تحميل رواية مختمرة في عالم الأزياء بقلم رحمة محمد pdf

- طيب وقررت حضرتك هتعمل إيه ولا سيبها كدا على الله حكايتك؟

- في إيه أنا من امتى حد بيتكلم معايا كدا؟ انت ليه محسسني إننا لسه متعرفين على بعض جديد؟ أعقل كدا وركز، والعرض هيتقدم هيتقدم، والبتاعة دي أنا هعرف إزاي أخليها تقف عند حدها.

مصطفى: يا أسر مش قصدي، بس البنت فعلًا موقفة التصاريح كلها ومش راضية إننا ناخدها، والظاهر كدا إن ليها كلمة هناك.

أسر: حلو موضوع "ليها كلمة" ده. تعال بقى معايا.

أسر عنده ٢٨ سنة، عاشق للنساء الجميلات، بيشتغل في مجال الموضة وعروض الأزياء.

مصطفى صاحبه عنده ٢٧ سنة، معاه في نفس المجال بس على النقيض تمامًا في موضوع البنات ده.

زينب: أنا نازلة الشغل يا أمي، محتاجة حاجة؟

فاطمة: لا يا قلب أمك، بس عايزاكي ترجعيلي بعريس مش ترجعي بشوية خمارات.

زينب: صلى على النبي في قلبك كدا يا بطوط، يعني هو أنا كنت مانعة؟ مهو انتي عارفة اللي فيها، أنا إيه ذنبي.

فاطمة: اتنازلي شوية عند موضوع ملتزم ده يا بنتي، ده انتي أغلب عيلتك مش بيركعها. هيبصلك الملتزم ده على إيه بس.

زينب: بصي يا أمي، في حاجة اسمها النصيب وأنا بؤمن بيه وجدًا، وبعدين يا ستي أنا عندي حسن ظن بربي وعارفة إنه هيكرمني وواثقة فيه، خليها على الله.

فاطمة: ونعم بالله، روحي يا بنتي ربنا يكملك بعقلك.

زينب: آمين يارب، بس اللي قوليلي يا بطوط، كان فيه طبق رز بلبن جوا، إيه نظامه؟ أوعي تقولي حد جه جنبه، لأ ده أنا أزعل وأجيب ناس تزعل.

فاطمة: رم؛ ت عليها الشب؛ شب؛ امشي يا بنت الهب؛ له.

زينب: السلام عليكم ورحمة الله وبركاته يا قوم، كف حالكم.

رانيا: كويسين يا ختي، بس اتلقي وعدك.

زينب: ليه يعني؟ عملت إيه؟

عادل: أنا هقولك يا أستاذة زينب، لما توقفي ورق لشركة بالحجم ده، جيالها توصية من فوق أوي، بتدفع ضرائب بأرقام مهولة، عشان شوية كلام فارغ.

زينب: أنا معطلتش حاجة، كل اللي قولته إنهم يغيروا في المحتوى اللي عايزين يطرحوه في السوق مش أكتر.

عادل: حاجة متخصكيش يا أستاذة، ونفذي وأمضي، وإلا هتتحولي للتحقيق من بكرة الصبح، انتي فاهمة.

زينب: ولحد بقى ما اتحول للتحقيق التصاريح مش هتتمضي تمام.

كدا: ماشي يا زينب بس انتي الي جبتيه لنفسك وأنا مش هحميكي ولا هدافع عنك.

وسابها ومشى.

رانيا: ليه كدا يا زينب؟ أنا فعلاً سمعت عن الشركة دي، ليها معارف كتير وأنتي ممكن تتاذى.

زينب: قل لن يصيبنا إلا ما كتب الله لنا يا ريري، خليكي عارفه ده كويس. وبعدين أنا مش معترضة على حاجة غير الهدوم اللي حابة تنزلها في السوق دي، هتخلي هدوم اللي بتلبسها البنات مستواها ينزل أكتر ما هو نازل.

