رواية مجنونة بالإجبار الفصل الثاني 2 - بقلم اروى عادل

في الديسكو، الأصدقاء مجتمعون على المائدة. لؤي: هاي يا نرمين، أنت بتعملي إيه في البحر الأحمر؟ نرمين: رحلة مع صحابي في الجامعة. إيه ده، خالد كمان معاك؟ أنا كده حظي حلو. خالد: مش تعرفينا؟ نرمين: دول صحابي أنت عارفهم. خالد: بس في وجه جديد معاك أهو. نرمين: آه دول ملك وماليكه أخوات. لؤي: آه هما ليهم شبه من بعض. ملك: احنا توأم. لؤي: بجد؟ أنتم أحلى توأم شفتهم في حياتي. ملك: ميرسي. خالد: هي أختك مش بتتكلم ولا إيه؟

ماليكه: معلش أنا مش متعودة أتكلم مع حد معرفهوش. خالد: طيب ما احنا ممكن نتعرف، أنا خالد. ماليكه: يلا نمشي يا ملك، كفاية كده. خالد: لسه بدري، أنا عازمكم كلكم على رحلة باليخت بتاعي، إيه رأيكم؟ نرمين: طبعًا موافقين. لؤي: أنت معانا يا ملك صح؟ ملك: أوكي موافقة. ماليكه: أنت اتجننتي يا ملك، اتفضلي قدامي هنمشي دلوقتي.

خالد: عصبية أوي صاحبتك دي يا نرمين، أنا بيعجبني النوع ده أوي. على فكرة يا ماليكه، أنت معايا على اليخت النهاردة. (هنا مسك خالد يد ماليكه) ماليكه: سيب إيدي يا حيوان. (وهنا رمت ماليكه كأس العصير في وش خالد) خالد: نهارك مهبب، أنت إيه اللي عملتي ده؟ نرمين: أنت اتجننتي يا ماليكه؟ ملك: أنت ما كانش ينفع تمسك من أيدها كده على فكرة. نرمين: عادي يعني. بعدين هو مسك إيد مين البرنسيسة ماليكه؟

ماليكه: أنا مش هرد عليكي. لأن واحدة زيك متعرفش عيب والاحترام بالنسبة لك عادي عشان متعودة على كده، إنما أنا لأ. فاهمة يا بتاعت العادي؟ نرمين: أنت قليلة الأدب. ماليكه: أكيد عشان مصاحبة واحدة زيك لازم أكون قليلة الأدب. ملك: خلاص يا جماعة، يلا بينا يا ماليكه. خالد: تروح فين؟ أنا مش هسيبها. ماليكه: اجري يلا العب بعيد. (الكل ضحك على رد ماليكه لخالد، بعد كده غادروا التوأمان)