رواية معلمة من الصعيد الفصل الثامن والثلاثون 38 - بقلم مريم شعبان

غيث: بيري مش موجودة. عز: إزاي يعني؟ غيث: مش عارف، أنا سبتلها الأوضة عشان تكون براحتها، طولت جوا خوفت عليها، فدخلت أشوفها مش موجودة. ويسمع صوت ضحك عالي ويركز، يكون الصوت جاي من تحت السرير. غيث: بيري، انتي هنا؟ بيري بضحك: مش قادرة. غيث: أنا مش فاهم حاجة. بيري: بعمل فيك مقلب بس طلعت بتخاف عليا. عز: يا بني ما ترد، في أي؟ غيث: لا اقفل انت واقرأ الفاتحة على بنت عمك. عز: في أي يا بني؟

غيث: الهانم كانت تحت السرير بتعمل فيا مقلب. عز بضحك: اه يلهوي عليكم. غيث: اقفل، أربي بنت عمك الأول. عز: براحة على البت يا واد، ده مقلب عادي، ده انت لسه هتشوف أيام، يلا الله يعينك، عايز حاجة؟ غيث: لا، تسلم يا صاحبي، سلام. ويقفل. بيري: احم، انت هتعمل أي؟ غيث: أنا قلبي كان هيقف، افتكرت حصل حاجة. بيري: بعد الشر، قولت أعمل فيك مقلب صغير كده. غيث حضنها: بلاش الهبل ده، بخاف عليك. بيري: بحبك.

غيث: وأنا كمان، مش نصلي وإنتي جاهزة نازلة بالأسدال تحت السرير؟ بيري بضحك: اه عشان لما اطلع نصلي. غيث: طيب يلا يا ختي نصلي. بيري: تمام يا حبيبي. ***** عند عز وموده. موده: في أي، مالها بيري؟ عز: مفيش، بتلعب مع غيث وبتعمل فيه مقلب، وكانت تحت السرير وهو افتكر إنها مش موجودة. موده بضحك: جدعة والله، أحسن. عز: أحسن ده الواد كان هيموت عليه. موده: لا بعد الشر، ربنا يحفظهم لبعض. عز: يارب، وربنا يهديكي. موده: ليه أنا مجنونة؟

ما أنا كويسة، أهوع. عز: كويسة وزي الفل. موده: أيوة كده، المهم عايزك في حاجة. عز: نعم. موده: العيال بيضحكوا علينا. عز: مش فاهم. موده: العيال اتغيروا بس عشان يثبتوا إن أهلهم هم السبب. عز: قصدك إنهم عارفين إننا متفقين مع أهلهم ينزلوا عشان إحنا متأكدين إن أهلهم ما كانوش سبب في مشاكلهم. موده: بالظبط، فاكر لما قولتلي هم اتغيروا لما دخلوا ثانوي؟ طيب إزاي وأهلهم على طول بيسافروا؟

أكيد كان التغيير ده هيكون من زمان. في فهموا وقتها إنهم حاطين أهلهم الشمعة بتاعتهم إنهم هم السبب في الفساد بتاعهم، وساعتها كلمت أهلهم خليتهم ينزلوا عشان يتم الاتفاق، بس ما كنتش متخيلة إنهم هيعملوا كده. عز: بس هما اتغيروا بجد يا موده. موده: هما اتغيروا واتغيروا جدا، بس عشان يثبتوا إن أهلهم السبب، مش اتغيروا عشان ربنا ونفسهم. عز: اه فهمتك، العيال عايزين نظام جديد من الأول، إحنا مش المفروض نسافر كلنا البلد في نص السنة.

