رواية معلمة من الصعيد الفصل الثالث والثلاثون 33 - بقلم مريم شعبان

يوم حنة مودة. موده: النهارده حنتي. رحاب: لولولولولولوي، عروستنا الجميلة. موده: فين الحلق؟ يارا: مش كان معك؟ موده: أنا نسيته في الجناح. زهراء: جناح ليه؟ موده: ما أنا كنت جايبة إكسسوارات وكان الحلق معاهم، وأكيد نسيته هناك. هروح أجيبه. بيري: خليكي وأنا هروح. موده: لا يا حبيبتي، هروح أنا عشان أنا عارفة مكانه. هروح وأجي بسرعة. رحاب: البسي إسدال وتعالي، وبسرعة. موده: تمام. *** فيلا سليم.

جاد: لا، حطوا نور كتير. دي حنة موده. موده: حاضر يا فندم. يوسف: جبتوا الشماريخ؟ مروان: كله تمام. جاد: هتولع. موده: دمار يا شباب، دمار. موسى: انتي جاية هنا ليه؟ موده: اسكت، نسيت الحلق في الجناح وهروح أجيبه. فين عز؟ جاد: في الجناح بتاعكم. موده: تمام. يلا، عايزة نور كتير من أول الفيلا للآخر. مروان: حنة ولا افتتاح ده؟ موده: هرد عليك لما أنزل يا حيوان. مروان: منتظرك. موده بابتسامة: حيوان. وتطلع فوق، وكانت طالعة بتغني.

وطلعت عند الجناح، وقبل ما تفتح سمعت: عز: إزاي يعني؟ ده كله تضحكوا عليها؟ مش عايزني أقول لموده؟ أقولها جدك وأبوكي كذبوا عليكي مرتين، وعايزين أنا كمان أضحك عليها؟ أنا قولت هقولها بكرة. يعني هقولها. كفاية. أيوه، أنا ساكت بقالي فترة كبيرة. أنا حاولت كتير أظهر إني بحبها، بس مش قادر يا جماعة. أنا حبيتها بجد. اه، كان اتفقنا الأول إني أظهر إني بحبها، بس بعد ما قالت لجدو. حتى لو لعبة، هكمل. ما عز، أنا حبيتها.

ولما موده تفتح الباب: موده: انت قلت إيه؟ صابر: موده. موده: انت كنت بتقول إيه؟ عز: موده، اهدى. موده: انتوا بتكذبوا عليا ليه؟ أنا عملت فيكم إيه؟ حتى انت يا بابا، حتى انت. صابر: اهدي يا بنتي وصوتك. موده: مش هسكت. الوصية كانت لعبة منكم كلكم، صح؟ طيب ليه قلته كده؟ ليه؟ سليم: عشان خالك كان عايز. بقولك، حبيت أقولك كده عشان يطمئن، ومش يقول. موده: بس عز كان مستغرب إزاي عارف من بدري. سليم: كان اتفاق بينا.

موده: انتوا بتهزروا، صح؟ صح؟ سليم: طيب، اهدي. موده: ليه كسرتوا فرحتي كده؟ ليه الكذب؟ ليه بعد ما حبيت عز تقولوا كده؟ صابر: ده كان الهدف يا موده، إنك تحبي عز وبعد كده نقول. موده: بابا، انت بتهزر، صح؟ أنا مش مصدقة. لا، لا. وتجري، ويجروا وراها. *** قدام الفيلا. مروان: حط نور يا بني، موده عايزة تنور. موسى: هتموتك لما تنزلي. يوسف: إيه ده، هي طالعة بتجري كده ليه؟ جاد: موده. موده: ابعد يا جاد. عز يمسكها.

موده بصراخ: ابعد عني، أنا بكرهكم كلكم. والجوازة دي مش هتكمل. كلكم كدابين. جاد: اهدي يا موده، في إيه. موده: طلقني يا عز، أنا مش هكمل. صابر: انت مجنونة، بتقولي إيه؟ بعد بكرة الفرح. موده: وأنا مش هكمل في الكدبة دي. بكرهكم. بكرهك يا عز. جاد، تعال. جاد: هنروح فين؟ موده: بقولك، تعال. سليم: روح معاها يا جاد. عز: انت مجنونة، رايحة فين؟ موده: محدش ليه دعوة بيا. والكل نازل على صوتهم. سهام: في إيه؟

