رواية مالك القدر الفصل الثالث والعشرون 23 - بقلم علياء عبدالله

سعاد: معلش يا عصام، قدر هتفضل هناك كام يوم. عصام: قدر أختي الصغيرة. سعاد: طيب، أنا عاوزاك تتعامل مع كاميرات المراقبة عشان محدش يعرف إنها معانا. عصام: حاضر. تاني يوم... الكل متحمس عشان يشوفوا محمود ومالك بيتصالحوا. مالك صحي لقي نفسه واقع على الأرض. مالك: آآآه راسي، إيه اللي حصل؟ أنا هنا بعمل إيه؟ قام ونزل تحت. سعاد تعاملت على إنها متعرفش حاجة. سعاد: مالك يابني، إيه بهدل هدومك كده؟

مالك: مش عارف، أنا صحيت لقيت نفسي كده. محمد: أنا فاكر إن أوضنا إحنا التلاتة تحت، إيه جابك من فوق؟ ومفيش غير أوضة جدي وقدر وبس! مالك مسك راسه. مالك: عندي صدااااع. شهد: براحة كده... بعد إذنك يا دادة، اعملي قهوة. سعاد: حاضر. أمل بشك: إيه اللي حصل يا مالك؟ مالك: أنا خرجت من القسم امبارح... وروحت شربت وجيت... طلعت أوضة قدر و... و... وفجأة حط إيده على بقه. وفي نفس الفجأة وقع قلم على وشه من شهد. شهد: عملت إيه؟

عملتلهاااا إيه يامالك؟ مالك: قدر فين؟ أمل: أنا هشوفها في الجنينة. شوية ورجعت. أمل: قدر مش في الجنينة. مالك: أنا مكانش قصدي أعملها حاجة والله. محمود قام مسكه من هدومه. محمود: أنت حقير... وضربه. محمد: دلوقتي قدر فين؟ مالك: خلونا نشوف الكاميرات. محمد: روح أنت خد دش وتعال. مالك: لا أنا عا... محمود بعصبية: عااوز إيييهه؟ روح عشان تفوق من الثمالة دي (آثار الخمرة) مالك راح أوضته، دخل الحمام وقف بهدومه تحت الماية

وافتكر شكلها وهي بتقول: "ابعد عني ونبي بلاش يمالك ابعد عنيي". غمض عيونه جامد وقعد على الأرض وغصب عنه دموعه نزلت، فهو ما كانش عاوز يأذي حبيبته، فهو حبها.. لا عشقها. غير هدومه ونزل. محمد: الكاميرات مش جايبة حاجة. مالك: يعني إيه مش جايبة حاجة؟ شهد: يعني الوقت من أول ما أنت دخلت الفيلا للصبح والشاشة سودة ومش شايفين حاجة. أمل: حسبي الله ونعم الوكيل فيك يامالك، البنت مكانش ليها ذنب، أنت بدل ما تشكرها تضيعها كده.

مالك: صدقوني أنا معملتش معاها حاجة، أنا... أنا كنت لسة ماسكها لقيتها زقتني ووقعت على الأرض وفقت الصبح. شهد: إيه يثبت كدة؟ أمل: أنا عاوزة قدر أختي. محمد: متقلقيش، أنا ومحمود هنلاقيها. مالك سابهم وخرج، ركب العربية وراح مكان... عند قدر... أسماء نامت جنبها وقدر فضلت صاحية. أسماء فاقت. أسماء: إنتي لسة صاحية؟ قدر بابتسامة باهتة: صباح الخير. أسماء: صباح النور... قوليلي تحبي تفطري إيه؟ قدر: طعمية وفول. أسماء: ياااه فول!

