رواية معلمة من الصعيد الفصل التاسع والعشرون 29 - بقلم مريم شعبان

في المدرسة بدأ الاجتماع. سليم: اهلا بكم. موده: فين أهل الشباب؟ مهدي: أنا خال رويدا، أهلها مسافرين. موده: بس اللي أنا أعرفه إنهم رجعوا مصر من أسبوع. مهدي: كان المفروض، بس عندهم شغل مهم وهينزلوا بعد أسبوعين. موده: أسبوعين، طيب باقي أهل البنات فين؟ أشرف: أنا أشرف ابن عمة تيا. حنين: أنا والدة فيروز. بسملة: عارفاني طبعًا. موده: أم الغالي. بسملة بضحك: برافو عليكي. موده: طيب الباقي فين؟

صابر: موده، أنا حاضر عن المتهم موسى والمتهمة يارا. موده: بابا. صابر: ما أنتي يا بنتي اللي بتسألي علينا ولا كأنك بتاخدي الغياب. موده: فين أهل الشلة التانية؟ للدرجة دي الإهمال. بيري: مش عارفة إيه ده. رحاب: المفروض دلوقتي يكون موجود حد من أهل أمجد ووائل وآيات وغرام ومروان. وجاد فينهم؟ نبيل: هبلة هانم، ما أنا بعمل إيه. رحاب: سوري يا عمو. سليم: اجتماع أهبل زيهم. كاظم: لا نركز كده، فين أهل الباقي؟

عز: شكلهم مش جايين، إحنا نبدأ. بيري: تمام. وبدأوا الاجتماع. مهدي: أنا مش فاهم حاجة، حضرتك عايزة إيه دلوقتي؟ موده: أهل الشباب ينزلوا دلوقتي. أشرف: نعملها إزاي دي؟ عندهم شغل. بيري: الشغل أهم من حياة ولادهم؟ أشرف: أكيد لأ، بس ده ردهم على طول، إحنا في الشغل مش بنلعب، مفيش حاجة في إيدينا. رحاب: بس كده الاجتماع باظ، لازم كل الأهل يكونوا موجودين، لازم. مهدي: طيب نروح ولا إيه؟

سليم: آسف يا جماعة، حقكم عليا. بس كده الاجتماع هيتأجل عشان الناس اللي مش جات دي. أشرف: ولا يهمك، عادي، يلا بعد إذنكم. حنين: طيب لما تقرروا إمتى تاني كلموني، وإحنا فاضيين في أي وقت. بسملة: آه، أهم حاجة مصلحة عيالنا، يلا بعد إذنكم. ومشوا كلهم. عز: قبل ما تعملي حاجة اتأكدي إني الكل جاي، بدل الموقف المستفز ده. موده: أنا فاكرة إني الكل جاي، معرفش إنهم بالإهمال ده. عز: وإنتي أساسًا تقرري لوحدك ليه إنك تعملي اجتماع؟

إحنا ما اتفقنا إننا نتفق كلنا. موده: عز. عز: عايزة إيه؟ بلاش لعب يا موده. ليه نجيب أهلهم طالما الباقي مش موجود؟ موده: أنا متأكدة إن أهل العيال دول موجودين. عز: موجودين راحوا فين يعني؟ موده، أقسم بالله لو قررتي قرار تاني لوحدك مش هيحصل. طيب. موده بزعل: تمام يا عز. أنا ماشية. وتخرج. عز: طيب بصوا، أول ما نتكلم في الحق تزعل وتمشي. سليم: ورا مراتك. صابر: أنا بقي أقسم بالله، لو كلمتها كده تاني هضربك.

عز: آسف يا عمي، حقك عليا، بس أنا اتعصبت. إحنا قولنا نتفق مع بعض على كل حاجة. رحاب: إحنا كنا عايزين نكلم أهلهم ونفهمهم حياة عيالهم. كاظم: خلاص حصل خير يا بنات. نبيل: ورا مراتك يلا. عز: حاضر. ويخرج. بيري: عايز تقول حاجة إنت كمان. غيث: طيب بذمتك أنا اتكلمت؟ ما تخليكي في حالك وتسيبيني في حالي. كاظم: خلاص يا شباب، عادي، الاجتماع اتأجل لوقت تاني. يلا كل من هنا بقى. ***

عند موده، راحت مكتبها وكانت قاعدة متعصبة، والباب يخبط ويدخل عز. عز: موده. موده: عايز إيه؟ عز: بتمشي وتسيبني. موده: بص، أنا مش عايزة خناق، وربنا إني مخنوقة لوحدي، وسيبني في حالي بالله عليك. عز: مش إنتي السبب. موده: عز، أنا مش ناقصة بالله.

