رواية مجبور أحبك دام عمري و مصيري إنكتب معاك .. الفصل الثالث 3 - بقلم Khalek Poetess

اتكلم لكم عن خالد اخو لورنس اصغر من لورنس وهو متزوج بنت عمه رانيا وعنده منها ولد ليث وهي حامل .

لورنس رفض يتزوج لانه يبي يرعى خواته وامه ومايبي زوجه تقسى عليهم او تاخذ غلاهم الي بقلبه وخاف انه يحب ويرتبط بانسانه تنسيه اهله .. فضل يبقى أعزب.

فايزه متزوجه ولد عمتها صالح يحبها موت ومنجن فيها لكن ربي مارزقهم بالأطفال وصالح مايهمه الاطفال اهم شي انه مبسوط معها .. وام صالح الي هي عمتها دوم تجرح فايزه بالعقيم.مع انها بنت اخوها.

........

نزل من الدرج الطويل : صباح الخير عمتي .. التفت لريم وعبير .صباح الخير..

عبير رفعت شيلتها وتغطت بس لفت طرحه ^_^ اما ريم فالتها ومايهمها

رريم: زين تذكرت تنززل ..

فارس وهو جاي: ريم ياطول لسانك وش تبين بأخوي.

أم لورنس ابتسمت على هرجهم.

فارس عمره 27 ونواف 29 ورانيا 25 ((زوجه خالد)) عيال عم لورنس توفى ابوهم وامهم وتربوا بيت عمهم ابو لورنس . وموضف نواف بالشركه أما فارس دكتور جراحه بمشفى خالد ولد عمه ومرت عمه ام لورنس ..

ريم تعز فارس مرا لأنهم دايم يتقابلون بالحديقه القصر بالسرر ويفضفضون لبعض وفارس مبسوط من قربها ومعتبرها مثل اخته الصغيره

نواف وهو يمد ايده يقطع خبز: وش ترجا منها مامنها سنع غير طوله السان..

الكل: ههههههههههههههههههههههه

ريم وهي تبرطم: الحييييييين كلكم قلبتوا علي. خلاص انا زعلت واولكم فارس زعلت عليك كنت اعتبرك صقيقي.

فارس: يؤ من على ريومه دلوعتي.

ريم حست بفرحه ان فيه احد معها.

نواف: يوه بدينا اسكتوا خل نفطر زين..

.....................

أم لورنس: الله لايحرمني من لمتكم جنب بعض.

على فكره اليله بتجي فايزه ياعيال وخالد وزوجته رانيا بنجمتع كلنا.
فارس: فديتها اختي من زمان عنها.

نواف: من جد اشتقت لليث.يالبى شدوقه..

عبير: واو وناسه ..

ريم:...........

فارس: انشاء بحاول اجي بدري اليوم.. يلا بألذن .

أم لورنس: لحظه ياوليدي استناني بروح معك كلنا بنفس المشفى..

فارس وهو يأشر لعبوينه: من عيوني اذا الارض ماتشيلن فوق راسي احطك انتي الكل بالكل..

أم لورنس: الله لايحرمني منك. يلا سرينا.

مشت قدام وهو وراها يحبها لمرت عمه مثل امه لأنه حنونه معهم وماتفرق بينهم وبين عيالها..

................................

ريم عمرها 18 ثالث ثانوي علمي.جذابه بكل مافيها بيضاء شعرها كاريه بني خققان وجسمها نحييييل لكن خصرها مرسوم بدقه لانها تمارس الرياضه..عبير عمرها 21 بالكليه قسم جغرافيا.

والكل انسحب بالتدريج على اعمالهم اليوميه..الي على كليته ولي بالمدرسه والي بالمشفى او الشركه

.......................................

منيره: يلا انتبهي على نفسك شعوله.

مشاعل: انشاء الله خالتي .

قبل لاتطلع مشاعل: خالتي ممكن طلب.؟

منيره: امري يابنيتي..

مشاعل: انتبهي على هاجس انا حطيتها بغرفتي تكفيين خالتي عشاني . وتغمز لها .

منيرره تبي تصرفها: انشاء الله انشاءالله يلا روحي تأخرتي..

مشاعل وهي مو متطمنه :مع السلامه..

............

سكرت الباب وعلى طول اتجهت لغرفه هاجس فتحت الباب بقوه ارعبتها ..

صارخت عليها بصوت يهز الجدران: هاجس قومي ياكسوله.

هاجس وهي تفتح عيونها بصعوبه وكسسسل مو كسل فيها لكن من التعب الي امس: نعم خالتي.؟

منيره: قومي عساك انشاء الله ماتعيشين تنامين.

هاجس: اعوذ بالله .قامت وهي تسحب رجولها بثقل...

منيره: قومي رتبي البيت وبعدها جهزي الغدأ...
هاجس:انشاء الله..