رانيا: فاهمه، ربنا يعينك.

عادل باحترام: أسر باشا بنفسه هنا، أهلاً وسهلاً يا باشا، شرفت حضرتك المكان ومصر كلها.

أسر: مش واضح أبداً، يعني أنا أول ما أنزل مصر وأقرر أفيد بلدي، أي اللي يحصل كدا ومن موظفة جديدة كمان.

عادل بخوف: أهو حضرتك قولت بنفسك جديدة، وكمان أنا هعرف إزاي أظبطها وأخليها تيجي لحد عندك وتعتذر كمان.

أسر: لا متتعبش نفسك أنت، أنا بس عايز كل المعلومات عنها وأخرج أنت من هنا.

زينب: لا وعلى أي يا حضرة؟ أديهالك أنا، مش ضروري يعني تدور وتتعب نفسك.

أسر بص على مصدر الصوت، لقى قدامه بنت أه جميلة، لكن كل ده متداري في لبسها الواسع وخمارها الطويل.

أه، وأنا كدا بقى فهمت التصاريح بتاعتي واقفة ليه، مهو أكيد طالما العاهرات دي بتشتغل في أي مكان، عمرنا لا هنشوف تقدم ولا رقي، هنفضل كدا في الزمن الراجعيه. يلا يا مصطفى.

زينب: استنى، أنت قولت إننا في زمن الرجعية، وإن لبسي الواسع ده هو اللي مأخر التقدم؟ اومال المفروض نلبس أي فساتين قصيرة ولا بنطلونات مقطعة عشان نبقى على الموضة؟

أسر: العالم كله بقى كدا، وده اسمه ستايل، لبس يناسب العصر، وكل عصر وليه ذوقه وظروفه. بس اللي زيك بعقلية محدودة هما بس اللي بيفكروا كدا، أنتي واللي زيك السبب في وجود الإرهاب في وسطنا وفي المجتمعات كلها.

زينب: أنت متأكد إن اللي زينا مش اللي زيكوا؟

زينب: عمومًا أنا مش حابة أناقش حضرتك في أي حاجة، لأن واضح من هيئتك وكدا وبصتك ليا إنك شايف إنّي متخلفة. بس عمومًا يعني أحب أقولك إن ورقك كله خلاص بقى في خبر كان.

أسر: يعني إيه؟

زينب: ولا حاجة، بس لما كنت بشرب الكوفي ميكس بتاعي وقع عليه بالغلط. يعني حضرتك هتضطر تعيد الإجراءات من تاني. سوري بقى.

أسر: لا ولا يهمك، بس افتكري إنك انتي اللي ابتديتي، مش أنا.

وسابها ومشي.

زينب: يا ربي، الحمد لله. سوري بقى يا أستاذ عادل، مكنتش أقصد.

أسر: بقى أنا أسر الشناوي اتهزقت من بت بيئة زي دي؟ ليه يعني؟

مصطفى: اهدى شوية يا أسر، عادي. لما الورق يخلص، المرة دي هتكون هي مش موجودة أصلًا ومش هتعرف توقف فيها تاني.

أسر: أه، مهو انت لازم تقف معاها، ماهي من عينتكم.

مصطفى: أه فعلًا، هي كدا. عن إذنك.

أسر: أووف.

مصطفى: قصدك وراك إيه؟ أنا عينتي متنفعش تبقى في المجتمع الراقي.

أسر: كله بسببك يا بنت***. بس ماشي، انتي اللي جبتيه لنفسك.

فاطمة: بت يا زينب، عرفتي اللي حصل؟

زينب: لا يا بطوط، معرفتش. بس واضح إن حاجة مهمة أوي.

فاطمة: نهال بنت عمك جالها عريس، لأ وأي شكله تقيل أوي. مش عارفة يا أختي، بصلها على إيه.

