رواية محبوبة الفارس الفصل الثامن 8 - بقلم امنية عوض

منى ايه بتقول إيه؟ فارس أبدا مفيش. بقولك تسلم إيدك على القهوة. وأكمل بخبث إيه سمعتي حاجة تانية ولا إيه؟ منى ها... لا ابدا مفيش. شكلي سرحت شوية بس. فارس باشا بذات نفسه بيقولي تسلم إيدك. هههه. فارس بلاش باشا بقااا. إحنا مش في الشغل. مش حابة تحكي عن نفسك وتتكلمي؟ منى بحزن هقول إيه. هقول إن حياتي اتغيرت في يوم وليلة. من واحدة بتضحك وبتحب الحياة لواحدة حزينة وحيدة ملهاش حد. وأكملت بدموع

لواحدة يتيمة ملهاش سند ولا ضهر والكل بيستقوى عليها. فارس اهدى خلاص. آسف إني فكرتك. آسف. ممكن متبكيش؟ منى ببكاء أنا منستش عشان أفتكر. أنا حزني ودموعي معايا على طول. بنام وأصحى فيها. حتى اللي كانت بتخبط على باب شقتي وتسأل عليا راحت في غيبوبة. على الأقل لو كنت مت لوحدي كانت هتعرف. إنما دلوقتي مليش حد خالص. من طفلة عايزة اللي ياخد باله منها وتلاقي الأمان والحنان في بيتها لواحدة عايشة بين أربع حيطان لوحدها.

فارس بحنان وتأثر أمال إحنا فين لما إنتي لوحدك. اعتبرينا عيلتك. ماما حبتك قوي. وأنا موجود دايما. اعتبريني صديقك أو أخوك. إنت زي أختي الصغيرة بالظبط. منى أنا حبيت ماما نرمين أوي. ربنا يخليها ليك. بس أنا مش عايزة شفقة من حد. أنا عارفة إن حضرتك بتتعامل معايا كده عشان صعبت عليا. بس أنا كفاية عليا أكمل شغل في شركة حضرتك وأسأل على ماما نرمين كل فترة والتانية. فارس شفقة! مين قالك إن دا كله شفقة؟

لو شفقة زي ما بتقولي كنت وفرت ليكي شقة قريبة من هنا. أو شغل زيادة. أما أدخلك جوا قصري وتقولي لوالدتي يا ماما وسايبك. والآخر شفقة! أنا اعتبرتك زي أختي الصغيرة. ماما اعتبرتك بنتها. وأنا بساعدك عشان حابب دا. أوعى تفكري كده أبدا. فاهمة؟ منى فاهمة. فارس صحيح. إنتي عاملة إيه في دراستك مع الشغل؟ منى الدراسة مش أوي يعني. بس لسه بدري على الامتحانات يعني. فارس لا كده مينفعش. واعتبري نفسك في إجازة من الشغل لحد ما تخلصي. منى

بس يا فارس باشا... فارس مش قولت فارس بس. وكمان أنا حالياً زي أخوكي الكبير. يعني تسمعي كلامي. ههه. منى بسرحان أنا حبيتكوا أوي. حسيت معاكوا بالحنان اللي مفتقداه. رغم إن يوم واحد بس. كنت محتاجة الجو دا أوي. فارس هتحسيه معانا على طول. وإحنا مش هنسيكي. يلا بقاااا. اطلعي نامي عشان أوصلك الصبح للجامعة. منى بابتسامة وهي بتقوم تمام. تصبحي على خير يا فارس. فارس ابتسامتك حلوة. خليكي طول الوقت مبتسمة. وانتِ من أهل الخير.

تخجل منه من كلامه وتهز رأسها وبتجري من قدامه. فارس يا جمال اسم فارس منها. طفلة صغيرة وقعتك ولا إيه يا فارس. كان لازم يعني تقلها اعتبريني أخوكي الكبير يعني. بتطلع منى الأوضة وهي مبسوطة وحاسة إن الدنيا بتضحك لها تاني من جديد وبتنام على السرير بارتياح. فارس فضل كتير بيبص على النجوم وسرحان فيها لحد ما سمع أذان الفجر. قام صلى. وقبل ما ينام راح لوالدته. تعالى فارس. فارس زعلانة مني يا ست الكل؟ نرمين

مقدرش أزعل منك يا فارس. بس إنت عارف إن البت ملهاش ضهر. وأنا اعتبرتها بنتي. وإنك تحضنها كده حتى لو صعبت عليك حرام. فارس عارف يا ست الكل. وإنتي عارفة ابني استحالة يحب الحرام. أنا فعلاً مش حسيت بنفسي أول ما شوفتها منهارة كده. وأوعدك مش هتتكرر تاني. نرمين الله يرضى عنك يا ابني. يلا روح نام. فارس وهو بيبوس رأسها تصبحى على خير يا حبيبتي. نرمين بحب وإنتِ من أهل الخير يا ابني.

