رواية معشوقتي الفصل السادس 6 - بقلم سيبال

فهد

بفرحة اقترب وجلس حدها: نبض أنا من أول مرة شفتك فيها انعجبت فيكي… بعدها ما طلعتيش من بالي خالص وروحت لباباكي وقلت إني عايز أطلب إيدك بس كنتي لسه عندك 17 سنة وباباكي ما رضيش وقال إنه بعد ما تكبري هيرحب فيا… باباكي ما كانش بس محامي عندي لأ ده كان زي ذراعي اليمين… أنا أبويا سابلي الشركة وأنا 24 سنة بس وما كانش عندي خبرة ولا حاجة بس باباكي كان واقف معايا أنا اليوم وقدامك أوعده إني مش هخليكم أنتِ وروان تزعلوا تاني هخليكم بين عنيا.

نبض أنا بحبك أوي والله كنت هجن وألاقيكي بقالي 5 سنين بدور عليكي… أنتِ مكتوبة ليا… هتبدأي حياة جديدة معايا… أوعدك هكون أخوكي وباباكي وأمك وكل حد في الدنيا دي… نبض كانت فرحانة من كلامه عشان ارتاحتله أوي. جلسوا قليلاً ثم رجعوا القصر. ******* راح فهد الشركة ودخل عليه يزن. فهد: عملت في الموضوع ده إيه؟ يزن: كل حاجة ماشية كويس وزي ما خططنا… فهد بابتسامة خبث: أيامك معدودة يا مراد. يزن: عملت فيها إيه مع نبض؟

فهد: وافقت وهنتجوز. يزن: بجد ألف ألف مبروك يا صاحبي، كده ضربت عصفورين بحجر واحد زي ما خططت بالظبط. فهد: أنا وعدت نفسي إني هديها أحلى هدية وهي إني هاخد بتار أمها وباباها يوم فرحها… هي عاشت خايفة من مراد وأنا هريحها منه… أخيراً حلمي تحقق وبقت نبض ليا… نبضي. يزن: مبروك يا صاحبي، طب أنا هروح الشقة أنام شوية عشان سهرت طول الليل… يبقى أجيلك القصر بعدين عشان الشغل، يلا سلام. فهد: طب سلام.

قعد فهد يشتغل على شوية ملفات وهو بيفكر في نبض. بالليل في القصر: دخلت نبض الغرفة ولقيتها مليانة هدايا من فهد ليها ولروان… بقت مستغربة شوية ليه كل ده. نبض راحت لفهد كان قاعد في الجنينة: فهد باشا بعد إذنك إيه كل ده؟ فهد بابتسامة: باشا!! إيه باشا دي هو إحنا بقينا لفرحنا أسبوع بس وأنتِ بتقولي باشا… فهد قرب منها بخبث لما شافها اتكسفت: عشان إيه… هههه بالراحة اللي يريحك قوليه… بس الأحسن تشيلي الرسميات عشان بعد أسبوع.

نبض: أيوا أيوا فرحنا… بس كل الهدايا دي ملهاش لازمة. فهد: أنا لو تطلبي مني عنيا هديهملك، فرحان… أنا وعدتك ووعدت باباكي عشان كده مفيش اعتراض. وقعدوا يتكلموا. جاء يزن ودق باب القصر… الخدم كانوا بينضفوا وما سمعوش روان راحت تفتح. يزن: وأخيراً حد جا…