قدر: أيوا، وحشوني أوي. أسماء: من عيوني، أنا هرن على عصام، بجيب وهو جاي. خرجت من الأوضة ورنت عليه. عصام: صباح الخير يا قلبي. أسماء: صباح النور. عصام: إنتي لسة صاحية؟ أسماء: أيوا... صحيت لقيت قدر صاحية ووشها أحمر. عصام: حقها يا أسماء، البنت لسة صغيرة على كل ده. أسماء: ربنا ينتقم منه. عصام: يارب... عاوزة أجيبلك حاجة وأنا جاي؟ أسماء: قدر عاوزة طعمية وفول، وأنا عاوزة رنجة. عصام: أسماء حبيبتي، أنت اتهبلتي...

هتاكلي رنجة دلوقتي؟ أسماء: نفسي فيها، الله. عصام: حاضر، هجيبلك. قفلوا الفون. سعاد: البت دي حامل. عصام بفرحة: بجد ياحماتي؟ سعاد: أمال هي حماتك تقول حاجة غلط؟ عصام: لأ. سعاد: طيب، يلا أنا هاجي معاك وهفضل مع قدر، وأنت خدها للدكتورة. عصام: من غير سبب كده؟ سعاد: اتوحمت على كوسة ورنجة، عاوز أسباب أكتر من كده إيه؟ عصام بضحك: حاضر، يلا. راحوا لبيت أسماء. أسماء: ماما إيه جابك؟ سعاد: في واحدة تقول لامها إيه جابك؟

أسماء: مش قصدي، بس بدري. سعاد: أنا جاية أشوف بنتي التانية. أسماء: قدر جوة. دخلوا كلهم الأوضة. سعاد: حبيبتي، عاملة إيه دلوقتي؟ قدر ابتسمت نفس الابتسامة الباهتة. قدر: بخير. سعاد خدتها في حضنها. سعاد: إنتي هتفضلي في حضني شوية، وأنت يا عصام خد أسماء، وأنا هفضل مع قدر. أسماء: ياخدني فين؟ عصام: للدكتورة.. أمك شاكة إنك حامل. أسماء: إيه؟ بعد السنين دي أطلع حامل؟ سعاد: سنين؟ لايكونش أنتِ متجوزة من عشرين سنة وأنا معرفش...

دول هما تلات سنين يا عمي، وبعدين أنتِ صبرتي وأنتِ نفسك في طفل ودعيتي في كل صلاة، وأنا أشهد على كده... دي آخرة صبرك. أسماء بدموع: يارب يا ماما، يارب.. أنا هنزل الصيدلية وأجيب اختبار وأعمله. قدر عينيها معاهم، بس عقلها وقلبها في حتة تانية. عصام: قـ... قـ... قدر! قدر: نعم. عصام: بقالي ساعة بنادى عليك. قدر: آسفة، مكنتش مركزة. أسماء: طيب يلا عشان نفطر. عصام: يلا ياماما عشان أوصلك. سعاد: لا، أنا هفضل هنا.

أسماء: واللي هناك هياكلوا منين؟ سعاد: اللي هناك مش فاضيين، بيدوروا على قدر. عصام: أيوا، خليهم يلف.... تلفونه رن... ده الرئيس. أسماء: طيب رد بسرعة. عصام خرج البلكونة عشان يكلمه. نرجع لمالك... مالك راح لبيت أبوها القديم. مالك: إنتي متأكدة إنها مجاتش؟ أختها: أيوا يا بيه... بس هي عملت إيه، سرقت إيه؟ بنت الحرامية دي. مالك مسكها من هدومها. مالك: آخر مرة تقولي عليها كده، فاااهمةة؟ أختها: أأيواا فاهمة. مالك سابها ومشي.

أما محمد ومحمود وأمل وشهد فضلوا يدوروا عليها زي المجانين هنا وهناك، ويدعوا إنها تكون كويسة وترجع لهم. عند قدر... عصام دخللهم الأوضة. سعاد: حكيتله كل اللي حصل. عصام: أيوا. أسماء: وقال إيه؟ عصام: قدر هتسافر بريطانيا.