مني؟ موده: لا، على أساس إنك بتخاف على أحفادك مش بتعمل خطط عليها لمصلحتك فقط. سليم: خلي بنتك تسكت يا صابر. ساكت مراتك يا غزو. صابر: بس يا موده، عيب كده.

سليم: أنا بعمل كل حاجة في مصلحتكم. عز: جدا. الصراحة بوظت فرحتي بالفرح عشان مصلحتك انت مش عشان مصلحتنا احنا. كل المهم عندك يفضلوا جنبكم، مش مهم بقى هم فرحانين ولا لا. أهم حاجة يكونوا جنبكم. سليم: انت كمان، ما تشوف ابنك يا نبيل. نبيل: اتكلم يا عز. اتكلموا كلكم يا ولاد. طلعوا كل اللي في قلبكم.

ماهر: أنا اتجوزت الأول غصب عني عشان صفقة عندك في الشغل. حرمنتي من حاجات كتير عشان أنا الكبير. كنت هتجبرني اتجوز بيري عشان بس تقعد معاك. ويوم ما رفضنا، قولت يا بيري تتجوز خلال شهر إلا أنا اتجوزها. وبيري ربنا رزقها بغيث. وقفت قدامي كتير. وافقت على رحاب عشان بس موده مش تزعل وتمشي. إنما انت رافض إني أكون سعيد في حياتي. حتى لما لقيت واحدة بحبها وعايشين في سعادة، مصمم تخرب علينا البيت ده. بيري، أنا خليتني أرخص نفسي و أطلب

من غيث يتجوزني بس عشان الدنيا تمشي. مش اتجوز ماهر. خلتني كلنا قاعدين بنفكر نعمل إيه عشان نخلص بس من المصيبة دي. سبتكم وسافرت عشان أرتاح. مع كل شوية كلام إني هتجوز ماهر. أول ما نزلت، كنت عايز تعمل أي شي عشان اتجوز ماهر. ويوم ما ربنا عوضني وحبيت غيث وحياتنا بقت تمام واتفقنا ننشأ الاتفاق اللي بينا، مصمم برضه تهدم الفرحة دي؟

واحنا خلاص أسبوع وهيكون فرحنا. المفروض بقي إننا نسيب بيتنا ونيجي نقعد هنا عشان المفروض بتحبنا يعني. زهراء: أنا واقفت قدام عرسان كتير أوي بيجوا عشان مش اطلع برة البيت. ممنوع ناكل أي حاجة برة. ممنوع نكلم أي حد. ممنوع نفرح ونغني. ممنوع نعمل أي شي نكون فرحانين فيه. وحتى لما حاتم اتقدم، طلعت عينه عشان توافق لمجرد إنك شايف إنهم هياخدوني منك. طيب انت عملتها إيه عشان نقعد معاك؟ أنا كل يوم في مشكلة شكل بسبب حضرتك.

عز: في الأول تجبرني اتجوز موده وتقولي إن عمتو كتبت وصية. وبعد ما حبيتها، اكتشفت إنها وصية أي كلام بس عشان موده تقعد. ولما أقرر أقولها، تهددني إنك هتخليني أطلقها وأجوزها أي حد تاني. بوظت فرحتي باليوم اللي كنت منتظره مع حبيبتي. خليت موده اليومين دول تعيط كتير. ده كله بسبب، بعد ما حياتي كانت ماشية تمام، بوظتها. بعد ما كنا أنا وموده فرحانين، أهو دلوقتي هي مش عايزة تكلمني عشان غلطة عملتها. وحضرتك السبب في ده كله.

جاد: أنا نفسي مرة تحسسني إني ليا لازمة في بيت. مش أي حاجة بعملها، تقولي شكلنا قدام الناس. الناس هتقول علينا إيه؟ أي فرحة لازم تبوظها. فرحة فرحانين فيها وجايبين حاجات تفرحنا أكتر. إزاي أنا بيتي يحصل فيه كده؟ نشغل أناشيد؟ مستحيل. الصوت تفرحوا إزاي؟

الناس تقول علينا. أنا أنا سليم السيد. الناس تقول عليه أحفاده. بقول بيسمعوا حاجات ملهيش لازمة. أنا خارج يا جدو مع صحابي رايحين الملاهي. الناس تقولي عليك واحد كبير زيك رايح الملاهي. إيه حاجة. الناس الناس الناس. حضرتك مش خايف علينا؟ حضرتك خايف على شكلك قدام الناس عشان تكون مسيطر على كل حاجة.

موده: أنا حياتي كانت كويسة. نزلت بس عشان أشوف أهل والدتي. وجاية أقعد يومين وأمشي. لقيت الدنيا كلها اتقلبت. قولت لعله خير وأقعدي يا موده. حبيت عز وقولت ربنا عوضني. بس إزاي؟

لازم حاجة تخرب فرحتي. قولت يمكن في الأول أنا فهمتك غلط، بس كل مرة تثبت إننا مش مهمين عندك. أهم حاجة تكون كلمتك مشيت على طول. حضرتك كسرت فرحتي بيوم فرحي والحنة اللي قعدت أخطط ليها أسابيع وكنت كل حاجة ماشية تمام، بس إزاي باظت بخطط حضرتك. أنا عمري ما تخليت إني رخيصة عند الكل كده. عند بابا اللي وافق يعمل كده من ورايا وإني طول عمره كان معايا وعمره ما غصبني على حاجة. ولا على حضرتك اللي آخر فترة حبيتك فيها وقولت حضرتك اتغيرت وبقيت تحبنا صح وفهمتنا. ولا على عز اللي حبيته بجد وكنت منتظرة اليوم اللي هنكون مع بعض. بس كل حاجة بتبوظ بسبب حضرتك يا جدو. شكلك قدام الناس إيه ده؟

