رواية ملاك الاسد الفصل الرابع 4 - بقلم شهد جعفر

أسد بقرف و بيكلم أحمد: مين المنكوشه اللي معاك؟ فعلاً ملاك كان شعرها هايش من الهوا. ملاك لفت وشها لأسد: هو الكلام ده ليا أنا؟ أسد: اه ليكي. هتعملي أيه يعني؟ ملاك بعصبية: والله انت بني آدم قليل الذوق و حيوان. أسد خرج المسدس على رأس ملاك. أحمد بصوت واطي: وقعتي و محدش سمى عليكي ياختي. ملاك ببرود: لو انت راجل اعملها. ده أنا أحبسك. أحمد دخل و وقف قدام أخته: أسد اهدى دي أختي. أسد: نزل المسدس و أخد شهاب و مشي.

شهاب: يخربيتك كنت هتموت البنت. أسد: تستاهل. أنا كنت عاوز أجيبها من شعرها بس مش عاوز أوسخ إيدي. أنا مش عارف أحمد سايبها تمشي بالبس ده إزاي. شهاب: صراحة البنت بطل. أسد ضربه في بطنه. شهاب: أيه يا عم خلاص. عند أحمد و ملاك. ملاك متعصبة جداً و بتفكر إزاي تجيب حقها من أسد. و أسد برضه متعصب و بيفكر إزاي يعاقب المجنونة دي على اللي عملته. أيوه ده أسد السيوفي اللي كل البنات تتمنى منه نظرة. إزاي واحدة زي دي تشتمه؟

ملاك بتكلم أحمد: مين المتخلف ده؟ أحمد: اخرصي. يخربيتك ده أسد السيوفي. ملاك ببرود: مين يعني أسد السيوفي؟ أحمد: ده اللي مبيرحمش و انتي شوفتي و على فكرة هو معنديش مانع يقتلك هنا. ملاك: الشخص اللي بالشكل ده مريض. أحمد راح هو ملاك بيت عمته سمر لأنه قريب من شغل أحمد و هيعرف يطمن عليها. سمر… تبلغ من العمر ٤٨ عام، جميلة بالرغم من كبر سنها، زوجها متوفي من أربع سنوات، عندها بنت واحدة و هي مريم.

مريم … تبلغ من العمر ١٨ عام، وارثة الجمال من والدتها، في كلية فنون جميلة و هي رقيقة جداً. أحمد بيسلم على سمر: أهلاً يا عمتي. سمر: تعالو اتفضلوا. أحمد: لا أنا عندي شغل. خلي بالك على ملاك. سمر: طبعاً طبعاً دي في عنيا. أحمد راح الشغل و كان خايف من أسد جداً. شاف شهاب. شهاب: عندنا مهمة جديدة، تجار أعضاء و بياخدوا الجثث يهربوا فيها آثار و ممنوعات. أحمد: أنا داخل لأسد. شهاب: منصحكش لأنه نويلك على نية سودة.

أحمد: يا اسكت أنا جاي مرعوب بترعبني أكتر. شهاب: جرب حظك. أنا مش حايشك. أحمد دخل المكتب لأسد. أسد بنظرة قتالة: اطلع بره. هراجع أوراق المهمة و هفهمكم بعدها. أحمد: حاضر. نروح لأسد في التلفون. أسد بيكلم واحد في التلفون: جبتلي معلومات عن العصابة؟

المجهول: أيوه. اللي أعرفه إنه خاطفين تلت بنات امبارح من السوبر ماركت و كمان هو مش بيخطف من مصر بس هو بيخطف من دول تانية. العصابة مكونة ٤١ فرد متقسمين في دول كتير علشان يخطفوا البنات و الزعيم بتاعهم موجود في مصر حالياً. أسد قفل في وشه بدون كلام. عند سمر و مريم و ملاك. سمر بتكلم البنات: أنا نازلة السوبر ماركت تيجو معايا؟ ملاك: أيوه يا ريت. مريم: أنا موافق. ملاك و سمر لبسوا و راحوا السوبر ماركت. و فجأة ملاك شافت……