رواية معلمة من الصعيد الفصل التاسع 9 - بقلم مريم شعبان

موده: هروح النهارده يا بابا مع سند ابن ماهر نجيب بدلة عشانه. صابر: تمام يا بنتي، بس هتروحي مع ماهر. موده: لا، هاخد رحاب، هي بتفهم في حاجات الأطفال أكتر، ولين هتروح تلعب مع نورسين. صابر: بس لين مين هيخلي باله منها؟ يارا: ينفع أروح أقعد مع زهراء وأخلي بالي منها؟ صابر: تمام يا بنتي، روحي. روحوا وأنا هاجي أجيبكم. موده: ماشي. صابر: العربية دي ترجع النهارده يا موده. قولت مليون مرة مش ناخد حاجة من حد.

موده: طيب، كنت أعمل إيه؟ مفيش حد يجي ياخدني، ومش هينفع أركب مع عز لوحدنا. صابر: تمام يا بنتي، بس آخر مرة تكلميني أجي آخدكم. موده: تمام يا حبيبي. ***** فيلا سليم، بالتحديد في المطبخ. سهام: قولت لا يا جاد، مفيش حد هيجي النهارده. جاد: يا ماما، فيه حاجة مهم ولازم يجوا. سهام: لا، بنت عمتك جاية ومعاها بنات عمها. جاد: احلف؟ سهام: أقسم بالله يا جاد، لو عملت حاجة ليارا أو كلمتها، هقول لماهر وعز ويشوفوا هم حل معاك.

جاد: لا لا، اهدي، مش هعمل حاجة كده. بس أنا اتفقت مع الشباب يجوا النهارده. سهام: ما كانوا هنا امبارح. جاد: آه، بس خليتهم يمشوا بدري. أنا قولت لهم يا ماما، مش ينفع بعد كده أكلمهم أقول لهم محدش يجي. سهام: جاد. جاد: بالله بقا. سهام: طيب، يجوا يقعدوا في أوضتك. مش عايزة مشاكل يا جاد. البنات أول مرة يدخلوا بيتنا، وأنت وصحابك زبالة وأنا عارفاكم. وفي أقرب وقت هقول لعز وماهر يتصرفوا معاكم. جاد: عز وماهر؟ عز وماهر؟

إيه كل يوم نفس الكلام. سهام: لحد ما تكون كويس. جاد: أنا مالي يعني. سهام: هو إنت يا ابني فاكرني عبيطة؟ مش عارفة عنك حاجة. جاد: احم... هو أنا عملت حاجة؟ سهام: مين البنت اللي بتكلمها دي؟ جاد: دي... دي صحبتي عادي في المدرسة. سهام: عايز صورها ليه؟ مالك ومالها؟ جاد: ما هو مين قالك الكلام ده؟ سهام: سمعتك أنت وصحابك يا جزم، عايزين تضيعوا مستقبل البنت بالصور دي. جاد: ماما، حضرتك فاهمة غلط.

سهام: مش عايزة أسمع صوتك. تمسح رقم البنت دي وتسيبها في حالها. أنت عندك أخت. بنت. اتقي الله. أقسم بالله يا جاد لو معملتش كده، مش هكلمك لحد ما أموت، وهقول لعز وماهر. جاد: حاضر يا ماما، حاضر. بس مش كل شوية تقولي عز وماهر. أنا مش خايف منهم على فكرة. ويمشي. سهام بحزن: ربنا يهديك يا بني. عند جاد. جاد في سره: كل حاجة هتقول لماهر وعز. أنا زهقت. هو أنا عيل صغير؟ اوف! إيه القرف ده. ويطلع غرفته.