موده: لا مش هياخدوا نص السنة، هياخدوها آخر أيام رمضان ونسافر البلد عشان ليهم نظام تاني معانا. عز: فاهمني براحة كده، هتعملي أي عشان رمضان خلاص على أبواب. موده: تمام، هقولك. ***** يوم جديد في المدرسة في فصل جاد. جاد: الصلاة يا شباب، يلا بينا. يوسف: يلا. موده: السلام عليكم، إيه ده رايحين فين؟ مروان: نصلي الضهر. موده: لسه فاضل ربع ساعة، اقعدوا عايزكم. يوسف: خير، وبعدين في عروسة بتنزلي شغل وهي لسه متزوجة؟ لا عيب، اللهم.

موده: ملكش دعوة، واتلم. المهم دلوقتي مفيش امتحانات نص سنة، الإجازة هتكون آخر أسبوعين في رمضان. وائل: طيب ليه؟ موده: ده أحسن لكم عشان نخلص المنهج وبعد كده تقعدوا إجازة. يوسف: تمام، اللي شايفه صح اعمل. موده: تمام يا أستاذ يوسف، تقدروا تتفضلوا، بس البنات تفضل. مروان: عايزهم في أي. موده: انت مالك، يلا من هنا. جاد: الله، مش نعرف؟ وبعدين فين موسي يا جدعان. موده: إيه ده صح، فين موسي؟

يارا: تعبان يا موده بقاله يومين، انت مش لاحظت إنه مكنش موجود امبارح؟ موده: ده بجد. جاد: انتي بجد متعرفيش؟ موده: اعرف أي يا جدعان، ماله موسي. مروان: يلا بينا إحنا يا شباب. ويمشوا كلهم. موده: ماله موسي يا يارا، ردي عليا. يارا: كويس يا حبيبتي، سيبك من العيال دي، عنده برد. موده: خضتوني بالله، ألف سلامة عليه، هروح معاكي أشوفه وأمشي على طولي. يارا: تمام يا حبيبتي، كنتي عايزني في أي.

موده: واحدة واحدة، فيكم تجيء ليا المكتب يلا. آيات: إحنا عملنا حاجة. موده: لا، بص عايزة كل واحدة لوحدها. غرام: تمام. موده: تيا هتكون أول واحدة، يلا. وتخرج. تيا: تمام. رويدا: هو في أي. فيروز: مش عارفة. يارا: بس شكل موده متضايقة. غرام: شكلها كده. آيات: ربنا يسترها بقى. ***** في مكتب موده. موده: أنا عرفت إنك بتعملي فيديوهات على التيك توك. تيا: اه، عندي متابعين كتير، حتى بصي. موده: انتي فرحانة بكده؟

تيا: أكيد، مش بتشوفني وأنا في الشارع والناس بتتصور معايا ونظرات الإعجاب والناس اللي نفسها تكون زي، ولا كمان بعد ما قررت ألبس الخمار وقولت كده في فيديو لقيت بنات كتير ناوية تعملي كده، تحسي بسعادة. موده: اه طبعاً، ونظرات الشباب ليكي والرقص والأغاني، حبيبتي انتي أساساً لا يجوز لكي الظهور على الشاشات، تقوم انتي ترقصي كده.

تيا: ما كل البنات بتعمل كده يا موده، عادي، بنات مختمرة وبتطلع تعمل كده وتصور نفسها، داعيات إسلاميات بيعملوا كده. موده: وده مش معناه إنه صح، لا دول غلط، ما ليش دعوة بيهم، ناخد المفيد فقط ونسيب الباقي أو نحاول نصلحه. تيا يا حبيبتي، بلاش الطريق دي، الطريق ده بيكون غلط، أنا بشوفك بتعملي إعلانات، وطبعاً المنتجات دي مش كويسة. تيا: أش، عارفك، ده كويسين جداً والناس كلها بتقول كده. موده: والله الحاجات ظاهر إنها مش كويسة.

