رواية مالك القدر الفصل الرابع 4 - بقلم علياء عبدالله

تاني يوم في القصر. قدر صحيت، وصلت فرضها، وخرجت من الأوضة راحت للمطبخ. قدر: صباح الخير. سعاد: صباح النور. قدر: إيه كل الأكل ده، في وليمة ولا إيه؟ سعاد: لا يبنتي، ده عشان الصبيان. قدر: محمد ومحمود ومالك؟ سعاد: أيوا. قدر: طيب شيلي كل الأكل ده، فين الصواني؟ ... جابت أربع صواني متشابهة وحطت أطباق متشابهة وأكل متشابه. قدر: أنا هودي الأكل ده، مش تقلقي. شالت صينيتين وراحت لأوضة محمد. خبطت الباب، فتح. قدر: صبااااح الخير.

محمد: صباح النور، أمال فين سعاد؟ قدر: اسمها دادة سعاد، وهي بترتاح شوية. اتفضل أكلكم. محمد: إيه ده، صينيتين؟ قدر: لا، ده أكل محمود. سلام. وراحت على أوضة محمود. خبطت الباب، مش فتح. قدر: عمو محمود، يا عمو. محمود: عمو في عينك، عايزة إيه؟ قدر: صباح الخير. محمود: صباح الزفت. قدر: ليه كدا يا باشا، ده الصباح حلو وجميل أهو. محمود: اخلصي، عايزة إيه؟ قدر: انت مش شايف الصينية على إيدي، متاخدها. محمود: دخليها جوة.

قدر: لا مش هدخل، انت مش مكسور عشان أدخلها. أنا خد. وزقت الصينية عليه. محمود: انتي شغالة هنا يعني، تسمعي كلامي؟ قدر: والله الشغل اللي أنا جاية أشتغله هنا، واللي فهمته من الرئيس هو إنك تسمع كلامي. محمود: أنا أسمع كلامك انتي؟ اتجننتي ولا إيه؟ قدر: لا مش اتجننت ولا حاجة. اتفضل افطر، سلام. محمود: استني. قدر: نعم. محمود: خدي معاكي، مش عاوز منك حاجة. قدر أخدت لقمة وكلت من الأكل: اطمن، مش مسموم ولا حاجة، كل وانت مرتاح.

وسابته ومشيت. محمود: والله مجنونة. راحت بالصينية التالتة لأوضة مالك، خبطت وفتح الباب. قدر: اتفضل الفطار. مالك: دخليه. ومش استنى ترد ودخل. قدر في بالها: الصبر من عندك يارب. ودخلت حطت الصينية. قدر: الفطار يا عمو على الترابيزة. مالك: استني عندك. قدر: نعم. مالك خرج من الحمام: أنا مش عمك، أنا رئيسك. قدر: يوووه، على أم دي شغلانة، يا عمو. ولسة مش كملت كلام. مالك بعصبية: قولتلك أنا مش عمك. قدر بخوف: ط.. طيب.

وطلعت تجري من قدامه. وخبطت في محمد اللي كان شايل الصينية. محمد: احاسبي. قدر: آآ.. آسففة. وسابته وطلعت تجري لأوضتها وقفلت الباب وفضلت تعيط. محمد: مالها دي... هناء يا هناء. هناء: أيوا. محمد: فضي الفوضى دي وخلي بالك من الإزاز. هناء: حاضر. طلع محمد لأوضة قدر. محمد: قدر. طق طق. قدر بعياط: نعم. محمد: ممكن تفتحي؟ قدر فتحت الباب. محمد: انتي بتعيطي ليه؟ حصل حاجة؟ قدر: مبحبش حد يزعقلي. محمد: مين زعقلك؟

قدر: ابن عمك، اسمه إيه مالك. محمد: ههههه، مش تزعلي، هو محمد طبعه كدا. قدر: وانت إيه عرفك؟ محمد: ابن عمي وعارفه. المهم انتي مش تزعلي، فكك منه. قدر: عادي. يلا روح شوف طريقك بقا. محمد: سلام يا أختي. شوية وجت سعاد. سعاد: قدر، الرئيس عاوزك. قدر: حاضر. عند الرئيس. الرئيس: فطرتي يا قدر؟ قدر: لا لسة. الرئيس: طيب تعالي افطري معايا. قدر: حاضر. هو أنا ممكن أقولك يا جدو عادي؟ الرئيس: أيوا طبعاً. قدر: ماشى.