موده: هتجي معايا يا جاد، ولا أمشي؟ بيري: في إيه بس؟ جاد: يلا يا موده، يلا. و يركبوا العربية. بيري: اصبري، هييجي معاكي. وتركب معاهم، ويروح موسى معاهم، ويمشوا. *** رحاب: في إيه حصل؟ سليم: موده عرفت كل حاجة. سهام: لا، إزاي؟ صابر: كنا بنتكلم في الجناح وهي كانت جاية فوق، وسمعت. زهراء: أنا مش فاهمة حاجة. صابر: الوصية بتاعت زهراء الله يرحمها، كانت لعبة مننا، وأنا اللي كتبت الوصية بإيدي عشان بعرف أقلد خط زهراء. رحاب: نعمة.

هيام: بتهزر يا صابر. حسناء: ليه تعمل في بنتك كده؟ سهام: جماعة، تعالوا نتكلم جوه. حاتم وغيث وماهر يجوا. ماهر: في إيه يا جماعة واقفين كده ليه؟ نبيل: نتكلم جوه. جوه، الناس بقت تتفرج علينا. يلا يا زفت، انت جوه. عز: أنا لازم أروح وراها. نبيل: انت تسكت، مش عايز أسمع صوتك. حاتم: في إيه يا جماعة؟ رحاب: الوصية يا أستاذ حاتم، لعبة من خالك والباشا. ضحكوا على موده عشان تتجوز الأخ ده. ماهر: انتي بتتكلمي جد؟ رحاب: اسأل جدك.

سليم: مش عايز كلام، يلا على جوه. يلا. *** في العربية. موده قاعدة ساكتة. بيري: طيب، فاهمني في إيه؟ موده: كانت لعبة يا بيري. ضحكوا عليا عشان أتجوز عز. بابا هو اللي كاتب الوصية بإيده. ضحكوا عليا ده كله عشان أقع هنا. وعلى أساس إنهم بيحبوني. بيري: مش جدو قالك إني عمتو زهراء هي اللي كتبتها؟ موده: كانوا بيضحكوا عليا عشان خالي كان عايز يقولي. ضحكوا عليا مرتين، ليه يعملوا كده؟ ليه؟ لا والهدف إني أحب عز وبعد كده أعرف. ليه بقى؟

عشان مش أسيب. بس الجوازة دي مش هتكمل. الجوازة بدأت بكدبة، مستحيل تكمل. بيري: طيب، اهدي كده. موسى: ما يمكن عز مظلوم يا موده، يمكن جدك وبابا. موده: عز عارف من بدري، وكان بيضحك عليا. كل الحب ده كان كدب. ده كله كان كدب. ما كنتش بحبني. ما كنتش بيحبني. جاد: مين قال كده؟

موده: هو قال، ما كنتش بحبها في الأول، بس دلوقتي بقيت بحبها ومش عايزها تسيبني. ولما كنت بتكلم مع جدو وقولت، حتى لو هي لعبة، أنا مش هسيب. عز وحرام، صعبت عليه وكان عايز يقولي، بس هم رافضين. موسى: انتي متأكدة؟ كنت الكلام ده. موده: سمعتهم. بيري: طيب، بس اهدي. اطلع يا جاد على أي مكان نقعد فيه. جاد: تمام. *** فيلا سليم. حاتم ماسك عز من هدومه. حاتم: أنا، تلعب باختي؟ تلعب بيها كده؟ عز واقف ساكت. صابر: سيبه يا حاتم، سيبه.

حاتم: أسيبه إزاي يا خالي؟ أه، صح. ما انت معاهم. ترخص بنتك كده. رحاب: محدش فيهم بيرد عليا. حاتم: أقسم بالله يا عز، لو أختي حصلها حاجة، مش هيحصل طيب. سليم: شوفها. فيها الجوازة لازم تتم بعد بكرة، مش ناقصين فضايح. رحاب: فضايح؟ كل المهم عندكم فضايح. ماهر: بس يا رحاب.

