رواية معشوقتي البريئة الفصل الأول 1 - بقلم اميرة بذاتي

فى بيت ريفى تقوم تلك الفتاة صاحبة الشعر الذهبى والعيون الرمادية بعمل واجبات المنزل كما طلبت منها زوجة والدها سامية وتسمى كيان. سامية: انتى يابت خلصتى إلى قلت علية. كيان: أيوة يا ماما وعملت الاكل. سامية: جتك موا أنا قلت إن مش أمك أمك ماتت أنا مرات أبوكى ومعنديش بنات غير رهف ورنا. كيان بدموع: حاضر يا طنط. سامية: غورى من وشى. دخلت كيان غرفتها وظلت تبكى على معاملة زوجة والدها لها. عدى الوقت وعاد والدها من العمل.

الأب عز الدين: السلام عليكم ازيك يا سامية عاملة اية يا رنا انتى ورهف. البنات: الحمد الله يا بابا. عز الدين: أمال فين كيان. سامية: دخلت نامت. عز الدين: بدرى كده. دى بتحب تستنى على ما أجي أنا هدخل أشوفها. دخل عز الدين لكيان غرفتها وجدها تجلس على الفراش وغير منتبهة له. عزالدين: القمر قاعد لوحده ليه. كيان: مفيش يا حبيبي تعبانة شوية فدخلت أنام ومستنياك. عزالدين: مالك يا كوكى.

كيان كانت تعبانة عشان شغل البيت النهاردة كان كتير عليها ومش حد ساعدها غير أنها غسلت السجاد لوحدها. كيان: مفيش يا بابا شوية صداع. الأب: أكلتى يا كيان. كيان: أه الحمد لله. سابها أبوها تنام وخرج يتغدى هو ومراته وبناتها. عند كيان كانت قاعدة بتفكر في الماضي. فلاش باك. كيان كان عندها تلات سنين لما والدتها اتوفت. وأبوها اتجوز مرات أخوه عشان يربي بنات أخوه وكيان متحسش أنها مالهاش أم.

بس مرات أبوها كانت بتغير منها عشان هيا أحلى من بناتها وكانت بتعملها معاملة وحشة وتخوفها أنها متقولش لابوها. والد كيان كان طول وقته في الشغل فمش يعرف حاجة. باك. في مكان آخر. كان يجلس على مكتبه في شركة خاصة ويقوم بمراجعة صفقة مهمة. دخل عليه صديقه ادم. ادم: إيه يا فهد هتوافق على الصفقة الخاصة بشركة نسر. فهد: قولهم الاجتماع بكرة في مطعم. ادم: بس النسبة كبيرة يا فهد وكده هما مش كسبانين.

فهد: كفاية أننا هنرفع من اسم شركتهم في السوق لما يكون في شغل بينا. ادم: تمام. هتعمل إيه في المشروع. فهد: هنزل البلد بنفسي أشوف صاحب الأرض بكرة. ادم: الرجل مش راضي يتنازل عن أرضه. فهد: وأنا هاخد الأرض مهما كلف الثمن. ادم: ربنا يسترها يا صاحبي. كيان 18 سنة خلصت تالتة ثانوي مستنية النتيجة حلمها تكون دكتورة كانسر عشان والدتها توفت بعد معاناة مع المرض ده.

فهد الأنصاري: 30 سنة عنده شركة من أكبر الشركات في الوطن العربي مغرور ملقب بفهد الاقتصاد. ادم السيوفي صديق فهد 30 سنة والد فهد هو اللي رباه بعد وفاة صديقه والد ادم. شريك فهد في الشركة بنسبة 20 في المئة. رهف ورنا توأمين بنات عم كيان عندهم 20 سنة. رهف طيبة وبتحب كيان على عكس رنا بتغير من كيان عشان أجمل منها. سامية: زوجة والدها 45 سنة حقودة ومبتحبش كيان. عز الدين: 48. حنون جداً وبيحب بناته التلاتة وبيعملهم معاملة واحدة.

والد فهد متوفى ووالدته هدى 50 سنة امرأة جميلة رغم سنها وطيبة القلب.