عز: يا حبيبتي، الاجتماع ده كان عايز تخطيط ونعرف أهلهم نزلوا ولا لأ. إنما تقولي أنا هعمل اجتماع ويكون في اليوم كذا ده مش هينفع. صدقني لو كنا خططنا بهدوء كده كنا عارفين هنعمل إيه، بس مش مشكلة. أهو بنتعلم. وحقك عليا إني زعقتلك قدام حد. ويُقبّل رأسها. موده: ابعد، أنا زعلانة منك بجد. عز: هضربك. موده: طيب حاول تعملها كده عشان تشوف هيحصل إيه. عز: مش هحاول، عارفة ليه؟ موده: ليه يا عم الرومانسية؟

عز: عشان بحبك، مقدرش أضرب أكتر إنسانة بحبها، وإني عمري أساسًا ما ضربت بنت ولا هضرب، يا وصية الرسول. موده: أيوة أيوة، اضحك عليا بكلمتين. عز: أنا آسف، بس حقيقي مش بحب حد ياخد خطوة غير لما يكون متأكد منهم. موده: أنا متأكدة إن أهلهم هنا، هم قالوا بنفسهم كده. عز: العيال دي بتلعب من ورانا ولا إيه؟ موده: مش عارفة. غيث: عز، عز. عز: نعم. غيث: تعال عايزك. بيري: يلا من هنا إنت والواد ده، عايزة أقعد مع بنت عمتي لوحدنا.

عز: يلا يا بني. غيث: هطلقها في يوم. بيري: مش تقدر أساسًا تعملها. غيث: نصيبي نصيبي يارب. موده: سبحان الله. عز: من شهرين بيتخانقوا الطلاق إمتى؟ ودلوقتي إيه؟ غيث: لازم نعمل عروسة يا بت يا بيري ونقعد نقول من عين عز، من عين موده، من عين موده، موده موده. موده: لا هات بخور وامشي في المدرسة كلها. غيث: فكرة برضه، يلا بينا يا بني، هنقعد نتكلم ساعة. ويخرج. عز: مجنون، أقسم بالله. بيري: عشان تشوفي إني مستحملة كتير.

عز: ربنا يكون في عونك. عايزين حاجة؟ موده: لا يا حبيبي، تسلم. ويخرج عز. بيري: أنا شاكة في العيال دول. موده: وأنا كمان. بيري: هنعمل إيه؟ موده: مش عارفة. والباب يخبط. بيري: لا بقى، غيث، أنا مشيتك بالعافية، وتفتح الباب. بيري: أستاذ مهدي وأستاذ أشرف. مهدي: ممكن نتكلم معكم شوية. موده باستغراب: اتفضلوا. *** فصل جاد. يوسف: الاجتماع خلص. جاد: هم جايين ليه طالما ربع ساعة وخلص. مروان: في كذا طالب أهلهم مش موجودين وأنا منهم.

وتأتي موده. موده: السلام عليكم. الكل: وعليكم السلام. موده: عاملين إيه؟ الكل: الحمد لله. يوسف: موده. موده: ميس يا زفتي. يوسف: ميس موده. موده: عايز إيه؟ يوسف: هو الاجتماع خلص بدري ليه؟ موده: عشان كذا حد منكم أهلهم مش موجودين. مروان: قلت لك بلاش الاجتماع ده، محدش هييجي. موده: أنا وراهم وراهم، حتى لو رحت لكل واحد بيته. يوسف: بجد هتعملي كده؟ موده: لو المعاد التاني محدش حضر هعمل كده.