رحاب: بس إيه يا ماهر. وكنت جيت شفت فرحتها يا ماهر، وهي فرحانة أوي. عاملة بتتكلم، بكرة هتكون حلوة إزاي، وإني ربنا عوضها بعز اللي كان بيضحك عليها. يلا يا ولاد، يلا نطلع. وأخدت عيالها وطلعت. زهراء: تعالي نطلع فوق يا يارا عند رحاب. يارا: يلا. ويطلعوا. حاتم: محدش بيرد عليا. حتى موسى. سهام: اهد يا بنين. نبيل: قولتلكم، قولتلكم. بلاش مليون مرة. سليم: أنا مش عايز أسمع صوت من حد فيكم، تمام؟ هيام: هقول إيه؟

هقول إزاي كان أخويا عامل في بنته كده؟ هقول على جدها إيه بقى؟ يلا يا حسناء، يلا. حسب الله ونعم الوكيل، يلا. سهام: اصبروا يا جماعة. أسماء: يا جماعة، الموضوع يمشي بهدوء. هيام: الموضوع زاد أوي يا أسماء، وأحسن حاجة يخلص كده ونخلص من الجوازة دي. يلا يا حسناء. ويمشوا. سليم: بنتك تيجي يا صابر، فاهم ولا لا؟ مش ناقصين كلام وكلام الناس كتير، لو الفرح اتلغى بعد بكرة. صابر: هتجي يا حاج، وبعد بكرة الفرح هيتم.

حاتم: كل المهم دلوقتي الفرح، صح؟ مالك يا خالي؟ أه، مالك. ما كنتش قاسي كده على بنتك. بنتك اللي انت كل حياتها. ليه بقيت كده؟ ليه؟ عز: الو يا جاد. جاد: عايز إيه؟ عز: بترد كده ليه؟ جاد: عايز إيه يا عز، اخلص. عز: فين موده؟ جاد: مالكيش دعوة. عز: انت بتهزر؟ صابر: هات يا بني، هات. جاد، بالله عليك افتح، خلي موده تسمع. جاد: تمام. صابر: موده، بالله عليكي ارجعي. بعد بكرة الفرح، هنقول للناس إيه؟ نلغي الفرح ليه؟

طيب اتجوزوا وبعد كده اطلقوا عادي، بس عدي بعد بكرة على خير، بالله. سليم: عشان خاطر أمك يا بنتي، ارجعي بس ونتكلم. صابر: هي مش بترد ليه؟ جاد: معلش يا عمو، مش قادرة تتكلم. سلام بقى عشان مش عايزين دوشة. ويقفل الموبايل. *** في المساء. كلهم قاعدين، ولحد دلوقتي موده مرجعتش، ولا حد منهم بيرد. وكلهم موبايلاتهم مقفولة. حاتم: ماشي يا عز، ماشي. اطمن على أختي بس، وأقسم بالله ماشية.

عز: ما تقعد ساكت بقى. أنا قلقان عليها أكتر منك. ياريتني ما سمعت كلامك يا جدو، ياريتني ما سمعت كلامك. والله العظيم حرام عليك، حرام بجد. بعد ما حبيتها، يحصل ده كله. أقسم بالله حرام. ويمشي. غيث: عز، عز. ويروح وراه. سليم: روح شوف ابنك، خليه يجي عشان الفرح بعد بكرة، غصب عن الكل. مش ناقصين فضايح أنا. سهام: إيه؟ إيه؟ بجد. سليم: في إيه؟ صوتك يا سهام.

سهام: دمرت حياة عيال واحد ورا التاني، وتقولي صوتك. عيال حياتهم باظت بسببك. ده كله عشان عايزين تكون راضي عنهم. أسماء: بس يا سهام، اهدي. سهام: أنا عايزة أطلع أوضتي، مش عايزة أقعد هنا تاني. بقيت أكره البيت ده كله. وخليه جنب بابا يا نبيل، بابا بوظ حياة عيال. وقاعد، كل المهم عنده إني الناس متقوليش حاجة عليه. إنما كسرت عيالي، مش مهم. أسماء: تعالي نتطلع يا سهام، أحسن. يلا. وتأخدها وتطلع. حاتم: ردي يا موده بقى، ردي.

غيث: تعال يا بني بقى، بطل جنان. أقعد هنا وبس يا حاتم. عايزين نعرف هم فين دلوقتي. حاتم: أنا مش عايز أشوف وش الكائن ده. صابر: بس يا حاتم، مش عايز أسمع صوتك. حاتم: حاضر يا خالي، حاضر. غالباً اللي موبايلها مقفول، لقيتها في الشارع. مش بنتك. ويجي جاد وموسى. صابر: شباب، فين موده؟ جاد: متعرفيش. عز: نعم، انطق. فين موده؟ موسى: قولنا، ما نعرفش. ويا ريت محدش يدور عليهم. واهدوا كده واقعدوا. غيث: هي مش بيري كانت معاكم؟ جاد: اه.