زينب: يا ماما، دع الخلق للخالق. يا ماما، وإحنا مالنا؟ ربنا يكرمها إن شاء الله.

فاطمة: طيب يا أختي، قومي بقى شوفي هتلبسي إيه، ولا هتأجري فستان؟ خلي عدلك انتي كمان يجي بقى وريحي قلبي.

زينب: بطوط، أنا ونهال مش أصحاب، وانتي عارفة. أنا هروح بس عشان عمي، وهلبس أي دريس من عندي وخلاص.

فاطمة: أه، وتلبسي واسع في واسع، حتى في الأفراح مش كدا؟

زينب: ده على أساس إني هسيب الإسلام في الفرح وأبقى أرجع بعد الفرح؟ إيه يعني يا حجة؟ وحدي الله في قلبك كدا. وبعدين ده انتي هتنبهري بيا، هتنبهري.

اسر: أيوه يعني بعد القعدة دي إيه اللي هيحصل؟ يعني هنطلق ولا حاجة؟

مصطفى: آه، وهاخد النفقة وأجرّك في المحاكم يا حبيبي.

اسر: هههههه، ماشي يا ختي. تقدر تقول بقى إيه اللي زعلك؟ هو أنا يعني ليا غيرك يا ضنا أنت؟ ولا أنت في حد يعرفك غيري أصلاً.

مصطفى: لا يا اسر، بس أنا اتضايقت. وبعدين مالها عينتي؟ دي البنت قمر. ده كفاية خدوها.

اسر: إيه يا عسل؟ ما براحة شوية بدل ما أدّيك في وشكم.

مصطفى: ليه بتغيري يا بيضة؟

اسر: آه تقريباً.

مصطفى: لا الضحكة دي أنا مش برتاح لها. أنت ناوي تعمل إيه مع البت؟

اسر: كل خير، بس ناوي أتجوزها.

مصطفى: طيب كويس.

نهال: نعععععععععععم. مش تباركيلي يا زوزو على الخطوبة؟

زينب: مبارك يا نهال، وربنا يجعله لكِ زوج صالح بإذن الله ويتقي الله فيكِ.

نهال: إيه كل ده بجد يا زينب؟ انتي مش ناوي ترتقي أبداً؟ ده أنتِ خريجة تجارة إنجلش، بس مش واضح عليكي خالص أبداً.

زينب: ادعيلي أنتِ بس من قلبك وأنا هرتقي دلوقتي بإذن الله.

نهال: أووف، أنا نازلة يا مامي عشان معاد البيوتي سنتر.

فاطمة: برضه مصممة ومش هتروحي؟

زينب: هو أنا مش قلتلك إنك هتنبهري بيا؟ استنى بس.

دعاء: تعالي يا زينب ساعديني شوية. معلش يا بنتي، أحسن تعبت خالص ومش قادرة يا بنتي والله.

زينب: إيه بس يا دودو؟ الرسميات دي، بطلي أڤورة وسعي كده خليني آخد فرصتي.

دعاء: خدي يا ختي، وملكيش دعوة بالرز بلبن اللي في التلاجة اللي في الرف تالت ده.

زينب: عيب يا فتحي، والله ده إحنا أهل يا راجل. مش كده.

فاطمة: أيوه مين؟ مين حضرتك يا أستاذ؟

اسر: أنا اسر الشناوي، صديق أستاذة زينب.

دعاء وفاطمة: صديق مين؟

اسر: صديق مي.