انت مدرستك كانت كلها باظة والعيال ماشيين في طريق غلط. واحنا اللي لحقنا العيال دول. بيتك اللي فرحان بيه ده، كانوا كلهم بيصلوا في البيت. من ساعة ما كل واحدة فينا اتجوزت حد من أحفادك، بقول ينزلوا يصلوا في الجامع واقربوا من ربنا. حاتم وغيث اللي مش عاجبينك، هم اللي كانوا بيقفوا جنبنا وخلوا أحفادك يقربوا من ربنا أكتر. بيري قربت من ربنا ولبست الخمار. ربنا يجعلهم زوجين صالحين. وزهراء غيرت حاجات كتير فيها برضه. حاتم له سبب في التغير ده. يعني انت حياتك ومدرستك وكل الحاجات دي كانت غلط لحد ما إحنا جينا. بس مش إحنا اللي بنوظ الدنيا أكتر. مش شوفت تغير جاد وأصحابه؟

اللهم بارك اتغيروا كتير. إحنا بقي اللي بنبوظ البيت صح؟ تمام. أنا مش هقعد في البيت ده. أنا راجعة بلدي تاني، أحسن من هنا مليون مرة. عز عايزيني تشوفلي شقة برة البيت ده. أما هرجع البلد. ماهر: وأنا ومراتي وعيالي هنخرج من البيت ده، مش هنقعد تاني. غيث: وأنا هشوف شقة بعيد. أما خلينا نعيش. سليم: خلصتوا فرحان انت بولادك دلوقتي ولا مراتك خليتك تعصي أمري؟ سهام: لا ثواني. مراته اللي هي أنا صح؟

وده أنا كل يوم بيشوف واحد من ولادي بيتكسر وبسكت عشان خاطرك. ده أنا بخدمك ليل ونهار وساكتة. وده أنا بحبك. وده أبويا في الآخر. تقول كده يا بابا؟ أنا عملتلك إيه لكده؟ أنا هسيب لكم البيت ده. يلا يا عيال كلنا هنروح بيت بابا وهنقعد هناك. مش هتشوفوا وشنا تاني عشان أنا زهقت اقسم بالله من البيت ده. يلا كل واحد يلم هدومه ويجي. أسماء: استهدي بالله بس يا سهام. سهام: لا يا أسماء، كفاية كده. طالما أما اللي بخرب البيت.

أسماء: بابا أكيد مش قاصده. استهدي بالله. سهام: همشي يعني همشي. أنا آسفة يا نبيل، بس لازم أمشي. (وتقوم) نبيل: استني. سهام: نعم. نبيل: حضري شنطتي معاكي. أنا همشي معاكم. سهام: تمام. (والكل بدأ يقوم يحضر شنطته. وسليم قعد لوحده على السفرة) **** في أوضة كاظم و أسماء: أسماء بتكلم كاظم: كاظم: أنا بقيت أكره أسافر. لو ما أسافر من هنا تحصل مصيبة من هنا. أسماء: ربنا يرجعك لينا بالسلامة. المهم، أعمل إيه دلوقتي؟

مينفعش أمشي معاهم وأسيب بابا لوحده. كاظم: لا، خليكي معاه. أنا كده كده نازل بعد بكرة عشان فرح بنتك. أسماء: فرح بنتي؟ متعرفيش اللي فيها؟ غيث وبيري كانوا متفقين يتجوزا عشان مش تتجوز ماهر. كاظم: نعم؟ الكلام ده بجد؟ أسماء: اه. بيري قالت كده. كاظم: الجوازة دي مستحيل تتم.

أسماء: طيب صل على النبي كده. غيث واضح إنه بيحبها. كتب لو كانت في البداية كده بس اتحول لحب وهي بتحبه. سيبهم يا كاظم. أنا قولتك بس عشان تكون عرفت كل حاجة. إنما بالله عليك متعمليش حاجة. وغيث شخص محترم وابن ناس. خليهم يكملوا. كاظم (باستغراب) : انتي مين؟ متأكدة إنك أسماء؟ أسماء: يارب كده مش عاجب ولا كده عاجب. أعمل إيه ياربي؟ كاظم: لا لا، خليكي كده أحسن. المهم، بنتك في... أسماء: شكلها هتروح معاهم.

كاظم: سيبها. اقعدي بس انتي لحد ما أرجع. أسماء: تمام. حاضر. **** في جناح ماهر و رحاب: رحاب: احنا هنمشي بجد. ماهر: اه. ويا ريت تلمي كل حاجاتك عشان مش هنرجع تاني هنا. ويلا نساعد بعض نلم حاجات الولاد. رحاب: تمام يا حبيبي. ماهر: يلا عشان نمشي بعد العشاء. رحاب: حاضر. **** في جناح موده و عز: عز: خدي كل حاجاتك. وبكرة هيجي أخد العفش كله وأشوف شقة صغيرة نقعد فيه. موده: تمام. عز: تحبي أساعدك في حاجة؟ موده: انت خلصت شنطتك؟

عز: اه. موده: طيب افتح الدولاب حط الفستانين بتاعتي هنا. عز: تمام. (ويروح) عز: الحاجات دي بتتلبس فين دي؟ فساتين قصيرة أو فساتين طويلة وبحمالات. موده: كنت جايباهم ألبسهم في البيت. وكمان كان في واحد فيهم للحنة. بس يلا الحمدلله. عز: هوعدك. موده: اخلص يا عز، حط الهدوم. عز: لا، بس حاجات حلوة أوي. موده: عارفة. عز: أقسم بالله لو حاجة من دلوقتي لبستها برة بيتنا، مش عارف هعمل فيكي إيه.