غيث: طيب، راحوا فين؟ موسى: ما نعرفش. حاتم: ما تقول يا بني. جاد: آسفين، مش هقدر. قولنا موده حلفتنا على المصحف ما نقولش مكانها. سليم: ما تقول يا زفت، إيه؟ هنقعد نسألك كتير؟ جاد: بعد إذنكم، عشان رايح عند يوسف. عندنا مذاكرة. مش هعرف أذاكر في البيت ده. يلا يا موسى. موسى: يلا. ويمشوا. صابر: بنتي راحت فين؟ حاتم: انت السبب يا خالي، انت السبب. ويقوم. صابر: رايح فين؟

حاتم: رايح أدور على أختي اللي بسببكم كسرتوا فرحتها. حسب الله ونعم الوكيل. ويمشي. *** فيلا يوسف. في أوضة، قاعدة موده وبيري وبسملة. بسملة: طيب، تأكلي أي حاجة؟ موده: مش قادرة. بسملة: يا حبيبتي، لازم تأكلي. حتى لو حاجة بسيطة. انتي من الصبح قاعدة كده. موده: مش عايز، صدقني. بسملة: طيب، بصي هعملك كوباية شاي بلبن تشربيها، تمام؟ وما فيش أي كلام تاني. تمام. وتقوم. بيري: موده. موده: نعم. بيري: تحبي أعرف رحاب مكانك؟

بتكلمني من الصبح. موده: لا يا بيري، مش عايزة حد يعرف. بيري: تمام يا حبيبتي. وييجي يوسف. يوسف: وأنا أقول البيت منور ليه؟ موده ابتسمت. يوسف: أيوه كده، اضحكي. مش متعود عليكي كده. موده: فين جاد؟ جاد: أنا أهو يا ست الكل. موده: قولتي لحد مكاني؟ جاد: لا، عيب عليكي. الجو متوتر هناك أساساً. بيري: بيحصل إيه هناك؟

جاد: ماما اتخانقت مع جدو خناقة كبيرة، وعايزة تسيب البيت. وحاتم اتخانق مع عز، وعمو صابر برضه. ودلوقتي هو خارج يدور على موده. موده: تسيب البيت؟ موسى: أه، البيت مولع هناك. بيري: هتعملي إيه يا موده؟ موده: مش عارفة. وتيجي بسملة. بسملة: الشاي بلبن عشان عيون القمر. موده: تسلمي. بسملة: يتشرب كله، تمام. موده: معلش، هقعد هنا النهارده. هعمل إزعاج لكم. بسملة: متقوليش كده، بيتك يا حبيبتي. موده: ربنا يحفظك.

ويسمعوا صوت دوشة، ويروحوا يبصوا، ما عدا موده وبيري. كانت بتبص من ورا الستارة. جاد: دي ماما. ويجري. موده: في إيه؟ بيري: طنط سهام شكلها عايزة تسيب البيت. ماسكة شنطة في إيدها. *** قدام الفيلا. سهام: ابعد يا نبيل، أنا همشي. ابعد. نبيل: مينفعش كده يا سهام. سهام: مش هصبر لما حياتنا كلنا تبوظ. ابعد. أسماء: يا سهام، تعالي نتكلم جوه. سهام: سيبني يا أسماء، سيبني. جاد: ماما رايحة فين؟

سهام: ماشية يا جاد، ماشية. أحسن ما أموت في البيت ده. ماهر: طيب يا أمي، تعالي بس. مينفعش الكلام في الشارع. سهام: ابعدوا عني. ابني تعبان ومراته مش عارفين هي فين. غيث: عز كويس يا طنط؟ سهام: لا، ابني مش كويس. أنا حاسة بيه. ابني قلبه موجوع. أه يا عيالي، سامحوني. أنا دمرت حياتكم. نبيل: يا سهام، استهدي بالله. سهام: مش عايزة حد يكلمني. جاد: طيب، ينفع تسيبنا في وقت زي ده؟ سهام: أه، عشان مش قادرة خلاص.

