رواية مجنونة قلبي الفصل الأول 1 - بقلم دودو

دبلتي عندكم. بتقولي إيه؟ دبلتي وقعت عندكم. انتي دبلتك وقعت منك، يا حبيبتي يا بنتي. مشوفتهاش يا خالتو. لأ، ونبي يا بنتي، انتي مخطوبة؟ لأ يا خالتو، مش مخطوبة. متجوزة يا بنتي؟ برضه لأ. امال بتدوري على دبله إيه؟ الدبله اللي كسبتها في كيس الكرتيه. لاحول ولا قوة إلا بالله العلي العظيم، ربنا يكملك بعقلك. مشوفتهاش يا خالتو. عبشك انتي والدبله، مجنونة صح؟ لأ يا خالتو، أنا عاقلة جدا.

طب روحي يا حبيبتي البيت، زمان ماما قلقانة عليكي. يللهوي، أنا نسيت، ماما كانت طالبة مني أجيب لها طلبات من السوبر ماركت. امشي يا بت، أنا عندي الضغط هيرتفع بسببك. باي يا خالتو، يا سكر انتي، هجيلك تاني. يا حول الله يارب، البنت مجنونة خالص. *** جريت على السوبر ماركت. لو سمحت، ممكن تديني الطلبات اللي في الورقة دي بسرعة. طب استني لما أمشي الراجل ده. لأ بسرعة، وحياة عيالك، ماما مستنياني في البيت. هاتي الورقة.

ادته الورقة، واداها الطلبات، الحساب 249. اتفضل، أهي، وهات مصاصة فراولة. خدي، أهي. شكراً يا عمو. *** رجعت البيت وماشية تاكل في المصاصة. الأم: امتى هتكبري يا آخرة صبري، واتاخرتي كده ليه؟ هكبر لما يطلعلي ضرس العقل، الدنيا كانت زحمة يا ماما. الأم: مش متوقعة إنك تعقلي أبداً. ليه بس يا زوزة؟ الأم: بت، اتعدلي، أي زوزة دي. بدلعك يا جميل، هو أنا مش زي بابا ولا إيه؟ الأم: بت، احترمي نفسك شوية. يالهوي، يا زوزة بتتكسفي.

الأم: استني، أنا هربيكي. مسكت أبو وردة وحدفته عليها. مش فيا، أنا جعانة يا زوزة، عايزة آكل، الله يخليلك عيالك اللي أنا منهم طبعاً. الأم: انتي مش أكلتي قبل ما تنزلي يا تغريد؟ تغريد: اديكي قولتي قبل ما أنزل، الطريق هضم الأكل. الأم: طيب يا آخرة صبري، تعالي ساعديني. تغريد: ياه يا ماما، كويس إنك فكرتيني، عندي مذاكرة مهمة، هروح أذاكر لحد ما تجهزي الأكل. الأم: عندك مذاكرة؟ استني. لسه هتمسك أبو وردة.

جريت دخلت أوضتها وقفلت الباب. خليك جوه الأوضة النهار كله.