موده: شايف الفستان الأزرق اللي بحمالات ده؟ عز: اه. موده: هلبسه في حنة بيري. عز: ده عند طنط. موده: اتكلم كويس. عز: إنسي يا موده، إنسي إنك تلبسي فستان زي ده برة بيتنا. انسى. موده: ممكن تخلص تلم الشنط؟ عشان طنط سهام قالت هنمشي بعد العشاء على طول. عز: تمام يا حبيبتي. **** في أوضة نبيل و سهام: سهام: أنا آسفة يا نبيل، بس حقيقي مش قادرة.

نبيل: مفيش حاجة يا حبيبتي. ده كان لازم يحصل من زمان. كان لازم ناخد الخطوة دي من زمان. متخافيش، أسماء هتقعد معاه. سهام: بس بيري جاية معانا. نبيل: اه. بس أسماء هتقعد. كاظم لسه مكلمني قال راحوا انتوا وهي هتقعد لحد ما يجي. نشوف في إيه. سهام: هو كده فرح بيري؟ نبيل: في معاده. وهنفرح كلنا هناك. أنا قولت لبيري والبنات يجيبوا كل حاجة خاصة بالفرح عشان هنقعد هنا.

سهام: تمام يا حبيبي. أنا خايفة الولاد مش يحبوا البيت. ما انت عارف إنه في منطقة شعبي ووسط دوشة. نبيل: لا، بإذن الله هيحبوا. لحد بس ما نشوف هنشتري بيت نقعد فيه إزاي. ما انت عارف الفلوس كلها باسم بابا. سهام: ربنا يسترها معانا. نبيل: يارب. **** في بيت صابر: صابر: أنا هسيب بناتي كده يمشوا؟ مكان أنا مش عارفه. هيام: سيبهم. كل واحدة مع جوزها. اخرج انت من الموضوع. حسناء: اه ياريت. وسيبهم يعيشوا يا صابر. كفاية كده.

هيام: اه ياريت. صابر: الحاج ده هيقلب علي الكل. هيام: ما يقلب. انت خايف منه كده؟ صابر: أنا مش خايف منه. أنا خايفة على بناتي. هيام: لا، متخافيش. بناتك كل واحدة فيها مع جوزها. ملكيش دعوة بيه. صابر: انتي ليه محسسني إني عدو ليه؟ هيام: اه يا صابر. انت بوظت فرحة بنتك وكفاية كلام بقي. **** بعد العشاء الكل كان جاهز وكانوا كلهم نازلين وسليم واقف: سليم: خلاص ماشيين؟ نبيل: سامحني يا بابا، بس مش هقدر أقعد أكتر من كده.

سليم: براحتكم. بس اليوم اللي هتخرجوا فيه كلكم من البيت، مش هترجعوا البيت ده تاني. وانسوا إن كان ليكم جد أساسا. واعتبروا نفسكم زي أي مدرس في المدرسة بياخد مرتب وبس. سهام: يلا يا ولاد. خرجوا الشنط في العربيات. يلا. سليم: برضه هتمشوا؟ اعتبروا نفسكم مش هتدخلوا البيت ده غير لما أموت. يلا برة. (ويخرجوا كلهم) سليم: انتي قاعدة ليه انتي كمان؟ مش رحتي معاهم؟ أسماء: لحد ما جوزي يجي يا بابا. سليم: تمام. أنا طالع أوضتي.

أسماء: طيب تحب أحضرلك حاجة؟ سليم: لا. أنا طالع أنام. **** قدام الفيلا: ياره: انتوا ماشيين وسايبين؟ رحاب: ما انتي هتجي عندنا يا حبيبي. وأنا هيجي أشوفك. سهام: البيت بيتك يا يارا. تعالي في أي وقت. ياره: تسلمي يا طنط. يوسف: كده برضه هتمشوا خلاص؟ طيب أنا هقعد مع مين؟ نبيل: معلش بقى يا ولاد. تنوروا البيت. يوسف: تواصلوا بالسلامة. جاد: الله يسلمك. سهام: يلا يا ولاد. هيام: خلي بالكم من نفسكم يا بنات. موده: حاضر يا عمتو.

(وتسلم عليهم كلهم ويركبوا كلهم ويمشوا) **** بعد مدة يوصلوا بيت والد سهام: نبيل: يلا كل واحد ياخد مراته وعلى أوضة. زهراء وبيري أوضتكم هناك أهي. و جاد في أوضة صغيرة. روح نام هناك. في أوض كتير بس اللي متنضفين دول هم دول. ماهر: خلاص يا بابا. بكرة الصبح نقوم نشوف البيت ده. جاد: هات سند ينام معايا. رحاب: لا، خليه معايا.

جاد: يا ستي، هي الأوضة تنفع تناموا انتوا لما تنامي عيالك فيهم. هاتوا الولد معايا. وزهراء وبيري ياخدوا لين ونورسين. موده: صريح أوي. جاد: ما أصل أنا قولت أعمل جدع وآخده معايا. هيناموا إزاي ده؟ كنت لوحدي مكنتش مرتاح. سهام: معلش يا ولاد. لفترة معينة بس. وهنجيب حاجات جديدة. جاد: تمام. نبيل: يلا كل واحد على أوضته. **** في أوضة عز و موده: موده: اه مش قادرة. يوم صعب. عز: الحمدلله إننا سيبنا البيت. موده: جدو صعبان عليا.