وكان هعمل بلوك، بس كانت بعتت صورها. جاد: العب! جاية تبعتي دلوقتي؟ اوف! إيه الحظ ده. هو إنتي قمر والله. الصور جامدة، بس للأسف أمي حلفت ولازم أعمل بلوك وأمسح الرقم. باي يا قلبي. يومين نشوف واحدة تاني. ويعمل بلوك ويمسح رقمها. طيب، أمسح الصور ولا أخليهم؟ أمسحهم يا جاد؟ برضه البت شكلها غلبانة. يلا مش مشكلة. نشوف واحدة تانية. ***** عند موده في العربية. رحاب: أخدتني معاكي ليه يعني؟ موده: بت، مش قولتلك امبارح.

رحاب: غيرانة يا موده. موده: غيرانة؟ ما أنتِ عارفة اللي فيا. رحاب: وأنا مش قولتلك بطلي تفكري كده واعتبريها جواز عادي. موده: لا، عشان دي الحقيقة. جواز عشان خاطر ماما مش أكتر. حتى لو أنا اعتبرته جواز عادي وعشت معاه العمر كله، تفتكري هو بيفكر في كده؟ يارا: من موقفه وحركته امبارح دي، ظاهر أوي إنه مش معتبر إن ده جواز عشان عمتو. لا، ده غالباً كده معتبر.

رحاب: صح، عشان كده بقولك بطلي تفكير وسيبها على الله. يمكن حكاية الوصية تجمع زوجين صالحين. موده: إن شاء الله. ***** في فيلا سليم. سهام: نبيل! نبيل! أخوك على الباب. نبيل: حاضر. فين الولاد؟ سهام: محدش موجود غير جاد وزهراء. افتح بس الأول. نبيل: حاضر. سليم: فين ماهر وعز؟ سهام: ماهر عنده شغل، وعز مش عارفة. سليم: إزاي يخرجوا وهم عارفين إن عمهم جاي؟ سهام: مش وقته يا بابا. نبيل: أهلاً وسهلاً. اتفضلوا يا جماعة.

كاظم: السلام عليكم ورحمة الله وبركاته. الكل: وعليكم السلام ورحمة الله وبركاته. كاظم: عاملين إيه؟ ويسلم عليهم، بعد كده يسلم على أبوه. كاظم: إزيك يا بابا عامل إيه؟ سليم: كويس يا بني، الحمد لله. سهام: اتفضلي يا أسماء، تعالي يا بيري يا بنتي. ويسلموا على بعض، وبعد كده يدخلوا يقعدوا. كاظم: فين الولاد؟ مش شايف حد فيهم. سهام: زهراء بتلبس سند ونورسين، وسند نازل أهو. وماهر وعز عندهم شغل.

كاظم: ربنا يوفقهم. مبروك لعز، ربنا يكملوا على خير. نبيل: الله يبارك فيك، عقبال بيري. كاظم: تسلم. سهام: عاملة إيه يا بيري؟ وحشتيني. بيري: الحمد لله، وحضرتك كمان. سهام: عقبالك كده تكوني عروسة زي القمر بإذن الله. بيري: بإذن الله. هي عروسة عز هنا؟ عايزة أشوفها. سهام: لا، مش هنا. عند عمتها. بس هي جاية دلوقتي. بيري: تمام. جاد: يا صباح الفل. الباشا الكبير عندنا. كانت زهراء وسند ونورسين نازلين معه.

كاظم: ابعد كده، أنا أسلم على القمر بتاعتي. ويأخذ زهراء بالحضن. جاد: هي كده يعني؟ ماشي يا حاج. كاظم: عاملة إيه يا حبيبتي؟ زهراء: الحمد لله. ويسلموا عليهم ويقعدوا. جاد: لا بس أي الجمال ده يا بيري؟ بيري بضحك: شكراً يا سيدي. سهام: جاد، الباب بيخبط، روح شوف مين. جاد: حاضر. ويقوم يفتح، وكانت موده والبنات. موده: السلام عليكم ورحمة الله وبركاته. جاد: وعليكم السلام. أهلاً يا مرات أخويا. موده: أهلاً يا جاد.

