رواية معشوقتي الصغيرة الفصل العاشر 10 - بقلم رانيا يوسف

آدم: طيب ادخلي لحد مجيب محفظتي نسيتها في العربية. بتدخل مرام بتتصدم وعيونها تدمع. آدم بيجي من وراها: ها موافقة؟ مرام بدموع: هو دي ليا؟ آدم باستهزاء: لا أمي... أصل عازمها على مكان كيوت زي ده وورد وشمع وكاتب لها تتجوزيني وكاتب اسم مرام. مرام بضحك: من الصدمة معلش. آدم بحب: تقبلي تكوني شريكة حياتي وحبيبتي وأمي وصحبتي وكل حاجة ليا. مرام بدموع: موافقة. آدم بفرحة بيشيلها ويلف بيها: يااااة أخيرا يا قلبي. وبيقضوا يومهم في جو رومانسي وكل واحد قال اللي جواه للتاني واتفق آدم مع خالتو وحددوا موعد الفرح. *** بعد أسبوع *** أم مرام: يلا يا مرام انجزي، آدم برة بقاله كتير. مرام بتوتر: حاضر حاضر. وبتطلع. أم مرام بدموع: ماشاء الله ربنا يحفظك يا بنتي. مرام: حلوة يا ماما؟ أم مرام: أجمل حاجة شافتها عيني. وبتحضنها وبيطلعوا لآدم برة. آدم أول ما يشوف مرام بيصلي عليها وقرب عليهم: القمر ده كله ليا. مرام بخجل: أنت كمان حلو أوي يا آدم. آدم: طالب يلا يا قلب آدم علشان ما أرتكبش جناية دلوقتي. وبيمشوا وقضوا يوم مليان فرحة وسط أهلهم وصحابهم.