عز: برضه يا موده؟ موده: جدو تعبان. عايز حد يقعد معاه. مكنش ينفع بردو نسيبه لوحده. هو غلطان أه، بس إحنا قولنا كلام صعب أوي. تفتكر ربنا يسامحنا على الكلام اللي إحنا قولناه ده؟ عز: أنا عارف إننا إحنا برضه غلطانين عشان مكنش ينفع نكلم جدو كده. موده: طيب هنعمل إيه؟ عز: لازم نصالح الدنيا دي. جدو غلطان وإحنا برضه غلطانين. موده: اصبر ثواني. حاتم بيرن. موده: السلام عليكم. حاتم: وعليكم السلام. وصلتوا؟ موده: اه الحمدلله.

حاتم: طيب الحمدلله. موده عايز منك طلب. موده: خير يا حبيبي. حاتم: كلمي يارا و خليها تشيل الصورة اللي حطتها على الفيس من الصبح. بكلمها ومش عايزة تسمع الكلام. ومش عايز أقول لخال. موده: وإحنا من امتى بننزل صورنا أساسا؟ اقفل، اقفل. هكلمها. حاتم: تمام يا حبيبتي. (ويقفل) عز: في إيه؟ موده: يارا منزلة صورها فيس. عز: طيب براحة عليها وافهمها براحة. موده: حاضر. ترد بس. السلام عليكم. ياره: وعليكم السلام.

موده: إيه يا يارا يا حبيبتي؟ إيه الصورة اللي منزلة لنفسك دي؟ ياره: دي بالنقاب يا موده. حاتم مكبر الموضوع. أنا مش عندي غير بنات. موده: برضه، حتى لو مش عندك غير بنات وبالنقاب، لا يجوز يا حبيبتي. ما انتي مش عارفة البنت دي أخوها بيمسك موبايلها ولا لا. أبوها إيه؟

راجل. وإنتي عارفة كويس إنها حرام ننزل صورنا على مواقع التواصل الاجتماعي عشان بيكون فتنة بين الشباب. هتقولي بالنقاب، هقولك هيقرب من عينك كده ويرزقك ربنا يهديهم يارب. الشباب بقت صعبة أوي يا يارا. الزي الشرعي فرض عشان يخفي النظر عنك. مش تروحي تنزلي صورك بالنقاب أو الخمار. لا يجوز يا يارا. وإنتي عارفة كده كويس. ياره: طيب، ما إحنا ماشيين في الشارع ورجالية كتير بتشوفنا. اشمعنى يعني؟

موده: يا حبيبتي، انتي بتكوني ماشية في الشارع حد يقدر يقرب منك ويقعد يبص عليكي أوي؟ أكيد لا. إنما في الصور، هو يقدر يعمل كده. عرفتي ليه بقي حرام؟ ياره: حاضر يا موده. همسحها وربنا يهديني. موده: يارب يا حبيبتي. بارك الله فيكي. عايزة حاجة؟ ياره: تسلمي يا حبيبتي. خلي بالك من نفسك. موده: حاضر. في رعاية الله. (وتقفل) عز: أنا بحبك أوي. موده: شكرا.

عز: مش بهزر والله. بحب طريقتك في الكلام معاهم أوي. بتفهم كل واحد فيهم غلطه براحة. موده: ما ده الصح. براحة وهم هيفهموا كل حاجة. عز: طيب، مش دينك بيقولك كلمي جوزك كويس؟ ولا إيه؟ موده: اه. أنا آسفة لو كنت بكلمك بعصبية أو بزعيق. وده غلط. عز: وأنا مش زعلان. وأنا آسف على كل حاجة وحشة عملتها. موده، أنا عايز أقرب من ربنا. عايز نكون أسرة صالحة. عايز عيالنا يطلعوا صالحين. موده: تمام. بس توعدني إن عمرك ما هتخبي عليا حاجة.

عز: أوعدك والله. نبدأ صفحة جديدة. موده: أنا قولتك. يوم ما تثبت إنك بتحبني بجد. اليوم اللي هقولك فيه نبدأ صفحة جديدة. عز: تمام يا موده. **** فيلا سليم في الفجر: سليم قاعد زعلان والبيت في هدوء من غيرهم. بيعملوا للبيت صوت. راح يتوضأ ويصلي:

سليم: يارب. أنا عارف إني غلطان. أنا خوفي خوف صعب عليهم. يارب خليهم يرجعوا بس. وأنا هشيلهم في عيوني. يارب يرجعوا. بس لازم يرجعوا البيت. يا سليم. لازم. طلعت غلط كتير أوي يا سليم. ساعتين مش موجودين في البيت. البيت ملوش طعم من غيرهم. هم أساس البيت. يارب يرجعوا. يارب. أنا ندمان أوي. هعمل كل حاجة عشان يرجعوا تاني. يارب. **** في بيت والد سهام:

موده بتخبط على كل باب: الفجر يا جماعة. الفجر. يلا الرجال تنزل تصلي في الجامع. والستات يلا عشان نصلي مع بعض. نبيل: صاحيين يا بنتي. صاحيين. موده: بارك الله فيك يا خال. نبيل: يارب يا حبيبتي. فين الولاد؟ جاد: أنا اهو جاهز. نبيل: ماشاء الله. أول واحد يجهز للصلاة. جاد: الحمدلله. نبيل: يلا. أنا هنزل استناكم تحت. (ويمشي) موده: لسه بتكلم بنات؟ جاد: لا. مسحت كل حاجة خاصة بيهم. موده: اشمعنى؟