أسر في سره :ده اي العيله دي شكلها كلها نفس العينه؛ احم اقصد زميلها

دعاء بذهول :يعني انت موظف حكومي طب ازاي

زينب :انتي يا حجة دودو فين الطبق يا وليه بتضحكي عليا

أسر بص لمصدر الصوت ولقي زينب بس بلبس المطبخ وبشعرها

زينب :يالهوي انتوا فاتحين وكاله محروس دي ليه وجريت على جوا

فاطمه بإحراج :معلش يا بني اتفضل حضرتك

أسر :لا عادي؛ بصراحة كدا ومن غير لف ودوران انا جاي اطلب ايد انسه زينب انا طبعا يشرفني حد في أخلاقها يشاركني حياتي

فاطمه :والله يا بني كلام يحترم طيب ليه مكلمتش ابوها في الأول يعني بس دي الأصول

أسر :انا اسف بس انا مكنتش عايش هنا فمعرفش ناس كتير اعذريني

دعاء :يا بني انت مش بتقول زميل زينب

أسر :مش بالظبط بس انا كنت بتعامل معها في آخر فتره واعجبت بيها

فاطمه :اه يا بني تمام انا كل اللي يهم بنتي أن شريك حياتها يكون ملتزم وما شاء الله من الدقن بتاعتك واضح انك كدا

أسر :ااااه طبعا الحمد لله يعني طيب انا همشي وهاخد معاد من ابو زينب واجي

فاطمة :طيب على الأقل اسمك اي يا بني

أسر :اسمي أسر؛ أسر الشناوي حضرتك انا ماشي

زينب :لا رايح فين يا شيخ الحاره مش لما تبقى تاخد رأي العروسه إلى انت رايح تتجوزها وبعد كدا تبقى تقرر

أسر لا مهو انا والعروسه بنحب بعض يا زوزو انتي مش فاهمه

-يا عم سيد كفايه كدا الله يخليك هتجبلي الكلام وخلاص انت عارف ان الحاجات دي متنفعش في القاعه نهائي

سيد:لا تنفع وانا هروقك روح انت بس وسبني اتعامل

-بس دي فيها حكومه وغيره وانا مش حمل إذ؛ يه

سيد :يوه مخلاص ياض وبعدين هو في أفراح من غير

مخ؛ د؛ رات ولا اي

-أمين يا عم سيد؛ بس في واحد أفندي كدا بيسأل عليك برا

سيد :مين ياض

أسر :انا يا عم سيد أسر الشناوي

زينب: والله زي ما بقولك يا رانيا. ده جه وطلب إيدي من أهلي وأنا مش فاهمة أي حاجة. لا وكمان بيتكلم بطريقة آخر احترام وشياكة وتواضع. وأنا كنت هتن؛ قط بعيد.

رانيا: هههههه تستاهلي. بس مش يمكن أعجب بيكي بجد؟

زينب: أعجب بمين يا حاجة؟ مستحيل. إنتي مشوفتيش كان بيبصلي إزاي؟ ولا كأني من طبقة الشحاتين. مع اعتذاري ليهم طبعاً.

رانيا: والله عندك حق. هي حاجة تحير فعلاً. طيب ما تصلي استخارة، وإن ارتحتي توكلي على الله.

زينب: خير يا رانيا. خير بإذن الله. طيب روحي إنتي شوفي وراكي إيه.

رانيا: هروح أحسن. الحوض بالأطباق اللي فيه بيندهوا عليا أهم. سلام.

زينب: والله ما أنا فاهمة حاجة. ده أي الحيرة دي بس يا ربي. يعني عشان زعقت شوية هيتجوزني؟ أومال لو كنت اديتهقل؛ مين كان عمل إيه؟

سيد: زينب يا زينب. إنتي يا بت زينب.

زينب بخضة: نعم يا بابا.

سيد: جهزي نفسك يا ختي. جالك عريس ابن ناس ومحترم قوي. والأهم مرتاح على الآخر. وأنا وفقت واسمه أسر.

زينب: أيوا بس أنا موفقتش. وبعدين هو مفيهوش المواصفات اللي أنا عايزاها يا بابا. ومش ملتزم.