جاد: طيب والله وحشتني. موده: وأنت كمان. أنت وصحابك؟ جاد: احم. اتفضلوا يا جماعة. هنفضل واقفين؟ ويدخلوا. جاد: متقوليش لحد على موضوع السجاير. موده: مش هقوله، بس لسه لينا كلام. جاد: ادخلي يا موده. عمي جوه. ويدخلوا. سهام: تعالوا يا بنات، اتفضلوا. موده: السلام عليكم. كاظم: وعليكم السلام. ما شاء الله، أنتِ موده بنت أختي؟ موده: آه يا خالو. إزيك؟ كاظم: الحمد لله يا بنتي. ما شاء الله قمر زي زهراء، الله يرحمها.

موده: يارب. إزيك يا طنط؟ أسماء: الحمد لله. مبروك يا حبيبتي. موده: الله يبارك فيك. بيري: إزيك يا موده؟ أنا بيري. موده: الحمد لله. أنتِ عاملة إيه؟ بيري: الحمد لله. ويقعدوا. سهام: دول بقى بنات عم موده. كاظم: ما شاء الله، القمرات. ربنا يثبتكم يا بنات على الخمار. شكلكم حلو أوي. رحاب: شكراً لحضرتك. عز: السلام عليكم ورحمة الله وبركاته. عمي حبيبي. سليم: فينك يا بني من الصبح؟

عز: معلش بقى يا جدو، عريس بقى. وكان ناقص كام حاجة. روحت أجيبهم. كاظم: ربنا يكملكم على خير. عز: يارب يا عمي. عقبال بيري. كاظم: بإذن الله. سليم: اطلع يا بني أوضتك تريح شوية لحد الغدا. كاظم: تمام يا بابا. يلا بعد إذنكم. ويطلعوا. سليم: البيت بيتكم يا بنات، بعد إذنكم عشان آخد الدوا. ويطلع هو ونبيل. سهام: عاملين إيه يا بنات؟ رحاب: الحمد لله بخير يا طنط. عز: إيه، هتروحوا امتى؟ موده: دلوقتي عاد. سند: آه، يلا يلا.

سهام: اصبر يا حبيبي. سند: عايز أجيب بدلة يا سوسو. سهام: هتجيب يا عيون سوسو. رحاب: طيب، يلا يا بنتي. موده: آه، يلا. يارا بقى هتقعد مع زهراء لحد ما نيجي. سهام: بيتها يا بنتي، تقعد براحتها. يارا: تسلمي يا طنط. موده: يلا، إحنا نمشي. رحاب: يلا. عز: تحبي أوصلكم؟ موده: لا عادي، هنروح لوحدنا. عز: طيب، خدي العربية معاك. موده: تمام. يلا سلام. ويمشوا. سهام: ربنا يفرحها زي ما فرحت سند. الكل: يارب.

سهام: أنا رايحة المطبخ أشوف الغدا. وتمشي. زهراء: تعالي يا يارا نقعد في الجنينة. يارا: تمام. ويخرجوا. وجاد كان رايح وراهم. عز: رايح فين؟ جاد: الجو حر، رايح أقعد برة شوية. عز: دلوقتي يعني؟ عايز تقعد؟ عيب الحركات دي. جاد: احم... حلوة أوي. عز: جاد، احترام نفسك. دي ضيفة عندنا. عيب كده. وقولت مليون مرة بلاش تتكلم على بنات الناس كده. عندك أخت. جاد: حاضر. أنت رحت فين من شوية؟ عز: كنت بحاول أجيب هدية عشان موده، بس مش عارف.