يوم جديد على أبطالنا. منها المبسوط. ومنها اللي بدأ عنده ظهور أمل للحياة. ومنها الحقد والطمع سيطروا عليه. فارس صباح الخير يا ماما. نرمين صباح النور يا حبيبي. رايح الشغل؟ فارس هوصل منى الأول للجامعة وبعد كده أروح الشركة. هي لسه منزلتش؟ نرمين لا لسه. يا سمااااااااااح. سماح نعم يا هانم؟ نرمين صحي منى من فوق. سماح حاضر يا هانم. بتطلع سماح تصحى منى. بس منى بتكون نازلة على السلم وتقابلها. منى لسماح صباح الخير. سماح

صباح النور يا هانم. دا نرمين هانم كانت مفكراكي لسه نايمة وقالتلي أصحيكي. منى لا أنا صاحية من بدري. بس إيه هانم دي؟ اسمي منى. وبتنزل منى على السلم بسعادة. منى صباح الخير. فارس ونرمين صباح النور. نرمين نمتي كويس يا حبيبتي؟ منى بسعادة آه يا ماما. نمت كويس أوي. فارس يلا عشان أوصلك للجامعة. نرمين مش هتفطروا؟ طب فارس ومبيفطرش. وإنتي يا منى؟ منى

لا أنا بفطر. وجعانة جداً. ههه. بس كده هعطل فارس. وبالذات أن كنت عايزة أروح شقتي الأول أغير هدومي. لابسة دول من امبارح وأجيب كتبي. ممكن تروح أنت يا فارس الشركة وأنا هاخد تاكسي. فارس لا عادي مش متأخر. وكمان مش هسيبك تروحي الشقة تاني لوحدك. إنتي ناسيه اللي حصل. نرمين بتبص عليهم بسعادة. شايفة منى بتحاول تطلع من حزنها وبتتكلم مع فارس عادي. وفارس مش عارف يخبي اهتمامه بيها. فارس طب يلا افطري وبعد كده نمشي.

منى بخجل وهي شايفة سماح جايبة قهوة. فارس مينفعش قهوة من غير فطار. افطر معايا. فارس أنا متعود على كده. نرمين بلاش تحرجها يا فارس. وافطر أي حاجة معانا. فارس وهو بيبص لمنى لا أنا مقدرش أحرجها. هفطر معاكوا حاضر. بتخجل منه وتنظر للأسفل. وبيبتسم فارس على حركتها تلك. فارس هنمشي بقاااا يا ست الكل. عايزة حاجة؟ نرمين سلامتكوا يا حبايبى. بيطلع فارس ومنى عشان يمشوا. منى بذهول من شكل القصر من بره وكمية الحراسة. منى إيه دا؟

فارس بابتسامة دا تأمين للقصر. وأكمل بغرور مش أي قصر بردوا. منى مغرور أوي. ههه. فارس مش فارس الملك حقي طبعاً. صحيح. عايزك تحكيلي كل حاجة عن جارك دا ومراته. وإزاي أهلك ماتوا. أو بمعنى أصح ليه شاكة إن حاجة حصلت لأهلك؟ منى بخوف لا لا. أنا مش عايزة أعرف حاجة. طنط سماح وحصل فيها كده. وأهلي وماتوا يبقااا هيعملوا فيا إيه. وأكملت باستغراب بس عرفت منين إن شاكة إن فيه حاجة؟ فارس بإطمئنان

مش عايزك تخافي طول ما أنا معاكي. وإنما عرفت إزاي؟ فأنا فارس شاهين الملك. مفيش حاجة تخفى عليا. منى ههههه. ماشي يا ملك. فارس ههه. يلا وصلنا. بيطلع فارس ومنى العمارة. بتجيب منى كل اللي هي عايزاه وتغير هدومها وتطلع. وبيوصلها فارس الجامعة. فارس خلي بالك من نفسك. وأي حاجة ترني عليا عادي من غير إحراج. صحيح. معاكي رقمي؟ منى لا. فارس طب هاتى تليفونك. بيسجل فارس رقمه. وبتدخل منى الجامعة. وفارس ينطلق لشركته. بعد مرور أسبوعين.

منى اتعودت على فارس ومامته جداً. وحاسة إنها عايشة مع أهلها. قاعدة في أوضة جنب أوضة فارس في الجناح بتاعه. فارس بيوصلها الصبح وبيجيبها. وبيعد معاها في الجنينة بعد ما يجي من الشركة. وتكون هي خلصت مذاكرة. نرمين مبسوطة بعلاقة فارس ومنى. وبتعامل منى زي بنتها بالظبط. وفى يوم نرمين ومنى قاعدين قدام التليفزيون. و بيهزروا وبيضحكوا. سمعوا صوت فارس وهو بينادي بصوت عالي. منىييييييييييييييييييييييييى ...