سيد: بنت إنتي. أنا مفهمش في كل الكلام ده. ها. وبعدين كل اللي رفضتيهم قبل كدا سبتك وقولت وماله. معلش خليها تختار. بس عند ده. ولا يا حبيبة أبوكي إنتي بقى عندك ٢٤ سنة. مستنية إيه يا أختي أكتر من كده؟ مهو كل اللي قدك والأصغر كمان اتجوزوا. وهي كلمة واحدة. هتتجوزي أسر بيه. لاما تستحملي بقى اللي هيجرالك مني.

مصطفى: بس أنا مش معاك في اللي إنت عملته يا أسر. إنت بعد ما شفت شخصية أبوها وعرفت إنه بيحب الفلوس. وتعرض عليك مبلغ زي ده. يبقى أكيد هي؛ جبر بنته على الجواز منك.

أسر: طيب ماهو هو ده اللي مطلوب فعلاً. أنا عايز إكس؛ ر غرورها. وأعرفها إني أنا اللي صح بأفكاري. وأنا هي اللي عايشة في العصر الحجري خلاص. وكل أفكارها دي ملهاش أي لازمة أصلاً.

مصطفى: تثبتيلها ولا تثبت لنفسك يا أسر؟

زينب : يارب انا مليش غيرك اشكيله يارب انت عالم بحالي.

إذا كان ده ابتلاء فأنا هصبر عليه بس ساعدني يارب وارحمني يا رحمن يا رحيم يا كريم.

فاطمة : إن شاء الله هيسمع منك يا بنتي بس اتفائلي بالخير.

مش يمكن أسر ده خير.

زينب : بعد كل الي قولتهولك.

فاطمة : اه طيب واي يعني بيشتغل في مجال الموضه.

مش يمكن تكوني انتي سبب في إصلاح حاله.

وبعدين ومالها الموضه واللبس الحلو مش فاهمه هو الدين أمرنا نلبس وحش يعني مش فهماكي انا.

زينب : لا يا ماما بالعكس الدين أمرنا نلبس كويس ونكون كويسين قلبا وقالبا يا أمي بس من غير ما حاجة من جسمي تظهر.

ودول بالبس ده حضرتك عارفه بقى.

فاطمة : عارفه وفاهمه أن العالم ده مش شبهك بس عسى أن تكرهوا شيئاً وهو خير لكم.

ها سبيها على الله.

وكمان عشان ابوكي ده الي قفل دماغه على الواد ده انا مش فاهمه عمله اي.

زينب : والله انتي طيبه اوي.

اكيد اداله فلوس مش محتاجه ذكاء هي.

عموما انا هعمل زي ما قولتي واهو هو جاي النهارده وربنا ييسر الحال بإذن الله.

نهال : شوفتي يا ماما بابا بيقول ان في عريس متقدم لزينب.

دعاء : طيب وفين المشكلة مهي زينب بنت زي كل البنات وما شاء الله عليها زي القمر فين المشكله بقى.

نهال : انتي ليه بتحبي زينب اوي كدا يا ماما.

انا حساكي فرحانه ليها اكتر من فرحتك بيا.

دعاء : مين بس الي قال كدا انتي بنتي وهي كمان وغلاوتكم واحده عندي.

نهال : لا مش واحده ومش مفروض تكون واحده ابدا.

انتي ليه شيفاها احسن مني طول.

دعاء : وانتي امتى قولت انها احسن منك ولا هي غيره وخلاص.

نهال : اه وبكرا هتشوفي بنتك هتبقى فين وست زينب بتاعتكم هتبقى فين.

سيد : منور يا أسر بيه.

أسر بتكبر : شكرا بس هي فين زينب.

سيد : تاخد واجبك تكون هي جهزت.

أسر : لا انا معنديش وقت وأظن احنا اتفقنا ولا اي.

سيد : اكيد يا بيه اكيدي.

