رواية معشوقتي الصغيرة الفصل الرابع 4 - بقلم رانيا يوسف

احمد بعد ما شاف ضحكة مرام اتكلم بتكبر: إيه وحشتك؟ مرام بابتسامة: أوووي. ادم بغضب: نعم يا روح أمك. أم مرام: لم نفسك يا أهبل. ادم: لمؤاخذة يا خالتي، بس مش شايفه بتضحك له إزاي. أم مرام: اسكت وسيبنا نتفرج. مرام بتقرب على أحمد وهي لسه بتبتسم له. أحمد بيفتكر إنها هتحضنه، فبيفتح لها دراعه. مرام: وحشتني أووي لدرجة إني... وبتنزل بالقلم على وشه. أحمد بيبرق بصدمة: إنتي... إنتي إيه اللي عملتيه ده؟

مرام: دي جزء صغير من اللي عملته لما جيت هنا بيتي وتتتهجم عليا، وأنت عارف إن ما فيش حد هيقفلك، كنت مغفلة لما قبلت إن واحد زبالة زيك يدخل حياتي. ادم وهو بياكل فشار: تفتكري يا ديجا، أدخل دلوقتي ولا أستنى شوية؟ مرام والفشار مالي بوقها: استنى نتفرج كمان شوية. ادم: الفشار خلص، مش قادر، هدخل أدشمل وشه. أم مرام: خد من بتاعي واسكت بقى، خلينا نركز.

أحمد بغضب لمرام: إنتي حاسسساني إني ميت فيكي يعني، دي إنتي رهــان عملته بيني وبين أصحابي، وعشان مجتيش معايا سكة فخطبتك وعملت كده عشان أطفشك أصلاً. مرام بعصبية بتنزل بالقلم تاني على وشه: إنت حيوان وزبالة، إزاي مكنتش شايفه ده! أحمد ولسه هيضربها، بيلاقي آدم بيمسك إيده: اللي بيمد إيده على ست بيبقى ست زيها، وده اللي أنا شايفه. أحمد: ابعد أحسن لك، متدخلش. ادم بغضب: أنا مش هسمح لواحد زيك يمد إيده على مراتي، ده أنا أدنك هنا.

أحمد: مراتك!! ادم: طبعاً. أحمد بيبص لمرام: أنا آه مبحبكيش، بس ما اسمحش لحد ياخد حاجة بتاعتي. ادم بيزقه برة الشقة: طب اخرج بدل ما أخلي الدكتور يعرف يخيط حاجة فيك. أحمد: وربــي لأوريكم، وبيبص لمرام: هندمك. أم مرام: في داهية. مرام: إيه اللي سمعته ده، مرات مين! ادم: حرمي المصون، إنتي سبتي كله ومسكتي في دي. مرام: أنا مستحيل أتجوزك. ادم: اهو أنا هحققلك المستحيل ده، يلا يا ديجا، أنا نازل. أم مرام: رايح فين؟

ادم: مشوار ع السريع، متقلقيش. مرام: ماما فهميني إيه اللي جاب آدم دلوقتي، ماهو بقاله يجي 10 سنين بعيد. أم مرام: عادي يا مرام، وحشته البلد. مرام: واشمعنى ظهر في الوقت ده؟ أم مرام: روحي اسأليه. مرام: يا ماما قولي بقى. أم مرام: صدفة يا بنتي، روحي اسأليه. مرام: حاضر، هسأله، وبتدخل أوضتها تكلم رشا صحبتها تحكيلها على اللي حصل. ******* بالليل وفي مكان بعيد. بيظهر أحمد وهو بيكلم حد: أنا عملتلك كل اللي إنتي عايزاه.

شخص مجهول: ماهو كله بتمــنه. أحمد: نفسي أفهم بتكرهيها كده ليه؟ شخص مجهول بيتجاهل كلامه: آدم هيبقى خطر علينا، لازم نبعده عن طريقنا، لأنه مش هيسمح لحد إنه يأذيها. أحمد: هنعمل إيه؟ شخص مجهول: لازم نخليه يسافر تاني. أحمد: إزاي دي؟ شخص مجهول باستهزاء: سهلة، مش أول مرة، زي ما خليته يسافر أول مرة، هخليه يسافر تاني. أحمد: مش فاهم حاجة. شخص مجهول: مش مشكلة، نفذ اللي أقولك عليه بس. ********* تاني يوم عند مرام.

بيوصل آدم البيت وبيخبط الباب، بتفتح له أم مرام. أم مرام بلهفة: آدم، كنت فين وغبت كده ليه؟ وبتـبص على هدومه، إيه اللي مبهدلك كده؟ ادم: ......