رواية مغتصبي اللعين الفصل الخامس 5 - بقلم مروة علي

-أنا كنت عايزة اشتغل فراشة في المدرسة. -حاضر يا بنتي... خليكي هنا 5 دقايق هقول للمديرة وأشوف هتقول إيه. -ماشي يا عم محمد. بعد ربع ساعة -معلش يا بنتي اتأخرت عليكي. -لا عادي ولا يهمك يا عم محمد. هااا.. المديرة قالت إيه؟ -احم.. بصراحة يا بنتي إحنا مـ محتاجين فراشين دلوقتي. -ماشي يا عم محمد. بس الإعلان دا إيه؟ -بإحراج.. احم.. أصل... -بكسرة.. خلاص يا عم محمد فهمت قصدك.. عن إذنك. في بيت دموع

-بعياط.. يارب مليش غيرك. يارب أنت العالم بحالي. يارب... -اتفضل يا دكتور حسن معلش اتأخرت عليك في فتح الباب. -لا عادي يا بنتي ولا يهمك... مالك يا بنتي كنتي بتعيطي ليه؟ -بعياط.. مش عارفة أعمل إيه. بدور على شغل بقالي أسبوع ومحدش راضي يشغلني عنده والجلسة بتاعت المحكمة كمان شهر وأنا لسه مجبتش محامي ومـ عارفة أعمل إيه. -يا بنتي قولتلك هتكل بكل مصاريفك.. وأنتِ مـ راضية.

-وأنا قولت لحضرتك لأ.. أنا عايزة أحس إني قدمت حاجة لنفسي.. مـ غير ما آخد حاجة مـ حد. -ماشي يا بنتي.. طب بصي أنا محتاج سكرتيرة للعيادة بتاعتي.. إيه رأيك تشتغلي معايا. -ماشي يا دكتور.. موافقة. -بصي يا ستي دول خمس آلاف جنيه.. وقبل ما تعترضي دول مقدم شغلك. -بفرحة ودموع.. مش عارفة أشكر حضرتك بجد إزاي. -تشكريني بجد لما تفوزي بالقضية.. ويلا بينا عشان نروح لمحامي أنا أعرفه شاطر. -إن شاء الله.. يلا بينا. على القهوة

-بعصبية.. مـ عارف أعمل إيه مع الزفتة اللي اسمها دموع. -حسن صاحبه بمكر.. طب وانت خايف كدا ليه؟ هو أنت كنت اللي عملت العملة المهببة دي؟ -بخوف.. هااا.. أنت بتقول إيه؟ لأ طبعاً. -بقولك إيه ماتيجي معايا دوغري وأنا أقولك تعمل إيه. -ماشي وأنا هصدقك يا أبو علي. أيوه أنا اللي اغتصبت بنت الـ... دي ولو رجع بيا الوقت كنت دفنتها مكانها ولا حد دري بيها. -كدا تعجبني.. وأنا هقولك تعمل إيه. -إيه الحب دا؟ وياتري بقي إيه المقابل؟

-عشرين ألف جنيه وأنا أخلصك مـ البت دي للأبد. -وأنا موافق. عند المحامي -مساء الخير. -مساء النور اتفضل يا دكتور حسن. -يزيد فضلك.. بصراحة أنا كنت جايلك بخصوص قضية دموع اللي حكتلك عنها. -أهلاً يا دموع يا بنتي.. عايزك بقي تحكيلي كل حاجة حصلت بالتفصيل.

-ماشي، أنا كان عندي درس والمدرس اتأخر ساعتين، وبعدين كنت عايزة أروح بس صاحبتي رغد قالتلي خليكي على أساس إن هي هتمشي معايا، وطلعت أكلم بابا في الشارع عشان الشبكة لقيت محمد بيقولي إنه بيحبني.. طبعاً رفضت وجيت أمشي مسك إيدي قمت ضربته بالقلم وسيبته ومشيت. وبعد كدا أما جينا نروح أنا ورغد قالتلي إن أمها قالتلها تروح لخالتها. -ثانية بس يا دموع يعني دلوقتي رغد هي اللي قالتلك تقعدي لحد ما المدرس ييجي...

وفي نفس الوقت هي اللي سابتك ومشيت. -أيوه. -بصي.. يا بنتي بنسبة كبيرة صاحبتك مشتركة مع محمد. -بصدمة.. إيه.. لأ طبعاً. -بصي يا بنتي أنا مقولتش متأكد.. أنا عندي شك يعني ممكن يكون صح أو غلط. -طيب وهنعمل إيه عشان نعرف الحقيقة؟ -هقولك. -ماشي وأنا موافقة. في بيت دموع -يلا يا بنتي تصبحي على خير. -وأنت من أهل الخير يا دكتور. إن شاء الله هكون عند حضرتك من بدري. -إن شاء الله. بعد منتصف الليل -كح كح.. إيه الريحة دي.

-يا ربي ريحة بنزين.. كح كح البيت بيولع. -بصدمة وصريخ... حد يلحقني بموت. ثم أغمي عليها.