زينب :لا معلش يا أخينا مش بجهز لحد انا وطلبك مرفوض ويلا ورينا جمال خطوتك يا عسل

سيد :اسكتي خالص يا بت انتي مسمعش صوتك سامحها يا أسر بيه عيله وغلطت

زينب :لا انا مش عيله وانا مش هتجوز الحي؛ وان ده مها عملتوا

أسر ببرود :لا احنا مش محتاجين نعمل انتي بقيتي مراتي فعلاً بابكي جوزك ليا

زينب :ده الي هو عامل ازاي اكيد لا لازم اكون وافقت وبصمت كمان

أسر :لا مهو انتي عملتي كدا فعلا ويلا قدامي عشان مفيش وقت انا عندي اجتماعات ومسؤوليات يا روحي يلا

زينب :انت بجد عملت فيا كدا يا بابا

سيد بجمود :اه ويلا مع جوزك اصل انا عارفك عنديه زي امك فكان لازم احطك قدام الأمر الواقع يلا يا ختي مع السلامه //

نهال :ايوا ويعني احنا هنتجوز امتى

-يوه انتي زنانه اوي يا ناني وبعدين احنا مش خلاص اتخطبنا يبقى اكيد هنتجوز في أي بقى

نهال :اومال انا ليه مش حاسه ده ليه حاسه ان الخطوبه دي كانت مجرد وسيله تضحك بيها عليا لما لقتني مش سهله

زين :يوه بقى يا ناني انا قرف؛ ت وكتر الز؛ ن ده هو اللي يخليني اسيبك

نهال :لا ابوس ايدك انا بحبك ومقدرش استغني عنك خلاص مش هتكلم في أي حاجه تزعلك مني تاني وعد خلاص وإذا كان على الجواز ومعاد الفرح المعاد إلى يريحك المهم تفضل جنبي

زين :حبيبتي يا ناس؛ اه صحيح يا نونو هي زينب بنت عمك هتتخطب لمين

نهال بضيق :وتفرق معاك في أي بقى ست زينب دي كمان في أي يا زينو

زين :مفيش يا نهال عادي بتكلم عادي مش بنت عمك دي برضو عموما اسف عشان أدخلت في شؤونك يا ستي

نهال :مقصدش بص انا هقولك كل الي اعرفه تمام

زين :تمام يا قمر

أسر :ادخلي

زينب دخلت من غير ولا كلمه

أسر :بصي اوضتك دي واوضتي إلى قصادك

زينب :احسن برضو وسع كدا

أسر صحي على صوت خبط برا الأوضة بتاعته وخرج يشوف في أي بس انصدم لما لقى زينب ماسكه عصايا وبتجري في الشقه ولقي فأر بس زينب إلى بتجري منه.

زينب: يالهوي يالهوي انت بتجري ورايا ليه يا عم انت وربنا معلتش حاجة.

بعدها طلعت على الكرسي والفار كان تحتها.

أسر: هههههه في أي مجنون مهو انتي اللي في إيدك العصاية يا هبلة.

زينب: لا والنبي يا أسر ربنا يسترَك يا شيخ الحقني.

أسر: اوعي وراكي يا زينب.

زينب نزلت بسرعة: اعاااااا فين يا ماما.

أسر: هههههه مش مصدق إن فأر عمل فيكي كدا هههههه.

زينب بغيظ: بس يلا وبعدين مش انت الراجل اتصرف.

أسر: هو فين الفار اللي عامل ده كله.

زينب بخوف: تحت الكرسي.

أسر بيقرب ببطء بس لما شاف الفار كان حجمه كبير وأول ما شافه الفار جرى، وأسر فضل يجري منه وزينب معاه وتقريبا فضلوا ساعة يجروا هما التلاتة، لحد ما الفار لقى فتحة وخرج من الشقة.

أسر كان تحت السفرة وزينب تحت الكرسي.

أسر: مشينا.

زينب: اه تقريبا هههههه شكلك مسخرة وانت بتجري منه.

أسر بغيظ: بس يا بت انتي اسكتي.

زينب: هههههه لا شجاع يا أسر شجاع هههههه.

