رواية محبوبتي صعيدية الفصل الخامس 5 - بقلم هدير عبد العليم

بجولك چواز إجباري يا مروان، أفهم حديتي بجى، ولا أنت مش لازم تفهم الحديت مش فارقه في حاجة أنا ماشية. بقولك مش هتمشي ومش هتتجوزي ابن عمك وهتكملي علام يا شمس. هههههه والله مش عارفه أضحك ولا أبكي، اطمن ولا أخاف..... شمس أنا معاكِ متخافيش. يا مروان اسكت أنت متعرفوش عاداتنا في الصعيد عامله إزاي، دا أنا لو جولت لا ومش هتچوز زهران ابن عمي كلنا نموت أنا وأمي وأخواتي يا بيه. شمس هي إيه الحكاية وفين باقي أهلك.

أسكت يا بيه الله يسترك كفاية وجع قلب. مش هسكت وهعرف كل حاجة علشان انتِ تعنيني يا شمس. هجولك الحكاية بدأت كيف..... يلا بسرعة متخافيش مش هقول ل داداه حاجة.

من سنتين ونص بدأت حكايتنا أنا وأخواتي وأبويا وأولاد العم والعم، بدأت لما عمي الصغير كان عايز يچوز جميلة أو هاجر لابنه الكبير وأبويا رافض وجال إنهم هيكملوا علام، عمي زعل جوووي وجال لأبويا يعني أنت شايف إن عيالك كتير على ابن عمهم، أبويا كان عايز يخلينا نكملوا علام ونخلص الأول وبعد كده الجواز، وبعد سنة أبويا مات. الله يرحمه يا شمس ادعيه.

يارب، وبعد سبوعين من موت أبويا عمي الكبير طلب أمي للجواز، أمي طبعاً جالت لا وجالت مش هتجوز حد بعد عتمان وهخلي البنات يكملوا علام دي وصية أبويا ليها قبل ما يموت، طبعاً عمي أكل حقنا ومحدش فينا شافه تاني بعد عننا جوووي، أما عمي الصغير رجع يتحدت معانا تاني وكأن كويس جوووي، أمي كانت تجول إنه اتغير بعد موت أخوه وعايز يحتوي أولاده بعد موته، بس هي مكنتش تعرف إنه لسه عايز يچوز حد منا لعياله، وجه عمي من سبوع قال إني مش هكملوا علام وهتجوز زهران ابنه وإني مش هينفع أجي مصر تاني.

بس أنتِ جيتي ازاي هنا تاني. أه نسيت أجولك إن عمي الكبير طلع أمي من البيت واتهمها إنها سرقته وربنا اللي يعلم إننا منحبوش الحرام أبداً، فا إحنا قاعدين عند جدتي من بعد ما أبويا مات بشهر. ياربي كله ده يحصل وأنا معرفش حق عليا إني مسألتش من الأول وحاولت أعرف قصتك. وأنت كنت هتعرف من وين بس يا مروان. شمس أنا معاكِ وإن شاء الله في خطة في دماغي هتنفع. إن أخواتي يقعدوا معانا هنا ونسيب الصعيد؟ اممممم فكرة برضو.

الهانم مرضتش يا مروان. بجد، هشتري بيت لينا. لينا، والله مش فاهمه الحديت أنا همشي يا مروان كفاية حسن الهانم تشوفنا مع بعض و.... بس وعد إنك هتكملي تعليم وهتكوني دكتورة قد الدنيا. ربنا معانا يا مروان، عاوز حاجة. لا الله يخليك يا شمس. ومشيت بس أول مرة أحس إن ليا ظهر بعد ربنا وحد هيقف جنبي. *** تاني يوم الهانم: بت يا شمس تعالي هنا يا حراميه سرقتي الفلوس والخاتم الفضة من الشنطة يا حراميه.

أنا: بتجولي إيه يا هانم، أنا معملتش كده. الهانم: هتعملي برأيه بس يا حراميه أنتِ. أنا: يا أمي تعالي شوفي الهانم بتجولي إيه. الهانم: دا أنا هنادي على كله ييجي يشوف بنت الخدامة بتعمل إيه وسرقت الخاتم و.... أنا: اسكتي يا ست أنتِ أنا مسمحش لحد يجول عليا كده. أمي: عيب يا هانم شمس متعملش كده إحنا خيرنا كله من عندكم و.... الهانم: طيب تعالي نشوف هي كانت في المطبخ لما ناديت عليها.

(رحنا على المطبخ كلنا ولقينا الفلوس والخاتم في شنطة الخضار) الهانم: مين اللي اشترى الخضار النهاردة. أمي: أنا يا هانم. أنا: لا مش أنتِ يا أمي أنا اللي اشتريت الخضار بس اديته لعمي أحمد البواب يدخله عقبال ما أجيب باقي الحاجات. الهانم: هو حد فيكم اللي سرق الخاتم والفلوس و....... أمي: كله إلا كرامتنا يا هانم. الهانم: يسرقوا ويقولوا كرامة.

أنا صرخت وجولت آه كرامة ولا الفقراء مش بيحسوا وعندهم كرامة حسبي الله ونعم الوكيل فيكِ يا ست أنتِ إحنا مش هنكملوا هنا يلا نلم حاجاتنا يا أمي ونمشوا من هنا.