تيا: معرفش بقي، مش مهم، مش المهم الإعلان بيعجب الناس. موده: انتي هتاخدي كل ذنب حد جاب المنتج بسببك مطلعش مفيد، صدقيني. تيا: مش هقدر أمسح كل حاجة دلوقتي. موده: ليه؟ تيا: أنا متفقة مع ناس على شغل ومليون حاجة، مش هقدر. موده: من ترك شيئاً لله. تيا: عارفة، عارفة، بس مش هقدر، دول ليهم فلوس كتير. موده: وانت إزاي تاخدي منهم فلوس؟ تيا: ما أنا قولت هعملهم إعلانات وكنت محتاجة فلوس، أخدتهم، ف عادي، ممكن أروح عشان أصلي وتجي.

موده: الموضوع شكله كبير أوي، يا مسهل الحال. ***** بعد المدرسة في منزل صابر. موده: ألف سلامة يا باشا، كده تخضني عليكم. موسي: أنا كويس يا حبيبتي، ده برد. موده: الحمد لله يا حبيبي. حاتم: أهلاً عروستنا عندنا. موده: عروسة إيه بس، عامل إيه يا عريس. حاتم: أحلى عروسة كمان، أنا كويسة الحمد لله. موده: الحمد لله، هانت ونفرح بيك. حاتم: اه الحمد لله. موده: ربنا يفرحنا بيك، كاحد يكلم رحاب عشان تجي أشوفها.

هيام: مش هتروحي تشوفي جدو؟ موده: لا، مش هدخل الفيلا دي تاني. حاتم: خلاص سيبها براحتها يا ماما، ويلا حضروا الغداء لحد ما أكلم رحاب عشان تجي. هيام: تمام يا حبيبي. ***** في فيلا سليم. سليم: المفروض تعمل العملية. نبيل: بعد كتب كتاب زهراء، وده آخر كلام. سليم: تمام يا بني، ربنا يطمن عليك. كاظم: كاظم. سليم: نعم يا بابا. سليم: كلمت بيري، اطمنت عليها. كاظم: مش بيردوا يا بابا. سليم: نعم، ليه؟

نبيل: سيبهم براحتهم، يمكن زي عز قافلين الموبايلات، ربنا يسعدهم. كاظم: يارب. أسماء: بنتك مش بترد عليا. نبيل: يا جماعة، خليهم براحتهم. أسماء: أنا قلبي مش مرتاح، مش عارفة ليه. سليم: ربنا يسترها، عشان أنا كمان. نبيل: استغفروا الله يا جماعة، خير بإذن الله. ربنا يسعدهم. كاظم: يارب. ***** في منزل عز وموده.

موده: أنا تعبت من العيال دي، مش فاهمة مالهم، كل ما أكون عايزة أتكلم معاهم يهربوا، حتى تيا قعدت تقول كلام مش مفهوم، مينفعش تمسح أي حاجة دلوقتي، مش عشان عشان فلوس الإعلانات. عز: اه، أفهمك، تيا بتاخد فلوس على الإعلانات، ف أخدت فلوس قبل ما تعمل حاجة، ف هي دلوقتي لازم تعمل الإعلانات أو ترجع الفلوس، وده صعب طبعاً. موده: طيب ما تاخد من أهلها. عز: تيا عندها عزة نفس، مش هتوافق تاخد من حد حاجة. موده: طيب هنعمل إيه؟

كده في خطر عليها، لإن أصحاب الإعلانات دول طلعوا مش كويسين زي ما أنت قلت. عز: اه مش كويسين، وراهم حاجات كتير أوي. موده: طيب نفكر براحة كده، نعمل، وباذن الله خير. عز: تمام يا حبيبتي، كلمتي بيري. موده: مش بترد، دي كمان. عز: خلاص سيبها مع جوزها. موده: تمام، بكرة هكلمها. عز: تمام يا حبيبتي. ***** فيلا سليم، جناح ماهر ورحاب، في وقت الفجر. ماهر: قومي يا رحاب، يلا. رحاب: مش قادرة يا ماهر، بحد. لين: يا ماما بقي، عايزين نصلي.