الرئيس: انتي قولتي إنك في تالتة ثانوي صح؟ قدر: أيوا. الرئيس: فاضلك قد إيه ع الامتحان؟ قدر: ست شهور. الرئيس: هتلحقي تخلصي موادك... محتاجة مدرسين؟ قدر: لا لا لا، مش محتاجة مدرسين ولا حاجة، أنا هقدر أذاكر لوحدي. الجد: متأكدة؟ قدر: أيوا. الجد: لو احتاجتي أي حاجة قوليلي. قدر: حاضر. الجد: ربنا معاكي. شوية ودخلت واحدة. قدر في بالها: يلهوي، مين الأجنبية دي؟ واو واو. الجد: تعالي يا شهد. شهد: ازيك يا جدي. قدر: جدي!

الجد: أعرفك، دي شهد، مساعدة محمود وبتدير المستشفى معاه. ودي قدر. شهد: عارفه يا جدي، محمود حكالي، بس مكنتش متخيلة إنها صغيرة كدا. قدر: أنا مش صغيرة، أنا 19 سنة، وانتي كام؟ شهد: أنا قد محمود، 25 سنة، كنت معاه في الثانوي والكلية. قدر: انتي دكتورة؟ شهد: أيوا. قدر: يعني لو احتاجت تشرحيلي حاجة، هلاقيكي؟ شهد: أكيد طبعاً. قدر: أنا حبيتك أوي، لا بجد حبيتك حبيتك. شهد بضحك: دمك شربات يبنتي، والله أنا اللي حبيتك.

محمود بعصبية: شششههههددد. شهد: آآ... أيوا. محمود: انتي جاية تضحكي وتتمايصي ولا جاية لشغل؟ قدر وقفت بينهم: أولاً، مش تعلي صوتك قدام حد. ثانياً، هي مش في المستشفى عشان تذعقي وتقوليها شغل، ولا هي جايلك أصلاً، دي جاية تشوف جدو. محمود: انتي مين عشان تتكلمي معايا كدا؟ الجد: قدر عندها حق، شهد جايلالي، وانت مش ينفع تعلي صوتك كدا. جه مالك من وراهم. مالك: إيه الدوشة دي؟ شهد: مفيش حاجة يا أستاذ مالك، اتفضل. مالك: شهد...

ازيك يا شهود. قدر في بالها: شهود في عينك. شهد: الحمدللة. بصت لمحمود: بعد إذنكم. محمود مشي وراها. محمود: شهد... شهد، استني. شهد: نعم، عايز إيه تاني؟ محمود: أنا آسف عشان عليت صوتي عليك. شهد: مقدرش أزعل منكم. محمود: طيب يلا على الشغل. شهد: يلا. عند قدر. مالك: وانتي يابت، متعليش صوتك تاني، انتي فاهمة؟ قدر تجاهلته تماماً: أنا طالعة أذاكر يا جدو، هتعوز حاجة مني؟ الجد: تسلمي يا حبيبتي. مالك: هي خدت قلبك بقا ولا إيه؟

الجد: بس يا وله، انت أهبل ومش فاهم حاجة، قدر دي نعمة وبنوتة جميلة، وأنا بعتبرها زيكوا حفيدتي. مالك: ماشي يا جميلة. أنا خارج. الجد: هترجع إمتى؟ مالك: معرفش. الجد: حاول ترجع ع العشا، ماشى. مالك: على حسب شغلي بقا.