جاد: عشان لا يوجد علاقة بين ولد وبنت غير الزواج. غير كده لا يجوز. حتى لو صحاب برضه لا يجوز. فقولت لازم أرجع لربنا وأمسح كل البنات دي. وربنا يهدينا جميعا يارب. وخفت عليهم حقيقي. وقبل ما أمسح كل واحدة فيهم، نصحتهم بلاش كلام شباب عشان نيتنا مش بتكون كويسة حقيقية. موده: أنا فخورة بيك أوي. ربنا يهديك يارب ويجعلك من الصالحين. جاد: يارب. عز: أنا جيت. جاد: يلا يا بني. هنتاخر. فين ماهر؟ ماهر: أنا اهو. يلا. كنت مستني سند بس.

جاد: تمام. يلا بينا. موده: يا زهراء يا رحاب يا بيري. يلا عشان نصلي. بيري: صحيت يا بنتي. أهمدي بق. موده: الفجر يا أستاذة. عايزين نكون صحبة في الجنة. بيري: اللهم امين. خمس دقائق. أتوضأ وألبس الإسدال وأجي. **** تاني يوم: فيلا يوسف: بسملة: ترجع تاني ليه؟ ما تخليك معانا. فارس: أنا نازل زيارة وهرجع تاني. بسملة: ما تخليك جنبي يا فارس. واسمع الكلام. فارس: وأسيب أرضي هناك متدمرة؟

بسملة: وأنا قلبي يوجعني عليك زي ما وجعني على أخوك. فارس: ياريت يا أمي أموت شهيد يارب. بسملة: الله يطول بعمرك يا بني بعيد الشرف. فارس: الشهادة شر. تخيلي كده يتقالك يا أم فارس. نيالك. ياريت أمي بدالك. بسملة: بس يا فارس بس. (وتقوم) فارس: يارب أموت شهيد. يارب. استجاب ليا. **** فيلا سليم: أسماء: يا بابا لازم تاكل. سليم: مش عايز. كلمتهم. أسماء: اه. وهم كويسين. سليم: مش هيرجعوا. أسماء: طيب ما تروح ترجعهم.

سليم: خايف مس يرجعوا معايا. أسماء: لا يا بابا. هم أه زعلانين، بس هيرجعوا. روح انت بس يا بابا. أنا فرح بنتي بعد خمس أيام. عايزين نفرح بقي. خليهم يرجعوا. واتكلم مع موده وصالحها. وخلي البيت يدخل فيه سعادة. بقي.

سليم: صح. البيت لازم يدخل فيه سعادة. أسماء، أنا عايز كل البيت ينور. خلي الجنينة كلها ألوان فرحة وسعادة. كفاية حزن ونكد. شاغلوا أناشيد. أملي البيت فرحة يا أسماء. شيلي الستائر السودا دي وحطي الستائر البيضا. طلعلي أي ترنج من فوق. الواحد لازم يتغير. قومي يلا. أسماء (بفرحة) : حاضر يا بابا. حاضر. سليم: يوم بس كأنه سنة. يا أسماء. كانوا عاملين للبيت جو بدوشته.

أسماء: اه يا بابا. يلا أنا هقوم أعمل اللي حضرتك قلت عليه. وكاظم ساعة ويوصل. سليم: تمام. عشان بكرة نروح نجيب ونيجي. **** في بيت فيروز: فيروز: ماما. حنين: نعم يا حبيبتي. فيروز: أنا عايزة ألبس الخمار. حنين: بجد ولا بتهزري؟ فيروز: بتكلم جد والله. موافقة. حنين: أكيد طبعاً. ده أنا فخورة بيكي أوي أوي أوي. خطوة حلوة. اتكلي على الله. فيروز: أنا كمان قررت أمسح كل الأغاني وأقرب من ربنا. وأخلي كل البناطيل ألبسهم في البيت وبس.

حنين: وأنا فخورة بيكي أوي. يلا خدي أي خطوة وأنا معاكي. فيروز: طيب ما تيجي نلبس الخمار مع بعض. حنين: موافقة يا قلب ماما. ونصلي مع بعض ونفكر بعض بورد القرآن. فيروز (بصدمة) : أنا مش مصدقة. نفيت. أنا قولت أمك مش هتوافقي. حنين: مش أوافق إزاي؟ حاجة هتقربك من ربنا. أقوم أنا بعدك. من بكرة هننزل نجيب خمارات وحاجات مناسبة لسني وحاجات ليكي. بإذن الله. فيروز: بإذن الله. بحبك أوي يا ماما. حنين: وأنا بحبك يا قلب ماما.

(يا الله لو كل أم تكون كده تكون عون لبنتها على فعل الصح. تاخدها وتصلي بيها. تفرح لما تلبس الزي الشرعي الصح وتاخد الخطوة معاها. تقولها الصح من الغلط. تخلي بالها منها. والله هيكون كل البنات صالحات. ربنا يجعلنا من الصالحات يارب.) **** في بيت والد سهام: سهام: واحدة فيكم تقوم تغسل الأطباق. زهراء: أنا غسلت وقت الفطار. بيري: وأنا غسلت بتاع امبارح. زهراء: دول كانوا طبقين. بيري: كدابة. زهراء: بت هجيبك من شعرك.