رحاب بتبكي: تعبانة أوي، مش قادرة. سند: طيب أنا هسندك، وتتوضي وتصلي، عشان مش ينفع متصليش، حتى صلي وإنتي قاعدة، عادي، مش صح يا بابا. ماهر: صح يا قلب بابا، خد أخواتك واطلعوا برة، وأنا هجيب ماما وأجي. سند: ماشي، يلا يا بنات. نورسين: يلا. ويخرجوا. ماهر: اللهم بارك عليهم، إيه يا حبيبتي، مالك. رحاب بتبكي: تعبانة أوي يا ماهر، مش قادرة. ماهر حضنها: طيب اهدي بس، حاسة بوجع. رحاب: اه.

ماهر: طيب تاخد المسكن اللي الدكتور قالت عليه، وبكرة نروح ليها تاني. رحاب: حاضر، بس سيبني أنام. ماهر: لا يا رحاب، هتصلي، وأنا هسندك وأوضيكي براحة، ومتخافيش. رحاب: تمام يا حبيبي. ويسندها ويدخلوا يتوضوا. ماهر: بس كده، يلا بينا نصلي. ويخرجوا. سند: ماما، أجيبلك كرسي. رحاب: لا يا حبيبي، هصلي على كده. ماهر: لو مش قادرة، أجيبلك كرسي. رحاب: لا، كويسة يا حبيبي. ماهر: تمام، يلا بينا نصلي. ويبدأوا صلاة ويخلصوا.

نورسين: عقبال ما نصلي كلنا في الفردوس الأعلى. ماهر: يا قلبي، اللهم آمين. لين: ماما بتقولها على طول. نورسين: أيوه، عشان كده أنا قولتها، عشان هي تعبانة. رحاب: حبايبي، تسلموا. ماهر: يلا على أوضكم، وكله ينام. نورسين: تصبحوا على خير. ماهر: وإنتي من أهله يا قلب بابا. ويمشوا. ماهر: إيه يا حبيبتي، كويسة دلوقتي. رحاب: الحمد لله، بس عايزة أنام. ماهر: طيب تعالي نقوم، هدخلك وأعملك حاجة سخنة وأجي. رحاب: بلاش تتعب نفسك.

ماهر: أتعب نفسي بس يا رحاب، بالله، أنا مش نصك التاني برضه، ولازم أكون جنبك. رحاب: اه. ماهر: يبقي قاعد على قلبك، وبعدين ابن الناس الطيبين ده، هو اللي تعبك أوي كده، وللأسف هو ابنك. رحاب: متعبني أوي أوي أوي. ماهر: معلش يا حبيبتي، بكرة هنروح للدكتور نطمن. رحاب: تمام يا حبيبي. ***** في أوضة زهراء.

زهراء: اللهم اجعلني زوجة صالحة يارب، كملنا على خير أنا وهو يارب، أنا بقيت بحبه أوي، بس طبعاً مش هقوله دلوقتي، هقوله أول ما يكون حلالي، يارب أنا عارفة إني مش صالحة، بس خليني صالحة عشانه، يارب هو إنسان ماشي صح، خليني صالحة عشانه، يارب. ***** عند عز وموده. عز: تقبل الله. موده: منا ومنكم. عز: إيه ده، ماهر بيرن. موده: خير يارب. ويدردعز. عز: السلام عليكم. ماهر: وعليكم السلام، عز، تعال بسرعة. عز: في أي.

ماهر: في حد حاول يدخل الفيلا، وكان معاه سلاح. عز: سلاح، عرفت مين. ماهر: لا، بس تعال انت وموده، انتوا في خطر، يا عز، تعالوا بسرعة. عز: تمام، ماشي. ويقفل. عز: قومي يا موده بسرعة. موده: في أي. عز: يلا هنمشي. موده: نمشي ليه. عز: مش عارف، ومش فاهم، بيقولوا في خطر علينا، يلا عشان نروح عندهم، وبالله. موده: حاضر، حاضر، هروح ألبس. وكانت ماشية ورجعت جري. موده بخوف: عز، عز. عز: في أي. موده: في حد عند الباب وبيحاول يفتحه.

