رواية مجنونة قلبي الفصل الثامن عشر 18 - بقلم دودو

أنا اتكلمت مع جدي وهو موافق على اللي قولته له وقالي خد رأي عمك الأول، فأنا جيت عشان أفتحك في الموضوع. محمد: خير يابني، موضوع إيه؟ عماد: بصراحة يا عمي، كنت عايز أقولك إني حابب الفرح يكون آخر الشهر. محمد: إيه آخر الشهر؟ بس ده قريب قوي، وإحنا اتفقناش على كده، إحنا اتفقنا يكون بعد سنة أو اتنين عشان تبقى دخلت الكلية.

عماد: يا عمي، أنا عارف إننا اتفقنا على كده، بس بعيدة قوي، وأنا هخليها تكمل تعليمها وتبقى أحسن دكتورة كمان، بس عشان علاقتنا تبقى حلال قدام ربنا. محمد: والله يا ابني مش عارف هقولك إيه، أنا عارفة إنك هتقف جنبها وإنك بتحبها. عماد: متقولش حاجة يا عمي دلوقتي، أنا هسيبك تفكر لبكرة وتاخد رأي تغريد، وبكرة ابقى أعدي عليك أشوف رأيك. محمد: إن شاء الله خير يابني. ***

في صباح يوم جديد، صحي عماد وراح عند بيت عمو عشان يعرف قراره إيه. عماد: صباح الخير يا عمي. محمد: صباح النور يابني، هههه، مستعجل قوي عشان تعرف قراري. عماد: بصراحة يا عمي، أنا معرفتش أنام الليل. محمد: بس يا بني، أنا فكرت في الموضوع وأنا بصراحة مش موافق بنتي تبعد عني بالسرعة دي. عماد: بس يا عمي... محمد: من غير بس، أنت قولتلي أفكر في الموضوع وأنا فكرت، واديك عرفت قراري. عماد: اللي تشوفه يا عمي. تغريد: 😂😂😂حرام عليك يابابا.

محمد: بت أنا قولتلك تعالي ولا اتكلمي، شوفوا زعل إزاي. عماد: قصدك إيه؟ محمد: قصدي إني موافق، وإنهاردة هنزل الصعيد كمان. عماد: بتتكلم جد؟ محمد: شكلي هغير رأيي. عماد: لا، وعلي إيه. محمد: طب يالا جهز نفسك عشان ننزل كلنا الصعيد. عماد: أنا جاهز، أنا كنت هنزل النهارده. محمد: وإحنا كمان جاهزين وكنا مستنيينك تيجي. عماد: انتوا متفقين بقا. محمد: أيوه، بس مقلناش لحد إننا هنرجع انهارده، خليها مفاجأة. عماد: طب جاهزين إننا نمشي.

محمد: أه، يالا تغريد روحي هاتي شنطتك واندهي مالك. تغريد: حاضر يا بابا. *** بعد عدت ساعات، كانوا وصلوا الصعيد وكلهم مبسوطين إنهم رجعوا. وفرحوا أكتر لما عرفوا إن الفرح بعد شهر. وماجدة بتحاول تبين نفسها إنها مبسوطة، بس الحق، باين في عيونها وكلهم عارفين نيتها إيه. ماجدة: ريم تعالي عايزيكي. ريم: خير يا ماما، في إيه؟ ماجدة: دلوقتي مفيش أمل إنك تتجوزي لا عماد ولا علاء. ريم: بس انتي عارفة إني بحب عماد.

ماجدة: ما انتي لو شاطرة كنتي وقعتيه في حبك، إلا لا، طول عمرك غبية. ريم: وأنا أعمل إيه يعني؟ انتي كنتي بتقولي أعمل ده، كنت بعمله، أنا مالي دلوقتي. ماجدة: وأنا اللي قولتلك خلي علاء يفركش الخطوبة، ولا غبائك. ريم: انتي عارفة إني كنت مجبورة. ماجدة: خلاص اللي حصل بقا، قدامك فرصة واحدة. ريم: إيه هي؟ ماجدة: مالك ابن عمك محمد، هو لسه ميعرفش عنك حاجة، ودي نقطة لصالحنا. ريم: بس يا ماما أنا مش عايزة أعمل كده.