رحاب: بس بس. أنا هروح أغسلهم. سهام: لا طبعاً. انتي حامل. قومي جزمة منك ليها. اغسلوا الأطباق يلا لحد ما موده تخلص الغداء. زهراء: حاضر. (وتقوم) سهام: وراها يا بيري. بيري: حاضر يا طنط. رحاب: هي موده بتعمل أكل إيه ده كله؟ سهام: بالله ما أعرف. من الظهر في المطبخ. مش عايز حد يدخل يشوفه. رحاب: تجارب موده بتكون زي العسل. ربنا يستر. سهام: يارب. **** غيث: أنا غلطان إني جيت أساسا.

عز: كمل شغلك انت وساكت. لازم ننضف الجنينة عشان نقعد فيها. وحنة عروستك تكون فيها. غيث: حاضر يا سيدي. ماهر: واد يا غيث، معك سجائر؟ غيث: لا يا سيدي. الحمدلله. بعدت عنها نهائي وسيبتها خلاص. عز: إزاي ده؟ انت مكنتش بتقدر. لازم واحدة في اليوم. غيث: من ترك شيئا لله عوضه الله خيرا منه. ماهر: جدع يا غيث. ده كان اختبار من بيري. عايزة تشوفك لسه بتشرب ولا لا. غيث: الحمدلله. بعدت عنها نهائي وقررت أقرب من ربنا.

ماهر: القرب من ربنا حلو. حل لكل مشاكلنا. نقرب إحنا بس. غيث: الحمدلله. قررت أربي دقني. ماهر: اه. أنا برضه قررت مش هحلقها تاني. عز: احسن برضه. غيث: اتغيرنا يا شباب. عز: اه. كتير. ماهر طول عمره ماشي صح. الدور والباقي علينا إحنا. غيث: الحمدلله إننا بعدنا عن أي شي غلط. عز: الحمدلله. غيث: أنا تعبت. مش لازم الحنة بكرة يعني؟ بيري: مش لازم إيه يا أستاذ غيث؟ غيث: مش لازم إيه يا حبيبي. أنا قولت مش لازم.

عز: اه. قولت مش لازم الحنة. بيري: إلا الحنة. هموتك فيها يا غيث. الحنة بكرة وهتتعمل. ويلا تعالوا عشان الفطار وبعد كده كملوا. ماهر: تمام. يلا بينا. **** فيلا تيا: تيا: عايزة آخد رأيكم في حاجة. ولاء: اتفضلي. تيا: عايزة ألبس الخمار. فرح: خمار إيه؟ انتي عندك كام سنة عشان تلبسيه؟ ده إحنا الكبار لابسين الحجاب بست. تيا: أنا عايزة أنفذ ربنا. مليش دعوة بحد. أشرف: لا يا أمي، الخمار مش فرض. تيا: أشرف، انت بتقول إيه؟

أشرف: النقاب هو اللي فرض. فرح: نعم؟ انت مالك يا أشرف؟ بقالك فترة غريب. ما ساعة ما بقيت تروح الجامع بقيت شخص متشدد. أشرف: متشدد في إيه يا أمي؟ متشدد عشان بقولك الصح من الغلط. ولاء: خلاص يا جماعة. محصلش حاجة. أشرف: لا يا طنط. حصل. أمي بتقول كلام غلط في الدين. وأنا مستحيل أسكت. راشد: في إيه؟ عاملين دوشة ليه؟ فرح: بنتك عايزة تلبس الخمار. راشد: ماشاء الله. ربنا يكرمك يا حبيبتي. فرح: انت بتقول إيه؟ انت كمان؟

بنت في سنها تلبس الخمار ليها. أشرف: الزي الشرعي فرض على كل مسلمة يا أمي. فرح: بس يا أشرف. راشد: خلاص يا جماعة. نقفل الموضوع ده. نكمل بعدين. كنتي عايزة إيه يا فرح؟ فرح: اه طبعاً يا أخويا. انت عارف إن تيا آخر سنة ليها. تيا: في ثانوي. والبت حلوة. مليون واحد عايزها. راشد: ادخلي في الموضوع على طول. فرح: تتجوز اشرف لتيا. أشرف: حضرتك بتقولي إيه؟ تيا: عمتو، انتي بتهزري صح؟

فرح: لا مش بهزر. وأبوكي وعدني إنه هيجوزك ابني لما تخلصي ثانوي. راشد: لما تخلص السنة دي نشوف الكلام ده. البنت لسه صغيرة. اقفلي كلام في الموضوع ده. فرح: ولا صغيرة ولا حاجة. قدها بيتجوزوا عادي. تيا وأشرف يضحكوا. فرح: بتضحكوا عليا؟ أشرف: أصل حضرتك من خمس دقايق كنتي بتقولي تيا صغيرة إزاي تلبس الخمار. ودلوقتي فين كبيرة عشان تتجوز؟

بصي يا خالي، أنا أه عايز تيا، بس بعد ما تخلص تعليم. وأعرف رأيها. إنما لو هي مش موافقة، هتفضل أختي بس. خليها تخلص السنة دي على خير. وتشوف هي عايزة إيه. راشد: صح يا بني. القرار يرجع لتيا. وأظن إنها صغيرة دلوقتي تقدر تاخد القرار ده. أشرف: وأنا مستني العمر كله. فرح: طيب، على القليل نعرف رأيها عشان لو رافضة ابني مش يقعد على الفاضي. راشد: طيب، سيبها تفكر براحتها. تيا: أنا طالعة أوضتي. (وتمشي) فرح: تمام. يلا بينا يا أشرف.