عز: نعم. ويروح يتأكد. عز: شكلهم جوا، ناخد عز ونمشي على طول. موده: قولنا لا، مش هياخد ستات، افهم بقي، ويلا اكسر الباب. موده: يلهوي يلهوي. عز: اسكتي بس. ويروح الأوضة بسرعة يجيب المسدس بتاعه. عز: انزلي تحت السرير. موده: لا، مش هسيبك. عز: بقولك انزلي. موده بدموع: لا يا عز، دول عايزينك انت، بالله. عز: انزلي، متخافيش، أوعدك مش هيحصل حاجة، انزلي، بالله عليك. موده: يا عز. عز: يلا يا موده، انزلي. موده: حاضر.

وتنزل. وعز يقف عند باب الأوضة بعد ما سمع صوت كسر الباب. موده: بسم الله الذي لا يضر مع اسمه شيء، بسم الله الذي لا يضر مع اسمه شيء. ويدخل اتنين الأوضة، وعز يخبطهم بالمسدس. عز: اطلعي بسرعة. وتطلع. وموده تطلعوا جري من الشقة. ويبص عز على السلم، وكان في رجالة واقفين أول السلم. عز بهمس: على السطح. ويطلعوا براحة ويواصلوا السطح. موده: في سلم هنا بيوصل بالعمارة اللي جنبنا. عز: طيب، يلا بينا.

ويمسك إيديها ويعدوا وينزلوا جري ويركبوا العربية بتاعت عز ويمشوا بسرعة. عز: الحمد لله، الحمد لله. وموده قعدت تعيط. عز: بس يا حبيبتي، إحنا كويسين، الحمد لله. موده: أنا، أنا كنت خايفة عليك أوي. عز: أنا كويس، الحمد لله، اهدي. موده: دول حرامية ولا إيه. عز: مش عارف حقيقي. موده: شكلهم تبع تجار المخدرات. عز: لما نروح الفيلا نعرف دول مين، موده، أنا آسف، أسف إني هخليكي تروحي الفيلا تاني.

موده: مفيش حاجة، أهم حاجة إننا نكون كويسين. عز: الحمد لله. ***** في فيلا سليم، الكل قاعد. أسماء: بيري مش بترد عليا. سهام: يمكن نايمة يا أسماء. أسماء: نايمة إيه بس، من الصبح برن عليها، أنا خايفة أوي. هيام: اهدي يا أسماء، خير. وموبايل كاظم يرن. كاظم باستغراب: ده إسلام. أسماء: مش بقولكم بنتي فيها حاجة. حسناء: اهدي يا حبيبتي. كاظم: السلام عليكم.

إسلام: وعليكم السلام، معلش إني رنيت في وقت زي ده، بس أنا بقالي يومين برن على غيث ومش بيرد عليا. كاظم: نفس الكلام. إسلام: كلمت الفندق، قالوا إنهم مش خرجوا من يوم الفرح، مش بيردوا على أي حد بيخبط. كاظم بقلق: طيب، أنا هروح الفندق. إسلام: أنا رايح في الطريق، بسبب يمني قاعدة بتقول حاسة في حاجة. كاظم: أسماء برضه كده. إسلام: شكلهم عندهم حق. كاظم بقلق: ربنا يستر، هلبس وأجي وراك. إسلام: تمام. ويقفل. أسماء بخوف: في أي.