جاد: مش عارف إزاي؟ عز: مش عارف أجيب إيه، ومش بفهم في الحاجات دي. جاد: طيب، تعال معايا يا أخويا نجيب هدية ليها. عز: طبعاً، ما أنت صايع بتجيب هدايا للبنات اللي تعرفهم. جاد: تصدق أنا غلطان، مش هروح معاك. عز: احم... لا خلاص، يلا نروح. جاد: بس هدية بمناسبة إيه؟ عز: عادي، بدون مناسبة. خطيبتي وأيام وهتكون مراتي. جاد: يا سيدي! أقسم بالله أنت حبيت يا أستاذ عز. عز: بس يا ابني، يلا عشان نروح ونيجي قبلهم.

جاد: يلا. ماما، إحنا خارجين. سهام خرجت: رايحين فين؟ عز: هنجيب حاجة بسرعة ونيجي. عايزة حاجة؟ سهام: لا، تسلم يا حبيبي. ***** سليم: ابنك مش عايز يسمع كلام. نبيل: يا بابا، أنا كمان مش موافق. سليم: ليه إن شاء الله؟ نبيل: يا بابا، بيري صغيرة أوي على ماهر. حرام نظلمها. سليم: مش صغيرة، وأنا اللي قلت عليه هيحصل. بيري بتحبه.

نبيل: بس ماهر مش موافق ومش بيحبها. وهي أكيد لما تعرف كده مش هتوافق. أنا عارف إنها بتحبه أوي، بس لما تعرف إنه مغصوب مش هتوافق. بنت أخويا وأنا عارفها كويس أوي. سليم: هتوافق غصب عنها. مفيش كلمة بعد كلمتين. نبيل: يا بابا، كفاية بقى. ماهر تعبان. اتجوز غصب في الأول، و دلوقتي كمان عايز يحصل كده. ده ظلم لماهر وبيري، حرام بجد. سليم: أنت بتكلمني كده؟ اطلع برة، مش عايز أشوف وشك. نبيل: يا بابا...

سليم: قولت اطلع برة. على آخر الزمان مش هعرف أمشي كلامي. اطلع يلا. نبيل يخرج. سليم: ماشي. ماهر لبيري، غصب عن الكل. ***** عند رحاب وموده. رحاب: بصي دي يا سند. سند: الله، حلوة أوي. رحاب: طيب، إيه رأيك نشوفها؟ سند: تمام، يلا. بعد مدة، يخرج سند هو ورحاب. موده: الله، حلوة أوي يا سند. عجبتك؟ سند بفرحة: آه. رحاب: طيب يا سيدي، مبارك عليك. يلا ندخل نغير عشان نمشي. سند: يلا. موبايل موده يرن، وكانت زهراء.

موده: السلام عليكم ورحمة الله وبركاته. زهراء: وعليكم السلام ورحمة الله وبركاته. إيه، فينكم؟ موده: في المول لسه. زهراء: طيب، ماهر عايز يكلمك. موده: تمام. ماهر: السلام عليكم. موده: وعليكم السلام. ماهر: عاملين إيه؟ جاب بدلة ولا لسه؟ موده: آه، جاب، وشكله حلو أوي. ما شاء الله. ماهر: تسلمي بجد. معلش تعبتك معانا. موده: مفيش تعب ولا حاجة. فرحته عندي بالدنيا. ماهر: ربنا يكرمك يا موده. شكراً جداً. خدي زهراء.

زهراء: يا ستي، العريس الصغير عامل إيه؟ موده: كويس يا حبيبتي. خلاص، إحنا خلصنا. هنيجي أهو. عايزة حاجة؟ زهراء: لا، تسلمي. موده: فين يارا؟ زهراء: قاعدة جنبي. موده: خلي بالك منها، وخلي بالك من الزفت جاد. أنتي أكيد عارفة أخوكي. زهراء بضحك: متخافيش. هو مش هنا أساساً. راح هو وعز يشتروا حاجة. موده: طيب، الحمد لله. زهراء: يلا سلام. موده: سلام. وتقفل. ***** جاد: عز، ده سابع محل. إيه، مفيش أي حاجة؟ عز: ما أنا مش فاهم حاجة.