جاد: بالله عليكي ادخلي يلا يا ماما. سهام: مش هدخل، مش هدخل. همشي. ماهر: طيب، هتروحي فين دلوقتي؟ سهام: أي مكان، المهم أبعد عن هنا أحسن. نبيل: طيب، تعالي ندخل بس. يا جماعة، صوتنا والوقت بليل. ماهر: تعالي بالله عليكي يا ماما. سهام: اقسم بالله ما هدخل. يلا، تعال وصلني لبيت جدك يا لالا. ماهر: حاضر يا ماما، تعالي. جاد: هتمشي بجد؟ سهام: أنا في بيت جدك يا حبيبتي. تعالي هناك. وتركب مع ماهر. نبيل: كده تسيبني يا سهام؟

سهام: حقك عليا، بس مش قادرة. نبيل: طيب، تقعدي يومين وتيجي. هسيبك عشان عارف إنك مخنوقة. سهام: تمام يا نبيل، مش هرجع غير لما موده تيجي. يلا يا ماهر، امشي. ويمشي. نبيل: أه، الحمد لله. يارب، الحمد لله. داخل ولا رايح عند يوسف؟ جاد: هشوف يوسف وأيجي وراك. نبيل: تمام. ويدخل. *** فيلا يوسف. بيري: يلهوي، طنط سهام مشيت. موده: بجد؟ بيري: أه، راحت بيت والدها. وقالت مش هترجع غير لما انتي ترجعي. موده: أنا مش عارفة أعمل.

بسملة: انتوا تناموا دلوقتي، وبكرة تفكري بهدوء كده. دي بيجامات عشان تناموا براحتكم. يلا يا واد انت وهي. يوسف: عايزة أي حاجة، قولي يا يوسف. موده بابتسامة: حاضر. ويخرجوا كلهم. بيري: تحبي أعملك حاجة؟ موده: لا، تسلمي. هروح أغير بس، وأتوضأ وأصلي وأنام. بيري: تمام. *** في الفجر. في جناح رحاب وماهر. رحاب بتعيط. رحاب: أنا قلقانة عليها أوي. ماهر: هي بخير، صدقني. جاد قالي إنها كويسة، بس مش عايزة حد يعرف. رحاب: أنا حد؟

ده أنا أخته. ماهر: خليها بعيد يا رحاب. هي أكيد مش عايزة أقولك مكانها عشان محدش يعرف هي فين، يا حبيبتي. وخليها تقعد مع نفسها شوية. رحاب: هو انت كنت عارف الموضوع ده؟ ماهر: للأسف، لا. لو كنت أعرف، كنت حاولت أوقف الدنيا. بس أنا لسه عارف النهارده. رحاب: إحنا بقينا الفجر، ياربي. ماهر: طيب، قومي كده اتوضي وتعالي نصلي وندعي ربنا يسترها علينا. رحاب: حاضر. *** في عربية حاتم.

يلف الأماكن كلها، وبردو مش عارف ليها مكان. موبايله يرن. صابر: انت فين يا حاتم؟ حاتم: بدور على أختي. صابر: ارجع يا بني. جاد قال إنها كويسة، بس مش عايزة تقول المكان. حاتم: وأنا مش هسيب أختي في مكان أنا مش عارفه. صابر: إحنا بقينا الفجر يا بني. حاتم: مش هرجع البيت غير وهي معايا. وسلام دلوقتي يا خالي، سلام. ويقفل. حاتم: يارب، يارب. الله أكبر، الله أكبر. ويوقف عربيته وينزل يصلي في الجامع. *** فيلا يوسف. موده بتصلي وبتعيط.

موده: قولي أعمل إيه يا رب. فرحتي باظت. أنا كنت فرحانة أوي النهارده، وكنت مستنية الفرح أوي. كنت خلاص بقول، عوضتني بالزوج الصالح. يطلع كده في الآخر. أه يا رب. أه. بيري: موده، اهدي يا حبيبتي. موده: مش قادرة. قلبي وجعني أوي يا بيري، مش قادرة. والباب يخبط. بسملة: في إيه يا بنات؟ اهدي يا موده. موده: مش قادرة. أنا، يعمل فيا كده؟

ده أنا حبيته بجد. ده أنا كنت مستنية يوم فرحنا بفراغ الصبر. ده كان بيقولي، امتى اليوم اللي نكون فيه مع بعض؟ امتى اليوم اللي أصلي بيكي؟ امتى اليوم اللي هنفرح إحنا الاتنين فيه سوا عشان خلاص هنعيش مع بعض طول عمرنا؟ ده كله كدب؟ طيب، إزاي يعني؟ كل كلامنا كان كدب؟ السلسلة دي كدب؟ الهدايا المميزة ليا كدب؟ إنه بيعمل المستحيل عشاني؟ ده كله كدب؟ خوفه وغيرته عليا؟ ده كدب. أنا كنت عايشة في الكدب ده كله، إزاي؟ إزاي؟