ماجدة: زي ما بقولك اعملي، يا أما انتي لا بنتي ولا أعرفك. ريم: حاضر يا ماما، زي ما انتي عايزة. ماجدة: تعالي نقعد معاهم بره قبل محد ياخد باله، وزي ما قولتلك. ريم: حاضر يا ماما. *** كلهم مجتمعين وبيخططوا للفرح وهيعملوا إيه ومبسوطين. الجد: ربنا يتمم فرحتكم على خير يا ولادي، وعقبالك يا مالك إنت وريم. مالك: ربنا يخليك يا جدي. ريم: ميرسي يا جدي. *** يجي الليل ومالك كان قاعد في الجنينة لوحده.

ريم: فرصتك دلوقتي، ممكن أقعد معاك شوية؟ مالك: اتفضلي. ريم: بتفكر في إيه؟ مالك: بفكر في الحب وإد إيه هو جميل لما يبقى مع شريك يفهمك. شوفتي علاقة عماد وتغريد وفرحة وعلاء وإد إيه هما مبسوطين ببعض. ريم: عمرك حبيت قبل كده؟ مالك: محبتش لأني مفكرتش قبل كده، كله تفكيري كان في دراستي وإني أدخل الكلية اللي بتمناها. ريم: واديك حققت حلمك، ليه مش بتفكر؟ مالك: لأني ملقتش لسه الإنسانة اللي تشاركني حياتي.

ريم: وإيه هي مواصفات شريكتك؟ مالك: مفكرتش قبل كده، لأني مش بالشكل. أهم حاجة الثقة والحب بينا، إنها تفهمني، أهتم بيها وتهتم بيا، حاجات كتير. ريم: ربنا يسعدك وتلاقيها عن قريب. مالك: وانتي احكيلي بقا. ريم: أحكيلك إيه؟ مالك: بتتمني إيه؟ ريم: بتمنى إيه؟

تصدق عمري ما حد قالي بتتمنى إيه، عمري معملت حاجة أنا بتمناها، واخدة حريتي وبراحتي، بشوف أصحابي وكده، بس كل حاجة ماما بتقررها. أنا كنت حابة أطلع رسامة ويبقى ليا معرض رسومات، بس ماما قالت لازم تجيبي كلية هندسة. مالك: أحيانا مش كل حاجة بتحصل زي ما إحنا عايزين، بس يمكن ده الأحسن.

ريم: أنا مش وحشة، بس عمري ملقيت ماما بتقولي تعالي نصلي، أو مضايقة تيجي تسألني مالك وتهون عليا. كله هما منظرها قدام أصحابها والناس. عمرها مقالتلي لبسك ده يكون محترم، متلبسيش ضيق. أنا مش وحشة.

مالك: انتي طيبة وقلبك أبيض، بس عايزة حد ياخد بايدك لطريق الصحيح. لازم تبدأي من عندك، متخليش مامتك تأثر عليكي. حابة تتغيري، غيري إنتي من نفسك، ابدأي صلي واتقربي من ربنا، وبعدها هتلاقي نفسك اتعودتي تعملي الصح وهتبعدي عن كل حاجة تغضب ربنا. ريم: طب هتقف معايا وتساعدني؟ مالك: أكيد طبعاً. ريم: طب ممكن بكرة تروح معايا عشان أشتري لبس واسع؟ أنا من زمان حابة أختمر، كنت بشوف الناس اللي لابسة الخمار أد إيه شكلهم جميل بيه.

مالك: حاضر، هروح معاكي وربنا يثبتك. ريم: شكراً بجد، هروح أنام دلوقتي، تصبح على خير. مالك: وانتي من أهله. *** عدت الأيام وباقي أسبوع واحد على الفرح. ريم اتغيرت أوي وبقت تلبس واسع واتقربت من بنات أعمامها وبقت أغلب الوقت معاهم، ومبقتش تفكر في عماد واكتشفت إنها مكنتش بتحبه. وابتدت تتعلق بمالك وبتحب تحكيله وتسمع نصايحه ليها. تغريد: بنات عندي ليكم مفاجأة. ريم: قولي بسرعة، فيه إيه؟ تغريد: ...