مروان: ما تسيبك مننا يا موده واقعدي في بيتكم أحسن، مش أنتي فرحك بعد 3 أسابيع، اتجوزي بقى واقعدي في بيتك كده. موده: ميس موده يا مروان، وبعدين إنت مالك؟ إنت أقعد بعد الجواز ولا لأ؟ أنا قاعدة على قلبكم. يوسف: إنتي لسه مصممة إننا نكون أشخاص تانية صح؟ موده: لا، أنا عايزكم زي ما إنتوا، هنغير كام حاجة بس. مروان: بس إحنا مش عايزين التغيير ده. موده: آه، ما الغلط عليكم مش على أهلكم. جاد: نعم. موده: إنتوا فاهمين قصدي؟

ياريت الشلة التانية كلها تخرج برة. موسى: في إيه؟ موده: مش هقول كلامي مرتين، يلا برة. يارا: يلا يا بنات. ويخرجوا ويفضل شلة جاد. تيا: في إيه؟ موده: الجواب اللي قولت يتسلم لاهل راح فين؟ جاد: راح فين يعني؟ موده: اسكت إنت. إنتوا فاهمين قصدي؟ الجواب فين؟ يوسف: أنا أمي جت، مليش دعوة. موده: بتضحكوا عليا؟

ده كله عشان عايزة مصلحتكم. بحاول بكل الطرق أخليكم شاطرين. تروح تتقفوا مع ولاد عمتكم أو خالك أو متقوليش نهائي و تقول مسافرين؟ طيب أهلكم اللي قاعدين في البيت دول مين؟ تيا: احم، إنتي عرفتي منين؟ موده: ملكيش دعوة، كلكم معقبين. يوسف: الله، ما أنا أمي جت. فيروز: وأنا ماما جت. موده: ومين أساس الخطة يا أستاذ يوسف؟ مش كلكم متفقين تعملوا إيه؟ يوسف: ما هو. موده بعصيبة: هو إيه؟

انطقوا. الظاهر إني دلعتكم أوي أوي كمان. من بكرة في نظام تاني. أنا غلطانة، أقسم بالله إني عايزكم تكونوا ناس محترمة. تعملوا كده، ترموا الجواب وييجي أي حد من أهلكم؟ ده كله عشان مش عايزين أهلكم يجوا؟ هما اللي قاعدين في البيت دلوقتي، عادي، ماشي، ماشي. مروان، تيا، رويدا. رويدا بخوف: نعم. موده: بكرة يكون عندي ولي أمركم. تيا: حاضر. موده: موسى، شباب، تعالوا. ويدخلوا كلهم. موده: نبدأ حصتنا. فين الواجب؟ يوسف: احم، أنا مش عملته.

موده: اتفضل برة. يوسف: يا ميس أنا. موده بصوت عالي: برة. وأي حد مش عامل الواجب يتفضل برة. مروان: يلا بينا يا شباب. أمجد: ميس موده. موده: نعم يا أمجد. أمجد: أنا معملتش الواجب. موده: ليه؟ أمجد: بعتذر من حضرتك، كان عندي ظرف. موده: طيب اتفضل أقعد. بكرة هشوفه هو وواجب النهاردة. أمجد: تمام. جاد: إيه العنصرية دي؟ موده: براحتي، ويلا برة. مروان: ما تصل على النبي وتخلينا نقعد. موده: عليه الصلاة والسلام، بس برضه برة، يلا.

يوسف: حاضر. ويخرجوا. موده: وإنتوا هتشتغلوا معايا تمام، مش عايزين اتفضلوا برة من دلوقتي، تمام. فيروز: تمام. موده: تمام. وتبدأ الحصة. وبعد ربع ساعة. موده: ثواني يا جماعة. وتذهب لتفتح الباب. موده: اتفضلوا. يوسف: إحنا زعلانين منك، مش هندخل. موده: يلا يا بني ادخل. مروان: لا، إحنا زعلانين. موده بصوت عالي: يلا يدخلوا جري. موده: بكرة فيه امتحان، واللي هيجيب فيه درجة وحشة يقرأ على نفسه الفاتحة. تيا: بكرة؟

موده: آه، أظن إننا متفقين من فترة إنه هيكون فيه امتحان. جاد: مش لازم بكرة يعني. موده: أنا اللي أقول لازم ولا لأ. بكرة فيه امتحان وهيكون فيه عقاب طالما الاحترام مش ماشي معاكم. يوسف: بلاش تكوني ضدنا يا موده، هتزعلي. موده: احترم نفسك وإنت بتكلمني. إيه بلعب معاك في الشارع أنا؟ جاد: هو مش قصده. موده: هزعل من إيه يا أستاذ يوسف؟ آه، أنا مالي ومالكم أساسًا؟ ليه شايفني إني ضدكم؟

