رواية ماسة الفصل الثاني 2 - بقلم شيماء صلاح

ياسين، كنت عارف إنك مش هتسبني وهتيجي. والله مظلومة ومعرفش إيه اللي حصل. ياسين بقرف: ماسة، ابعدي. وبعدين أنا جاي أقولك كلمتين. ماسة بدموع: قول يا ياسين. ياسين وهو بيخلع الدبلة من إيده: أنا مش هقبل على نفسي واحدة زيك. ماسة وهي ماسكة من هدومه وبعصبية: واحدة زيي! معملتش حاجة والله ومعرفش مين اللي صورني ومعرفش فيديوهات إيه. ياسين: متعرفينيش إزاي؟ دا إنتي واخده سنة سجن وأنا مآخدش واحدة رد سجون زيك.

ماسة بزعيق: أنا مش رد سجون يا ياسين، وخليك عارف إنت بتقول إيه وحاسب على كلامك. ياسين بتريقة: أحاسب على كلامي؟ إنتي يابت ليكي عين تتكلمي؟ إنتي بنت ش*مال. ماسة بصدمة: امشي ومش عايزة أشوفك، امشي. بعد ساعات. سارة: إيه يابنتي، إنتي ما نمتيش؟ من ساعة ما جيتي من الزيارة اللي جتلك وإنتي بتعيطي ومنهارة. إيه اللي حصل ده كله؟ ماسة ببكاء: ممكن تخليكي في حالك وتسيبيني، نبي.

سارة: بصي، أنا هسيبك تهدي كدا ولو عايزة تتكلمي أنا موجودة، تمام؟ ماسة وهي بتمسح دموعها: هو إنت اسمك إيه؟ سارة: اسمي سارة، وإنتي؟ ماسة: ماسة. سارة: اسمك حلو أوي، مالك بقى؟ ماسة: هو إنتي جاية في إيه؟ سارة: أنا قضية نصب. ماسة بصدمة: نصب؟ ليه؟ سارة: هقولك ليه، بس مش لما تحكيلي حكايتك. ماسة بضحك: حكايتي؟ أنا حكايتي اتقلبت في يوم وليلة. سارة باستغراب: إزاي؟

ماسة: أنا متهمة في قضية آداب ومعرفش إزاي، وبيقولوا ليكِ فيديوهات وقرف على النت وأنا معرفش والله حاجة. سارة: طيب اهدي. متعرفيش مين عمل فيكي كدا؟ شاكة في حد؟ ماسة بدموع: لأ، وخطِيبي جالي ورمى الدبلة بتاعته في وشي وقالي كلام يوجع أوي. سارة بزعل: طيب خالص، فكك من دا كله وإن شاء الله خير. ماسة: وإنتي بقى حكايتك إيه؟

سارة: جوزي دخلني في حوار جاب فلوس من البنك كتير، وأنا كنت معاه والضمان كمان. وفجأة أخد الفلوس وهرب وطلقني، واترميت سنتين وفضلي سنة. ماسة: إنتي واخده 3 سنين؟ سارة: آه. ماسة بزعل: سنة؟ سارة: مش كتير، متزعليش. وبكرة هتعرفي مين اللي عمل كدا. يلا نامي وبكرة نتكلم. ماسة فضلت قاعدة ومش جايلها نوم، مصدومة من اللي حصل. تاني يوم. سارة: نمتي كويس؟ ماسة بتعب: أنا ما نمتش أصلاً.

سارة: هي بتبقى أول مرة كدا. تعرفي ياماسة أنا شغلتى إيه؟ ماسة: إيه؟ سارة: مصممة أزياء. ماسة: بجد؟ وأنا مهندسة ديكور. سارة: خالص يستي، لما نخرج تيجي تعملي شغل حلو كدا. ماسة بزعل: إن شاء الله. سارة: فكي كدا، بيقولوا ليكِ زيارة، قومي يلا. ماسة قامت وخرجت. ماسة بفرح: ريتال! ريتال بتمثيل: حلو السجن؟ ماسة باستغراب: هو السجن بيبقى حلو يا ريتال؟ ريتال بتمثل: تعرفي ياماسة، أنا السبب في اللي إنتي فيه.

ماسة بصدمة: إنتي اللي عملتي كدا؟ ريتال بضحك: وجاية أشمت فيكي ياحلوة. ماسة بصدمة: ياحيو*انة.