بجد مش قادرة. قلبي وجعني أوي، مش عارفة أتخيل إن عز يعمل فيا كده. مش عارفة أفكر أساساً. بسملة حضنتها. بسملة: بس، اهدي. قدر الله وما شاء فعل. قدر ربنا يا حبيبتي. اصبري، ربنا يعوضك بالأحسن منه بإذن الله. موده كانت بتعيط، وقاعدة بتفتكر كل مواقفهم مع بعض. *** في أوضة عز. بيصلي.

عز بعياط: يارب، أنا آسف. خليها ترجعلي، وهشيلها فوق راسي. أنا بحبها أوي. خليها ترجع يارب. مش عايزها تسيبني. أنا غلطان، بس يارب. أنا، أنا، أنا مش عارف أعمل إيه. خليها ترجعلي يارب. مش عايز أكتر من كده، إنها ترجع بس. يارب، يارب. *** في بيت صابر.

صابر: بنتي، يارب. أنا معرفش مكانها، بس احفظ لي عليها يارب. أنا غلطان، بس مكنتش عارف أعمل إيه. قررت أكمل اللعبة دي. مكنتش فاهم حاجة، كنت عايز الدنيا تمشي، وأخليها تحب أهل والدتها. مكنتش عارف إن الموضوع هيكبر كده. مكنتش عارف إنه يوصل إن إني مش عارف مكان بنتي. يارب، احفظها يارب. يارب، رجعها ليا بالسلامة يارب. *** في الجامع عند حاتم.

حاتم: أنا مش عارف أعمل إيه. أنا دورت في كل مكان. مش عارف مكانها. أنا خنت أختي. كنت على طول بقولها إنها في عيوني، ويوم ما الشر ما يحصلها حاجة، هكون أول واحد جنبها. النهارده أقعد ومش عارف هي فين. دورت. يارب، قولي مكانها يارب. مش هقدر أروح البيت، ومستحيل أعمل كده وهي مش معايا. أعمل إيه؟ خنت وعدك يا موده. أنا آسف يا حبيبتي. أنا آسف يا أختي. حقك عليا. خنت الوعد. يارب، يارب. *** يوم جديد في فيلا سليم.

كلهم قاعدين، مش عارفين موده فين بردو. وحاتم لسه بردو بيدور عليها. عز: أنا مش هفضل قاعد كده. هروح أدور عليها. غيث: عز، انت تعبان. أقعد مكانك. عز: مش مهم. المهم إنها ترجع. ابعد يا غيث. غيث: مش هينفع تسوق ولا تروح أي مكان. انت مش مركز دلوقتي. نبيل: كلمت أمك يا ماهر؟ ماهر: أه يا بابا، كويسة الحمد لله. نبيل: مش هترجع بردو؟ ماهر: لما موده ترجع. غيث: هي قاعدة لوحدها هناك. ماهر: لا، جاد راح أقعد معاها. هو وزهراء. غيث: تمام.

ماهر: هنعمل إيه دلوقتي؟ عز: موده لازم ترجع. نبيل: مش عايز أسمع صوتك. وييجي كاظم. كاظم: السلام عليكم. وعليكم السلام. كاظم: قاعدين كده ليه؟ ده كله عشان مش حضرت الحنة. احمدوا ربنا إني عرفت أنزل قبل الفرح أساساً. عز: لا، ما هو مكنش فيه حنة ولا فيه فرح. كاظم: نعم؟ مش فاهم. نبيل: أقعد أقولك. *** فيلا يوسف. على السفرة. بسملة: ما تأكلوا يا بنات. موده: بناكل يا حبيبتي. بسملة: كملوا أكل يلا. وييجي جاد. جاد: السلام عليكم.