ده أنا حتى قولت بدوا يكونوا كويسين وماشيين في الطريق صح. طلعوا بيلعبوا علينا، بس ماشي، ماشي يا يوسف، أنا وإنت والزمان طويل. الحصة خلصت، وبكرة فيه امتحان. ومروان وتيا ورويدا مش هتدخلوا الامتحان غير لما أهلكم يجوا. وأه يا يوسف، خلي والدتك تيجي تاني عشان نسيت أقولها كلام كتير، وأولهم إنها للأسف ربت اتنين صح. وجت عندك ونسيت غالبًا. سلام، أشوفكم بكرة. وتخرج. رويدا: ده كله من فكرتكم.

يوسف: الله، وافقتي عليها ليه طالما فكرتنا؟ تيا: مش عايزين خناق. غرام: عجبكم كده؟ اتقلبت على الكل. يوسف: بالله اسكتي إنتي. غرام: أنا كلمتك فيها إيه؟ لو أهلكم كانوا خدوا الجواب. تيا: مش عارفة، إحنا عملنا كده ليه. موسى: أبشركم إننا هنشوف وش من موده يعلم بيه ربنا. جاد: ربنا يحفظك يا باشا، خليتني أرتاح. اسكت اسكت، هي ناقصة. يارا: مش إنتوا اللي عاملين المصيبة دي؟ مروان: آه. يارا: هتجي على دماغنا كلنا.

يوسف: هو إنتوا عاملين نفسكم محترمين؟ ما إنتوا كمان أهلكم مش أخدوا الجواب. آيات: بس بس. مروان: بس إيه؟ ما كلنا اتفقنا ما عدا دول عشان أهلهم صحاب المدرسة، وما عدا يوسف عشان موده بتكلم والدته. موده: الله أكبر عليكم. الكل بخوف: موده. موده: ده إنتوا طلعتوا عصابة بقي. يارا: موده، اهدي، أفهمك. موده: ابعدي كده، مش عايزة أسمع صوتك. كلكم بتلعبوا، آه، طيب تمام، أقسم بالله هتشوفوا وش عمركم ما شفتوه. وتمشي. موسى: لازم تتكلم يعني.

يوسف: وربنا فاكر إنها مشيت. وائل: مفيش حل دلوقتي غير إننا نذاكر جامد عشان امتحان بكرة. تيا: ربنا يسترها. الكل: يارب. *** في المساء في فيلا سليم. في جناح ماهر ورحاب. رحاب: ماهر، ماهر، ماهر. ماهر: نعم يا حبيبتي. رحاب: ممكن طلب؟ ماهر: قولي. رحاب: عايزة رنجة. ماهر بصدمة: رنجة؟ إنتي ناوية إننا نخرج من البيت ده صح؟ رحاب: ناكل فوق السطح. ماهر: إنسي يا رحاب، إنسي. وبعدين إحنا بليل دلوقتي. رحاب: ياربي بقى.

ماهر: رحاب، اسمعي الكلام. رحاب: ماشي، طيب انزل هاتلي شوكولاتة. ماهر: أنا مش جايب كذا شوكولاتة أنا و جاي. رحاب: عيالك خلصوهم. ماهر: عيالي ولا أمهم؟ رحاب: هما. ماهر: حاضر يا رحاب، عايزة حاجة تاني؟ رحاب: لا. ماهر: تمام. *** في بيت صابر. هيام: يا عيال قوموا شوية، قاعدين من ساعة ما جيتوا من المدرسة كده. حسناء: أنا مش عارفة مالهم. هيام: ولا أنا. يارا: عندنا امتحان بكرة. حسناء: ربنا يكرمكم. موده: أنا نازلة يا جماعة.

هيام: رايحة فين؟ موده: عند جدو. حسناء: طيب ما تقعدي تذاكري، العيال دول بيقولوا عندهم امتحان بكرة. موده: لا، سيبهم يا خالتو، ما هم كبار وعارفين بيعملوا إيه. بعد إذنكم. وتمشي. حسناء: في إيه؟ هيام: إنتوا عاملين إيه لموده؟ موسى: إحنا هنعمل إيه يعني؟ حسناء: لا، إحنا اللي بنسألكم في إيه. يارا: مفيش يا ماما، عادي. هيام: والله. موسى: آه يا عمتو. هيام: تمام، يا خبر بفلوس، بكرة ببلاش. *** فيلا سليم في الجنينة. قعد عز لوحده.