أشرف: تمام. اتفضلي بعد إذنكم. راشد: ليه؟ ما انتوا قاعدين. فرح: معلش. كفاية كده. يلا. (ويمشوا) ولاء: البنت لسه صغيرة يا راشد. سيبها تخلص تعليم. انت عارف كويس أوي أختك بتعمل كده ليه. راشد: أنا حاسس بنتك موافقة. ولاء: نعم؟ إزاي؟ راشد: مش عارفة. بنتك شكلها بتحب أشرف. ولاء: الصراحة، أشرف بقى شخص كويس ومحترم. إنما أمه... راشد: خلاص يا ولاء. روحي شوفي بنتك وانزلي معاها عشان تجيبوا لبس ليها. خليها تاخد خطوة صح.

ولاء: تمام. حاضر. **** شقة والد سهام في المطبخ: غيث: بقالك ساعة بتعملي الشاي. بيري: براحتي. تعرف يا غيث. غيث: خير. بيري: نفسي أعمل حنة زي اللي بنشوفهم على النت. غيث: زي إيه؟ عشان لو اللي في دماغي صح، هعمل منك شاورما. بيري: الحنة اللي العريس بيدخل فيها. ويقعدوا يلبسوا كذا طقم ويتصوروا كتير فيها هي وعريسها بلبس صعيدي وهندي وفلاحي وكده. غيث: هل تفتكري إني كراجل أوافق على كده؟ بيري: أنا بقولك نفسي.

غيث: يا بيري يا حبيبتي، دول غلط. الحنة طول عمرنا عارفين إنها بتكون بنات بس. ويقعدوا براحتهم. إنما العريس يدخل ويقعدوا يتصوروا بمليون طقم ده مش راجل اللي يقعد يرقص مع مراته قدام الرجالية وهي لابسة لبس ضيق. ولا يجوز إنها تخرج بيه قدام حد أساسا. البلوجر اللي بيعملوا كده بيعملوا عشان المشاهدات. ويقعد ينزل صور مراته عشان نقول ده راجل عسل. إنما إحنا بنقول عليه راجل د.ي.و.ث. أنا يا بيري عمري ما هنزل صورك معايا على صفحتي.

حتى لو إيديك بس. أنا بغير عليكي. مستحيل أنزل صور كده. لو عايزة تلبسي كده وتتصوري، تمام. عادي جدا. البسي ونجيب مصورة بنت وتتصوري براحتك وسط البنات. تمام. بس إنسي نعمل حنة مختلطة وتقعدي ترقصي قدام ولاد عمك كده عشان هما كمان مستحيل يوافقوا على كده. تمام؟

يا حبيبي. اعملي حنة بنات بس. وسيبك من البلوجر دول. حياتهم مش حقيقية. وافرحي مع موده ورحاب وزهراء ويارا ووسط البنات. وأنا هدخل أتصور معاكي قبل ما تنزلي عشان تكون ذكرى لينا حلوة كده. بيري: طيب. بالله عرفت أختار صح. غيث: عيب عليكي يا بنتي. أنا برضه مش أي حد. بيري: لا بجد. أنا ربنا بيحبني. غيث: احمدي ربنا بقي. بيري: الحمدلله. عندك حق. على فكرة أنا بقيت متأكدة إنك هتحافظ عليا وهتكون سند صالح ليا. أنا بحبك يا غيث.

غيث: لا. احلفي. قوليها تاني. بيري (بكسوف) : لا. كفاية مرة. غيث: بالله عليكي. بيري (بتوتر) : بس يا غيث. غيث: بالله عليكي يا قلب غيث. قوليها تاني. بيري: لا. بق. عز: وإيه كمان؟ بيري: بسم الله. عز: إحنا قاعدين برة عايزين نخلص أم الجنينة عشان أم الحنة. وعايز كوباية عشان نقدر نكمل. وسرحان ونفسية قاعدين بيحبوا في بعض. ادعي عليكم. أخلصوا نص ساعة بتعملوا شاي. غيث: بتكلم مع مراتي.

عز: لا ما إحنا قاعدين بنعمل أم الحنة بتاعتك انت ومراتك. غيث: مش مراتي دي بنت عمك. ولازم تقف ولا إيه يا جدعان؟ لا لا. أنا كده أضربها بقي. ملهيش حد. بيري: اضرب مين؟ عز: تضرب مين يا غيث؟ ده انت يوم ما تفكر تفكر بس تمد إيدك عليها. اقسم بالله هقطعها. ومش بهزر. اظبط كده. غيث: أنا بهزر يا أستاذ عز. بيري في عيوني وقلبي. عز: لا. عبدالحليم حافظ. يلا قدامي. غيث: حاضر. شوية وأجي نتكلم. بيري: خدوا الشاي وانتوا خارجين.

غيث: تمام. هاتي يا حبيبتي. خد يا عز. عز: شيلها انت. غيث: اشمعنى يعني؟ بيري: لا. اخلصوا إيه حد. غيث: عشان خاطر مراتي. (وياخد الشاي) عز: مجنون. اقسم بالله. (ويخرج) غيث: بحبك يا بيري. (ويخرج) بيري ضحكت بفرحة. **** فيلا سليم: كاظم: يعني بكرة حنة بنتي؟ إيه رأيك تروح بكرة يا بابا؟ أسماء: سهام كلمتني وقالت إنهم هيعملوا الحنة هنا. سليم: هناك إزاي؟ كاظم: مش مشكلة يا بابا. نروح نفرح معاهم. وبعد كده نرجع. أسماء: بعد إذنكم يعني؟

أروح أقعد النهارده وبكرة حنة بنتي وأنا بعيدة. سليم: خليها تروح يا كاظم. سيبها تفرح مع بنتها. كاظم: تمام. روحي يا أسماء. اجهزي. وأنا هيجي وأوصلك. أسماء: لا. خليك. هكلم أي حد من الشباب يجي ياخدني. كاظم: تمام يا حبيبتي. (وتمشي) سليم: كاظم. كاظم: نعم يا حاج. سليم: عايز منك خدمة. ولازم تنفذها. **** في بيت صابر: هيام: موده كلمتني وقالت خلي يارا تيجي عشان يقعدوا عشان حنة بيري. صابر: خليها تروح تفرح معاهم.