بسملة: وعليكم السلام. تعال يا حبيبي، أقعد افطر. جاد: تسلمي يا طنط، فطرت مع ماما. موده: هي رجعت؟ جاد: لا، في بيت جدو. ماما حلفت مش هترجع غير لما انتي ترجعي. وغير حاتم من امبارح في الشارع بيدور عليكي. موده: بجد؟ جاد: أه، وعز كان خارج، بس ممنوع من الخروج. بيري: ليه إن شاء الله؟ جاد: ما انتوا قاعدين هنا متعرفوش اللي حصل بليل. موده: في إيه؟

جاد: عز بليل وقع مرة واحدة بعد صلاة الفجر. وغيث كان معاه. طلب الدكتور على طول، وقالوا إنه يبطل توتر ويهدأ، وبلاش خروج عشان مش هيعرف يقف على رجله النهارده ولا يسوق. موده: أنا مش عارفة أعمل. بيري: اسألي ربنا. بسملة: صح، قومي صلي وادعي وشوفي انتي عايزة إيه. بس أول حاجة، تكلمي حاتم. بيري: صح يا موده. حاتم من امبارح في الشارع بيدور عليكي. موده: حاضر، هكلمه. *** عند حاتم. كان قاعد في العربية، مش عارف يعمل إيه.

حاتم: فينك يا حبيبتي كده يا موده؟ تعملي في أخوكي كده؟ يارب. وموبايله يرن، وكانت موده. ويرد بسرعة. حاتم: موده حبيبتي، انتي كويسة؟ موده: الحمد لله يا حبيبي. ارجع يا حاتم البيت، كفاية لف. حاتم: انتي فين؟ موده: أنا في بيت يوسف، بس بالله بلاش حد يعرف. حاتم: حاضر يا حبيبتي. طيب، تعالي، وهنرجع الحارة أنا وانتي، ونقعد بعيد عنهم. موده: تمام، تعال خدني. حاتم: ماشي يا حبيبتي. الحمد لله إنك كويسة. الحمد لله.

موده: ربنا يحفظك ليا يارب. حاتم: يارب. ربع ساعة وأكون عندك. موده: تمام يا حبيبي. *** عند سهام. قاعدة هي وزهراء. زهراء: هنفضل قاعدين كده؟ سهام: مش هرجع غير لما موده ترجع. زهراء: ياريت هي فين. سهام: اطمن عليها بس، أمانة. زهراء بتروح مني. أعمل إيه يارب. زهراء: أهدي يا ماما، هتكون بخير. سهام: يارب يا حبيبتي. والباب يخبط. زهراء: هروح أشوف مين. سهام: تمام. وتروح زهراء، وكانت رحاب وماهر وأطفالهما. نورسين: عمتو.

زهراء: حبيبتي. نورسين: فين تيته؟ زهراء: جوه يا حبيبتي، ادخلوا يلا. ويدخلوا كلهم. سهام: حبايب قلبي، عاملين إيه؟ سند: الحمد لله. لين: انتي هنا ليه يا تيته؟ سهام: معلش يا حبيبتي، هقعد هنا على طول. لين: بس أنا عايزكي معايا. سهام: يا حبيبتي، حاضر يا عيوني. طمنوني يا ولاد، إيه أخباركم؟ رحاب: الحمد لله يا طنط. سهام: الحمد لله يا حبيبتي. عز عامل إيه؟ ماهر: تعبان أوي يا ماما. سهام: أه، يلا الحمد لله. مفيش أخبار على موده؟

رحاب: لا يا طنط. سهام: خير، بإذن الله. *** فيلا يوسف. حاتم: انتي عايزة إيه؟ موده: أنا عايزة طنط سهام ترجع. جاد: وهي قالت مش هترجع غير وانتِ موجودة. موده: طيب، كلمها يا جاد كده. جاد: حاضر. ويرن عليها. سهام: إيه يا حبيبي؟ جاد: عاملة إيه؟ سهام: الحمد لله. انت فين؟ جاد: خدي موده يا ماما. سهام: بفرحة. موده. موده: الو يا طنط. سهام: موده يا بنتي، فينك؟ انتي كويسة؟ موده: الحمد لله. ارجعي بيت، طنط، بالله عليكي.

سهام: مش هرجع غير وانتِ موجودة في البيت. موده: طيب، ارجعي وأنا هرجع. سهام: بجد؟ موده: أه والله. يلا تعالي، وأنا هكون في الفيلا. سهام: تمام يا حبيبتي. خدي رحاب، عايزك. رحاب: الو، إيه يا حبيبتي؟ فينكم؟ موده: أنا كويسة يا حبيبتي، عند يوسف. رحاب: طيب، أنا جاية لك. موده: أنا هرجع يا رحاب. رحاب: بجد؟ موده: أه، هكون في الفيلا. رحاب: تمام يا حبيبتي. موده: سلام. رحاب: سلام، في رعاية الله. وتقفل. بيري: هترجعي بجد؟