موده: السلام عليكم. الكل: وعليكم السلام. عز: تعالي يا حبيبتي. موده راحت قعدت جنب عز. عز: مالك؟ موده: مفيش. عز: مالك بجد؟ موده: مفيش والله، مرهقة شوية. عز: موده. موده: مفيش يا عز. عز: هو إنتي لسه زعلانة مني؟ موده: لا والله، نسيت أساسًا، بس أنا تعبت. عز: من إيه يا حبيبتي؟ احكي لي، أنا سامعك أهو. موده: تعبت من شلة جاد. العيال فاكرة إني ضدهم. ده كله عشان عايزهم يكونوا أحسن. شفت النهاردة عملوا إيه؟ عز: إيه؟

موده: المفروض الجواب يتسلم للأهل، اللي هم بابا أو ماما، حد كبير يعني. لا، دول راحوا جابوا أي حد من أهلهم عشان بس مش عايزني أشوف أهلهم. واتكلموا معاهم. عز: إزاي؟ ومدام بسملة جت ومدام حنين جت؟ موده: عشان يوسف وفيروز ما كانش عندهم غير الحل ده. إنما الباقي عملوا الخطة دي. لا، والكبيرة إنهم كانوا متفقين هما وشلة موسى يعملوا كده، حتى شلة موسى ويارا عملوا كده. عز: الله، دول بقوا عصابة.

موده: شكلهم كده. أنا بجد تعبت، بحاول معاهم على قد ما أقدر، بس خلاص. بحاول أكون أخت ليهم قبل ما أكون ميس. العيال بيحبوني حب برة. إنما في المدرسة أنا عدو ليهم. عز: لا، اهدي كده. أنا قولتلك من الأول إنك هتتعبي معاهم، بس إنتي قدها. على فكرة، إنك كملتي ده كله إنتي قدها بجد. مفيش حد جايه لفصل جاد وكمل أسبوع. إنتي قدها. إنتي اللي هتغيري العيال دول، أنا واثقة فيكي. صدقني إنتي قدها. هنقدر عليهم يا حبيبتي، وأنا معاكي.

موده: خايفة أفشل. عز: إنتي مش بتجربي. فشلتي في أول تجربة، تنجحي في التانية. الدنيا كده يا حبيبتي. موده: أنا والله كل حاجة بعملها عشانهم. عز: وهما بكرة يعرفوا ده كله. أنا لما قولنا في الأول إنك هتعبي كنت خايف عليكي، بس لقيتك مصممة. والصراحة، أنا شايفة إنهم بدأوا يتغيروا. بعيد عن اللي عملوه النهاردة، بس هم بدأوا. موده: خير بإذن الله. شكراً. عز: مفيش بينا شكر. ربنا يحفظك يا وصية الرسول. هتعملي إيه بكرة بقى؟

موده: هعلمهم الأدب من أول وجديد. *** جوا في الصالون. جاد قاعد بيذاكر. سهام: دي عاشر كوباية شاي. جاد: عايز أركز يا ماما. سهام: اطلع أوضتك، مش تقعد في الصالون؟ ليه بتعمل الكتب على أنهم ضيوف. جاد: لو طلعت أوضتي هنام. لو قعدت برة هتفرج على التلفزيون. خليك هنا أحسن. سهام: طيب، أعملك سندوتشات؟ جاد: ياريت يا ماما. سهام: تمام يا حبيبي، ربنا يعينك. وتخرج. جاد: يومك أبيض يا جاد. أه يا جاد، ده كله هخلص ده كله إمتى؟

ركز يا جاد، ركز. *** في فيلا يوسف. بسملة: يا بني، إنت قاعد كده من الصبح. يوسف: عندي امتحان بكرة، مش فاهم. بسملة: طيب، براحة. محتاج مساعدة؟ أكلم موده. يوسف: بكرة امتحان موده، وهتولع فيا. بسملة: طيب، ركز، أو روح عند جاد. يوسف: تمام، هروح عند جاد. بسملة: تمام. *** في فيلا تيا. أشرف: أنا اللي قولتلها. تيا: وإنت مالك تقولها ليه؟ أشرف: عشان خايف عليكي. تيا: إنت بوظت الدنيا. أشرف: مش مشكلة، المهم تذاكري. تيا: مهتم أوي.

