رواية مغتصبي اللعين الفصل الأول 1 - بقلم مروة علي

شوفي البجحة، ماشية ف الشارع ورافعة راسها ولا كأنها خاطية. وقال ايه عاملة فيها الشريفة العفيفة. اللهم احفظنا، ياما لسه هنشوف. اسمي دموع، عندي ١٩ سنة، والظاهر إن ليا نصيب من اسمي. اتعرضت للاغتصاب من سنة. ساكنة في منطقة شعبية. ماما متوفية من وأنا صغيرة وعايشة مع بابا. والحيوان اللي عمل كدا، زميلي في المدرسة، عيل صايع كل همه إنه يعلق البنات بيه، وبعدين يسبهم بعد ما ياخد منهم غرضه. -فلاش باك

"صباح الخير يابابا، أنا جهزتلك الفطار والدوا وهنزل أنا الشغل، ولو احتجت حاجة رن عليا." "ربنا يصلح حالك يابنتي ويوقفلك ولاد الحلال." بابا قعيد من سنة وأنا بشتغل عشان مصاريف الدروس والبيت. "في الشغل" "آسفة يا مدام، اتاخرت بسبب المواصلات." "وأنا أعمل إيه بأسفك ياحبيبتي، ياريت بعد كدا تلتزمي بمواعيدك، وإلا شوفيلك شغل تاني." "حاضر يا مدام، عن إذنك." "ربنا يتوب عليا من دي شغلانة، الواحد قرف."

"مالك يادموع، المدام ياهنا واقفالي ع الواحدة وأنا مش عارفة أعمل إيه، وخصوصًا إني محتاجة الشغل عشان دروسي وعلاج بابا." "بكرة ربنا يفرجها، متزعليش نفسك، المهم يلا نشتغل." "يارب، يلا." "بعد ٦ ساعات" "بعد إذنك يا مدام أنا خلصت الشغل والمفاتيح، ممكن أروح عشان ألحق الدروس." "ماشي ياختي، ياكش تفلحي في الآخر." "في السنتر" "ياربي المستر اتأخر كدا ليه، الساعة بقت ٧." "المستر هيتأخر ساعتين يا جماعة، لأن حصلت عنده ظروف."

"كدا أنا هضطر أروح يارغد، لأن بخاف أروح لوحدي بالليل، وبابا لوحده في البيت." "متخافيش ياستي على باباكي، وبعدين الكفر أمان، مش هيحصل حاجة إن شاء الله." "طب بصي، أنا هطلع أرن على بابا في الشارع عشان الشبكة." "في الشارع" "دموع." "٠٠ دموع ٠٠." "أيوه يامحمد خير." "كل خير. دموع أنا بحبك وكنت عايز نرتبط لحد ما أكون نفسي وأتقدم لك." "ضحكتني والله يامحمد،وياتري عامل رهان عليا مع مين المرة دي."

"صدقيني أنا بحبك ومش بضحك عليكي." "وأنا يامحمد مش عبيطة عشان أصدق كلامك، عن إذنك." "دموع.. استني." بعد أن قامت بصفعه: "انت إزاي ياحيوان تمد إيدك عليا." "ماشي ياروح، أنا هوريكي مقامك، وبكرة تيجي تتراجيني عشان أبص في خلقتك." بضحكة استهزاء: "آه ماشي." "في السنتر" "مالك يابنتي متعصبة كدا ليه." "مش مهم، كان فيه حيوان عايز يعرف مقامه وعرفتهاله." "جدعة، قوليلى كلمتى باباكي." "أيوه كلمته."

"مساء الخير يا شباب، آسف إني اتأخرت عليكم، يلا نبدأ الحصة." "بعد الدرس" "معلش يادموع مش هعرف أمشي معاكي، ماما قالتلي أروح لخالتي." "ماشي يارغد، ادعيلي أوصل بالسلامة." "ماشي ياحبيبتي، مع السلامة." "في الموقف" "توكتوك يا آنسة." "أيوه يا أسطى بتروح كفر ****." "أيوه يا آنسة، بس الطريق السريع مقفول، عشان كدا هنروح من الطريق الزراعي." "ماشي يا أسطى." "بعد ربع ساعة" "دموع

بخوف: يا أسطى انت متأكد من الطريق دا، الحتة هنا ضلمة أوي كأنك في حتة مقطوعة." "متخافيش يادموع طول ماحنا مع بعض." "انت عرفت اسمي منين وبتتكلم معايا كدا ليه؟! "من الأخ دا... ويلا انزلي." بخوف ورعشة: "مح... محمد."