رواية مجنونة قلبي الفصل الثاني عشر 12 - بقلم دودو

شوفي يا تغريد البلوزة دي حلوة أوي. تغريد: إيه ده؟ هو انتي طفلة زيي؟ فرحة: عشان القطة اللي عليها بس، حلوة صح؟ تغريد: اه جميلة، خديها. فرحة: ماشي، وانتي ما اخترتيش حاجة؟ تغريد: شوفي البنطلون البوي فريند ده، وهجيب عليه بلوزة زي دي. إيه رأيك؟ فرحة: هيبقى جميل عليكي. تغريد: اشطة، تعالي نحاسب. ولا هتشتري حاجة تاني؟ أنا تقريباً كده تمام، واشترينا لـ حبيبة اللي هي عايزة. فرحة: لا أنا كده تمام، بس عايزة أشتري كزازة برفان.

تغريد: لمين؟ انتي مش بتحطي برفان. فرحة: هو يعني عايزها هدية. تغريد: أيوه فهمت أنا كده، لـ علاء صح؟ فرحة: عرفتي إزاي؟ تغريد: ده أنا تغريد يا حبيبتي. المهم، بمناسبة إيه؟ فرحة: من غير مناسبة عادي، بس... تغريد: هتقوليله إيه؟ فرحة: تصدقي مفكرتش في كده. تغريد: تجيبيلي غزل بنات على حسابك، وأنا أقولك تقولي إيه. فرحة: على طول مادية كده. تغريد: خلاص يا ستي، مالكيش في الطيب نصيب. فرحة: بهزر يا رمضان، مهزرش إلا.

تغريد: أيون أكده. فرحة: طب قولي يا آخرة صبري. تغريد: هتقولي ليه؟ كنت في المول وافتكرت إن كزازة البرفان بتاعتك خلصت، فجبتلك دي. فرحة: وافرض كانت لسه ما خلصتش؟ تغريد: ما هي أنا بصراحة كنت داخلة أنده له عشان جدي كان عايز، ومسكت كزازة البرفان، وقعت اتكسرت مني. فرحة: قول لي كده. طب مفيش غزل بنات بقا؟ تغريد: كله إلا كده، انتي قولتي هجيبلك. وبعدين دي وقعت غصب عني.

فرحة: خلاص، أمري لله. يلا عشان عماد زمانه على وصول، أنا رنيت عليه من بدري. تعالي أشتري لك. تغريد: يلا. *** وصلوا البيت. تغريد: يا أهل الدار، أنا جيت. تعالوا شوفوا جبتلكم معايا إيه. عماد: وطي صوتك شوية. تغريد: إيه في إيه يا كابتن؟ سيبني أوريهم، وبعدين أحكيلهم إيه اللي حصل. عماد: إيه اللي حصل بقا؟ عندي فضول أعرف أنا كمان. فرحة: هههه، محصلش حاجة، دي تغريد بتحب تهزر، مش كده ولا إيه؟ تغريد: اه، لا.

عماد: اه أو لا، في إيه بالظبط؟ أنا عايز أعرف. فرحة: هو يعني يا أبيه... وحكت له اللي حصل، بس ده كل اللي حصل. علاء: مين هو؟ وإزاي اتجرأ إنه يرفع عينه عليكم؟ تغريد: متخافش يا أبيه، إحنا عملنا الواجب وزيادة. عماد: مفيش خروج تاني غير لما أنا أو علاء نكون معاكم، مفهوم. فرحة: مفهوم يا أبيه. عماد: ودلوقتي يالا على أوضكم. الجد: تعالوا يا ولاد، عايزكم في أوضة القعدة. محمد: خير يا بوي.

الجد: أنا جمعتكم النهارده عشان عايز أقولكم على حاجة. محمد: قول يا بوي. الجد: كنت عايز أتكلم في جواز عماد وعلاء. طارق: طب وفين العرايس يا بوي؟ الجد: موجودين، تغريد لعماد وفرحة لعلاء. محمد: بس يابوي، البنات لسه صغيرين ومكملوش تعليمهم. الجد: وأنا مقلتش هيتزوجوا دلوقتي، وبعدين دول أولاد عمهم، وهيخافوا عليهم زي حبّة عينيهم. محمد: مقلتش حاجة يا بوي، ومش هألاقي زي عماد لبنتي. الجد: أمّال إيه عاد؟

محمد: اللي تشوفه يا بوي، بس ناخد رأي البنات. الجد: مش عندهم أكيد اعتراض. وهناخد موافقتهم، وانت يا عماد وانت وعلاء عندكم اعتراض على كلامي؟ عماد: لا يا جدي، ملناش كلام ده كلامك. علاء: زي ما قال عماد، ومش هنلاقي زي بنات عمنا. الجد: يبقى على بركة الله، نشوف رأي البنات ونعمل شبكة للاتنين مع بعض. محمد: اللي تشوفه يا بوي. الجد: تصبحوا على خير. وانت من أهل الخير.