أشرف: يا تيا يا بنتي، اعقلي و ركزي في المذاكرة، إنتي سنة مهمة. تيا: أنا زعلانة منك أوي على فكرة. أشرف: حقك عليا، بس أنا خايف عليكي. أنا مقولتيش لخالي، بس حبيت أقول لموده عشان واثق إنهم بتحبكم. بالله ماتزعلي مني. تيا: خلاص، مش زعلانة، بس بشرط. أشرف: اتفضلي يا ستي. تيا: تقعد تذاكر معايا المادة دي. أشرف: تمام، تحت أمرك. يلا بينا. تيا بابتسامة: يلا. *** فيلا سليم في الجنينة. عز: الجو بقى برد، تعالي ندخل جوا.

موده: تمام، يلا. ويدخلوا. كانت سهام رايحة الصالون بطبق سندوتشات. عز: إيه ده؟ رايحة فين يا ماما؟ سهام: ل جاد ويوسف بيذاكروا جوا. عز: في الصالون؟ إيه ده؟ سهام: إنتي عملتي إيه يا موده يا بنتي؟ العيال مرعوبين وقاعدين بيذاكروا. موده: أحسن. سيبهم يا سوسو. سهام: ربنا يهديهم. وتذهب، وهما يروحوا وراهم. *** يوسف: يا بني، شخصي. جاد: ركز بس، اجتماعي. يوسف: شخصي. جاد: يا بني، أقسم بالله أنا لسه فاتح الملزمة النهاردة، مش ناقصة هي.

يوسف: مش عايز أذاكر. جاد: ولا أنا. ربنا على الظالم. سهام: طيب ذاكروا بدل ما إنتوا قاعدين كده يا جزم. يوسف: بس بالله يا طنط، عشان لو شوفت مرات ابنك هموده. موده: هتعمل إيه يا أستاذ يوسف؟ يوسف: هشكرها، هشكرها على الملزمة الجميلة دي. موده: آه، تمام. يلا يا عز، تعال عايزك. عز: يلا يا حبيبتي. ده إنتوا هتشوفوا أيام. ويخرجوا. سهام: إنتوا عملتوا إيه؟ يوسف: مفيش يا طنط، مفيش. *** عند موده وعز. موده: رايحين فين؟

عز: هنطلع الجناح بتاعنا. موده: أكيد لأ، بابا هيزعق. عز: إنتي مراتي. موده: طيب ما تيجي نطلع لرحاب وماهر. عز: ما تسيبي العرسان براحتهم. موده: مش هطلع يا عز في مكان. عز: عدم الثقة دي وحشة. موده: واثقة فيك أكيد، بس مينفعش نقعد في مكان لوحدنا. سليم: عايز تاخد البنت فين يا واد؟ عز: الجناح يا جدو. سليم: ماشاء الله على التربية. عز: مراتي يا جدو، أقسم بالله. موده: بردوا الناس تقول عليا يا جدو قاعدة مع جوزي لوحدنا.

سليم: لا حول ولا قوة إلا بالله، الدنيا وصلت لكده. تعالي يا بنتي معايا، الناس هتاكل وشنا، تعالي تعالي. موده: يلا يا حبيبي. ويروحوا يقعدوا. عز بصدمة: العيلة كلها مجنونة. كاظم: احترم نفسك يا بني. عز: شفت أبوك بيعمل فيا إيه. نبيل: أبوك يا كلب، عايز تاخد البنت وإحنا قاعدين. عز: ماشي، هانت، 3 أسابيع ونتجوز، والله ما هتشوفوا وشها تاني، مش هخليها تنزل. سليم: بتقول حاجة يا عز؟ عز: لا يا جدو، لا.

موده: هات لي عصير يا عز لو سمحت. عز: نعم. سليم: هات لها عصير من جوه. إيه الغريب؟ يلا. عز: حاضر، حاضر. ويمشي. سليم: تعالي يا موده، عايز أقولك حاجة مهمة. موده: إيه يا جدو؟ سليم: الوصية بتاعت مامتك. موده: مالها؟ سليم: لعبة مني.