رواية ماسة الفهد الفصل التاسع عشر 19 - بقلم حبيبة محمد

أسيل بخضة: ماله، وشي حاجة؟ ماسة: بهزر معاكي، لازم أوقع قلبك كده شوية يا بنتي. أسيل: منك لله يا شيخة، انتي دايماً كده. ماسة: بس ما شاء الله، تنضيف البشرة منور وشك. أسيل: بجد؟ طب كويس، أنا كنت خايفة إن الدكتور ده ميكونش بيشتغل حلو. ماسة: لا لا، عامل مفعول جامد، ويلا بقا البسي عشان نسافر. أسيل: ماشي، الفستان هجيبه معايا، وانتي كلمتي الميكب أرتست اللي هتجيلي هناك؟ ماسة: آه كلمتها، متخفيش. أسيل: حبيبتي، ريحتيني والله.

ماسة: على إيه، إحنا أخوات صح؟ جهزوا أنفسهم وذهبوا إلى Soma Bay في الغردقة. صباح ثاني يوم في الفندق: ماسة: فهد اصحى عشان أنا راحة عند أسيل. فهد: أنا فرحان النهارده، مش عشان جاسم أخويا هيتجوز، عشان مش كل شوية تسيبيني وتروحي عند أسيل. ماسة: معلش بقا يا دودي، أختي لازم أقف جنبها. فهد: ماشي يا ستي، بس لينا حساب بعدين. ماسة: يا دي حساباتك دي، انت دايماً تخوفني بكلامك الغريب. فهد بضحك: روحي عند أسيل يا ماسة. روحي عند أسيل.

أسيل بتوتر كبير: ماسة جيتي؟ تعالي بالله عليكي ساعديني وأنا بلبس الفستان، عايزة ألحق الشمس عشان الإضاءة بتاعت السيشن. ماسة: اهدي اهدي، يخربيتك، الميكب أرتست وصلت. أسيل: إزاي مش عايزاني أتوتر؟ ده فرحي أنا، اتوترت زيادة، يالهوي، والميكب أرتست في الطريق. ماسة: بس الفستان عليكي تحفة يا روحي. أسيل: بجد؟ ماسة: آه وربنا. أسيل: الميكب عايزاه يكون هادي. ماسة: حاضر حاضر، هقولها.

أسيل: طب البسي قبل ما الميكب أرتست تيجي، وكلمي فريدة. آه صح، هي هتيجي مع مين؟ ماسة: هروح ألبس وأكلمها، وهيا جايا مع عبد الرحمن. أسيل: طب تمام. ولا أقولك، متسبنيش، أنا متوترة. ماسة: يخربيتك، جننتيني، استني طب هجيب الفستان ألبسه هنا. أسيل: خلاص ماشي. عند فريدة: فريدة: الو، عبد الرحمن انت فين؟ عبد الرحمن: أنا تحت البيت، يلا انزلي. فريدة: خلاص ماشي، استنى. ونزلت فريدة إلى عبد الرحمن.

عبد الرحمن: لا بس الجمال ده، خطيبتي قمر يا جماعة. فريدة: ميرسي يا حبيبي، انتي أحلى على فكرة. عبد الرحمن: لازم أكون حلو عشان معايا قمر زيك، يلا اركبي. ونرجع عند أسيل: أسيل: إيه القمر ده يا ماسة؟ لا قمر بجد. ماسة: إيه حلو الفستان؟ أسيل: ده تحفة. ماسة: فهد اللي مختاره. أسيل: إيه ده، انتوا اتصلحتوا؟ ماسة: آه الحمد لله. أسيل: الحمد لله، فرحتيني. ماسة: يلا بقا عشان الميكب أرتست وصلت. في غرفة جاسم:

جاسم: فهد أخويا اللي نسي إنو لي أخ وعريس كمان ومش واقف جنبي. فهد: أنا بقا مكنتش عايز أجي أشوفك عشان الكلام ده، ياعم فوكك كده، زي ما انت عريس، فأنا بردوا لسا عريس، وكان في مشاكل كده، فكنت مشغول والله، معلش. جاسم: ماشي ياسيدي، مش هتكلم بس عشان فرحي. فهد: ماشي ياعم، شكراً، أخبار الحفلة تحت إيه؟ جاسم: تمام، عمي وبابا ظبطوا كل حاجة، بس الأول هنعمل السيشن في الجاردن، بعدين نبدأ الفرح.

فهد: خلاص ماشي، بس البدلة جامدة عليك، أخويا كبر وبقا عريس أهو. جاسم: شوفت بقا الأيام. وفضلوا يضحكوا. بعد فترة من الوقت، كانوا وصلوا عبد الرحمن وفريدة، وأسيل خلصت الميكب وبقت جاهزة، وعملوا السيشن. في حفل الزفاف: كانوا العرسان بيرقصوا سلو على أغنية (أنا عندي لعنيكي كلام محدش غيري في الدنيا يقولوا في يوم من الأيام ليكي أول لناس تانية) وفجأة.