جاد: طيب، بص. إيه رأيك هات خاتم أو سلسلة عليها اسمها أو اسمك. عز: صح والله يا واد يا جاد. أنت صايع، بس تنفع في الأوقات دي. جاد: شوفت! يلا، تعال. ويدخلوا. عز: السلام عليكم. : وعليكم السلام. اتفضل يا فندم. عز: لو سمحت، عايز سلسلة دهب أبيض مكتوب عليها موده. هتخلص إمتى؟ : لا، إحنا الأسماء بتكون جاهزة عندنا. تقول الاسم بس، وأجيب لك على طول. عز: طيب، تمام. هو ينفع كذا اسم؟ : آه يا فندم. عز: طيب، عايز عز وموده.

: تحت أمرك يا فندم. اتفضلوا، هجيب الأسماء. عز: تمام. ***** في فيلا سليم، كلهم كانوا قاعدين. سليم: فين ماهر؟ سهام: بيكلم موده من موبايل زهراء برة. سليم: بيكلمها ليه؟ سهام: بيسأل عليهم عادي يا بابا. مش موده ورحاب مع سند في المول؟ سليم: تمام. أنتي قاعدة هنا ليه يا بيري؟ ما تتطلعي تقعدي مع البنات برة. بيري: عادي يا جدو، القاعدة هنا أحسن. سليم: تمام يا بنتي. ماهر يدخل: السلام عليكم. الكل: وعليكم السلام.

كاظم: عامل إيه يا ابني؟ ماهر: الحمد لله يا عمي. إزيك يا طنط؟ أسماء: الحمد لله يا حبيبي. سليم: فينك من الصبح؟ ماهر: عندي شغل. سليم: ماشي. مش تسلم على بنت عمك؟ ماهر: إزيك يا بيري؟ بيري: الحمد لله، وأنت؟ ماهر: الحمد لله. طيب، بعد إذنكم. سليم: رايح فين؟ ماهر: رايح أشوف نورسين، كانت عايزاني. سليم: مش تقعد معانا شوية، ومع بنت عمك شوية؟ ماهر: بليل هقعد، إنما دلوقتي بنتي عايزاني. بعد إذنكم. ويطلع. بيري تبص عليه بغضب.

سليم: شايف ابنك. نبيل: معلش يا بابا، هو من الصبح في الشغل وعايز يطلع يشوف بنته. سليم: نورسين بتلعب برة في الجنينة. سهام: احم، أنا بقول نشرب القهوة قبل ما تبرد. اشربي يا بيري يا حبيبتي، اشربي. بيري: تمام يا طنط. ***** رحاب: آه، كفاية كده. يلا نمشي. موده: آه، يلا. سند: موده. موده: نعم يا حبيبي. سند: بصي، ده عمو عز هنا. موده: إيه ده؟ صح. رحاب: أنت كلمتهم؟ موده: لا، بس اصبري، أهم جايين علينا. عز: السلام عليكم.

: وعليكم السلام. عز: إيه، خلصتوا؟ موده: آه. سند: جابت بدلة حلوة أوي. جاد يشيل سند: بجد. سند: اه. موده: بتعملوا إيه هنا؟ عز: بنجيب حاجة. موده: تمام. عز: يلا، أنتوا ماشيين؟ موده: آه. رحاب: طيب، أنا همشي مع جاد وسند نتفرج. جاد: آه، يلا. ويمشوا قبلهم. موده: رحاب... عز: امشي جنبي. هم عملوا كده عشان نتكلم شوية. موده: نتكلم عادي، طالما بحدود. عز: تمام. ويمشوا ساكتين شوية.

موده: على فكرة، ماهر كلمني من عند زهراء. هو مش معاه رقمي. كلمني كان بيسأل على سند. عز بابتسامة: تمام، اتفضل. موده: إيه ده؟ عز: افتحي. موده: طيب. وتفتح العلبة. عز: إيه رأيك؟ موده: جميلة أوي. ده بتاعتي؟ عز: آه. احم، بس دي دهب أبيض. موده: وفيها إيه؟ عادي، شكلها جميل أوي.

