رواية مهرة القاسم الفصل الأول 1 - بقلم زهرة الربيع

مهره أنا خنتك النهارده..ودلوقتي راجع من عندها..كنت بقضي ليلة تهبل في حضنها..حبيت أقولك بس عشان متبقيش قاعدة مغفلة. بصتله بغضب وغل ومردتش عليه أبدًا وبقت تكمل شغلها بلامبالاة. قرب منها بغضب شديد وقال: "مردتيش يعني..مش حابة تعرفي حتى هي مين؟ بصتله بغضب وغل وقالت ببرود مصطنع: "لا مش حابة... انت حر..إحنا مفيش حاجة بتربطنا عشان أهتم." بصلها بغضب وخلع دبله من إيده ورماها في وشها بغضب وقال: "ولا دي مثلا؟

مهره بصت للدبله اللي على الأرض بسخرية وداس عليها برجليها وقالت: "دي مكانها هنا فعلاً..تحت الجزمه..عشان متسواش حاجة لا هي ولا صاحبها." لسه هتمشي جذبها من شعرها بقوة وقال: "لمي لسانك ده لَأقطعُه... وأندمك إنك حركتيه..ومتنسيش نفسك..انتي حتة فلاحة اتجوزتها تخليص حق... ودفعها بغضب وقعت على الأرض. مهره بصتله بدموع ووقفت وبقت تاخد هدوم من الدولاب وراحت الحمام من غير ما تنطق.

كان هيتجنن من الغضب. جذب شعره لورا وهو بيبص لطيفها بغضب شديد وأخد تليفونه واتصل على واحدة وقال: "أيوه يا مي... انتي كمان وحشتيني..عايز أشوفك ضروري." سمعها شوية وقال: "لا لا مش هجيلك..أنا اللي هتيجي." سمعها شوية وقال: "أيوه على بيتي متخافيش محدش له دعوة بينا." بعد شوية خرجت وهي لابسة دريس جميل وبقت تلف طرحتها قدام المراية. بصلها من فوق لتحت بإعجاب وهي بتلم شعرها الطويل الغجري وبشرتها صافية وعودها يجنن. قال:

"احم..متلفيش الطرحة..عايزك." مهره غمضت عينيها بألم وسابت الطرحة واتقدمت عليه وفكت رباط الدريس ووقفت بجمود. قرب منها وحط إيده على رقبتها وجذبها عليه بقوة وانقض على شفايفها بعنف. مهره كانت زي التمثال بين إيديه مش بتحرك حتى طرف عينها وكأنها جثة بين إيديه بس دموعها بتنزل. بقي يضمها بقوة بس بعد بضيق شديد كان برودها مجننه. قال بغضب: "غوري من خلقتي..مليش نفس."

مهره راحت ناحية المراية بيأس وحزن وبقت تربط حزام الفستان وتقفل السوستة بتاعت الدريس وبتلبس طرحتها. أما هو أخد موبايله ونزل بغضب. أول ما نزل مهره قعدت على الأرض وبقت تبكي جامد. تحت كان فيه شاب في الأربعين وقاعدة جنبه واحدة في الثلاثينات وبتديله قهوته. قال: "تسلميلي يا قمري تسلم إيديكي." ابتسمت وقالت: "كنت عايزالك في موضوع يا شاكر..أخوك مزودها امبارح قدامي كان هيخنقها..والبت بتصعب عليا حتى مش بترد." شاكر اتنهد وقال:

"هعمل إيه يا عليا..مش قادر عليه ولا عارف أتصرف معاه..أنا كمان بتصعب عليا..بس الحق مش عليه الحق على اللي رخصاله بالشكل ده." عليا لسه هترد بس شاكر ابتسم بسخرية وقال: "أهو الباشا شرف.. مساء الخير يا قاسم باشا إن شاء الله تكون أمورك تمام." قاسم اتنهد وابتسم بسخرية وقال: "امم شكلي فيه مني شكوى جديدة..مساء وجمال يا لولو." عليا ابتسمت بحزن وقالت: "مساء الخير.. هروح أجيبلك قهوة الخدم إجازة النهارده." قاسم قال:

"وتعمليها انتي ليه الحلوة..كمان شوية وهتنزل هي أولى تخدم جوزها." شاكر قال بغضب: "يا ابني حرام عليك..هي قاتلاك قتيل وبس... " سكت لما نزلت مهره وقالت بابتسامة مصطنعة: "مساء الخير يا جماعة." عليا ابتسمت وقالت: "مساء الهنا يا قمر تعالي يا حبيبتي." قاسم قال بغضب: "روحي اعمليلي قهوة..ولو طلعت مش مظبوطة هدلقها عليكي وإنتي عارفة." هزت راسها بالموافقة بيأس ولسه هتدخل المطبخ جات بنت في الـ 30 ودخلت وقالت: "مساء الخير."

الكل بصولها باستغراب وقاسم وقف وقال: "مساء الملبن..تعالي يا ميمي." مي قربت وهو حضنها قدام الكل وقال: "سوقي على القهوة يا مهره..وبص للبنت وغمز وقال..أنا هتعشى الأول." شاكر وعليا بصولوا بذهول ومهره اتحرجت جدا والدموع ملت عيونها وهو قال: "انتي خليكي هنا يا مهره علشان محتاج الأوضة ساعة كده على السريع." مهره نزلت دموعها وهي بتبصاله بذهول خصوصا لما قال: "ولا أقولك اطلعي وضبي السرير الأول...