هيام: تمام يا حبيبي. هو جاد جاي ياخد أسماء وهي هتمشي معاهم. صابر: تمام. وانتوا؟ حسناء: هنروح بكرة بدري بإذن الله. صابر: بإذن الله. هم مش ناوين يرجعوا؟ هيام: شكلهم كده. هم ظبطوا كل حاجة هناك عشان يعملوا الحنة. صابر: ربنا يهديهم ويرجعوا. حسناء: المفروض تروح تكلم موده يا صابر. انت عارف بنتك وشوية وبتنسى الزعل. صابر: حاضر. بإذن الله. هيام: ربنا يهديهم ويصلح ما بينا يارب. صابر: يارب. **** في وقت العصر في عربية جاد:

جاد: انتي جاية معانا ليها. أسماء: جاية تفرح مع أخواتها. ملكش دعوة بيها. ياره: حبيبتي يا طنط. جاد: كان يوم حبك أجمل صدفة. أسماء: بس يا حيوان. جاد: الله. بغني بس. أسماء: طيب اقف هنا. عايزة أجيب حاجة من المحل ده. يلا يا يارا عشان ننزل. جاد: ليه؟ سيبها. أسماء: أكيد مش هسيبها معاك. ياره: متخافيش يا طنط. انزلي وأنا قاعدة. أسماء: طيب، خلي بالك من نفسك. وانت يا حيوان، انزل أقف قدام العربية. جاد: حاضر. انتي نازلة تجيبي إيه؟

أسماء: هجيب هدايا لحنة بنتي. ياره: ربنا يحفظك ليها. أسماء: يارب. أنا متفقة معاهم يجهزوا كل حاجة. وأنا هيجي أخددهم دلوقتي. جاد: تمام. (وينزلوا. وهو يقف قدام العربية) جاد: إيه خدمة يا آنسة؟ ياره: اقعد ساكت. جاد: يارا، هو ده محل إيه؟ ياره: توزيعات بنات. بتعمل توزيعات للأفراح. مش موجودين كتير في مصر. جاد: اه. قولتلي مهمة التوزيعات دي. ياره: بتكون فرحة عادي يعني. بنفرح كلنا مع بعض. جاد: ربنا يسعدكم. تحبي تشربي حاجة؟

ياره: لا شكرا. جاد: هنفضل واقفين كتير؟ ياره: لا، بيخلصوا على طول. بس عشان يحطوا التوزيعات في شنط. جاد: تمام. فهمت. تصدقي يا يارا، النقاب شكله حلو. اثبتي عليه. ياره: أسأل الله الثبات. جاد: بت، عايز أقولك حاجة. ياره: اتفضل. جاد: هتكوني في يوم مراتي؟ أسماء: انت يا زفت؟ أنا مش قولتلك ملكش دعوة بيها. ويلا تعال ادخل هات باقي الشنط. جاد: حاضر يا طنط. حاضر. (ويمشي) أسماء: عمل لك حاجة الواد ده؟ ياره: لا يا طنط. مفيش حاجة.

أسماء: تمام يا حبيبتي. **** في بيت والد سهام: موده: يا عم الفرح فرحنا. الفرح فرحنا. غيث: فرع النور حلو كده. بيري: اه حلو يا حبيبي. ماهر: حبك برص. انتي وهو. اخلص يا بني. بقالك ساعة في فرع نور. غيث: تعرف أنا لو وقعت دلوقتي الفرح هيتلغي نهائي. بيري: لا بعد الشر. موده: سرحان ونفسية. إحنا عايزين نخلص. غيث: تمام يا مدام عز. أسماء: السلام عليكم. الكل: وعليكم السلام. بيري: ماما حبيبتي. (وتحضنها) أسماء: عروستي الجميلة.

بيري: الحمدلله إنك جيتي. أسماء: تفتكري هسيبك في يوم زي ده؟ انت يا بني انت وهو. اطلعوا هاتوا الشنط اللي برة. غيث: أنا فوق مش هقدر أنزل. أسماء: لا. خليك انت بس. معلش يا عز انت وماهر. اطلعوا هاتوا الشنط مع جاد. أسماء: التوزيعات اللي نفسك فيها. بيري: بجد؟ أسماء: بجد يا حبيبتي. ربنا يفرحني بيكي يارب. بيري: يارب. سهام: أم العروسة وصلت يا ناس. زغروطة بقي يا جماعة. رحاب: لولولولولولوي. لولولولولولوي.

جاد: لا أنا تعبت اقسم بالله. ياره: نزل الشنط وانت ساكت. زهراء: أهلاً أهلاً يارا هانم. منورة. ياره: بنورك يا حبيبتي. جاد: البيت والناس والخمسة الستة واللي إحنا منهم. رحاب: شغلها يا جاد. جاد: من عيوني. (ويشغلها. ويقعدوا كلهم بفرحة وسعادة)