عز: كان نفسي أجيبها ألماس، بس الفلوس اللي معايا هعمل بيها الجناح والفرح. أوعدك إني هجيبلك ألماس، بس أول مرة ربنا يكرمني أنا بس. مش عايز آخد من حد فلوس. كل حاجة هعملها بالفلوس اللي معايا.

موده: وده شي يفرحني إنك معتمد على نفسك. مش مهم ألماس، المهم إننا نعيش على قدنا. وأنا راضية يا سيدي. وتسلم. هنمشي على قدنا يا عز، مش لازم عشان أنت عايش في فيلا يعني أطلب نجيب فيلا، ولا أجيب كل شوية هدية ألماس أو هدايا غالية. أنت لسه في بداية حياتك. ربنا يكرمك ويوفقك. وشكراً جداً، جميلة أوي. عز بابتسامة: الحمد لله. موده باستغراب: على إيه؟ عز: عليكي. موده: احم، نمشي أحسن. عز بابتسامة: تمام. *****

بليل عند موده في أوضتها، كانت ماسكة السلسلة وفرحانة بيها. رحاب: في إيه يا بنتي؟ أنتي قاعدة كده بقالك ساعتين. موده: حلوة أوي. رحاب: مبارك عليكي يا ستي، ربنا يحفظكم لبعض. موده: يارب. رحاب: بس مالك سرحانة ليه؟ موده: مش عارفة، أنا متوترة أوي ومتلخبطة. رحاب: آهدي، آهدي. دي كلها مشاعر عادي عشان كتب الكتاب. بس فاضل عليه 3 أيام. موده: بتفكريني ليه؟ أنا خايفة أوي. تفتكري هطلع حلوة؟ هيكون شكلي حلو، صح؟

رحاب: بس اهدي. هتكوني قمر، وأنتِ جميلة من غير أي حاجة. بس لازم تهدي كده. صدقيني، يومك هيكون حلو، بس بلاش تفكري في أي حاجة. موده: أنا مش عارفة... وتبكي. رحاب: حضنتها. موده: أنا مش عارفة أنا مالي، بس عايزة أعيط. رحاب: عيطي براحتك. حاتم: بت يا موده، بيقولك إيه ده؟ مالكم؟ موده: مفيش. حاتم راح عندها: مالك بجد؟ موده تعيط أكتر: عايزة أعيط. حاتم: ليه بس يا بومة؟ ده... رحاب: سيبها تعيط. حاتم: طيب، مالها؟

موده: أنا متوترة وحاسة إن كل حاجة جت بسرعة. حاتم: من ناحية، كل حاجة جت بسرعة دي حقيقية، بس خير. نعتبر ده كله خير ونحمد ربنا. صدقني، عز محترم ومن تصرفاته إنه عايزك تكوني مبسوطة وبس. حاتم: متخافيش، كله هيكون تمام. فكري في نفسك بس، ملكيش دعوة بأي حاجة تانية، تمام؟ موده: تمام. حاتم: يلا، بطلي عياط وقوموا اعملوا دوشة. إحنا عندنا فرح. وباس يديها. موده: ربنا يحفظكم ليا. حاتم: ويحفظك يا أجمل عروسة. يلا قوموا بقى.

رحاب زغرودة: لولولولولولوي. ***** ويمر 3 أيام بين التجهيزات والكل مشغول. وسهام كل يوم تحاول مع سليم عشان يجي كتب الكتاب، وسليم مش موافق. ماهر بيحاول يقعد في الشغل أكبر وقت ممكن عشان مش يقعد مع بيري. سند من ساعة ما كان في المول مش بيتكلم غير عن رحاب. الكل جاهز، مستعدين لأجمل يوم في عمرهم. غداً خطوبة وكتب كتاب عز وموده.