موده: الحل الوحيد عشان طنط ترجع. بسملة: ربنا يعوضك يا حبيبتي. موده: يارب يا حبيبتي. كلنا عملنا ليكي دوشة. بسملة: متقوليش كده، تنوروا في أي وقت طبعاً. بيري: تسلمي. *** فيلا سليم. كاظم: مفيش أي حد فاتح الموبايل برد. صابر: أه، برن عليها كتير، مش بترد. نبيل: خير، بإذن الله يارب. انت كلمت بيري يا غيث؟ غيث: مش بترد عليا يا عمو. كاظم: حتى بيري. يارب يرجعوا بالسلامة. حاتم: السلام عليكم ورحمة الله وبركاته.

ويدخلوا كلهم، ومعهم موده وسهام. موده. صابر: موده حبيبتي، حمد لله على السلامة. وكان رايح يحضنها، وموده تبعد. صابر: موده. موده: أنا رجعت عشان طنط سهام ترجع وبس، مش أكتر. سليم: موده يا بنتي.

موده: الفرح بكرة زي ما هو، عشان منظركم قدام الناس. مهتمين أوي بالمنظر قدام الناس. طيب، قدام ربنا الله أعلم بقى. لحد بكرة مش عايزة أي حد يكلمني نهائي. أنا هقعد النهارده عند رحاب، ومش عايزة أشوف حد فيكم. وبعد الفرح، أنسى كان لك بنت يا أستاذ صابر. يلا يا رحاب. وياخدوا هم والبنات ويطلعوا. صابر: أنسى؟ أنسى إزاي؟ ده أنا تعبت وكبرت عشان تسيبيني كده يا موده. حاتم: انت السبب يا خالي. ويسيبه يمشي.

عز كان قاعد مش بيتكلم، ويقوم ويطلع أوضته. نبيل: روح شوفه يا غيث يا ابني. غيث: حاضر يا عمو. ويروح وراه. كاظم: ربنا يستر يا جماعة. اهدوا كده، خير، بإذن الله. سهام: أنا طالعة أوضتي، ساعديني يا أسماء. أسماء: تعالي يا حبيبتي. وتطلع. *** في أوضة عز. غيث: طيب، لازم تاكل. حتى السندوتش ده بس. عز: مش قادر. سيبني أنام بس. غيث: مش هينفع يا عز. عز: سيبني بالله عليك. هنام ساعة وتعال صحيني. غيث: حاضر. ويخرج ويسيبه. بيري: غيث.

غيث: نعم يا بيري. بيري: انت زعلان مني عشان مكنتش برد؟ غيث: لا يا حبيبتي، ربنا يكون في عونك. بيري: أنا، أنا. غيث: مالك؟ عايزة تقولي حاجة؟ بيري حضنته، استغرب، بس حضنها هو كمان. وبيري كانت بتعيط. غيث: بس يا حبيبتي. بيري: مش عارفة أشوف حل لموده. شايفة دموعها، مش عارفة أتصرف. غيث: طيب، اهدي، خير بإذن الله. بيري: أنا مخنوقة أوي. البيت كان كله فرح وسعادة. في يوم يحصل كده.

غيث: الحمد لله يا حبيبتي. قدر ربنا بس. اهدي، وتعالي نقعد ونهدى. بيري: تمام. *** في جناح ماهر ورحاب. رحاب: نورتي جناح أختك المتواضع. رحاب: تأكلي إيه؟ موده: مش قادرة. رحاب: لا، مس قادرة دي، قوليها لحد غير. هتاكلي يعني هتاكلي. موده: مش قادرة بجد. والباب يخبط. رحاب: مين؟ صابر: أنا. رحاب: تعال يا عمو. ويدخل صابر. صابر: عاملين إيه؟ رحاب: الحمد لله. موده: رحاب، أنا عايزة أنام. صابر: أنا عايز أتكلم معك.

موده: أنا تعبانة وعايزة أنام. وتنام. وتحط البطانية عليها. موده: أنا عايزة أنام ومش عايزة أكلم حد فيكم تاني. اعتبروني مش موجودة في حياتكم، وأنا مش بحبكم. زي ما خلتني رخيصة، انسى إني كان لك بنت. صابر: كده يا موده؟ رحاب: تعال يا عمو، سيبها لوحدها شوية. صابر: ماشي يا رحاب. ويخرجوا. وتقعد موده تعيط.