أسر: بت انتي متجريش شكلي.

زينب: هههههه لا خلاص هههههه.

أسر فضل سرحان في ضحكتها وغمازتها اللي بانوا بوضوح ده غير شعرها.

أسر: احم انتي إزاي بتجري كدا.

زينب: كدا إزاي.

أسر: بشعرك.

زينب: اومال هلبس طرحة من فأر لا اطمن.

أسر: بت انتي.

بس قطع كلامه موبايلها.

زينب: ايييه إزاي وامتى الكلام ده حصل طيب هو عامل إيه دلوقتي.

زينب: ايييه طيب قفل.

زينب بخوف: في إيه يا أسر.

أسر: عم سيد.

زينب: ماله.

أسر: ماله يا أسر اتكلمي.

زينب: في إيه أنا أعصابي باظت

أسر: اهدى، اهدى، إنتِ بتشربي إيه؟

زينب: إزاي؟ أنا أبويا بيشرب لكن مش بيتاجر فيه أبداً، صدقني والله يا أسر بابا كويس قوي وحنين، بس هو مش بيعرف يعبر، بس أكيد هما مش هيحبسوه صح؟ هو مريض سكر ومش هيستحمل

أسر: أهدي، أنا هتصرف، أهدي.

بعدها سابها ومشى عشان يروح يتصرف زي ما وعدها.

أسر: مصطفى عايزك في قسم ... بس بسرعة

مصطفى (بنوم): عايزني في إيه يا عم انت؟

أسر: إنت ياض، هو انت خريج حقوق ولا وقعت على دماغك؟ أبو زينب في القسم، اخلص البس وتعالى

مصطفى: طيب ماشي، مسافة السكة.

زينب: يارب احمي أبويا وسامحه يارب، أنا مسامحة على أي حاجة بس ميتبهدلش كده يارب.

الو، السلام عليكم

زين: وعليكم السلام ورحمة الله وبركاته يا زوزو، وحشتيني.

زينب: زين، إنت جبت رقمي منين وإزاي تتصل بيا أصلاً؟ إنت ليك عين؟

زين: لا براحة يا زوزو، أنا أه بحبك، بس كله إلا كرامتي يا روحي، فبراحة كده.

زينب: وأنا لا بخاف ولا بتهدد، وإنت عارف كده.

وكانت هتقفل بس وقفها كلمته:

زين: حتى لو في إيدي إني أخرج أبوكي.

زينب: إنت بتقول إيه؟ وبعدين إنت مالك ومال اللي حصل لأبويا؟

ثم أكملت بشك: إنت ليك يد في اللي حصل مش كده؟

زين: ههههه، أحبك يا زوزو وإنتي لماحة.

زينب (بقرف): اقفل يلا، متخلنيش أتغاظ بيك.

زين: إنتِ قد كلامك ده؟

زينب: ليه؟ هو أنا بقول حاجة أنا مش قدها يا أستاذ زين؟ واقفل بقى وخلّيك في خطيبتك، وأنا كمان دلوقتي ست متجوزة وغير متجوزة، إنت عارف إني مش بقبل بأي حاجة فيها تجاوز. فقفل دلوقتي عشان شكلي هبتدي أزعلك جامد.

ومستنتش وقفلت في وشه.

زين: هههه، مهو أنا مش بحبك من فراغ يا زوزو.

زينب: طيب أعمل إيه دلوقتي؟ الواد ابن المحترم ده مش هيسيب أبويا، أعمل إيه ياربي؟ دبرني، أعمل إيه.

مصطفى (بابتسامة عريضة): دي تلبيسة يا كبير.

أسر: يارب ربع ثقته بنفسه. إنت أهبل ياض؟ اومال أنا جايبك ليه؟

مصطفى: عشان أجيبله أعدام.

أسر: الله يجعل معرفتك السودا آخر أحزاني يا بعيدي.