اه الله يعني ويصبررني علييك والله ودي افتك من هالعيشه لو اخذ لي شايب .

شايب.!!

شقلت انا اعوذ بالله..

يلا خلني اقوم اسوي الي علي.

دخلت المطبخ رفعت اكمامها بدت تغسل بالصحون والماي يحررق جروحها لكن تجاهلتها وكملت شغلها . طلعت للغرف ورتبهتا وكنسبت ومسحت الكبت.. حتى صار البيت نظيف( اصلا بيتهم عباره عن مجلس وغرفتين غرفه مشاعل وهاجس.. ومنيره وعواد.. ومطبخ ودوره مياه. والمخززن الي دايم عقابها فيييه . والبيت بسسسيط جدأ خالي من أي زينه أ لوحه وا أي شي يزين بل اقل من البسيييط..

الساعه 12 الظهر..

ركبت ع الغدأ وجهزت السلطه..

جاء ابوها شافها تشتغل بالمطبخ رحم حالها(( ابوها رحوم مرا لكن الحبوب دمرته ومنيرره اعادت برمجه عقله وغيرته على بناته))

قسى قلبه ومشى للمجلس.

حس بصداع اتكى ع المركى وهو يمسك راسه من الالم

لكن هي الرحوم جابت له الشاي وصبت له .. . شافت ابوها تعبان . جلست جنبه مررت اصابعها براسه وبدت تعمل له مساج..

حس براحه لكن مارتاح من قلبه كيف طاوعه عليها . امس انا منيمها بالمخزن .. هاجس بحنان: ارتحت يبا..

عواد: أي خلاص.

راحت المطبخ جهزت الغدا على صحون . وحطته لهم والكل جلس يتغدأ..

جت بتجلس لكن يد منيره كانت اسرع : على وين.؟

هاجس: بتغدأ.!

منيره: اذا خلصنا تتغديين روحي عزلي المخزن عشان عقابك الجاي يكون فيه وهو مرتب.

بينها وبين نفسها بعد تخططين بعقاب جاي.؟

: اوكي انشاء الله.

مشاعل: ليه ماخليتها تتغدأ لاحقه ع الشغل حرام علييك.

عواد: ....................... > اذا تكلم بياكله لسان منيره وتحرمه من الحبوب<<

منيره: اكلي وانت ساكته..

قامت عن الاكل

قررت تحرم نفسها ويصير لها زي مايصير لأختها..

........

دخلت ع المخزن الي الغبار ساكن جدرانه. طلعت اغراضه وغسللته بالماي والصابون..
وبعد ساعات من الترتيب..

اخيرأ صار مثل ماتبي الحين ماتفرق معها لو يعاقبونها فيه..

حست انها مدروخه من الجوع جسمها مايشيلها من التعب.

اه مافيني اتحمل ..

بطيييح مقدرر

راحت غرفتها وانسدحت ع السرير..

مشاعل: هاجس انا مرا جعانه..
هاجس بتعب: ليه ماكلتي.؟

مشاعل: لا ماكلت ابي زيك زي مايسون فيك انا بيصير لي زيك..

هاجس: لبى قلبك اكلي ماعلييك مني انا عاتي تعودت..

مشاعل: لالا مابي مافي لاتقنعيني .. استني منيره تروح عند جيرانا نطلع المطبخ وناكل.

هاجس: اوكي حبيبتي .. انا ودي اريح شوي صحيني اذا لقيتي اكل مافيني حتى انا.

مشاعل: ارتاحي ياقلبي ..

.........

لكن منيره اسرع منهم..
: فتحت باب الغرفه حتى حست شوي وبينكسر من قوه يدها ..عمى شوي واقول لها عضلات.
: اسمعي انتي وياها انا قررت بكرا بنروح البرر الساعه 3 وبنتغدا هناك ..

وانتي يامشاعل مافي دوام بكرا.

مشاعل: بس انا علي اختبار.؟

منيره: بلاختبار بلا هم علمتكم..

هاجس: اوكي خالتي تامرين انتي..

ماعبرتها منيره وطلعت..

مشاعل: اه ياجس وش اسوي بالقرويه الي عندنا ماتعرف نظام الكليات مقدر اغيب بأختباري فيه حرمان.!!

هاجس: بتداومين بكرا وانا الي بتستر عليك اهم شي دراستك..

مشاعل: شلون.؟

هاجس: مافي شلون. بكرا بتشوفين.. يلا عاد انا تعبت مثل ماقلت لك ..

تصبحين على خيرر..

مشاعل بدلع قربت لاختها شمتها وباست خدودها..

ابتسمت لها ورجعت راسها للمخده حتى داعب النوم جفونها ونامت..

............

اتمنا البارت الاول من الروايه اعجبكم..

ابي تشجيعكم وحماسكم معي عشان أكمل..