كاظم: بيري وغيث مش خرجوا من يوم الفرح، ولا بيردوا على الفندق أساساً. أسماء: بقولكم، بقولكم، بنتي فيها حاجة. نبيل: انتوا كويسين، جاين كده ليه. عز: كان في ناس في بيتنا يا حاج، وكان فيلم أكشن جامد. ماهر: بتهزر. موده: مش بهزر، إحنا كنا قاعدين بنصلي الفجر، وبعد كده لما كلمتنا روحنا نلبس، سمعنا حد عايز حد ياخد عز، مش أنا، وكانوا ناس كتير أوي، وناس تحت، واتنين بس كانوا داخلين الشقة، عز ضربهم، وجرينا.

صابر: طيب الحمد لله، نطم بخير. موده: الحمد لله، مالها بيري. أسماء: مش بترد على أي حد من امبارح. حاتم: كله تمام يا جماعة، مسكت الواد اللي برة ده، وهنعرف هو منين. ويدخلوا الشباب ماسكين شاب. جاد: ادخل يا كلب، أنا صحيتني من نوم ما صدقت صليت عشان أنام. حاتم: بص يا بني، تقول مين بعتك هنا بهدوء، ولا إيه. الشاب: والله ما أعرف، أنا تبع ناس، قالولي تروح كذا وكذا. حاتم: طيب شكلك عايز تروح القسم.

الشاب: والله يا باشا، أنا ما أعرف حاجة، أنا كل مهمتي أجي هنا عشان آخد واحد اسمه ماهر. ماهر: نعم، إشمعنا أنا. الشاب: ما كل واحد فينا هياخد واحد، حد هيجي ياخد واحد اسمه جاد، وسليم، كل اللي أعرفه إن هيروح لحد اسمه عز كمان. عز: دول الناس اللي كانوا هناك، وإيه تاني. الشاب: وواحد اسمه غيث. أسماء: قولتلكم بنتي فيها حاجة. وموبايل كاظم يرن ويرد.

إسلام: الحقني يا كاظم، بيري سائحة في دمها، حد ضربها على رأسها، ولوحدها في الجناح، الحقني بسرعة. كاظم: بنتي. أسماء: مالها بنتي يا كاظم. كاظم: بيري سائحة في دمها، ولوحدها في الجناح. أسماء بصراخ: بنتي. موده: بيري. زهراء بتبكي: بيري. رحاب: بس يا بنات. نبيل: مش عايز أسمع صوت واحدة فيكم، يلا يا كاظم بسرعة. حاتم: اصبروا، أنا جاي معاكم، شباب هاتوا الواد ده للعربية. موسي: من عيوني، يلا قدامي. ماهر: مفيش أي بنت هتجي معانا.

أسماء: أنا هاجي، مستحيل أقعد. صابر: سيبها تروح يا كاظم، بنتها برضه. كاظم: تمام. موده: جماعة، هو جدو فين. نبيل: إيه ده صح، فين. وكلهم قعدوا يبصوا حولهم. وموبايل موده يرن وتفتح. صوت: افتحي السبيكر يا حلوة. وتفتح. موده: حركة حلوة صح، غيث وجدكم عندنا، وبيري خبطة بسيطة، بلاش الخوف الأوفر ده، اه صح، الواد اللي قالكم كل حاجة تبعنا، ومتفقين على كده، الحقوا بقى جاد وموسي عشان غرقانين في دمهم برة، سلام.

ويقفل. كلهم يجروا على برة، كان جاد وموسي مضروبين بحاجة في إيديهم، ويوسف جنبهم. يوسف بصراخ: بقالي ساعة بنادي عليكم، الحقوني. سهام: يلهوي، عيالي، عيالي. هيام: انتوا يا عيالي. موسي: مش قادر. صابر: اطلبوا الإسعاف بسرعة، اخلصوا. وتجي مكالمة لموده تاني. صوت: ده كله بسببك، ما إنتي لو قعدتي ساكتة مش تدوري علينا، ضربي دي حاجة بسيطة، وانتظري الباقي. ويضحك ويقفل.